Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

КҮН БАТАРЕЯСЫ 25 ЖЫЛГА ЧЕЙИН КЫЗМАТ КЫЛАТ

№623 10-октябрь-16-октябрь, 2014-ж


Электр энергиясынын жетишсиздиги коомчулукта кызуу талкууга алынып жаткан учур. Аны менен катар күн батареясын колдонгондордун саны күн санап көбөйөрү анык. Талаа-түзгө ташып жүрүүгө ыңгайлуу күн батареясынын жардамы менен үйдүн ичин гана жарык кылбастан, тамак-аш да бышырууга мүмкүн.

КҮНДӨН ЭЛЕКТР КУБАТЫН АЛУУНУ АЧКАН ФИЗИКТЕР
Күн батареясы – Н2O деген формула менен түшүндүргөн окумуштуунун эмес, катардагы адамдын жалпак тили менен айтканда, кадимки асмандагы күндүн нурунан электр кубатын
иштеп чыгаруучу жабдык. Күндүн нурунан электр кубатын алууга болорун 1839-жылы француз физиги Александр Беккерель байкаган. Арадан жарым кылым өткөн соң орусиялык физик Александр Столетов күн нурунан электр кубатын иштеп чыгаруучу аспапты жасап чыгат. Ал эми 1905-жылы немис физиги Альберт Эйнштейн жаратылыштагы бул кубулушту толугу менен түшүндүрүп берген. Мына ушул үч окумуштуу күн батареясын жасоого чыйыр салуучулар болуп саналышат.
Туурасы 0,9 метр, узуну 1,5 метр болгон күн батареясы 150 ватт электр кубатын иштеп чыгарат. Ал 12 вольттук аккумуляторун күн жакшы тийип турса 3 саат аралыгында кубаттандырат. Мында топтолгон энергия кичирээк көлөмдөгү 1 сыналгыны 3 саат иштетүүгө жетет.

КҮН НУРУНАН АЛЫНГАН КУБАТ ЭМНЕГЕ ЖАРАЙТ?
Күн нурунан алынган кубат эмнеге жарай турганын кененирээк билүү үчүн Бишкектеги базарлардын биринде 10 жылдан бери күн батареясын сатуу менен алектенген ЭРБОЛ ДАБАНЫ кепке тарттык:
– Кардарларымдын көпчүлүгүн жайлоого чыккан малчылар түзүшөт. Алар 1 сыналгы, 1 DVD, 1 үналгы, бир нече электр кубатын үнөмдөөчү лампаларды иштетүүгө жана телефон кубаттандырууга күчү жете турган 12 вольттук чакан көлөмдөгү күн батареяларын алышат. Чакан көлөмдөгү күн батареяларынын топтомунда өзүнүн үналгысы, бир нече лампалары бар. Алардын баасы 6500-7500 сом турат. Ал эми үйгө туруктуу пайдалануу үчүн 3 киловаттан 30 киловаттка чейин электр энергиясы менен камсыздаган батареялар сунушталат. Алардын жардамы менен тамак-аш жасоого, үй жылытууга да болот. Жабдыктар иштеп чыккан электр кубатынын көлөмүнө жараша баасы да өсө берет.
Бир күн батареясынын туурасы 0,9 метр, узуну 1,5 метр жана ал 150 ватт электр кубатын иштеп чыгарат. 1 киловатт электр кубатын алгыңыз келсе, анда жабдыкты 150 чарчы метр аянтка орнотуу талап кылынат.
Жабдуунун жарамдуу мөөнөтү 25 жыл. Бирок аккумулятор менен лампаларды алмаштырып туруу зарыл. Алсак, коргошундан жасалган аккумуляторлор 1-2 жылга жетсе, гел аккумуляторлору 5-7 жылга жетет. Баалары амперине жараша 2000 сомдон жогору турат. Лампалары дагы колдонгонго жараша кызмат көрсөтөт. Мындан сырткары күндүн нуру менен иштей турган бир лампалуу жана уюлдук телефондун аккумуляторун кубаттандыруучу чырактар бар.
Ошондой эле күн нуру менен сууну 2-3 саатта жайкысын 90 градус, кышкысын 50 градус ысытып, аны ошол температурада сактап турган суу жылыткычтар бар. Булардын көлөмү боюнча эң кичинеси 150 литрден башталат жана анын баасы 600 долларды түзөт.

«КЫШЫНДА ДЕЛЕ ЭЛЕКТР КУБАТЫН ИШТЕП ЧЫГАРАТ»
– Эгер күн батареясынын нур тийүүчү бети чоң көлөмдө болуп жана күн чайыттай тийип турса, 3 саат аралыгында аккумулятор кубаттандырылат. Кичирээктери 5-6 саатта кубат топтойт. Күндүн нурунан аккумуляторго топтолгон кубат анын көлөмүнө жараша болот. Алсак, эң арзан 12 вольттук күн батареялары топтогон энергия 3 сааттан ашык убакытка чейин 1 сыналгыны иштетүүгө жетет. Ал эми көлөмдүүлөрү таң атканча электр энергиясы менен камсыздай алат.
Кубаттууларынын артыкчылыгы: бир жагынан энергия топтоло берет, экинчи жагынан аны керектей берсең болот. Эң негизгиси күн батареясын көлөкө түшпөй турган күнөстүү жерге орнотуу зарыл. Кыштын күнү абанын температурасы 20-30 градус суук болсо деле кубат топтой берет.

АЙДЫН ЖАРЫГЫ ДА ЭЛЕКТР ЭНЕРГИЯСЫН ИШТЕТИП ЧЫГАРАБЫ?
– Күн батареясын алгандар көбөйгөндүктөн, эптеп соода жүрүп турса болду деп кардарларды алдаган сатуучулар да кезигүүдө. «Айдын жарыгынан да электр кубатын иштетип чыгарат» дешет экен. Мунун баары калп. Болгону бир гана күндүн түз тийген нурунан электр кубаты алынат.
Сатуучулардын айрымдары күн батареясынын зыяндуулугу эмнеде экенин өзүлөрү да билишпейт. Кээ бири билсе да айтпайт. Алсак, көп кишилер арзанына качырып, аккумулятор алмаштырууда автоунааларга колдонулуучу коргошун аккумуляторун туташтырып коюшат. Ал аккумулятор ачык түрдө жасалгандыктан, кубат топтоп жаткан учурда андан уулуу газ чыгат жана анын ден соолукка зыяны бар. Ошондуктан күн батареясына ылайыкталып жасалган өзүнүн жабык түрдө аккумуляторун пайдалануу зарыл. Эгер айла жок автоунаанын аккумуляторун пайдалануу керек болсо, анда аны өзү жашабаган башка бөлмөгө коюу керек.

КҮН БАТАРЕЯСЫНЫН АРТЫКЧЫЛЫКТАРЫ ЖАНА КЕМЧИЛИКТЕРИ

АРТЫКЧЫЛЫКТАРЫ:

  • Экологияга зыяны жок.
  • Каалаган жерге (тоого, талаага) ташып жүрүүгө ыңгайлуу.

КЕМЧИЛИКТЕРИ:

  • Түз тийген күндүн нурунан гана электр кубатын иштетип чыгарат.
  • Көбүрөөк электр кубатын алуу үчүн күн батареясына чоң өлчөмдөгү жер аянты талап кылынат.

КОЛДОНУУДАГЫ ЭРЕЖЕЛЕР

  • Жайкысын күн катуу тийип турган мезгилде 5-10 күнгө алыс жакка кете турган болсоңуз, батареяны сөзсүз өчүрүңүз. Болбосо топтолгон энергия пайдаланылбай аккумулятор кайнап кетип керектен чыгып калат.
  • Батареянын бетиндеги чаңды тазалап туруу керек. Болбосо күндүн нуру чаңдан өтпөй калат.
  • Колдонулбай көпкө туруп калган аккумулятор керектен чыгып калбашы үчүн анда-санда электр тогуна туташтырып аны кубаттандырып туруңуз. Ошондой эле аны түз жана кургак жерде сактоо керек.

КЫЗЫКТУУ МААЛЫМАТТАР

  • 1954-жылдын 25-апрелинде АКШдагы «Bell Laboratories» компаниясынын адистери тарабынан негизин кремний түзгөн электр тогун алууга жарамдуу күн батареясын жасап чыгышкан.
  • 1958-жылы 17-мартта АКШ күн батареясы менен жабдылган «Vanguard 1» аталышындагы алгачкы жасалма жандоочту космоско учурган.
  • 1958-жылы 15-майда АКШнын артынан дароо СССР дагы күн батареясы менен жабдылган «Спутник-3» жандоочун космоско жөнөткөн.
  • 2007-жылдан тарта Испанияда сууга болгон керектөөнү 70 пайызга чейин ар бир үй өз алдынча камсыздоосу үчүн жаңы курулган үйлөргө күн суу жылыткычтары орнотулуп келет. Ал эми соода борборлору, оорукана, мектеп өңдүү имараттарда сөзсүз түрдө күн батареясы орнотулууга тийиш.

Кубаныч Сыдыков
kenesh@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  4 
Комментарийлер(3)
13.10.2014. 11:05 
Тайпасы:
Жаран
Комментарийлердин саны:
35
Катталган:
04-07-2014
Соӊку аракети:
14-09-2018 17:25
Жынысы:
Белгисиз
0
satyp alat okwoim.jakwy nerse eken
14.10.2014. 20:47 
Тайпасы:
Жаран
Комментарийлердин саны:
5
Катталган:
03-05-2011
Соӊку аракети:
07-07-2017 23:16
Жынысы:
Белгисиз
Калаасы:
Ottava
0
буларды колдо жасаса болобу, сайты болсо жуктоп койгулачы
22.09.2015. 02:25 
Тайпасы:
Жаран
Комментарийлердин саны:
2
Катталган:
22-03-2015
Соӊку аракети:
23-10-2017 00:29
Жынысы:
Белгисиз
0
кайсыл жерден сатып алсак болот
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: