Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

«ДАҢАЗАЛУУ КЫЛЫМ» БААРЫН БАШЫНАН БАЯНДАП БЕРЕБИЗ

№621 26-сентябрь-02-октябрь, 2014-ж


«Даңазалуу кылым» сериалында жасалма сакал чаптап ойногон жалгыз каарман Хызыр Хайреддин пашабы? Сүмбүлдүн евнухка айланган эпизоду кантип тартылган? Сулейман султан кийген чапан канча турат?

ОСМОН ДООРУНДА ЖАШАГЫСЫ КЕЛБЕГЕН СҮМБҮЛ

ТӨРТҮНЧҮ СЕЗОН
110-115-сериялар: Гарем Сүмбүлсүз калат
Улуу вазир Рүстемдин тапкан акылы менен Сулейман Амасьянын элине «Мустафа кандай башкарып жатат? Доо-арызыңыз барбы?» деген кат жөнөтүүгө макул болот. Жооптор көпкө күттүрбөй келип, анда кат ээлери Мустафаны «болочок султан» деп аташканы султанды кара ойго түртөт. Падыша уулуна атайын чапан тиктиртет, бирок Рүстемдин кийлигишүүсү менен чапан ууландырылат. Атасынан келген тартууну Мустафа кийгенге чейин Махидевран жетишип келип, уулун өлүмдөн сактап калат. Бул окуядан кийин Мустафа темир-соотун кийип, аскерлерин ээрчитип, хан сарайга жолго чыгат. Атасынын кабыл алуусунда кол жыйнап келүүсүнө чапан себеп болгонун айткан Мустафа Сулейманга «жан алууга эмес, жанымды берүүгө келдим» дейт. Султан уулу экөөнүн ортосунда от жагууга аракет болуп жатканын түшүнүп, башкы мураскерине «сенин жаныңды эч качан кыйбайм» деп сөз берсе, Мустафа атасына «сизге каршы көтөрүлүшкө эч качан чыкпайм» деп касам ичет.
Бул аралыкта Хызыр Хайреддин паша көз жумат, ал эми анын кызы Михриниса менен Мустафа жашыруун нике кыйдырат. Алоолонгон от сыяктуу махабаттан жаралган дагы бир жашыруун нике Баязид менен Хурижихандын ортосунда кыйылат. Селимдин күңү Нурбану уул төрөйт, Сулейман Манисага келген сапарында ымыркайга Мурат деген ысым ыйгарат. Эң башкысы, Сулейман Манисага капысынан келип, Селимди бутуна тура алгыс мас абалында көрөт.
Хүрремдин хан сарай жана гаремдеги таасирин азайтуу үчүн келген Фатма султанга келсек, ал диванда болуп жаткан сөздүн баарын тыңшоочу сырдуу бөлмөнү таап алат. Бул бөлмөнү Хүррем атайын жасаттырганы билинип, Фатма кабарды Сулейманга жеткирет. Окуя Хүрремдин Баязид башчылык кылган Күтахьяга сүргүнгө айдалышы жана Сүмбүл аганын гаремден куулушу менен аяктайт. Евнух кызуу кезинде Мустафанын кишилеринен болгон Жевхер аттуу аялга сырдуу бөлмөнү айтып алат. Гарем Сүмбүлсүз калса, матрак боюнча күрөш бакчасы Насух эфендисиз калат. Ал Мустафа менен Баязиддин катачылыктарын жаап-жашыра коём деп Сулеймандын каарына калат жана султан матракчы менен болгон достугунан кечет.

КАРАКЧЫНЫН ТАЖИЯСЫ КАНТИП ТАРТЫЛГАН?
«Тарыхта деңиз флотунун башчысын жерге берүү зыйнаты падышанын тажиясынан кем болгон эмес деп айтылат. Хайреддин паша менен коштошуу үчүн чет өлкөлөрдөн да кол башчылар келишкен. Коркуу жаратчудай көп адам чогулган делет»,- дейт Хызыр Хайреддин пашанын ролун жараткан актёр Толга Текин.
Тартуу иштерине келсек, сериалда Сулейман султандын табыттын жанында жалгыз туруп, көз ачып-жумганчалык аралыкта жанында бир топ кишилер тизилип калган кадрлар көрсөтүлөт. Мындай «фокусту» жаратуу үчүн алдыга-артка гана жылган крандагы камера ишке жараган. Адегенде камера султандын жүзүн алдынан келип тартат, ал эми артка кайтууда 200дөй адам чуркап келип, ордун таап калууга жетишишкен. Анда эч кандай компьютердик атайын эффект колдонулган эмес. Эпизод бир жолку тартуу менен ишке ашкан.
Тарых барактарында Хызыр Хайреддин пашанын теги грек деңиз каракчысы болгону, Сулейман султан менен бир топ жерлерди каратып алуу жүрүштөрүнө катышканы жазылган. Кемелер деңизге чыгуунун алдында пашанын урматына анын күмбөзүнүн жанында салют аттырууну салтка айлантышкан. Европада Барбаросса деп атыккан пашанын лакап аты «кызыл сакалдуу» деп которулат. Бул каармандын ролун жараткан 1973-жылкы Толга Текин «Даңазалуу кылымда» сакалын өстүрбөй, жасалма сакал чаптап ойногон жалгыз актёр болуп саналат.

ХҮРРЕМ МЕНЕН СҮМБҮЛДҮН ДОСТУГУ
Сериалда Сүмбүл аганын гаремден кетерден мурун Хүрремге кантип евнухка айланып калганын айтып бергени бар. Тартуучу топтун айтымында, евнух боло турган жаш балдардын эмоциясын көрсөтүү, алардын жан ачыткан оорусун жеткиликтүү ойноп берүүсү бир топ кыйынчылыкты жараткан. Бычылгандан кийин балдардын оорусун басаңдатуу үчүн көлмөгө жаткызышат. Бул эпизодду тартууда көлмөдөгү сууну ысытып, кайра муздатып, бир топ убара тартышкан. «Балалыгында эле ошондой сыздоого туруштук берүүгө мажбур болгон Сүмбүл көптөгөн интригаларга каршы тура алган деп ойлойм. Алар кичинесинен чыдамкай болууга үйрөнүшкөн. Кандайдыр бир кереметтин күчү менен мүмкүнчүлүк түзүлсө да, Осмон империясынын доорунда эч качан жашагым келмек эмес»,- дейт пингвиндей басыгы менен таанымал болгон Сүмбүл аганын ролун жаратуучу Селим Байрактар.
Актёрдун айтымында, «Даңазалуу кылымда» жараткан каарманынын Хүррем менен болгон мамилесин достук десе болот. «Башында Сүмбүл менен Хүррем тил табыша албай уруша да кетчү эмес беле. Жылдар өткөн сайын алар сырдашкан жакын достор болуп чыга келишет»,- дейт С.Байрактар.

 

УУГА ЧЫЛАНГАН ЧАПАНДЫН УЛАМЫШЫ
Сулеймандын атасы «Ырайымсыз Селим» деп атыккан. Ал керек болсо өз атасын уулантып өлтүрүп, кийин такка талапкер болгон мураскерлерди, бир тууган ага-инилерин, анын уулдарын да ажалынан эрте о дүйнөгө узаткан. Такка отурган соң бойго жеткен уулдарын атаандаш көрүп, аларды өлүм жазасына тартып же башка себептерден улам Сулеймандан башка мураскерлеринин баары 20 жашка чыкпай көз жумушкан. Кезек аман калган жалгыз уулуна жеткенде, 1517-жылы Селим I Манисада башчылык кылып жүргөн Сулейманга баалуу таштар менен кооздолгон, бирок ууга чыланган чапан жөнөтөт. Аны Сулеймандын апасы валиде Айше Хафса султан аңдап калып, тартууну кулдардын бирине кийгизип көргөндө ал каза болот. Уламыштын айрым версияларында чапандын ууга чыланганын паргалык Ибрагим байкап калып, ханзааданын өмүрүн сактап калган деп айтылат.
Сериалга келсек, султандын чапандары актёрдук курам кийген костюмдардан айырмаланып турушу үчүн кездемесин Италиядан алдыртышкан. Кездеменин бир метринин баасы 3-3,5 миң еврого чейин жеткен. Султандын бир чапанын тигүүгө 7 метрге чейин кездеме керектелген. «Даңазалуу кылым» сериалында 4 жыл бою ойногон башкы каармандар үчүн 200 костюм тигилип, бүгүнкү күндө костюмдар жалпы жонунан 4 чоң бөлмөнү ээлеп турат.

(Уландысы кийинки санда)

Эльвира Караева
star@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Башка сандарда:
Комментарийлер(5)
30.09.2014. 12:04 
Тайпасы:
Кыймылы жок
Комментарийлердин саны:
81
Катталган:
27-08-2014
Соӊку аракети:
29-03-2016 19:59
Жынысы:
Белгисиз
0
Сумбул бычылган десе ишенбедим эле. Корсо...
01.10.2014. 10:32 
Тайпасы:
Кыймылы жок
Комментарийлердин саны:
96
Катталган:
14-03-2014
Соӊку аракети:
10-04-2015 09:05
Жынысы:
Белгисиз
Калаасы:
жер бетинде
0
Эмне учун бычылган тушунбодум
01.10.2014. 21:52 
Тайпасы:
Кыймылы жок
Комментарийлердин саны:
50
Катталган:
19-05-2008
Соӊку аракети:
18-11-2015 12:27
Жынысы:
Белгисиз
0
Патрик,наги82 тарыхый китептерди окусанар эле тушунмоксунор,бычпаса,ошончо кыздын арасында дени карды соо эркек кумарын кармай албай кыздарды бузуп коймок,бычып салуу ошондой окуялардан кийин чыккан.
05.10.2014. 03:48 
Тайпасы:
Жаран
Комментарийлердин саны:
112
Катталган:
30-08-2014
Соӊку аракети:
24-09-2018 23:14
Жынысы:
Белгисиз
0
maksnarin, Logo :)
02.10.2014. 18:25 
Тайпасы:
Кыймылы жок
Комментарийлердин саны:
5
Катталган:
22-03-2014
Соӊку аракети:
14-01-2016 02:22
Жынысы:
Белгисиз
0
Oa owondoi
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: