Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

АНАР – КАН ТАМЫРЛАРДЫН РАК ООРУСУ

№621 26-сентябрь-02-октябрь, 2014-ж


Элибизде баланын денесинде анары болуп төрөлсө «ии, бул жышаналуу бала болду, атын ырымдап Анарбек, Анара деп коюп койсок, кетип калат» дешет. Бирок ырым менен медицина эки башка нерсе. Анар медицинада гемангиома деп аталат жана ал кан тамырлардын рак оорусу. Эмесе ушул жаатта сөз козгойлу.

«КӨБҮНЧӨ БЕТИНДЕ АНАРЫ БАРЛАР ОПЕРАЦИЯ ЖАСАТЫШАТ»
«Гемангиома эмнеден жаралат, зыяны барбы?» деген суроолорго жооп издеп, Бишкектеги Улуттук онкологиялык борбордун рак илдетин алдын алуу бөлүмүнө баш бактык. Бөлүмдүн онколог врачы САЛАМАТ ТААЛАЙБЕКОВ мындай маалыматтарды берди.
– Гемангиома – кан тамырлардын тубаса залалсыз рак оорусу. Эмнеден улам пайда болот деген суроого так жооп жок, бирок гипотезалар бар. Биринчиден, баланын тубаса гормоналдык өзгөчөлүгү. Экинчиден, аял кош бойлуулугунун алгачкы апталарында, ичтеги баланын кан тамыр системдери жаралып жаткан учурда жугуштуу ооруга кабылышы. Мындан тышкары экологиясы начар аймактарда аталган дарт көп кездешери да маалым.
Гемангиома дененин каалаган бөлүгүндө – колдо, бутта, чекеде, эринде, көздүн айланасында, ал тургай ички органдарда, көбүнчөсү бөйрөктө, боордо болору белгилүү.
Зыянына келсек, рак бала менен кошо чоңоёт. Мисалы, көздүн тегерегинде өскөндөрү кан тамырларды, нервди кысып, иштөөсүн бузат. Андыктан көрүү начарлай баштайт. Тилдегиси тамак ичкенге, сүйлөгөнгө жолтоо болот, даам сезүүсүн төмөндөтөт. Кол, буттагысын бат-баттан бир нерсеге сүрүп, кесип же тытып алуу коркунучу бар. Андыктан ушундай жерлерде жайгашса, анда онколог врачтарга, кан тамыр хирургдарына же пластикалык хирургдарга кайрылса, ылайыктуу ыкманы колдонуп алып салышат. Көбүнчө бетинде анары барлар өңүнүн жаман көрүнүшүн каалабай алдырышат.
Гемангиома кайда жайгашпасын катуу жаракатка кабылганда кан токтобой, өмүргө коркунуч келет. Ошондуктан кээ бирлериникин дал ошол канды токтотуу максатында алып салышат.
Ички органдардагы гемангиоманын өлчөмү кичине болсо, ээсинин өзүнө да билинбейт. УЗИге текшерилгенде гана кокустан табылат. Эгер көлөмү чоң болсо, анда жанындагы органдарды кысып, оорутуу сезилип, ошондон улам аныкталат. Гемангиомасы барлар жашаган аймагындагы бейтапканаларга көрүнүп, текшерилип турушат. Биз көбүнчө оорлоруна гана операция жасайбыз. Тактап айтсам, бөлүмгө 1 жылда бөйрөктүн гемангиомасы менен 10дой, боордуку менен 10-12дей, уйку безиники менен 5-6дай, сөөктүкү менен 6-7дей адам түшөт. Бирок бетинде анары барлар суранышып, операция жасатып кетишкен учурлар болот.
Гемангиома жөнөкөй (капиллярдык), көңдөйлүү, тутумдашкан жана аралаш болуп 4 түргө бөлүнөт.
Дарт тубаса болгондуктан, баланын атын Анарбек, Анара деп койсо кете койбойт.
Бизге ушул дарт менен көрүнгөнү келгендерди каттоого коюп, айлап-жылдап байкоого алабыз, өзгөрүү болуп жатабы же жокпу деп. Өзгөрүү болбосо анда тийишпейбиз.

«ДАРЫ МЕНЕН ДА АЙЫКТЫРУУГА БОЛОТ»
Эми аталган дартты кандай ыкмалар менен жок кылууга болорун билүү үчүн Эне жана баланы коргоо улуттук борборунун хирургия бөлүмүнүн жетекчиси БАКТЫБЕК ОМУРЗАКОВ менен баарлаштык.
– Рак дартына чалдыккан бардык балдардын 50 пайызын гемангиома рагына чалдыккандар түзөт. Гемангиома тегерегиндеги ткандарды жана алардын иштөөсүн бузуп өсөт. Көздүн сурмасында, көздүн чанагында, тилде, эринде, кулак тегерегинде, баштын чачтуу бөлүгүндөгүлөрүн дарылап айыктыруу кыйын. Биздин борбордо 2006-жылдан 2012-жылга чейин балдар гемангиомасы боюнча изилдөөлөрдү жүргүзгөнбүз. Ошол аралыкта татаал операциялардан 250дөн ашыгын жасадык (жаңы туулгандардан 17 жашка чейинкилерди). 250 операциянын ичинен 115и аралаш гемангиома болуп чыкты. Жыйынтыгында бизде ушул түрү көп, ал эми тутумдашкан түрү аз кездешери белгилүү болду.

 

Айыктыруу ыкмалары
Консервативдүү дарылоо:
1. Буга криотерапия (Суюк азот менен дарылап, өңүн бозортуу. Көбүнчө көлөмү кичинелерде колдонулат).
2. Склеротерапия (Кан тамырга ичке ийне менен атайын зат куюлат. Ал зат кандын жолун бууп, өткөзбөй коёт. Ушундан улам кан тамырдын капталдары жабышат да, кан тамырдын ролун аткарбай калат. Бир канча убакыттан соң кан тамыр ичкерип, дээрлик көрүнбөй, билинбей калат).
3. Гормоналдык дары-дармектер менен дарылоо.
4. Нур терапиясы (рентген нурлары менен нурдантуу).
5. Пропранолол (анаприлин)дарысы менен дарылоо кирет.

Хирургиялык ыкма
Операция жолу менен кан тамырды кесип, алып салуу.

Жүрөк дарысы болгон пропранолол менен дарылоо кантип ачылып калганын айтып берейин. 2008-жылы Франциянын Бордо шаарындагы балдар госпиталынын кардиологдору
балдарды пропранолол менен дарылап жүрүп, денесинде гемангиомасы барлардын дарты кичирейип баратканын байкашкан. Бул жаңылык дүйнөгө тарап, акырындап Европа жана Америкада пропранолол гемангиоманы дарылоодо колдонула баштаган. Бул дарыны учурда биз да колдонуп жатабыз. Дарылоодо кызарган кан тамырлардын көлөмү кичирейет, өңү бозорот. Бара-бара акырындап жоголо баштайт.
Биз учурда аталган дарыны колдонуп 50дөн ашык баланы дарылоодобуз. Жыйынтыктар жакшы.
Бизге балдарына криотерапия жасаткан ата-энелер көп келет. Криотерапияда кан тамырдын өңү эле бозорот дебедикпи, демек дарт калып калат. Биз дарттын жайгашкан ордуна, чоң кичинесине жараша дарылоо ыкмасын тандап алабыз да, гемангиомадан биротоло кутултабыз.

Канымжан Усупбекова
(Сүрөттөр хирург Бактыбек Омурзаковдун жеке архивинен алынды)
densooluk@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(13)
29.09.2014. 19:48 
Тайпасы:
Жаран
Комментарийлердин саны:
33
Катталган:
03-02-2014
Соӊку аракети:
08-10-2018 00:57
Жынысы:
Белгисиз
Калаасы:
Ош Бишкек
+1
Саламатсыздарбы? Сурайын дегеним баланын желкесинде анар болсо аны кандай кылып жок кылса болот? Жооп жазып койосузщдарбы.
30.09.2014. 22:03 
Тайпасы:
Жаран
Комментарийлердин саны:
41
Катталган:
05-02-2013
Соӊку аракети:
28-08-2018 09:06
Жынысы:
Белгисиз
+2
бирок операциядан кийин деле чыга берет экен го менин кошунамын кызынын козундо бар эле.операциядан кийин 3 жылдан кийин кайра чыкты чонойуп калганда дагы алдырышты.бул тубу менен жоголбойт окшойт
01.10.2014. 13:46 
Тайпасы:
Кыймылы жок
Комментарийлердин саны:
43
Катталган:
27-10-2013
Соӊку аракети:
17-10-2016 00:22
Жынысы:
Белгисиз
+2
Кудайым сактасын коркуп кеттим балдарыбыз оору кырсыктан сактасынчы жаратканым!!!
01.10.2014. 18:16 
Тайпасы:
Жаран
Комментарийлердин саны:
5
Катталган:
01-10-2014
Соӊку аракети:
04-03-2017 00:06
Жынысы:
Белгисиз
+1
анардын мынчалык коркунучтуу болгондо да ракка тиешеси бар экени жети уктап тушумо кирген эмес. тообо
01.10.2014. 20:59 
Тайпасы:
Жаран
Комментарийлердин саны:
183
Катталган:
27-01-2013
Соӊку аракети:
19-11-2018 08:02
Жынысы:
Белгисиз
Калаасы:
Токтогул
+1
Менин баламдын желкесинде бар болчу'азыр озунон озу эле кетип калды.
02.10.2014. 00:26 
Тайпасы:
Жаран
Комментарийлердин саны:
28
Катталган:
12-08-2014
Соӊку аракети:
19-07-2018 18:15
Жынысы:
Белгисиз
+2
саламатсыздарбы денесинде анары бар болсо ал кишиде рак оорусу болобу же ракка кийинчереек чалдыгабы сураныч жооп жазып койунуздарчы
02.10.2014. 10:03 
Тайпасы:
Супермодератор
Комментарийлердин саны:
1626
Катталган:
05-09-2011
Соӊку аракети:
19-11-2018 18:06
Жынысы:
Белгисиз
Калаасы:
SUPER.KG
-1
jazgul.kg.ru, саламатсызбы!
Денесинде анары бар болсо, ал адам тубаса залалсыз рак оорусуна чалдыккан.
02.10.2014. 11:46 
Тайпасы:
Жаран
Комментарийлердин саны:
62
Катталган:
30-11-2010
Соӊку аракети:
23-10-2018 00:16
Жынысы:
Белгисиз
Калаасы:
Жалалабат обл.Ташкомур шаары
+2
саламатсыздарбы супер инфо жамааты менин улуу баламдын кичинекейинде желкесинде бар болчу анар азыр жоголуп кетти эми кичинекей баламдын да желкесинде бар бул коркунучтуу эмеспи айтып коунуздарчы сураныч
02.10.2014. 11:55 
Тайпасы:
Супермодератор
Комментарийлердин саны:
1626
Катталган:
05-09-2011
Соӊку аракети:
19-11-2018 18:06
Жынысы:
Белгисиз
Калаасы:
SUPER.KG
+1
look, саламатсызбы!
Дарыгерге кайрылууну сунуштайбыз.
04.10.2014. 01:20 
Тайпасы:
Жаран
Комментарийлердин саны:
6
Катталган:
17-11-2013
Соӊку аракети:
12-05-2017 23:07
Жынысы:
Белгисиз
0
саламатсынарбы каерден кайрылып жазышты билбедим рубцыны кантип дарылайт
06.10.2014. 12:20 
Тайпасы:
Супермодератор
Комментарийлердин саны:
1626
Катталган:
05-09-2011
Соӊку аракети:
19-11-2018 18:06
Жынысы:
Белгисиз
Калаасы:
SUPER.KG
0
Mena, саламатсызбы!
Төмөнкү шилтемелер менен өтүп көрүңүз:
http://www.super.kg/article/?article=5063
http://www.super.kg/article/?article=22371
27.10.2014. 21:18 
Тайпасы:
Кыймылы жок
Комментарийлердин саны:
9
Катталган:
16-02-2013
Соӊку аракети:
03-08-2015 23:50
Жынысы:
Белгисиз
0
Супер ушул жөнүндөда маалымат бер коюңуздарчы.Жаңы төрөлгөн балдарда көөбүндө эле желкесинде болот кийин жоголуп кететгоо.бул анар эмес болсо керек деп ойлойм.эгер анар болсо ушунча көп балдарда болобу?менин билип сураштырып көргөнүмдө көөбүндө эле болуп жоголуп кетет экен.ал эмне болушу мүмкүн супер?
28.10.2014. 10:54 
Тайпасы:
Супермодератор
Комментарийлердин саны:
1626
Катталган:
05-09-2011
Соӊку аракети:
19-11-2018 18:06
Жынысы:
Белгисиз
Калаасы:
SUPER.KG
0
kubanych0404, саламатсызбы!
Сунушуңузга рахмат! Тиешелүү бөлүмгө жеткирилди.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: