Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

СУЛТАН СУЛЕЙМАНДЫН КЕӉЕШЧИСИ ЯХЬЯ ЭФЕНДИ "СУПЕР-ИНФОго" МАЕК БЕРДИ

№617 29-август-04-сентябрь, 2014-ж


«Даңазалуу кылым» сериалында Сулейман султандын кеңешчиси, эмчектеши Яхья эфендинин ролун жараткан Хамди Алкан «Супер-Инфо» гезитине эксклюзивдүү маек куруп берди. Түрк актёру Кыргызстанда тасма тартууну пландап жатканын буга чейин жазган элек, андыктан баарлашуубуз Чуңкурчак капчыгайындагы тасма аянтында өттү.

«МУСТАФА ХАНЗААДА АМАН КАЛСА, ТАРЫХ ТАПТАКЫР БАШКАЧА ЖАЗЫЛМАК»
Сулейман султандын кеңешчиси Яхья эфенди менен маек

– Хамди мырза, июнь айынан бери Кыргызстанда тасма тартуу иштери менен алек болуп жүргөн экенсиз. Сапарыңыз кандай өтүп жатат?
– Оор кыйынчылык деле жок, сапарыбыз абдан көңүлдүү уланууда. Тартуу иштери башында 20 күндөй Ысык-Көл облусунда, кийин Бишкек шаарында уланды, ошого эки жактын аба ырайынын шарттарынын өзгөчөлүгүнөн бир аз кыйналдык. Бишкек Көлгө караганда бир топ ысык экен, көнө албай жүрдүк. Тартуу иштерин уюштуруу боюнча жардам берип жаткан режиссёр Сүйүн Откеевдин көмөгү менен оор маселелер билинбей эле өтүүдө. Кыргызстандык актёр жана актрисалардын тартылуусун да камсыздап берди.

– Инстаграм баракчаңыздан Кыргызстандын жаратылышын тарткан көп сүрөттөрүңүздү көрдүм. Аябай жаккан окшойт?
– Кыргызстандын кол тийбеген, бут баспаган табияты чоң таасир калтырды. Көпчүлүк буга чейин маани бербеген чыгар, бул жердин ар саатта, ар мүнөттө өзгөрүп турган жарыгы катуу таасирлентти. Анан аябай тынч жер экен, бул да маанилүү. Голливуд режиссёрлору келечекте тасма тартууда Кыргызстанды эң көп тандала турган географиялык жайга айлантат деп ойлойм. Анткени жаз айларынан баштап жай мезгили бою күндүзгү убакыт көпкө созулат. Түстөр да өзүнчө сөз кылууга арзыйт, биз июлда тартуу иштерин баштаганбыз, ошондо деле жаратылыш жапжашыл болуп турган. Керек болсо, Кыргызстандагы күн нурунун да өзгөчө түсү бар экенин аңдадым. Албетте, мунун баары таасир калтырбай койбойт.

– Сизди кыргызстандыктар «Даңазалуу кылымдагы» Яхья эфендинин ролунан улам таанышат. Бул долбоорго кандайча чакырылып калгансыз?
– «Даңазалуу кылымдын» продюсери Тимур Савжы менен мамилебиз аябай жакын, ал бир тууган инимдей болуп калган. Сулейман султандын ролун ойногон Халит Эргенч менен да мурунтан таанышмын, ал мен режиссёрлук кылган тасмалардын бирине тартылган болчу. Көп убакыттан бери доспуз. Анан «Даңазалуу кылымдын» 6-7 сериясына катыша турган конок актёр катары мени чакырып калышты. Сериалдын өзү да чоң ийгиликти жаратып, дүйнөнүн бир топ өлкөсүнөн 300-400 миллион көрүүчүлөрдү чогулта алды. Укканыма караганда, АКШда «Даңазалуу кылымдын» ремейки тартылат. Азыр актёрдук курамды түзүү жана тартуу иштери пландалып жатыптыр.
Жараткан ролума келсек, тарыхта ээлеген ордунан улам өзүмө да Яхья эфенди жакчу. Яхьянын апасы Афифе хатун Сулейманды эмизгендиги үчүн экөө эмчектеш туугандарга айланышат. Ал белгилүү дин аалымы жана шыпаагер да болгон.

– Өзүңүздүн ойногонуңуз купулуңузга толдубу?
– Албетте. Яхья эфенди Осмон империясынын тушунда тарыхта ысымы сакталып калган кадыр-барктуу адамдардын бири. Анын үй-жайы Стамбулдун Бешикташ деген жеринде орун алып, өмүрүн ошол жерде өткөргөн. Ал жер бүгүн да өзгөчө жай, адамдар барып зыярат кылып турушат. Ушундай каармандын ролун жаратканым мени толкундантты.

– Тарыхта Мустафа ханзаада атасы Сулейман султан тарабынан муунтулгандан кийин өкүмдарга каршы пикирин ачык айта алган бир гана Яхья эфенди болгон деп айтылат. Эгерде карапайым калктын сүймөнчүгү болгон Мустафа өлтүрүлбөгөндө империянын өмүрү дагы узак болот беле деп ойго батып көргөнсүзбү?
– Ооба, ошондой ойлор болгон. Тилекке каршы, Осмон империясындагы уулдарын өлүмгө кыюу окуялары өтө кейиштүү, кадимкидей өкүнүп да кетесиң. Падышачылыкта күчтүү жана тез аракетке өтүүгө жөндөмдүү болгон душмандары тарабынан тактын башкы мураскерлери өлтүрүлгөн окуялардан көбүнүн кабары бар. Балким, Мустафа тирүү калса, тарых таптакыр башкача жазылмак. Мунун баарын ойлонуп отурсаң, албетте, моюн сунгуң келбейт. Мен азыркыга чейин Мустафанын адилетсиз өлүмүнө капа болуп, ал аман калганда өтө башкача өнүгүү болмок деп ойлой берем.

– Сериалдагы эң баалаган актёр-актрисаңыз ким болду?
– Баары бири-биринен өтүп баалуу. Бирок алгачкы сезондон тартып эң соңку сериясына чейин тартылган Халит Эргенчти баса белгилегим келет. Чоң мамлекетке өкүмдарлык кылган падышанын жылдан жылга өзгөрүүсүн, башынан өткөн азаптарын, жок эле дегенде, бийлик башында турган султандын адамдык сапаттарын, сүйүү сезимдерге да кабыларын, уулдары менен болгон күрөштөрүн эң мыкты көрсөткөндүгү үчүн Халит Эргенчтин ролу ийгиликтүү болду. Өзгөчө деп паргалык Ибрагимди ойногон Окан Ялабык жана Мустафанын ролун жараткан Мехмет Гүнсүрдү айтууга болот. Актрисалардан, албетте, эң баалагандарым Хүрремдин жаш кезин жараткан Мерьем Узерли менен карыган мезгилиндеги учурун ойногон Вахиде Перчин болду.

– «Даңазалуу кылымга» тартылуунун алдында жетекчилердин сизге койгон кандайдыр бир талаптары болдубу?
«Сакалыңды кырбай, өстүр» деп суранышты. Ошол үчүн узун кылып өстүрүүгө туура келди, тартуу иштери бүткөн соң кыскартып салдым.

– Өмүр баяныңызды окуп көрсөм, кесибиңиз электрик экен. Анан да Түркияда убагында эң популярдуу «Рейтинг Хамди» деген комедиялык программа менен таанылыпсыз. Кандайча актёрлукка келип калгансыз?
– Башталгыч класста окуп жүргөндө эле театрга кызыкчумун. Тагдыр ушундай экен, университеттен электрик кесибине ээ болуп, бирок андан ары телеканалдарда берүүлөрдү даярдоо жагына өтүп кеттим. Өзүм ойногон «Рейтинг Хамди» программасында 12 жылдай иштедим. Акырындык менен тасма жана сериалдарга тартылууга сунуштар боло баштады.

«ТҮРКТӨР МЕНЕН ИШТЕШҮҮ ЧОҢ ТАЖРЫЙБА БЕРҮҮДӨ»
Хамди Алкандын Кыргызстандагы өнөктөшү, режиссёр СҮЙҮН ОТКЕЕВ төмөндөгүлөргө токтолду:
– Мындан үч ай мурун бизге Түркиядан байланышка чыгышып, «Кыргызстанда толук метраждуу тасма тартканы жатабыз, ошол боюнча иштешсек болобу, жардам көрсөтө аласыңарбы?» деп кайрылышкан болчу. Биздин «Медиа стар» студиясы да өзүнчө тасма тартууну пландап жаткан, бирок түрктөр менен иштешүү чоң тажрыйба алып келмек.
«Жазга сапар» деп аталган тасма тууралуу кыскача айтып кетсем, анда түрк мугалимдеринин Кыргызстанда алгачкы мектептерди ачкан мезгили, анын жүрүшүндөгү кыйынчылыктар, билим берүү аркылуу эки элдин карым-катнашынын өсүүсү чагылдырылат. Тасманын бет ачары 2015-жылдын башына белгиленген, ал Кыргызстанда да көрсөтүлөт. Ал эми биздин студия кастинг өткөрүү, тасма тартуу жайларын, костюм жана башка реквизиттерди таап берүү менен алпурушуп, уюштуруу иштери менен алек болуп жатабыз. 50дөн ашуун кишиден турган чыгармачыл топ Түркиядан келди. Адистердин арасында Голливуд менен атайын эффекттерди жаратуу тармагында иштешкендер да бар. Тартуучу топтун заманбап техникалык каражаттары да Кыргызстанга биринчи жолу келди. Шарттан пайдаланып, андай тажрыйбаны үйрөнүп калууга аракет кылып жатабыз. Тасма аянтынан тышкары жардамдашуу иштерине Кыргызстандан 35тей адам катышууда.

«Даңазалуу кылым» сериалынын баяндамасы жана тартуу учурунда орун алган кызыктар тууралуу уланып келе жаткан макалабызды кийинки саныбыздан күтүп окуңуздар.

Эльвира Караева
star@super.kg


Султан Сулеймандын кеңешчиси Яхья эфендинин эксклюзивдүү маеги

Автор: Айзат Болотбек кызы
Оператор: Кайрат Сарбагышов

"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  2 
Комментарийлер(6)
Super TV
01.09.2014. 09:53 
Тайпасы:
Кыймылы жок
Комментарийлердин саны:
44
Катталган:
23-02-2014
Соӊку аракети:
30-10-2014 21:39
Жынысы:
Белгисиз
0
Абдан кубанычтуу))))
01.09.2014. 12:18 
Тайпасы:
Кыймылы жок
Комментарийлердин саны:
27
Катталган:
01-04-2014
Соӊку аракети:
19-12-2015 04:13
Жынысы:
Белгисиз
+1
Demek Kyrgyzstandagy Sebat sistemasy tuuraluu tartylaby? Anda sonun bolso kerek. Kutobuz
03.09.2014. 15:31 
Тайпасы:
Кыймылы жок
Комментарийлердин саны:
62
Катталган:
12-11-2013
Соӊку аракети:
08-11-2016 03:45
Жынысы:
Белгисиз
Калаасы:
SHOKOLAT
+1
Менда актриса болом дегем кичинемден бери тилеке каршы болалбай журом :(
Super TV
03.09.2014. 15:59 
Тайпасы:
Жаран
Комментарийлердин саны:
212
Катталган:
05-11-2011
Соӊку аракети:
19-06-2018 18:27
Жынысы:
Белгисиз
+1
мына сага,ушундай аппараттар бизде жок болуш керек э,каражат болсо эле жакшы кино тартылары белгилуу да баарыбызга.ошондуктан кино тартып жаткандарга ийгилик каалап,аларды моралдык жактан болсо да котормолоп турганыбыз жакшы.
04.09.2014. 08:56 
Тайпасы:
Жаран
Комментарийлердин саны:
162
Катталган:
13-03-2014
Соӊку аракети:
24-09-2018 01:19
Жынысы:
Белгисиз
Калаасы:
Ноокен р
+1
эн жакшы баа! Буйруса сизда актриса болосуз
Медиа-портал
05.06.2016. 03:37 
Тайпасы:
Жаран
Комментарийлердин саны:
18
Катталган:
05-06-2015
Соӊку аракети:
24-07-2018 06:53
Жынысы:
Белгисиз
0
Ийгилик
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: