Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

«1 ГАМБУРГЕРДИ 20 СЕКУНДДА ЖАСАП ЖЕТИШЕМ»

№623 10-октябрь-16-октябрь, 2014-ж


Жылдын кайсы мезгили болбосун шаардын ар тарабында орун алган тез даярдалуучу тамак-аштар түйүнүндө кезек күткөндөрдүн аягы үзүлбөйт. Андайда өз ишин мыкты өздөштүргөн кызматкерлер кардарлардын шаштысын кетирбей, буйрутмаларды заматта даяр кылып колдоруна кармата салат. Бул сапар сиздерге гамбургер жана шаурма жасоочулардын жумушунун оош-кыйышын айтып беребиз.

19 жаштагы Бактияр Машуров 2 жылдык тажрыйбанын аркасында учурда 1 гамбургер даярдоо үчүн 15-20 секунд гана коротот. Бирок этти целлофан баштыктай жука кылып кесүүнү өздөштүрүү үчүн 1 жылдай убактысын жумшаганын айтат. Тамактын башка түрлөрүн да мыкты жасай алганы менен, гамбургерди, анын түрлөрүн жасоо ага баарынан жакын сезилет.

– Салам, Бактияр. Жумуш күндөрүң бири-бирине окшош эле өтсө керек? Дегеле жумуш күнүң эмнеден башталат?
– Жумуш эртең мененки саат 8де башталат. Биринчи эле иштеген жерибизди тазалап алабыз. Андан соң маринаддалган этти отко коёбуз. Жай отко коюлган эт кардарлар келген маалга чейин бышып даяр болуп калышы керек. Этти бышырууга койгондон кийин башка кошулмаларды даярдоо башталат. Картошка аарчып фри бышырмай, бадыраң, помидор, сабиз, капуста жана башка керектүүлөрдү туурап даярдоо керек. Гамбургердин эң негизги кошулмасы соус. Аны даярдоо үчүн да өзүнчө убакыт, көңүл талап кылынат. Нанын болсо тааныш адамдарга жасаттырабыз. Күндөр бири-бирине окшош эле өтөт. Бирок мен ар күн сайын ишимди жаңы дем менен баштап, ар бир күнүмдөн ырахат алам.

– Бир күндө канча гамбургер жасайсың?
– Азыр күн сууктап калгандыктан кардарлардын саны көбөйүүдө. Күнүнө 35-40тай гамбургер, ошондой эле өлчөмдө шаурма даярдалууда. Кардарлар кезек күтүп калышканда алардын шаштысын кетирбей, же кайтып кетип калбашы үчүн 1 секунд да тыным албастан, тездик менен иштөөгө туура келет.

– Жасаган тамак-аштары өзгөчө даамдуу болуш үчүн ар бир эле ашпозчунун жеке сырлары болот эмеспи. Сенин кандай сырларың бар?
– Ар бир кошулмасын өзгөчө кылып даярдоо керек. Эң жөнөкөй эле бадыраң, помидорду да туура тандаганды билүү кажет. Ашпозчулардын көпчүлүгү туздалбаган, жаңы бадыраң колдонот. Мен даамдуу болушу үчүн бадыраңдын туздалганын кошом. Ошондой эле соустун курамын өзүм ойлоп тапкам. Башкалар соус үчүн кетчупту көп колдонушса, мен майонезге көк чөп, мурч, сарымсак, туз аралаштырып жасайм. Ушундан улам да көнүп калган кардарларым бар. Нандын үстүнө каймак-май сүйкөп коюу да жеке сырларымды толуктайт.

– Кокусунан бир кошулмасын унутуп же туздуу соус кошуп алып, кардарларды нааразы кылган учурлар болду беле?
– Андай учурлар гамбургер жасоону жаңы өздөштүрүп жүргөн маалда көп кайталанчу. Бирок кардарларга үйрөнчүк экенимди айтып кутулчумун. Алар да кагып салбастан түшүнүү менен кабыл алышчу экен. Азыр тажрыйбалуу болуп калдым. Көптөн бери сын уга элекмин. Бул жумуш мен үчүн аскерде кызмат өтөп жүргөндөй эле. Ар бир кылган кыймылыма так болууга аракеттенем.

– Эмне үчүн дал ушул кесипти тандап алдың? Эгер тез даярдалуучу тамак-аштардын ашпозчусу болбосоң, кайсы чөйрөнүн адамы болмоксуң?
– Бул кесип мен үчүн алгач хобби болчу. Мага адамдарга жакшы маанай тартуулаган жагат, ошондон ырахат алам. Адамдын даамдуу тамак-аш жеп, курсагы ток болгондо маанайы көтөрүлөт. Эгер ашпозчу болбосом, анда ким болмокмун, билбейм. Башка жумуштарда деле иштеп көрдүм, бирок жан дүйнөмө эргүү ала албадымбы, айтор, колумдан келип, алып кете алган жокмун. Ушул сүйүктүү жумушумду өмүр бою аркалагым келет.

– Бул кесипти аркалагандардын дээрлик бардыгы эркек балдар. Эмне үчүн кыздар бул ишке келишпейт болду экен?
– Себеби, оор жумуш. Этти атайын даярдалган отко илүү эле канчалык кыйын. Анан дагы эт кесүүчү бычактын мизин мокотпой, тынымсыз курчутуп туруу керек. Кыздарга ылайыксыз иш.

– Жумуш убагында кызыктуу учурлар болбой койбосо керек?
– Сөзсүз болот. Көбүнчө жаш кыздар келип, «этинен көбүрөөк салып бергилечи» деп тийишип калышат. Анда биз дагы кесиптештер болуп «семирип кеткенден коркпойсуңарбы?» деп кайра кыздарга тийишебиз. Ошентип кызыктуу жана күлкүлүү сүйлөшүүлөр менен күндөр эсте калат.

Шыпылдаган колдору менен кардарларды көп күттүрбөй, улам кийинки буйрутманы сунуп жаткан Бактияр суроолорума да маани берип, бирин да жоопсуз калтырган жок. Эртеден кечке тикеден-тик туруп иштеген жумушу кечки саат 9-10 болуп калганда таксисттердин курсагын тойгузуу менен аяктаарын айтты.


ТАРЫХЫ
1900-жылы 27-июлда америкалык соодагер Луи Лессинг АКШнын Нью-Хейвен шаарында биринчи гамбургерин саткан. Ал Азияга болгон сапарында көчмөн татарлардын этти жумшартуу үчүн аттын ээринин астына илип коюшарын байкаган. Өзү жашаган Германиянын Гамбург шаарына келгенде Луи ашпозчусуна этти ушундай ыкмада даярдоону сунуштайт. Мындай эттен даярдалган тамак-аштар кардарлардын баарына жагып, соодагер бул этти Гамбург эти деп атаган. Гамбургердин аталышы да ушул шаарга байланыштуу келип чыккан. Себеби Гамбургдан Америкага көчүп чыгып кеткен немистердин бирөө 2 тегерек нандын ортосуна эт салынып жасалуучу тамактын рецебин ала кеткен. Ошентип Гамбургдан келген рецепт менен жасалган бул тамак гамбургер деп аталып калган. Ушундай жол менен Америка гамбургерди таанып, андан соң бүткүл дүйнө биле баштаган. Кийинчерээк анын курамы толукталып отуруп, түрлөрү да көбөйгөн.

ГАМБУРГЕРДИН ТҮРЛӨРҮ:

Чизбургер (курамына сөзсүз түрдө сыр кошулат)
Фишбургер (эттин ордуна куурулган балык кошулган түрү)
Чикенбургер (курамына тоок этин камтыйт)
Веджибургер, гарденбургер (вегетариандар үчүн, курамына эт кошулбайт)

Ширин Турдакунова
koom@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  4 
Комментарийлер(5)
13.10.2014. 12:36 
Тайпасы:
Жаран
Комментарийлердин саны:
282
Катталган:
16-04-2013
Соӊку аракети:
22-10-2018 11:20
Жынысы:
Белгисиз
Калаасы:
Ыйык" Кааба "Медине.
0
Ишине ийгилик.
13.10.2014. 15:21 
Тайпасы:
Жаран
Комментарийлердин саны:
85
Катталган:
14-05-2012
Соӊку аракети:
21-03-2018 14:36
Жынысы:
Белгисиз
Калаасы:
Бишкек
0
Ишине ийгилик,бирок бат кыймылдап андан-мындан бир аз салып эле ичи капустага толуп калат экен:)))
13.10.2014. 19:55 
Тайпасы:
Жаран
Комментарийлердин саны:
195
Катталган:
27-01-2013
Соӊку аракети:
16-11-2018 11:01
Жынысы:
Белгисиз
Калаасы:
Токтогул
0
Гамбургерге талгак болупаткан кезим ошон учун адресин айтып койгулачы барып жеп келейин.
14.10.2014. 12:52 
Тайпасы:
Жаран
Комментарийлердин саны:
45
Катталган:
17-01-2014
Соӊку аракети:
17-11-2018 00:54
Жынысы:
Белгисиз
Калаасы:
Анкара
0
Ииий гамбургер жегим келип кетти.Кайданда окудум ))))Бахтиярга болсо ишине ийгилик каалайм.
16.10.2014. 09:43 
Тайпасы:
Кыймылы жок
Комментарийлердин саны:
48
Катталган:
11-05-2013
Соӊку аракети:
31-12-2014 13:18
Жынысы:
Белгисиз
0
35 45 az emespi
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: