Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

КАРАГЫЗ

№211 17-23-ноябрь, 2006-ж.


“Азыркы Кыргызстандын символу” деген атка ээ болгон “Карагыз” фильми “Эң мыкты сценарий үчүн”, “Эң мыкты режиссёрлук иш үчүн” сыйлыктары менен кошо “Мосфильм” госконцернинин өзгөчө сыйлыгына да ээ болгон.
«Карагыз” – социалдык чөйрөдө өз ордун таппай калган үйбүлөнүн трагедиясы. Мен булардын мындай болуп калышына өкмөт, чөйрө же турмуш-шарт күнөөлүү деп айта албайм. Адамдар өздөрү-өздөрүнүн жашоосун татаалдантып алышкан” деген оюн билдирет фильмдин режиссёру Геннадий Базаров.

Фильмдин режиссёру – Геннадий Базаров Сценарийин жазган – Жеңишгүл Өзүбекова Башкы ролдордо: Карагыз – Гүлсина Чотонова Мактым – Назира Мамбетова Шамбет – Марат Алышбаев Дилде – Айтурган Темирова Темир – Азиз Мурадилаев Азем – Кыял Кулмамбетова

ФИЛЬМДИН МАЗМУНУ
Эскилиги жеткен бөлмө. Майыптардын арабасында отурган Карагыз телевизор көрүп отурат. Анын телевизорду көрүп жатканы же жөн эле отурганы деле билинбейт. Ал тубаса майып, сүй­лөй да, баса да албайт. Эшик­тен оор сумкаларды кө­тө­­рүнгөн апасы кирет. Ал бир байдын кызынын этегин кармап кет­кен уулунун кайын-журтун күтүүгө камынып жатат. Болгон акчасына эптеп дасторконго койчу бирдемелерди алып келген. Күйөө­сүнүн арактан көзү ачылбай, үйбүлөгө такыр эле карамсыз болуп калган. Ал аз келгенсип өзүнө окшогон аракеч бир аялды үйүнө киргизип алган. Кичүү кызы күнүмдүк оокат таап жатканын шылтоо кылып, акчасын кайда чачаарын билбей жүргөн эркектерди эң туура пайдаланып жатам де­ген ой менен денесин сатып күн өткө­рөт.
Апасы менен кызы кеңешип, бир топ жылдан бери сары майдай сактап келген кутудагы акчага кудаларына кийит алмай болушат. Бирок, акча ордунда жок болуп чыгат да, акчанын айынан, тагыраак айтканда, жетишпестиктин айынан үйбүлөдө уруш чыгат. Ачуу чындыкка ууккан уулу апасына кол көтөрөт. Мындай жашоого атасын кү­нөө­лүү деп ойлогон кызынын атасына тили тийет. Уулунун кордугун көргөн ая­лына жаны ачыган, кызынын уу сөздө­рүн уккан атасы акчаны алганын мойнуна алат да, өзүн-өзү өлтү­рүүгө бел байлайт.

ФИЛЬМДИН ТАРТЫЛЫШЫ
Фильмдин сценарийи 1987-жылы жазылган. Ошол эле жы­лы элге спектакль тү­рүн­дө тартууланган. Бул спектаклди көрүп, жактырып калган белгилүү режиссёр Айткулуев Геннадий Базаровго “Карагыз” фильмин тартуу сунушун айткан. Пьесаны толук окуп чыккан Геннадий Базаров Жеңиш­гүл Өзүбековадан сценарийди бир аз өзгөртүп жазып чыгууну суранат. Сценарий даяр болгондон кийин фильмди тарта баштоону ойлонуп жүргөн режиссёр улуттук телеканалдын ашканасында түштөнүп жатып ошол эле жерде иштеген Гүлсина Чотонованы көрүп калат. Анын муңдуу көздөрүн, ойлуу жүзүн фильмдеги баш каарманга абдан окшоштурат да, ага барып: “Сиз тасма үчүн чачыңызды кырдыра аласызбы?” деп сурайт. Ал ойлонбостон туруп: “Ооба” деп жооп­ берет. Режиссёр Гүлсина чачын кырдырып салгандан кийин “Чачын кырдырганы го кырдырды. Эми майып кыздын ролун аткара албай калсачы?! Анда бул кыздын чачын бекер жерден кырдырган болом” деп абдан коркот. Бирок, бактыга жараша, Гүлсина буга че­йин эч бир фильмде роль жаратпаса да, актрисалык тажрыйбасы жок болсо да баш каармандын жашоосун өзү башынан өткөргөндөй кылып ролду жет­киликтүү түрдө ачып берген.
Баш каарманды тапкандан кийин режиссёр театрдагы актёр-актрисаларга барып, “Биз өкмөт качан фильм тартууга акча бө­лөт деп отура берсек, талантыбыз, өнөрүбүз жок болот. Андан көрө жаңы эле өнүгүүнүн жолуна түшкөн мамлекетибизден үмүт кылбай эле, келгиле, өзү­бүз­­дүн каражатыбызга фильм тартып, өзүбүзгө майрам уюш­ту­­ралы” деген сунуш киргизет. Бул идеяны баары кубана колдоп чыгышат да, дароо эле шаардагы эскилиги жеткен бир үйдө тасманы тартууга киришишет. Негизи, талаптагыдай бир тасманы тартуу үчүн болбоду дегенде эле бир жыл кетет. Бирок, бул фильм эч кандай каражатсыз, актёр, актрисалар да гонорарсыз эле тартылып жаткандыктан, фильмди шашылыш түрдө эки жуманын ичинде тартып бүтү­шөт.

БАГЫ АЧЫЛГАН “КАРАГЫЗ”
Тасма тартылып бүткөндөн кийин режиссёр аны элге тартуулоону ойлойт. Бирок, ошол мезгилдеги бийлик негедир бул тасманы жактырбай, элге тартуулатпай коёт. Ошентип, жолу болбогон “Карагыз” элге билинбеген бойдон кала берет. Бул фильмди интернеттен кө­рүп калган москвалыктар абдан кызыгышат да, кинема­тографисттер конфедерациясы фильмди тарткандарды Москвага чакырат. Ошентип, тасманын алгачкы бетачары Москвада болуп өтөт. Бетачарынан көп өт­пөй Ял­тада өткөн V Эларалык кинофорумдан бир канча сыйлыктарга ээ болуп, СССР мезгилинде “Кыр­гызфильм – кыргыз керемети” деген атка татыган кыргызфильмдерин жараткан Кыргызстандын дагы эле уучу куру эм­­е­­­­с экенин далилдеп кеткен.

«КЫРЫЛГАН ЧАЧЫМДЫ КӨРҮП АТАМ НАМЫСТАНГАН»
Баш каармандын ролун аткарган Гүлсина Чотонова фильм жөнүндө төмөндөгүдөй оюн билдирет: «Геннадий Базаровдун сунушун алгач тамаша катары кабыл алгам. Кийинчерээк чындап эле айтып жатканын тү­шү­нүп, да­роо эле макул болдум. Мындай татаал ролду жаратуу албетте, оңой болгон жок. Бул жерде режиссёрдун эмгегин баса белгилеп кетким келет.
Баарынан кызыгы, менин чачымды кырдырганымды үйбү­лөм­дүн өөн кабыл алышы болду. Байкем менин гезиттеги сү­рөтүмдү атама көргө­зүп, «Кызыңыз фильмге тартылам деп чачын кырдырып коюптур» деп айтат. Аны уккан атам: «Кокуй, бул гезитти айыл-ападагы эч кимге көргөзбөй катып кой. Апасына көр­гөзө көрбө. Ал көрсө ыйлайт» де­ген экен. А мен болсо ки­йин чачым өсүп калган соң гана айылга баргам.»
Кошумчалай кетчү нерсе, Гүлсина Чотонова кундуздай чачын дагы кырдырып салып, жакында эле тартылып бүт­көн «Метаморфоза» тасмасында баш каармандын ролун жаратты.

Даярдаган Айым Сариева


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: