Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

34 КИШИНИН ӨЛҮМҮНӨ СЕБЕПКЕР ДАРЫНЫН ЧЫРЫ ЭМНЕДЕ?

№623 10-октябрь-16-октябрь, 2014-ж


Жакында укук коргоо органдары Чүй облустук ооруканасында дарыланып жаткан 34 бейтап колдонуу мөөнөтү бүтүп калган дарыдан улам каза тапкан деген фактынын негизинде кылмыш ишин козгоду. Жарым жан бейтаптарды колдонуу мөөнөтү өтүп кеткен дары менен уулап жатканы чындыкпы же бул жерде кандайдыр бир тараптардын көздөгөн кызыкчылыктары барбы иликтеп көрдүк.

КОЛДОНУУ МӨӨНӨТҮ БҮТКӨН ДАРЫНЫ 3 АЙ БОЮ КУЮП КЕЛИШКЕН
2013-жылдын 25-майында Чүй облустук ооруканасынын Жасалма бөйрөк бөлүмүндө жаткан бир нече бейтап тиешелүү жактарга арыз жазышкан. Алардын айтымында, аталган жылдын февраль айынан тарта Чүй облустук ооруканасынын жасалма бөйрөк бөлүмү репретин (бөйрөк иштебей калганда бейтаптын абалын убактылуу турукташтырып туруучу
инъекциялык каражат)
дарысынын жарамдуу мөөнөтү бүткөн партиясын бейтаптарга сайып келген. Бейтаптар репретин каражатынын колдонуу мөөнөтү февраль айында эле аяктаганын кутучасынан 2013-жылдын май айында көрүшкөн.
Ошол эле жылдын 13-августунда иликтөөлөрдөн соң аталган иш боюнча кылмыш ишин козгоо негизсиз деген чечим чыккан. Аталган факт боюнча үстүбүздөгү жылдын 12-сентябрында Бишкек ШИИББинин тергөө бөлүмү тарабынан Кылмыш-жаза кодексинин 119-беренеси (медицина кызматкеринин өзүнүн кесиптик милдеттерин талапка ылайык аткарбашы) боюнча кылмыш иши козголуп, учурда бул боюнча Свердлов РИИБи тергөө иштерин жүргүзүп жатат.

«КАЗА БОЛГОНДОРДУН САНЫ ТАКТАЛУУДА»
ИИМдин маалымат кызматынын кызматкери ЭРНИС ОСМОНБАЕВ окуя боюнча буларга токтолду:
– Азыр жеке адамдын үстүнөн эмес, факт боюнча кылмыш иши козголду. Арыздануучулар «каза болгондордун саны 34кө жеткен, ал тургай мындан дагы көп болушу мүмкүн» деп айтып жатышат. Соттук-медициналык экспертиза Чүй облустук ооруканасында болжол менен 20 бейтап каза тапкан дешүүдө. 34 адамдын баары тең ошол мөөнөтү бүткөн дарыны алуудан көз жумдубу же башка себептен каза болгонбу, бул тергөө иштеринин жыйынтыгында билинет.

ЖЕКЕ КЫЗЫКЧЫЛЫКТАН УЛАМ КЕЛИП ЧЫККАН ЧУУ ЭМЕСПИ?
Бир жарым жылдан бери ушул мөөнөтү бүткөн дары үчүн коомчулукта жаралган талкуу соңуна чыкпай келет. Депутат Ширин Айтматова «репретин дарысын ташыган «Ротафарм» компаниясы өлкөнү сапатсыз жана терс таасир берүүчү дарылар менен камсыздап келе жатат» деген маалымат таратып, бир топ чуу жаралган эле. Бул аралыкта репретин дары-дармек рыногунан сүрүлүп чыгып, анын ордуна «Хоффманн-Ля Рош» компаниясынын рекормон дарысы активдүү кире баштайт. Кийин репретин дарысын ташыган «Ротафарм» компаниясынын айыптарын ачыктаган ынанымдуу далилдер депутат Ширин Айтматова тарабынан келтирилбегендиктен, компания аны сотко берип, соңунда депутат утулуп калган. Көп өтпөй эле аталган дарынын айынан кылмыш иши кайра козголуп отурат.
Ошол учурдагы министр Динара Сагинбаева Кыргызстанга дары ташыган компаниялар тууралуу «Ротафарм» компаниясынын министрликке сунуштаган шарттары жана баалары канааттандырат. Бул жерде эл аралык дары ташуучу ири компаниялардын ортосунда жаралган атаандаштык көрүнүп эле турат» дегени бар.

«РЕПРЕТИНДИ РЕКОРМОН МЕНЕН АЛМАШТЫРГАНБЫЗ»
34 адам каза тапты делген Чүй облустук ооруканасына барып, Жасалма бөйрөк бөлүмүнүн бөлүм башчысы БАКЫТ РАЙКАНОВго жана ал жакта дарыланып жаткан бейтаптарга жолуктук.
– Өлдү делинген 34 кишинин баары эле Чүй облустук ооруканасында каза тапкан жок. Биздин бөлүм уюшулган 4 жылдан бери 21 киши бөйрөктүн жетишсиздиги жана башка дарттардан көз жумган. Алардын архивдеги ооруларынын тарыхы жазылган китепчеси чогултулуп, атайын түзүлгөн комиссияга тапшырылган. Чуу жаралган учурда иштеген бөлүм башчы менен башкы дарыгер жумуштан бошотулган. Андан бери бул бөлүмдү мен жетектеп келе жатам. Бир жарым жылдан бери бейтаптарга жалаң эле рекормон дарысын колдонуп жатабыз.
Репретинди жаман же жакшы деп айта албайм, себеби аны колдонгон жокпуз. Рекормондун баасы алгач кымбат болчу. Бирок азыр репретин менен бирдей эле болуп калды.
Биз бир жылда 2 жолу дары-дармектерди колдонуу мөөнөтүнө жараша жаңыртып турабыз. Бөлүмүбүз анча чоң эмес. Күнүнө 4 смена менен кызматкерлерибиз тынбай иштеп келишет. Ал эми гемодиализ аппараттары 6 даана болчу, экөө бузулуп калган. Күнүгө 30 бейтапты 4 гемодиализ аппараты тейлеп жатат.

«ЖЫЛЫШ ДЕЛЕ БОЛГОН ЖОК»
Жумасына 3 маал гемодиализ аппаратына жатып, канын тазалатып турган 63 жаштагы бейтап БАЙЫШБЕК ДУБАШЕВ:
– Мен бөйрөк жетишсиздигинен улам дайым гемодиализге жатып канымды тазалатып турууга аргасызмын. Доктурлар «гемоглобиниңиздин нормасы төмөн, 85-86» дешет. Ал эми норма боюнча 100дөн ашып туруш керек экен. Буга чейин ушул эле ооруканада репретин алып жүрчүмүн, бир жылдан ашып калды, рекормон алып жатам. Экөөнүн таасири бирдей эле. Жаман болуп кеттим же ден соолугум жакшырып кетти деп айта албайм. Айырмасы деле жок экен.

«ЧЕТ ӨЛКӨДӨН ОПЕРАЦИЯ ЖАСАТУУДАН БАШКА АРГА ЖОК»
Сиңдиси дайым гемодиализ алууга муктаж МЭЭРИМ КУЛУМБАЕВА бөйрөк оорусунан жабыркаган адамдардын саны жылдан жылга өсүп жатканын байкаганын айтат:
– Сиңдим Асел Кулумбаева 2010-жылдан бери бөйрөк оорусунан жабыркап келет, төрөттөн кийин эле бул оору жабышты да калды. Жумасына 3 жолу гемодиализге жатып, рекормон дарысын үзгүлтүксүз алып турат.
Доктурлар чет өлкөгө алып барып, бөйрөк алмаштыруудан башка айла жок экенин айтышты. Азыр ак кан, бөйрөктүн иштебей калышы менен жабыркагандардын кезеги ушунчалык узун түзүлөт.

Ар башка ооруканадагы бейтаптардын бир нечеси менен жолугуп, алардын көздөгөн жалгыз максаты эптеп оорудан айыгуу экенин байкадык. Ансыз деле ажал менен алышкан оорулууларга рекормонбу, репретинби же дагы башка аталыштагы дарыбы, баары бирдей туюлат. Эгер тиешелүү тараптар жеке маселелерди эмес, жалпы бейтаптардын өлүмүн негизги көйгөй катары карап чара көрсө, балким, өмүрлөрү бир аз узак болот беле деген ойго келесиң.

ДАРЫЛАРДЫН АЙЫРМАСЫ ЭМНЕДЕ?
Репретин дарысы Кыргызстандагы ооруканалардын гемодиализге муктаж бейтаптарына мамлекеттин эсебинен берилет. Демек, бюджеттен Жасалма бөйрөк бөлүмдөрүнө деген каражат түздөн-түз компанияга келип түшөт. Маселе, балким, ушул жерде болуп жүрбөсүн? Ким эле мамлекеттин казынасынан туруктуу каражатты капчыгына куюуга озунбасын?
Репретин Кыргызстандын медицина тармагында 2009-жылдан бери колдонулуп келет. Былтыркыга чейин бул дарыга бейтаптар тарабынан терс таасир берип жаткандыгы тууралуу даттануулар түшкөн эмес. Баасы 450-500 сомдун тегерегинде.
Мындан 1 жарым жыл мурун Жогорку Кеңештин депутаты Ширин Айтматова да негедир ушул чырга аралашканы маалым. Депутат дары-дармек рыногуна репретиндин ордуна рекормон дарысын киргизүүнү сунуштаган. Аталган препарат дагы репретин сыяктуу таасир берет. Анын орточо баасы 950-980 сом турат.

Гүлжан Асанкожоева
koom@super.kg


34 кишинин өлүмүнө себепкер дарынын чыры эмнеде?

Автор: Айзат Болотбек кызы
Оператор: Азамат Бакиров

"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(8)
13.10.2014. 19:20 
Тайпасы:
Кыймылы жок
Комментарийлердин саны:
39
Катталган:
09-10-2014
Соӊку аракети:
10-07-2016 11:56
Жынысы:
Белгисиз
0
Бул жерде адамдын омуру жонундо болуп жатканда чонтокторун ойлобой эле коюшса болмок.
14.10.2014. 10:39 
Тайпасы:
Жаран
Комментарийлердин саны:
54
Катталган:
17-02-2013
Соӊку аракети:
24-04-2018 10:26
Жынысы:
Белгисиз
0
бизге баары просрочка болуп каалган даарылар келет сыртына жаңы датанын коропкасын кийгизип алып сата
беришет
14.10.2014. 11:43 
Тайпасы:
Жаран
Комментарийлердин саны:
136
Катталган:
04-09-2014
Соӊку аракети:
18-09-2018 17:26
Жынысы:
Белгисиз
0
Жасалма бойрок да болобу,аны менен да кадимкидей жашай береби?
Super TV
14.10.2014. 16:47 
Тайпасы:
Жаран
Комментарийлердин саны:
22
Катталган:
18-07-2013
Соӊку аракети:
20-09-2018 15:19
Жынысы:
Белгисиз
0
Айыктырбай эле олтурушот экенда ,доктурларгада ишенич жок экенда.
Super TV
14.10.2014. 21:49 
Тайпасы:
Жаран
Комментарийлердин саны:
390
Катталган:
05-10-2014
Соӊку аракети:
23-06-2018 19:10
Жынысы:
Белгисиз
Калаасы:
Жалал-Абад
0
иликтоо иштери таза журуп кунолуулор жазасын алсын депутат айым баш болуп ошол уколду оздоруно сайыш керек анан билишет адамдын омуру менен ойногон кандай болорун
Super TV
15.10.2014. 10:45 
Тайпасы:
Жаран
Комментарийлердин саны:
55
Катталган:
21-09-2012
Соӊку аракети:
18-08-2018 05:50
Жынысы:
Белгисиз
Калаасы:
Иркутск шаары.
0
Kuday ay biz kyrgyzdarga emne bolup baratat degi?((( Biyliktegiler jep ale jata berbey ushuga okshogondorgo bir az konul bursa bolmok!!!
15.07.2015. 20:13 
Тайпасы:
Кыймылы жок
Комментарийлердин саны:
1
Катталган:
11-07-2015
Соӊку аракети:
21-07-2015 17:36
Жынысы:
Белгисиз
0
Акыркы жылдары бойрогу менен ооруган адамдар кобойду , себеби эмнеде? Кантип сактануу керек? Ушул тууралуу маалымат берсениздер.
16.07.2015. 11:50 
Тайпасы:
Супермодератор
Комментарийлердин саны:
7529
Катталган:
22-02-2011
Соӊку аракети:
20-09-2018 17:37
Жынысы:
Белгисиз
Калаасы:
...
0
Aizhamal92, саламатсызбы! Сунушуңузду тиешелүү бөлүмгө кабарлап коёбуз, рахмат!
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: