реклама
Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

КӨЛ БОЮНДА КӨЧМӨНДӨР ОЮНУ СТАРТ АЛДЫ

№619 12-сентябрь-18-сентябрь, 2014-ж


Быйылкы күздү Чолпон-Ата шаары көпкө унутпайт сыяктуу. Демейде бул маалда Ысык-Көлдү көздөй тегеренген дөңгөлөктөр азайып, элдин агымы суюлуп калчу. Бул жолу элдин көбү эс алуу үчүн эмес, тарыхта биринчи жолу өтүп жаткан Бүткүл дүйнөлүк көчмөндөр оюнунун ачылышын көздөй агылып, шаарда унаа тыгынын уюштурууга жетишишти. Ачылыш аземи болсо аларды кайдигер калтырбагандай деңгээлде өттү десек болот.

Мелдештин ачылышындагы оюн-зоокто башкы режиссёрлукту аркалаган режиссёр Алтынбек Максүтов мактоого арзыгыдай эле иш алып барыптыр.

ОЮН ТҮРЛӨРҮНӨ КАЗАК КҮРӨШҮ ДА КОШУЛДУ
Дүйнөлүк деңгээлдеги көчмөндөр оюндарын өткөрүү идеясы мындан 2 жыл мурун улуу «Манас» эпосу ЮНЕСКОнун тизмесине Казакстан менен Кытайга тиешелүү болуп кирген мезгилде кыргыздар көчмөн элдердин эң байыркысы экендигин далилдөө максатында келип чыккан. Идеяны сунуштаган өлкө башчысы Алмазбек Атамбаев мелдешти уюштурууну активдүү колдоду.
Ооба, бул мелдешти биринчи болуп өткөрүү чоң жетишкендик. Дээрлик бардык мамлекеттин өкүлдөрү өз жеринде аттын дүбүртүн угуп, алгачкылардан болуп көчмөндөр оюнун өз өлкөсүндө өткөргүсү келсе керек.
Мелдешке расмий түрдө катышкан 18 мамлекет, мындан тышкары 30га чукул мамлекеттерден көргөзмө оюндарга катышуу үчүн спортчулар келип түшкөн. Спортчулардын саны жалпысынан 350гө жакын. Ал эми алардын арасынан 250гө жакыны чет мамлекеттерден келген спортчулар. Дүйнөлүк көчмөндөр оюндары 14-сентябрга чейин уланат. Мелдештин жүрүшүндө көк бөрү, тогуз коргоол, алыш, оодарыш, кыргыз күрөшү, ордо, ат чабыш сыяктуу улуттук оюндар боюнча таймаштар өткөрүлмөкчү. Ошондой эле оюндардын катарына казак күрөшү да кошулду.

АТАЙ ӨЗ БИЙИН, СУЛТАН КЫРГЫЗ БИЙИН БИЙЛЕДИ
Ар бир мааракенин ачылыш салтанаты анын деңгээлинен кабар берери белгилүү. Көчмөндөр оюндарынын ачылышында кыргыз эли күтпөгөн лазердик шоу орун алды. Өнөр адамдары баскан жолдорун гүлгө ороп, ачылбаган кабакты шамал айдагандай чайыттай ачып жиберет эмеспи. Кызыл-тазыл кийинген бийчилер, тоо бүркүтүндөй шаңшыган өнөр ээлери күтүлбөгөн учурда сахнага чыгып, өз өнөрлөрүн тартуулашты. Бул күнү эл ырчы Аяна Касымованын аткаруусундагы насаат ырын, Гүлзада Рыскулованын аткаруусундагы мекенге арналган ырды укту. Мунун баары 200гө чукул бийчилердин коштоосунда болуп жатты. Андан соң жалаң бийлерге орун берилди. Көп убакыттан бери чет жерде жүргөн бийчи Атай Өмүрзаков от кармаган бийчилердин коштоосунда эл алдына чыгып бийлеп маанай көтөрдү. Андан соң Султан Садыралиев ар бир кыргыздын патриоттук сезимин жандандыра турган «Кыргыз бийин» обого жаңыртып, аны менен кошо эл да бийлеп жатты.

«ӨЗ ТАМЫРЫН БИЛГЕНДЕР КЕЛЕЧЕККЕ ДА ЖОЛДУ ТАБА АЛАТ»
Спорттогу маданиятка ылайык үй ээси болгон өлкөбүздүн курамасы президент Алмазбек Атамбаевдин баштоосунда параддык жүрүштөн акыркы болуп өтүштү. Андан соң өлкө башчысы куттуктоо сөзүн сүйлөп, оюнду ачык деп жарыялады.
– Кыргыз бермети касиеттүү Ысык-Көлдүн боюнда тарыхта биринчи жолу өтүп жаткан Дүйнөлүк көчмөндөр оюндары – бул зор окуя, Кыргызстан үчүн чоң сыймык.
Көчмөндөр адамзат тарыхынын башатында турган, адамзаттын өнүгүшүнө өзгөчө салым кошкон элдерден. Ата-бабаларыбыздын, көчмөндөрдүн философиясын, жашоо-турмушун иликтеп билүүгө милдеттүүбүз. Өткөн заманды, өз тамырын билгендер келечекке да жолду таба алат.
Көчмөндөрдүн оюндарынын тушоосу кыргыз жеринде кесилгени бекеринен эмес. Кыргыз эли көчмөндөр цивилизациясын түптөгөн, анын башында турган, тарыхка, каада-салтка бай байыркы көчмөн элдердин бири.
Ата-бабаларыбыздын ыйык сөзүн, мурасын бийик тутуп, биргелешип келечекти куралы! Биздин түпкүлүгүбүз бир. «Курама жыйып журт кылдым» деп Манас атабыз айткандай, башка улуттар, боордош элдер менен ширелишип турмуш куралы.
«Мелдешти ачык деп жарыялайм» дегенге чейин ажобуз бул мелдеш көчмөндөрдүн маданиятын, каада-салтын дүйнөгө даңазаларын белгиледи.

КӨЧМӨНДӨР ОЮНУ ДА ЖАҢЫ ДЕҢГЭЭЛГЕ ЧЫГАТ
Көчмөндөр оюну көп күчтү, убакытты, каражатты талап кылган ири мелдеш экенин Кыргызстан аздыр-көптүр дүйнөгө далилдөөгө үлгүрдү. Мындай жоопкерчиликти колго алып көрбөгөн элбиз да. Айрым каталарга, кемчиликтерге жол бердик. Бирок Олимпиада оюндарында да кезинде кемчиликтер болгонун, баары бара-бара түзөлүп азыркы деңгээлге жеткенин, кыргыздардын Бүткүл дүйнөлүк көчмөндөр оюнун жаңы Олимпиадага айлантуу максаты бар экенин эске алып, уюштуруучуларга ийгилик каалайбыз!

Гүлжан Асанкожоева,
Максат Кудайбердиев
koom@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  3 
Комментарийлер(3)
15.09.2014. 09:51 
Тайпасы:
Супермодератор
Комментарийлердин саны:
4717
Катталган:
05-09-2011
Соӊку аракети:
21-11-2018 19:55
Жынысы:
Белгисиз
Калаасы:
SUPER.KG
0
myshka406, сайттын же гезиттин ЖАЛПЫ ИШМЕРДҮҮЛҮГҮНӨ байланыштуу сын-комментарий же талкуу иретинде жазылган учурларда сайттын жетекчилиги андай билдирүүлөрдү өчүрүү менен кошо колдонуучуну сайттан четтетиши мүмкүн. Сын-пикирлер info@super.kg же admin@super.kg электрондук даректерге жазылып жөнөтүлүшү керек. Эскертүү!
16.09.2014. 09:44 
Тайпасы:
Жаран
Комментарийлердин саны:
130
Катталган:
02-11-2011
Соӊку аракети:
05-03-2017 01:16
Жынысы:
Белгисиз
0
мунун идеясв Аскат байке деп уккам
17.09.2014. 10:25 
Тайпасы:
Кыймылы жок
Комментарийлердин саны:
96
Катталган:
14-03-2014
Соӊку аракети:
10-04-2015 09:05
Жынысы:
Белгисиз
Калаасы:
жер бетинде
0
Эн сонун коп коп дагы уйуштура бергиле кимдин идеясы болсода
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21503;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: