Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Алина Жетигенова, Кыргыз Республикасынын Эмгек сиңирген артисти: «БИР КЕЗДЕ ДИНАРА, АЙЧҮРӨК ҮЧӨӨБҮЗ УКМУШ АТААНДАШКАНБЫЗ»

№623 10-октябрь-16-октябрь, 2014-ж


Бүгүнкү каарманыбыздын ар бир ыры убагында хит болгон. Ошол кезде кыздар анын чач жасалгасын, кийингенин туурап, жигиттер жанынан бир көргөнгө зар болушкан. Алина Жетигенова учурда таене болуп калса да андай күйөрмандарын жоготпой келет. Эмесе, ырчы сахна дүйнөсүнө кантип баш багып, атактуулукту кантип багындырганы тууралуу сөз кылалы.

«АТЫМДАН УЯЛЫП АРТТА КАЛГАМ»
- Мен чоң ата, чоң эненин колунда өстүм. Мектепке баргандан эки жылдан кийин мени үлгүлүү кыз деп линейкага чыгарышкан. Ошондо Атайбек Бөдөшовдун «Кыргызстаным» деген ырын өзүмдүн Арал айылыма арнайм деп туруп ырдап чыкканым эсимде. Ошондо аны радиого жаздырып алышыптыр. Ырчылыкка биринчи кадамым ушул болсо керек. 6-класстан эжеме жардам бермекчи болуп Бишкекке келип, №5-улуттук гимназиясында окуп калдым. Комуз менен ырдап, күү чертип мектебимдин намысын коргочумун. Комуз үйрөнүшүмө атамдын иниси Жаныбек байкем түрткү болгон. Аскерден келип, мага комуз, баян сатып берген. Бишкектеги Айыл чарба институтунун имаратында «Роза» деген топ бар экен. Үйүм жакын болгондуктан «менин да ырдагым келет» деп ошол топко барып ырдап калдым.
Ырчы болом деп биротоло ыр дүйнөсүнө сүңгүп кирип алгандан кийин кайра 10-класстан өзүмдүн ата-энемдин колуна, Талас шаарына кеттим. Ал убакта аттестаттагы бааларды жакшы кылабыз деп мектепти айылдан бүтмөй мода болчу. Ал жактан «Талас» деген эстрада тобу ачылып жатканын угуп, алты кыз чогулуп кастингге бардык. Тиги кыздарды ырдатып көрүп жаратпай коюшту. Мен болсо «атым Алмакан» деп айткандан уялып артта калдым. Чоң энем Гүлжакан өзүнүн атына окшоштуруп мага Алмакан деп ат коюптур. Менде «фундамент» бар эле да, сынактан өтүп кеттим. Атамдан уруксат сурап мени алып кетишчү. Алар менен чогуу айылдарга концерт коюп, кечинде үйгө келип калчумун.

«БИРИНЧИ ЖОЛДОШУМ МЕНЕН АЖЫРАШКАНЫМА СҮЙҮҮ КҮНӨӨЛҮҮ»
- 1982-жылы атам борборго алып келип, И.Арабаев атындагы институтка мугалимдикке тапшыртып кетти. Гезиттен «филармониянын алдында эстрадалык студия ачылды» дегенди окуп, атам кетери менен документимди филармонияга тапшырып салдым. Алгач «бою кичинекей» деп мени өткөрбөй коюшкан. Ошондо Улукмырза Полотов, Асылбек Рысалиев деген агайларым «бул кызды биз өстүрөбүз» деп алып калышкан эле. Менин ырчылык тагдырым Кыргызстандагы эң күчтүү, таланттуу адамдарга байланды. Ошондон тарта жолум ачылды. Үйдөгүлөргө «мен окууга өттүм, бирок филармонияга» деп телефон чалдым. Ошентип төрт кыз жатаканага чыктык. Баарыбыздан улуу Айнура деген эже аттарыбызды өзгөртө баштады. Бермет деген кызыбызды Вера, атына заты жарашкан Шайырды Шура кылды. Шаарда окуп жүргөндө досторум мени Аня деп чакырышчу. Ичимден Аня дебесе экен деп чыйпылыктап турсам эле, мени Алина болосуң деди. Ошол боюнча баарыбыз Айнура эже койгон аттар менен өмүр бою калдык.
Окуп жүргөндө Асылбек Рысалиев «Жетиген» тобун ачып, мен ырчы болдум. «Бозойго» аттуу ырым менен Алина деген атым элге алынып кетти. Окууну аяктагандан кийин филармониядагы «Ариет» деген топко алып калышты. Топко жалаң профессионалдар келишти. Леонид Якубович атайын Москвадан келип, режиссёр катары бизди Союзга кирген 15 республика арасында өтчү чоң сынактарга даярдай баштады. Топ менен Ташкентке барып 1-орунду, Москвадан 3-орунду алып келдик. Айлыгыбыз да көп болчу. Элдин айлыгы 90 рубль болсо, мен 700 рубль алчумун. Биринчи айлыгымды колума кармаганда каякка жумшаарымды билбей катуу толкундангам. «Ариет» тобу чачырап кеткенде «Таазим» тобуна кирдим. «Дасторкон», «Апама кат» деген ырларым хит болду.
Филармонияда калпакты тескери кийип алып комузду укмуш черткен, элдин баары сыйлаган Мыктыбек аттуу киши бар эле. Анын уулу Кубат биздин топто гитара чертчү. Ошол жигит ала качып кетти, салтыбыздын курмандыгы болуп отуруп калдым.
Анан бир тойдо ырдап жатканымды азыркы жолдошум Эржан көрүп жактырып калыптыр. Издеп жүрүп акыры таап, мени менен таанышкан. Ошондон тарта ортобузда сүйүү жаралды. Биринчи жолдошум менен ажырашканыма ал дагы, мен дагы күнөөлүү эмеспиз. Болгону сүйүү күнөөлүү. Уулум Азиз атасы тараптагы бир туугандары менен катташат. «Мага окшош инилерим бар» деп сүйүнүп калат.
Убагында бир колума уулум Азизди жетелеп, бир колума кызымды көтөрүп троллейбус менен келип-кетип иштеп жүрдүм. Сахнага чыгарда көшөгөнүн артындагы колонканын жанына баламды жаткыза коюп ырдаган учурлар болду. Балдарымдын концерттерден ушунча көңүлдөрү калган экен, «сиз менен барабыз» деп ыйлашканда «концертке баратам» десем ээрчибей калышчу.

«КЫЗДАРДЫН КӨБҮ МЕНИ ТУУРАШЧУ»
- 1991-жылы Тарас Асанакуновдун уюштуруусу менен «Роза гүлү» деген эстрадалык топ ачылып, Расул Маматкулов, Айчүрөк Иманалиева, Динара Акулова келишти. Мурун жалаң диапазону кенен ырларды оркестр менен ырдасам, «Роза гүлүнө» кирген соң жеңил эстрадалык ырларга өттүм. Сөзү Асан Жакшылыковго, обону Тарас Асанакуновго таандык «Кыздын сыры» деген ырым ошондо чыкты. Бир аз иштегенден кийин эле топ жабылып, ар кимибиз өзүбүзчө кеттик. «Айчүрөк», «Динара», «Алина» деген топтор ачылып, ортобузда чыгармачылык атаандашуу укмуш күч алды. Сахнанын жасалгасынан тартып кийимдерибиз, ырларыбызга чейин бири-бирибиздикин карап турчубуз. Балким, ошондой атаандашуу болбосо өспөйт белек, ким билет. Ошондо менин Таалай деген жан сакчым бар болчу. Он жылга жакын биздин топтун коопсуздугун камсыз кылды. Өзү спортчу, кең далылуу жигит, ал азыр деле жан сакчы.
Популярдуу болуп турган кезимде кыздар менин чач жасалгамды, кийимимди, үнүмдү туурап мага окшошкулары келгендерин байкап сыймыктанып калчумун. А мен болсо француз ырчысы Мирей Матьёну аябай жакшы көрүп, ошонун ырдаганын, чач жасалгасын туурачумун. Бир жолу Ош шаарына гастролго барганымда чачымды кырктырышым керек болду. «Баланча жерде жакшы чачтарач бар» дешкенинен барсам өзбек жигит экен. Кандай каалап жатканымды айтсам «Ырчы Алинаныкындайбы?» деп сурады. «Ооба» десем, менин Алина экенимди билбей чачымды кыркып берген.
Кайрадан төрөлсөм ушул эле жолду тандамакмын. Мени ыр дүйнөсү элге таанытты. Ырчылык кесиптин арты менен атак-даңкты, үй-бүлөмдү, элдин сыйын таптым. Атактуулуктун туу чокусунда турганымда да, азыр да «жылдыз оорусуна» кабылган жокмун. Элди көзүмдүн төбөсү менен карап, үнүмдү тээ бийиктиктен чыгарып кекирейип сүйлөбөдүм. Анткени табиятымдан жөнөкөй адаммын.

ЫРЧЫ ТУУРАЛУУ КЫЗЫКТУУ ФАКТЫЛАР

  • 1964-жылы, 6-ноябрда туулган. Учурда туулган күнүнө карата концерт берүү үчүн даярданып жатат.
  • «Ысык-Көл-1988» сынагында баш байгени жеңип алган.
  • «Юрмала-1989» жаш таланттар сынагына Жылдыз Осмоналиева экөө катышкан.
  • 1984-жылы уулу Азиз, 1988-жылы кызы Азеля, 1994-жылы уулу Алтынбек төрөлгөн.
  • Эки неберенин таенеси.
«Бир жолу концертимде бир күйөрманым сахнадан бетиме суу чачып жиберди. Эл дуу болуп тура калышты. Көрсө, бетиме уксус чачты деп ойлошуптур. Жан сакчым, милиция кызматкерлери тигил кишини кармап кетишти. «Эмнеге андай кылдың?» десем, «сен меникисиң, эч кимдики болбойсуң» деп жатпайбы. Атактуулуктун чокусунда турганда «сени сүйөм» дегендер да, мага окшошкусу келген кыздар да көп болгон».

Жумабүбү Жетигенова, эжеси: «АЛИНАНЫ САБАП ЫРДАТЧУМУН»
- Алмакан менин агамдын кызы. 10 айлыгында менин ата-энем, анын чоң атасы менен чоң энеси багып алган. Сиңдим кичинекейинде мотурайган, арык, чимкириги аккан кыз болчу. Башында бир да тал чачы жок эле. Мен элден «чачты кыра берсе жакшы өсөт» деп угуп калгам, башына самындан сүйкөп туруп чачын кырып салчумун. Бир жума өткөн соң чачы өсө баштайт, дагы кырам. Азыр ойлосом, Алмакан жоош экен да, унчукпай, ыйлабай эле мен эмне кылсам ошого моюн сунуп жүрө берчү. Апам «өлүгүңдү гана көрөйүн, мунун башын тилип таштайт экен» деп мени сабайт, ага деле болбойм.
Бир күнү айылга сүрөтчү келип калыптыр. Алмаканды сүрөткө тарттырайын десем чачы кыска. Чоң бантикти алып келдим да, анын бирин-серин чачын бакыртып-өкүртүп тиштеп туруп бантикти байлап сүрөткө түшүрдүм. Көрсөң күлкүң келет, чачы жок да, башында барпайган бантик турат. Ал сүрөттү ата-энем көзү өткүчө төргө дубалга илип жүрүштү. Ошондо эле ырга шыктуу эле. Ал кезде мен студентмин, «Күмүш кылдар» деген ансамблде ырдачумун. Айылга барганымда 6 жаштагы Алинага суу кайнаткан кипятильникти микрофон кылып колуна карматып, анан ырдатчумун. Ырдап жатканда «бийле» дейм. Ал болсо көгөрүп туруп алчу. Анан көчүккө чаап-чаап койсом секирип бийлеп кирчү (күлүп).
Апам казак кызы да. Бир жолу Казакстандын Мерке айылына конокко барганыбызда «биздин кызыбызды да ырдатып көргүлөчү» деп сурандык. 2-класста окуп жаткан Алина тыпылдап чыгып алып орусча, англисче ырларды сонун кылып ырдап берди. Отургандардын баары ошондо «бул кыз чоңойсо ырчы болот» дешкен.
Атам Алмаканды аябай жакшы көргөндүктөн эрке өстү. Жумуштан келе жатканда эле «Алмакан» деп кыйкырат, бул болсо темтеңдеп чуркап жөнөйт. Анан үйгө чейин көтөрүп келчү. Ал адатын 4-5-класста окуганда гана классташтарынан уялганынан таштады. Кийин мен аны балдарыма каралашсын деп шаарга, жаныма алып келип, №5-гимназияга окуттум. 1 жыл окуп, каникулда «апамды сагынып жатам» деп айылга кетип, ошол боюнча келбей койду. Мектептен комуз ийримине катышып, ырдап жүрчү. Мектепти аяктаган соң бул жакка келип, чыгармачылыкка аралашты. Ушу чоңдорго бир аз таарынычым бар, булар артисттерге колдоо көрсөтүшпөйт. Москвага сынакка кетип жатканда өкмөттөн жардам болбой, туугандар күндөп-түндөп кийимин, жол киресин таап бергенбиз. Андан кийин Юрмалага барды. Сыналгыдан сиңдимдин ырдаганын көргөндө туугандары баарыбыз ыйлап, сыймыктанган элек.

Райхан Абдувалиева, курбусу: «КУРБУМА ДАЛЕ КҮЙӨРМАН ЖИГИТТЕРИ ТЕЛЕФОН ЧАЛЫШАТ»
- Алинаны мен кан досум деп коём. Экөөбүз 20 жылдан бери ынакпыз. Алина менен жүрсөң дайыма күлкүлүү окуяларга кабыла бересиң. Бир жолу Ош жакка гастролдоп барып калдык. Анан Алина туугандарына белек-бечкек алмакчы болуп жатканда «бул жакта кичине түшүңүз деп соодалашсаң түшөт» деп үйрөтүп жибергенбиз. Бир убакта «түшүрө албай койдум» деп мурчуюп келиптир. Көрсө, Алина барып бардыгын алып, акчасын төлөп болгон соң «кичине түшүп койбойсузбу» деген экен да (күлүп). «Биринчи түшүрүп алып, анан акчасын төлө да» десек «ий, эмкиден баштап ошентейинчи» деп коёт. Тойдон жакшы табат да. Ак көңүл, берешен, жаңы тапкан акчасын «ме сага, бул болсо сага» деп сурагандарга берип жок кылат. Акча кармаса эле колу кычышып кетеби, билбейм. Анан өздүк архивин такыр чогултпайт, сурагандарга берип коюп унутуп кала берет. Дисктерин, сүрөттөрүн мен чогултуп коём. «Ай, мага керекпи же сага керекпи?» десем «ий, досум, чогулта берчи, бир күнү алам да» деп коёт.
Алина популярдуу болуп турган чакта да жөнөкөйлүгүнөн тайган жок. Убагында аябай катуу чыгып, кыздарынын атын Алина деп койгондор көбөйгөн. Өткөндө Москвага концерт коюп барып калдык. Ошондо 4-5 кыз келип «менин атымды ата-энем сиздей болсун деп коюшуптур» дешти. Анан күйөрман жигиттери көп болчу, андайлар дале «сүйүп калдык» деп чалышат. Эсимде, бир жолу «Райхан, бирөө эле чалып жанды койбой жатат. Жолдошум бар десем да болбойт. Бир нерсе деп койчу, анын айынан жолдошум экөөбүз күндө урушуп жатабыз» дегенинен номерин алып укук коргоо тармагында иштеген айым болуп чалып койсом, ошондон кийин чалбай калды. Дагы кызыгы, мындан 3 жыл мурун «Кыргыз Республикасына Эмгек сиңирген артист» деген наамды алганда элдин баары кубанган. Ошондо Маданият министрлигинен телефон чалышып «сизге наам бергени жатабыз» деп сүйүнчүлөшсө Алина «эк, той бар экен десе» деген экен. Угуп алып баарыбыз күлдүк. Ушундай да, башкалар, керек болсо, андай наамды акчага деле сатып алып жатышпайбы.

Асылбек Рысалиев, мугалими: «БОЮ КЫСКА, КИЧИНЕКЕЙ КЫЗ БОЛЧУ»
- Өзүм филармониянын алдындагы эки жылдык студияны бүтүп, ошол жерде окуучуларга сабак берип жүргөм. Анан бою кичинекей, арыкчырай кыз окууга тапшырып калды. Ырдатып көрсөк үнү жакшы экен, бирок комиссияда отургандар «бою кичинекей экен» деп калышты. Комиссиянын мүчөсү болуп отургандар «Роза Рымбаеванын бою узунбу? Бул кыздын үнү бийик экен, бою өсөт, алыш керек» деп талашып-тартышышты. Ошентип Алина биздин студияга өтүп кеткен. Ал жаңыдан окуй баштаганда эле өзүнүн зиректигин көрсөтүп, сабактарга активдүү катыша баштады. Адегенде Ибрагим Жунусовдун, Сардарбек Жумалиевдин ырларын ырдап жүрдү. Кийин «Жетиген» деген ансамблде ырдап калды. Кыргызстандын бардык жерлерин кыдырып концерт койчубуз.
Алинага байланыштуу бир кызыктуу окуя айтып берейин. Бир жолу филармонияда концерт болуп, ал сахнада ырдап жаткан. Анан бир маалда бою узун бир жигит ага гүл берейин деп барды. Алинанын бою кичинекей да, тиги жигит аны өбөйүн деп жакшы эле аракет кылды, бирок өбө албай, ыңгайсыз абалда туруп калды.
Алина эки жылдык студиядан алган билими менен эле токтоп калды, эгерде андан ары консерваториядан билимин улантса, балким, мындан да жакшы ырчы чыкмак.

Канат Карамолдоев, (ред. Карамолдо Орозовдун небереси), сахналашы: «АТАКТУУ БОЛУУГА УМТУЛБАЙТ»
- 1986-1990-жылдары Алина «Ариет» тобунда ырдап калды. Мен ал топтун музыкалык жетекчиси элем. Ал учурда күнү-түнү иштеп, филармонияда түнөчүбүз. Алинанын биринчи күйөөсү Кубат Үмөталиев бас-гитарист эле, аны «топко кошолу» деп алып келиптир. А бизде Медер Токтогулов (ред. Токтогул Сатылгановдун небереси) деген өзүбүздүн бас-гитаристибиз бар болчу, ал тим эле эзет да. Аны көрүп Алинанын күйөөсү «буга теңелиш кайдан?» деди да, «мен анда үн режиссёруңар болуп берейин» деп бизге кошулду. Ошентип күчтүү музыканттар чогулуп 1986-жылы Ташкентте өткөн сынакта 1-орунду ээлеп, Москвага жолдомо алдык. 1987-жылы Москвадагы бүткүл союздук өлкөлөрдүн сынагында 3-орунду алганбыз. Ал сынакта Алла Пугачёва калыстар тобунун төрайымы болгон. Андан соң Маданият министрлиги бизди көп өлкөлөргө гастролго жөнөттү.
Алина токтоо, жөнөкөй, анан тырышчаак. Ал кезде фонограмма жок, жандуу үн менен ырдайбыз. Алина толтура ырларды ырдайт, алардын сөзүн жаттаганга убакыт керек да, сахнага бут алдына чоң кагаздарды жайып алып, анан акырын аларды карап алып ырдай берчү. Бир жолу Абхазияда гастролдоп жүргөнүбүздө Алина сахнада туруп бир ырдын сөздөрүн такыр башкача ырдап жатат. Биз болсо «мындай жери жок эле го» деп таң калып коёбуз. Ал болсо бизди карап күлүп коюп ырдай берди. Көрсө, сөздөрүн унутуп коюп оюна келгенин ырдап жатыптыр. Абхаздар кыргызча билишпейт да. Башка бирөө болсо эмне кыларын билбей оозун ачып туруп калмак.
Кээде убакытты өткөрүш үчүн карта ойночубуз, дайыма Алина утуп алчу. Ал эми ашканага киргенде көп тамак жебейт, топтогу балдар жанына отуруп алабыз. Себеби ал бир аз жеп, калганын бизге берип койчу. Бир күнү курсагы ачып келиптир. Биз ага чейин «Алина ансыз деле тамак жебейт да» деп анын тамагын жеп койгонбуз. «Менин тамагым кайда?» дейт, «сен жебейсиң да» десек «мен бүгүн ачкамын» деп коёт (күлүп). 1988-жылы Африканын Конгосуна барып калдык. Анан бассейнге түшмөкчү болуп барсак европалык, африкалык аялдар жарым жылаңач болуп жүрүшүптүр. Биз андайды көргөн эмеспиз да, балдар эсибиз ооп эле аларды карап калыптырбыз. Анда Алина бизге «Ай, эсиңер ообой түшпөйсүңөрбү!» дегенде баарыбыз күлгөнбүз. Ушундай күлкүлүү учурларды көп кармачу. Алинанын эң жакшы сапаты жөнөкөйлүгү. Атактуу болоюн деп умтулбай, өзүнүн чыгармачылыгы менен алектенип жүрө берет.

Касымбек Субанбеков, классташы: «АЛИНАГА АЙЫЛДЫН БААРЫ АШЫК БОЛЧУ»
- Алина экөөбүз Талас районунун Арал айылындагы мектепте чогуу окудук. Жакшы окуп, ийримдерге калбай катышчу. «Мен атактуу артист болом» деп класстын ичинде ары басып, бери басып ырдай берчү. Сулуу, таланттуу, жакшы окуган кызга ар бир эле жигит ашык болот эмеспи. Менин кол жазмам жакшы болгондуктан көп балдар мага келип Алинага кат жаздырып кетишчү. Мен болсо классташ катары сыйлап, талантын баалачумун. Балким, балалык сезим менен мен деле кат жазгым келип же сөз айткым келсе керек. Бирок классташ катары сый мамиледе болдук. Айылда чоңураак балдар кичирээктерин кубалап жиберишет эмеспи. Алинага келген чоң балдар бизди кубалап жиберишет, алар кеткиче талдын түбүндө жашынып отурган күндөр болгон. Классташым ошол кезде кандай болсо, дале ошондой. Атак-даңк аны өзгөртө алган жок.

«Бир концерттен Эржан мени көрүп жактырып калып, артымдан издеп келип таанышкан».

«Кичүү уулум Алтынбек жана неберелерим менен. Алтынбек чоң ата, чоң энесинин уулу. Алар кичинесинен бакканы менен, бизге да өтө жакын. Учурда Улуттук университетте 3-курста окуйт».

«Мени ээрчип кичинесинен сахнада чоңоюшкан уулум Азиз менен кызым Азел учурда үй-бүлөлүү».

Сүйүн Кулматова
Асхат Субанбеков
Жибек Мурсакматова
star@super.kg


Алина Жетигенова: "Он жыл жан сакчы менен жүргөм"

Автор: Айзат Болотбек кызы
Оператор: Азамат Бакиров

"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  4 
Комментарийлер(39)
Super TV
11.10.2014. 16:24 
Тайпасы:
Жаран
Комментарийлердин саны:
104
Катталган:
18-11-2010
Соӊку аракети:
02-03-2018 09:35
Жынысы:
Белгисиз
0
ушу интервью алган кыз жакбайт неприятная. менин жеке ойум
Super TV
11.10.2014. 23:07 
Тайпасы:
Жаран
Комментарийлердин саны:
168
Катталган:
24-05-2014
Соӊку аракети:
01-03-2018 02:13
Жынысы:
Белгисиз
Калаасы:
Bishkek
0
azamat aiym da
Super TV
11.10.2014. 23:58 
Тайпасы:
Жаран
Комментарийлердин саны:
167
Катталган:
13-12-2011
Соӊку аракети:
25-01-2018 11:33
Жынысы:
Белгисиз
Калаасы:
Οω- Μοsκβα
0
Жашарып кетиптир. Үй-бүлөөлүк ынтымак, ден соолук!
Super TV
12.10.2014. 00:52 
Тайпасы:
Жаран
Комментарийлердин саны:
110
Катталган:
15-04-2014
Соӊку аракети:
25-09-2018 19:21
Жынысы:
Белгисиз
+1
Алина Жетигенова эталон женственности, красоты, нежности и мудрости.
Super TV
12.10.2014. 03:15 
Тайпасы:
Кыймылы жок
Комментарийлердин саны:
60
Катталган:
17-03-2014
Соӊку аракети:
18-08-2015 02:05
Жынысы:
Белгисиз
0
Alina apche supsuluu, modnica, japjash...
Menin en suyuktuu yrchym!
Super TV
12.10.2014. 03:27 
Тайпасы:
Жаран
Комментарийлердин саны:
273
Катталган:
26-04-2014
Соӊку аракети:
17-05-2018 08:06
Жынысы:
Белгисиз
+8
Баарынарга кошулам,бир гана айтчу нерсе бир аз жабыгыраак кийинсениз жакшы го Эми,кантсе да жашыныз да парзынызда бул нерсени талап кылат.
Super TV
12.10.2014. 04:03 
Тайпасы:
Жаран
Комментарийлердин саны:
43
Катталган:
25-08-2013
Соӊку аракети:
25-09-2018 04:35
Жынысы:
Белгисиз
Калаасы:
Ала бука району жойбелент айылы
0
Самыдан сыйпап сыйпап дейтко
Super TV
12.10.2014. 21:54 
Тайпасы:
Тартип бузгандар
Комментарийлердин саны:
47
Катталган:
22-04-2014
Соӊку аракети:
07-07-2015 15:50
Жынысы:
Белгисиз
-1
Бут эле жасалма.кийинген кийимин кара,озуно жарашканын эле кийсе болмок.боенгонун айтпай эле коеюн.
Super TV
12.10.2014. 22:42 
Тайпасы:
Кыймылы жок
Комментарийлердин саны:
19
Катталган:
07-05-2012
Соӊку аракети:
09-10-2016 17:12
Жынысы:
Белгисиз
Калаасы:
Бишкек
0
Алина негизинен Тараз Асанакуновдун кыздын сыры аттуу ыры менен кобуроок попульярдуу болгон жана ырдаган ырларынын кобу Тараздыкы болчу. Бирок эмнегедир Аскар Карыбаевдин жетим кыз деген ыры менен попульярдуу болгом деп койду.
Super TV
12.10.2014. 23:14 
Тайпасы:
Кыймылы жок
Комментарийлердин саны:
2
Катталган:
08-10-2014
Соӊку аракети:
22-06-2016 03:34
Жынысы:
Белгисиз
-6
ырларын укпаптырмын.
Super TV
13.10.2014. 01:37 
Тайпасы:
Кыймылы жок
Комментарийлердин саны:
93
Катталган:
04-05-2013
Соӊку аракети:
05-05-2016 03:21
Жынысы:
Белгисиз
Калаасы:
москва
+1
Айзатын уну укмуш коздорун сонун кылып алыптырго жанынан ий сенин...корунбой кайда журдун сагындырып...
13.10.2014. 10:18 
Тайпасы:
Кыймылы жок
Комментарийлердин саны:
14
Катталган:
08-10-2014
Соӊку аракети:
12-03-2017 14:13
Жынысы:
Белгисиз
0
Жакшы маек болуптур аяябай,оркунунуз осо берсин.
13.10.2014. 11:07 
Тайпасы:
Жаран
Комментарийлердин саны:
300
Катталган:
07-08-2014
Соӊку аракети:
10-05-2018 22:54
Жынысы:
Белгисиз
Калаасы:
Ай
0
Эч жага бербейт ушу ырчы.
13.10.2014. 12:33 
Тайпасы:
Жаран
Комментарийлердин саны:
68
Катталган:
21-05-2013
Соӊку аракети:
15-08-2018 08:47
Жынысы:
Белгисиз
Калаасы:
Апакемдин журогу
0
Алина эженин ырлары менен чоңойдук го.Ошол ырларды сагынам.
13.10.2014. 12:44 
Тайпасы:
Жаран
Комментарийлердин саны:
21
Катталган:
20-04-2014
Соӊку аракети:
25-09-2018 18:57
Жынысы:
Белгисиз
0
Алина эже мен сыйлаган ырчы ден соолугнуз бекем омурунуз узун болсун
13.10.2014. 12:50 
Тайпасы:
Кыймылы жок
Комментарийлердин саны:
62
Катталган:
10-03-2014
Соӊку аракети:
31-10-2016 19:16
Жынысы:
Белгисиз
+2
50 жашта жаш корунот экен
Super TV
13.10.2014. 14:31 
Тайпасы:
Кыймылы жок
Комментарийлердин саны:
35
Катталган:
22-05-2014
Соӊку аракети:
02-02-2016 21:56
Жынысы:
Белгисиз
0
Эталон красоты и женственности. Жаш кыздардай журот. Эжени эч ким небереси бар деп ойлобойт. Так держать. Биз сиз менен сыймыктанабыз.
Super TV
13.10.2014. 18:49 
Тайпасы:
Жаран
Комментарийлердин саны:
227
Катталган:
20-11-2013
Соӊку аракети:
09-03-2018 15:40
Жынысы:
Белгисиз
+3
жаш сулуу бойдонсуз бирок Кыргыздарча Кичине жабыгыраак кийинип келсениз болмок баарибир карыдыныз озунуздун жашынызга ылайыктуу сонун кийимдер барго кечирим сурайм акыл уйротконум учун
14.10.2014. 00:48 
Тайпасы:
Кыймылы жок
Комментарийлердин саны:
8
Катталган:
07-10-2014
Соӊку аракети:
14-10-2016 01:22
Жынысы:
Белгисиз
0
Сейчас она выглядит намного лучше,чем в молодости
14.10.2014. 11:54 
Тайпасы:
Жаран
Комментарийлердин саны:
7
Катталган:
17-01-2014
Соӊку аракети:
25-09-2018 20:15
Жынысы:
Белгисиз
Калаасы:
Анкара
0
Синдимдин атында ушул Алина эженин атынан Алина коюлган экен.
14.10.2014. 13:09 
Тайпасы:
Жаран
Комментарийлердин саны:
195
Катталган:
26-01-2011
Соӊку аракети:
15-12-2016 20:00
Жынысы:
Белгисиз
Калаасы:
ош
0
ejeke,
ekoobuzdun tuulgan kunubuz 1 kundo(6-november)
Super TV
14.10.2014. 20:24 
Тайпасы:
Жаран
Комментарийлердин саны:
Катталган:
04-02-2013
Соӊку аракети:
09-09-2018 16:10
Жынысы:
Белгисиз
0
ашыкча бойок жаш эмес да неберелери бар экен
14.10.2014. 23:40 
Тайпасы:
Кыймылы жок
Комментарийлердин саны:
43
Катталган:
01-10-2014
Соӊку аракети:
29-05-2015 16:27
Жынысы:
Белгисиз
0
Kyzy aiyldyktardai eken
Super TV
15.10.2014. 04:04 
Тайпасы:
Жаран
Комментарийлердин саны:
28
Катталган:
07-04-2014
Соӊку аракети:
30-04-2018 15:19
Жынысы:
Белгисиз
0
Супсулуу жаш бойунча Алина эже
15.10.2014. 04:43 
Тайпасы:
Кыймылы жок
Комментарийлердин саны:
5
Катталган:
02-10-2014
Соӊку аракети:
20-10-2016 10:15
Жынысы:
Белгисиз
0
Даа жакшы ырдайт. Мен 1999-жылы Оштун азем тундору фестивалында 1-ирет жанынан коргонмун. Айылга барып оло мактанганмын :D
Super TV
15.10.2014. 10:56 
Тайпасы:
Жаран
Комментарийлердин саны:
43
Катталган:
05-01-2012
Соӊку аракети:
03-12-2017 14:43
Жынысы:
Белгисиз
Калаасы:
bishkek
0
Мыктыбек Уметалиевдин " Айдаралы койрон" деген аткаруусу болсо жуктоп койосуздарбы
15.10.2014. 20:17 
Тайпасы:
Жаран
Комментарийлердин саны:
21
Катталган:
20-04-2014
Соӊку аракети:
25-09-2018 18:57
Жынысы:
Белгисиз
0
Алина эже бир убактарда жарк деп жылдыз болду эле ошол ырлар менен биздин жаштыгыбыз отту кайрадан Алина ошондогудай болуп хит болуп биз да ошол кундорго кайтып калсак кана убагында баркын билбейт экенсин
Super TV
16.10.2014. 04:26 
Тайпасы:
Жаран
Комментарийлердин саны:
280
Катталган:
17-09-2010
Соӊку аракети:
25-09-2018 23:22
Жынысы:
Белгисиз
Калаасы:
Бишкек-Ankara
0
Алина Жетигенова ошол эле жап жаш бойдон, макияжы да, кийиннгени да, сүйлөгөнү да сонун. Айзат жакшы суроолорду берип, жакшы маек курдун, ушундай жылмайып сүйлөгөнүң жакшы жарашат экен. Ишиңерге ийгилик!
Super TV
19.10.2014. 05:13 
Тайпасы:
Жаран
Комментарийлердин саны:
60
Катталган:
23-03-2013
Соӊку аракети:
26-09-2018 00:21
Жынысы:
Белгисиз
0
Alina eje myncha suluusuz!anan ayabai jash korunosuz syry emnede?
20.10.2014. 14:46 
Тайпасы:
Кыймылы жок
Комментарийлердин саны:
10
Катталган:
14-07-2014
Соӊку аракети:
03-02-2015 17:33
Жынысы:
Белгисиз
0
Сонун маек болуптур. Алина эжени жактырам, абдан жагат мага да. Бактылуу болунуз!
1
2
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21232;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: