Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

«ДАҢАЗАЛУУ КЫЛЫМ» БААРЫН БАШЫНАН БАЯНДАП БЕРЕБИЗ

№622 3-октябрь-9-октябрь, 2014-ж


Бул жолку баяндама Михримах султан менен Рүстем паша тууралуу болот. Михримах үчүн курулган мечиттердин керемети эмнеде? «Адамдын жолу ачык болсо, анын бити да ишке жарайт» деген сөз Рүстемдин окуясынан улам аңызга айланганын билесизби?

ТӨРТҮНЧҮ СЕЗОН
116-118-сериялар:

СУЛЕЙМАН МУСТАФАНЫ АКЫРКЫ ЖОЛУ КЕЧИРЕТ
Хүррем Баязид башчылык кылган Күтахьядан Стамбулга кайтып келип, Сулеймандан кечирим сурайт. Ошондой эле Хүррем Баязид менен Хурижихандын жашыруун сүйүүсүн билип калып, паргалык Ибрагимдин кызынын Күтахьядан кетүүсүн талап кылат. Хурижихан Баязиддин жанында калуу үчүн Мустафанын Хызыр Хайреддин пашанын кызы Михриниса менен тымызын нике кыйып алгандыгы тууралуу сырын айтып салат. Бул аралыкта экөө уулдуу болушуп, Мустафа ыраматылык инисинин урматына атын Мехмет коёт. Кабар бат эле Сулеймандын кулагына жетип, ал Персия жүрүшүнүн алдында «такты Мустафага аманат кылып таштайм» деп кабыл алган чечиминен кайтат. Султан чоң уулуна «мен сени акыркы жолу кечирип жатам, мындан ары кетирген катачылыктарың үчүн жаза тартууң керек болот» дейт.
Падышанын ордунда убактылуу башкаруучу болуп Селим дайындалат. Хан сарайга келгенден кийин ал Нурбанунун акылына баш ийип, атасы менен апасына жакшы көрүнүүгө аракет кыла баштайт.
Фатма султан максатына жетет: Михримах Рүстем менен ажырашам деп чыгат. «Мен дүйнөнүн эң сулуу ханбийкесимин. Эң баалуу таштар, эң кымбат кездемелер, бардык байлык менин бутумдун алдында турат. Алтын табактан тамактанам, хрусталь чөйчөктөн суу ичем. Аялдар жашоомо ич күйдүлүк кылышат, эркектер чачымдын талы үчүн жанын да аяшпайт. Бирок эч бир жан жүрөгүмдө эмне болуп жатканын сурап койбойт» деген ойлорго баткан Михримах ажырашам деген чечимине бекем турмай болот. Буга Михримахка келген сүйүү каты да түрткү берет, ал катты Фатма султан Элкас мырзанын атынан жазып жөнөтөт. Сефевиддер династиясынын ханзаадасы Элкас мырза болсо Фатманы сүйүп калып, султандын макулдугу менен экөө никелешмей болушат.
Окуялардын жүрүшү Сулеймандын белгисиз дартка кабылганы менен кызыйт. Баарынан сыр катары жашыруусун буюрган султан жүрүшкө уулдары Баязид жана Жихангир менен жөнөп кетет.

ТАРЫХ БАРАКТАРЫНДА...
Михримах султан 1522-жылы күн менен түн теңелген күнү 21-мартта төрөлгөн. Акылдуу жана чилистен ханбийке ханзаадалар менен тең билим алган, бир канча тилди билген. Ал сулуу, келбеттүү жана бутунун учуна чейин жеткен алтын чачтуу болгон. 17ге чыкканда Михримах апасынын кыстоосу на баш ийип өзүнөн 22 жашка улуу Рүстем пашага турмушка чыккан. Михримах менен Рүстем султанаттын эң бай үй-бүлөлөрүнүн башында туруп, экөөнүн кайрымдуулук иштери эл оозуна алынган. Хүррем кайтыш болгондон кийин 20 жыл бою гаремди башкарып турган. 56 жашында көз жумуп, бир гана Михримахтын сөөгү Сулейман султандын жанына коюлган.
Ханбийкеге байланыштуу кызыктуу уламыш бар. Михримах турмушка чыгарда эки тандоосу болгон: Рүстем жана империянын башкы архитектору Мимар Синан. Ошол кезде 50гө чыгып калган Синан ханбийкени акылдан азганча сүйгөн экен. Арзуусуна жетпей калган архитектор сезимин эмгектери аркылуу билдирет. 1540-жылы Михримах Синанга Стамбулдун Үскүдар деген жерине мечит курдурат, бул имаратка этеги жерге чийилген айымдын элеси берилген. Кийинчерээк архитектор өз алдынча Стамбулдун эң бийик жайгашкан Эдирнекапы дөбөсүнө дагы бир мечит куруп баштайт. Анын 150дөн ашуун терезелүү төбөсүнө күн тийгенде, айнектен түшкөн нурлар Михримахтын алтындай узун чачын элестетет. Султандын атынан курулган мечиттер эки мунаралуу болушу керек дегенге карабастан, архитектор жалгыздыгын туюнтуу максатында бир эле мунара тургузган. Стамбулга 21-мартта барып калсаңыз, бир эле убакытта Эдирнекапыдагы мечиттин батышынан Күндүн батып баратканы, Үскүдардагы мечиттин чыгышынан жаңы туулган Айдын чыгып келе жатканын көрүүгө болот. «Жалгыздыгым чексиз, сүйүүм жоопсуз. Ай менен Күн жолугуша албагандай, биз да эч качан жүз көрүшө албайбыз» деген Синандын Михримахка арнаган ыр саптары анын сүйүү дартынын далили болуп кала берет.
Рүстемге келсек, христиан бала Хорватиядан алынып келинип, Мохачтагы жүрүштө акыл-эстүүлүгү жана кызматына берилгендиги менен көзгө көрүнгөн. Тарыхта «биттин айынан бакытка жолуккан» деген аңыз кептерден улам эсте калган. Ханбийкеге үйлөнөрдүн алдында душмандары «Рүстем ала оорусуна чалдыккан» деген кептерди таратышат. Дарыгерлер текшерүүгө келгенде көйнөгүнөн бит таап алышат да, ала оорусуна чалдыккандарга бит жолобойт деген ишенимдин негизинде Рүстемдин ден соолугу чың деп жыйынтык чыгарышат. Тойдон кийин паша улуу вазирликке дайындалган. Ханбийкени катуу кызганып, сарайдан чыгарчу эмес деп айтылат. Мунун айынан Михримах көп ооруган. Рүстем тууралуу элчилер жана жер кезерлер «кыска бойлуу, аксак, шишик тарткандай кызыл жүздүү, куу көздүү Рүстем паша көрөгөч, түнт жана орой» деп жазып калтырышкан.
Мустафа ханзааданын муунтулуп өлтүрүлүшүнө Рүстемдин күнөөсү бар деп элдин каарына калат. Атүгүл «азезил вазир» атыгат. Ал көз жумгандан кийин артында калган миңге чукул жер тилкеси, 500дөй тегирмени, 1700 кулу, 3 миңдей күлүгү, миңдей төөсү жана башка мүлкү Михримахка өткөн. Пашанын тушунда белек берүү менен кызмат сатып алуу тажрыйбасы башталган. Аскер башчы катары бир да ийгиликке жеткен эмес.

«ДАҢАЗАЛУУ КЫЛЫМДА...»
Михримахтын ролун жаратууга Пелин Карахан сериалдын башында эле бекитилип, ага карап ханбийкенин балалыгын жана өспүрүм чагын ойногон 2 актриса тандалып алынган. «Мага баары «бул ролду аткаруу кыйын, бул өтө жоопкерчиликтүү тапшырма» деп жатышты. Ойноодо режиссёрлор көп жардам беришти. Көрөрмандар жөн салды деп ойлошу мүмкүн, бирок ар бир тагынган кооздуктар, чач жасалгасынан костюмдарга чейин сценарийдин маңызынан көз каранды. Көйнөктүн түсү да кайсы бир маанини туюнтуп турат. Ошол майда-чүйдөнүн баары Осмон дооруна жетелейт, өзүңдү орто кылымда жашаган адам катары сезе баштайсың»,- дейт П.Карахан. Рүстемдин ролун аткарган 1975-жылкы Озан Гүвен Германияда туулган жана консерваториянын заманбап бий бөлүмүнө тапшырып, аны азыркыга чейин аягына чыгара албай келет. Убагында «жаш кыздардын кумири» атыккан, келбетине кам көрүүнү жактырган актёр маникюр жана педикюр жасатуу үчүн салондорго барып турат.
«Даңазалуу кылымда» роль ойноого сунуш алардан 2 күн мурун «ушул долбоордо мага ылайык иш бар бекен?» деп ойлоп койгон элем. Анан байланышып калышты, дароо макул болдум. Костюмдар ролго кирүүдө чоң жардамчы. Ошол замандын кийимин кийип, шакектерди тагынгандан кийин ак сарайдын ичинде таптакыр башкача баса баштайсың»,- дейт Озан Гүвен.
Айта кетүү керек, О.Гүвен сериалды тартуу учурунда актёрлук курамга жана башка кызматкерлерге жоруктары менен эң көп жылмаюу тартуулаган. Тамашакөй жана шайыр Озан бир секундалык мүмкүнчүлүк жаралса да, тегеректеген адамдардын көңүлүн заматта көтөрүп коёрун айтышат актёрлор. Пелин Карахандын айтымында, О.Гүвен менен ойногон эпизоддору интригаларга жана кайгылуу окуяларга жыш болгондуктан, анын тартуу учурундагы тамашалары кадимкидей абалды жеңилдеткен. «Бир жолу Рүстемдин жүрүштөн кайтып келүүсүн тартып жатканбыз. «Бир, эки, үч, мотор» дегенден кийин эле Озан газ баллонду артынып алып бөлмөгө кирип келе жатат. Баарыбыз каткырып, тартуу иштерин унутуп да калдык»,- дейт П.Карахан.

(Уландысы кийинки санда)

Пелин Карахан сулуулугун сактоо үчүн мончого, укалоого барып турат, чекпейт жана ичпейт, уйкусун кандыра уктайт.

«Рүстемдин түрү сууктугуна окшоштуруп мени тандап алган дешсе, алар жаңылышат. Андай ролго мен туура келбейм»,- дейт Озан Гүвен.

Эльвира Караева
star@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  1 
Башка сандарда:
Комментарийлер(8)
06.10.2014. 13:34 
Тайпасы:
Кыймылы жок
Комментарийлердин саны:
10
Катталган:
08-09-2014
Соӊку аракети:
10-06-2016 23:18
Жынысы:
Белгисиз
0
Абдан жагат ушул кино.
06.10.2014. 20:49 
Тайпасы:
Кыймылы жок
Комментарийлердин саны:
32
Катталган:
24-05-2009
Соӊку аракети:
07-05-2016 00:07
Жынысы:
Белгисиз
0
XURREM., жагары нигинизден корунуп турат)))
07.10.2014. 01:20 
Тайпасы:
Жаран
Комментарийлердин саны:
287
Катталган:
04-01-2014
Соӊку аракети:
04-11-2018 03:20
Жынысы:
Белгисиз
Калаасы:
азыркы убакта Москва шаарында жашайм
0
Аябай кызык экен башында кызыкчу эмесмин такыр, азыр болсо ишимди да унутуп калам Хуррем кором деп
07.10.2014. 23:43 
Тайпасы:
Жаран
Комментарийлердин саны:
33
Катталган:
30-08-2014
Соӊку аракети:
02-09-2018 08:40
Жынысы:
Белгисиз
0
Ии мен дагы ушул серияал ооруп жатам ))
11.10.2014. 02:09 
Тайпасы:
Жаран
Комментарийлердин саны:
19
Катталган:
01-10-2011
Соӊку аракети:
28-01-2018 04:00
Жынысы:
Белгисиз
Калаасы:
Awstrya
0
aty ushundai dep atalaby" danazaluu kylym"dep?
internetten korsom bolobu,bilgender bolso jazyp koigulachy suranych, aldyn ala rahmat!!
11.10.2014. 09:06 
Тайпасы:
Кыймылы жок
Комментарийлердин саны:
9
Катталган:
11-06-2014
Соӊку аракети:
31-05-2015 21:31
Жынысы:
Белгисиз
Калаасы:
Южно Сахалинск
0
meineblume, Великолепный век
11.10.2014. 14:22 
Тайпасы:
Жаран
Комментарийлердин саны:
162
Катталган:
05-08-2014
Соӊку аракети:
23-05-2017 16:48
Жынысы:
Белгисиз
Калаасы:
Талас
0
Бирок Рустем сулуу эле го киносунда.
12.10.2014. 00:19 
Тайпасы:
Супермодератор
Комментарийлердин саны:
1626
Катталган:
05-09-2011
Соӊку аракети:
14-11-2018 19:20
Жынысы:
Белгисиз
Калаасы:
SUPER.KG
0
MilliaRdova88, курамы окшош сайттарды жарыялоого тыюу салынган! 3 күн БАН!
Модератор admin_superstan түзөттү 13.10.2014 09:55
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: