Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Жыпар Исабаева, акын: «КӨРҮСТӨНДӨН МЕНИ КӨРГӨНДӨР АКЫЛЫНАН АЗГАНБЫ ДЕШСЕ КЕРЕК»

№620 19-сентябрь-25-сентябрь, 2014-ж


Жыпар Исабаеванын жазган ырлары окулуп, көптөрүнө обон чыгарылып, ырдалып жүрөт. Анын ырлары бал тилдүү баланыкындай таттуу, турмушка жакын. Жорго тилде жазылып, бир нукта аккан булактай тунук, гүлдөй жагымдуу.

Аты-жөнү – Жыпар Исабаева
Туулган жери – Нарын облусу, Нарын району, Миң-Булак айылы
Туулган жылы, күнү – 1967-жыл, 20-март
Жарык көргөн китептери – «Жыландын сүйүүсү», «Махабат мазары», «Канат менен Зарина», «Алыкулду сүйгөн кыз», «Бир үзүм от» жана башка
Билими – Ж.Баласагын атындагы Кыргыз улуттук университетинин филология факультети
Обондуу ырлары – «Арзуу», (Гүлбү Орозкул кызы), «Баарын кайрадан баштайлычы», (Азиза), «Сени издейм», (Гүлнара Кахарова), «Издеп жүрөм», (Мая)

«АЛЫКУЛ ОСМОНОВ АЛГАЧКЫ СҮЙҮҮМ БОЛГОН»
– Мен төрөлүп-өскөн, алгачкы ырларымды угуп, акын болууга даремет, шык берген Нарын районунун Миң-Булак айылы. Чоң энем кеп баккан, сөз кадырын түшүнгөн, ар бир сөзүн макал-лакап менен сүйлөгөн киши болчу. Радиодон көңүлүнө жакпаган сөздү угуп калса, «ка-ап, ушул сөздү бекер эле айтты, сөз кадырын билбейт окшобойбу»  деп кейип калчу. Чоң энемден алган көркөм сөз казынам түгөнгүс кенчиме айланды.  Энемден таасирленип 3-классымда ыр жаза баштадым. Алгач ырым «Кыргызстан пионери» деген гезитке чыккан. Гезит бетинен ырымды окуп алып кубанганымды айтпа. Өзүмдү коёрго жер таппай, тез эле таң атса, мектепке барып мактансам дейм. Бир маалда ойгонсом бөлмө да, эшик да жарык болуп турат. Таң аткан го деп инимди ойготуп, «али таң ата элек, апам ойготот» дегенине болбой кийинтип алып мектепке жөнөдүм. Мектепке барсак эшиги бек. Көрсө, таңга маал айдын жарыгында эле барып алган экенбиз. 
Ырларым гезит бетине жарыялана баштагандан кийин атам ыр жазган дептерин мага берип, өзү жазууну токтоткон. Кээ бир учурда ал тапшырган жоопкерчиликти аткара албай каламбы деп коркуп кетем.
Бой жеткенде жигиттерден каттар келер эле. Дээрлик бардыгы жоопсуз калды, ал учурда гезитке ырларым чыгып, айылдын жылдызы болуп жүрчүмүн да (күлүп). Анын үстүнө Алыкул Осмонов менен «ооруп», аны сүйүп жүргөм. Ошондуктан жигиттерден кат келгенде эмнеге жазышат деп ыйлап, каттарын тыткан күндөрүм көп болгон. «Эгер мен Алыкулдун замандашы болсом, ага турмушка чыкмакмын» деп  кыялданчумун.

«КҮЙӨӨМДҮ АЛДАП АЛЫКУЛДУН АЙКЕЛИНЕ КЕЛГЕМ»
– Студент кезимде турмушка чыктым, айылда жашап калдык. Негедир Алыкулдун күмбөзүнө баргым келди. Акыры жолдошума «окуу жайдан чалып жатат, экзамендеримди бүтүрүш керек экен» деп шаарга жөнөдүм. Ал учурда Нарындан автобус Бишкекке 6-7 саатта келчү. Автобекеттен түштүм да, акын жаткан «Ала-Арча» көрүстөнүн көздөй бет алдым. Курсагым ачка, автобуста урулуп-согулуп чарчагам. Бирок ага караган жокмун. Көрүстөнгө кирип бейитин издей баштадым. Көрүстөнүн тапкандан кийин ырларымды барактап алып аны менен сүйлөшө бердим. Көргөндөр акылынан азган аял го деп ойлосо керек. Күүгүм киргенде таанышымдын үйүнө барып жаттым. Көкүрөгүмдөгү көксөө басылгандай болду.
Кайра айылга бардым. Анда медициналык окуу жайда лаборант болуп иштечү элем. Жумушка жеткиче оозума ыр салгандай келе баштады, машинкага отурдум да жаза баштадым. Кечки 4кө чейин «Атамдын жомогу» деген поэманы жазып бүттүм. Эч жерин оңдобостон, кандай жазылса ошол бойдон окурмандарга сунуштадым.
Жолдошумду сүйүп-күйүп, толукшуп турган учурларда ага арнап ырларды жазгам. Дайыма эле антип тура бербейсиң да. Балдарды багып, тирилик да кылыш керек эмеспи. Айрым учурларда ырлар капысынан жазылып калат.
Менин ырларым жан дүйнөсү ооруп тургандарга даба болсо дейм. Көпкө чейин ыр жазбай калганымда көңүлүм эч нерсе сүйбөй калат. Мен күткөн ырларымдын тээ алыстан дүбүртү келе жатканын сезгенимде көкүрөктө жандануу башталат. Жолдошума да ыр жазып жатып көңүл бурбай, укпай, суроосуна жооп бербей калган кездер болот. Кайра жүрөгүн оорутуп албадымбы деп коркуп кетем. Ыр жазып жатканда мени эч нерсеге алаксытпаганга аракет кылышат. Бир жолу айылдан мени көрөйүн деп тааныш апа келиптир. Өзү дагы буту ооруйт экен, даректи издеп жатып араң тааптыр. Ал кезде кызым 2-класста окучу, эшикти ачып, «апамдын эргүүсү келип жатат» деп кайра жаап алган экен. Ал киши  да тоскоол болбоюн деп эжемдикине кетип калыптыр. Аны кийин уктум. 
Үйдө эң улуу келин болсом дагы ата-энебиз бизди колунан чыгарбай жүрүштү. Менин көксөгөнүм шаар. Бул жакка келсем, ыр жазсам деп кыялданчумун. Кийин шаарга келдик. Жолдошум менин чыгармачылыгымды менден да жакшы түшүнөт. Эки кыз, эки уулдуу болдук. Улуу кызым турмушка чыгып, эки неберелүү болдук. Жакында келин алдым, колум узарып кайнене болдум.

«АРЗУУ» ДЕГЕН ЫРЫМ ТАҢКЫ ТӨРТТӨ ЖАЗЫЛГАН»
– Түндө уктап жатсам телефон шыңгырайт. Алсам ырчы  Бакыт Мамаев экен. «Обон жаздым, угуп көрүп текст жазып берчи» деди. Угуп көрсөм жакшы обон экен. «Эртең менен жазып берейин» десем болбойт. Акыры жазууга туура келди:

«Көңүлгө көңүл тушалып,
Көрүшпөс болуп узадык.
Көөдөндө калды а бирок,
Көксөткөн санаа, кусалык»,- деген саптар келе калды. Жазып берип жаңы эле жаткам. Кайра телефон чалып «угуп көрсөң» деди. Угуп көрсөм сонун ыр болуптур. Бакыт мага «көрдүңбү, эзилип уктап жатканыңда мындай ыр жаралбайт болчу» деп тамашалап, сүйүнгөн боюнча телефонун өчүрдү. Негизи эле көп ырларыма обон чыгарылды. Айрымдарын  укканда мыкты болуптур деп сыймыктанып калам.

СҮЙҮП КАЛЫП БАШКАНЫ...
«Ойлуу тартып кеттиң го?»-
дейт алганым,
«Апа, неге күлбөйсүң?»-
дейт балдарым.
Кыйпычыктап,
жооп таба албай калп эле,
Кайсалактап карайм ар жак,
бер жагым.
Кечиргиле, бырчаланып жүрөгүм,
Эки ортодо өзүм дагы жүдөдүм.
Сүйүп калып силерден да башканы,
Ырды сүйүп, азабым жеп жүрөмүн.
Жүрөгүмдө жашайт ырдын үйү бар,
Жан дүйнөмдө сагыныч бар,
сүйүү бар.
Таппай калып жакшы ырымды
жоготтум,
Таарынды экен,
билбейм кайсы күнү ал.
Кечире алсаң кечир мени түгөйүм,
Бүгүн дагы ыр дүйнөмдө түнөймүн.
Таппасам да жолун тосуп ырлардын,
Таң атканча дербиш болуп жүрөйүн.
Кечир, кызым, боло албасам
жакшы эне,
Апам мени жомок айтып
бакты эле.
Куудураган колдор менен жапкан нан,
Куурма чайы ушунчалык жакшы эле.
Эртең сөзсүз ошентемин мен дагы,
Бирок акын болом дебе сен дагы,
Бүгүн болсо кечиргиле балдарым.
Жакшы ыр жазып алайынчы, ээ, жаңы?

Султан Төрөбеков
lira@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  8 
Комментарийлер(10)
22.09.2014. 11:41 
Тайпасы:
Жаран
Комментарийлердин саны:
115
Катталган:
14-04-2014
Соӊку аракети:
16-11-2018 12:33
Жынысы:
Белгисиз
Калаасы:
Ош-Москва
0
акыркы ыры жакты мага.
22.09.2014. 11:43 
Тайпасы:
Жаран
Комментарийлердин саны:
16
Катталган:
16-12-2013
Соӊку аракети:
19-03-2017 22:03
Жынысы:
Белгисиз
0
Азаматсыз!
22.09.2014. 13:37 
Тайпасы:
Жаран
Комментарийлердин саны:
143
Катталган:
17-08-2010
Соӊку аракети:
17-11-2018 02:02
Жынысы:
Белгисиз
0
Азаматсыз! Чыгармачылык ийгилик! Бактылуу болунуз.
22.09.2014. 14:38 
Тайпасы:
Тартип бузгандар
Комментарийлердин саны:
38
Катталган:
06-07-2012
Соӊку аракети:
06-07-2017 02:32
Жынысы:
Белгисиз
Калаасы:
Алай
0
Сонун.
22.09.2014. 20:08 
Тайпасы:
Жаран
Комментарийлердин саны:
317
Катталган:
21-11-2010
Соӊку аракети:
11-11-2018 22:41
Жынысы:
Белгисиз
Калаасы:
пгт Шамалды-Сай
0
Чыгармачылык ийгилик Жыпар эже!Үй-бүлөңүз менен бактылуу болуңуз!Жыландын сүйүүсү-2ни улантып коюңуз унутпай.
24.09.2014. 11:12 
Тайпасы:
Жаран
Комментарийлердин саны:
172
Катталган:
16-06-2012
Соӊку аракети:
15-05-2018 11:03
Жынысы:
Белгисиз
Калаасы:
Сахалин
0
Ырларыныз сонун!!!
24.09.2014. 18:58 
Тайпасы:
Жаран
Комментарийлердин саны:
291
Катталган:
13-12-2011
Соӊку аракети:
25-01-2018 11:33
Жынысы:
Белгисиз
Калаасы:
Οω- Μοsκβα
0
Ырлары жагат мага да. Ден соолук каалайм, узак өмүр сүрүңүз!
25.09.2014. 12:01 
Тайпасы:
Жаран
Комментарийлердин саны:
17
Катталган:
12-12-2013
Соӊку аракети:
06-05-2018 19:14
Жынысы:
Белгисиз
Калаасы:
кызыл суу
0
эн соонун,чыгырмачылык ийгилик, уй-булонуз менен бактылуу болунуз деп гулайым
26.09.2014. 09:42 
Тайпасы:
Кыймылы жок
Комментарийлердин саны:
9
Катталган:
01-11-2013
Соӊку аракети:
07-03-2015 09:02
Жынысы:
Белгисиз
0
Азаматсыз эжеке сиздин чыгармаларынызды суйуп окуйм.Калеминиз курчуй берсин бар болунуз!
27.09.2014. 12:57 
Тайпасы:
Кыймылы жок
Комментарийлердин саны:
46
Катталган:
22-09-2013
Соӊку аракети:
14-06-2016 18:09
Жынысы:
Белгисиз
0
Мен биринчи жолу Жыпар эжени телевизордон, "Сүйүп калып башканы..." деген ырын окуп атканында көрүп, ушул эже менен сөзсүз таанышам дегем, буйруса максатым орундалды. Мен ойлогондон да назик эже, мен күткөндөн да мээримдүү эне экен көрсө.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: