БИР БҮРКҮМ

Орусиянын Новосибирск шаарында бажы кызматкерлери тарабынан Кыргызстандан барган «CHANEL» бренди чапталган 60 миң даана жасалма сумкалардын партиясы тартылып алынды.
Кыргызстанда быйылкы жылдын 9 айынын ичинде өрт КЫРСЫГЫНАН 59 киши, анын ичинде 3 жаш бала каза болду.
Бишкек ШИИББинин жетекчиси болуп КАШКАР ЖУНУШАЛИЕВ дайындалды.
Медициналык илимдердин кандидаты Асел Боржубаеванын айтымында, өлкөдө 30 жаштан өткөн адамдардын 14 пайызынын өлүмү ТАМЕКИ ТАРТУУГА байланыштуу.
Өлкөдө 8 ай ичинде 923 наристе АСЫРООГО алынып, жыл башынан бери 12 кыргызстандык жаш баланы чет өлкөлүктөр багып алды.
Бишкектин мэри КУБАНЫЧБЕК КУЛМАТОВ: «2014-жылдын 9 айы ичинде шаар ичинде 8 миңге жакын жолбун жаныбарлар кармалып жана атылган»,- деп айтты.
Жогорку Кеңештеги КСДП фракциясы квотасындагы Саламаттыкты сактоо министрлигине акыркы 20 жылдан бери Түркияда иштеп келе жаткан кардиолог ТАЛАНТБЕК БАТЫРАЛИЕВДИН талапкерлигин көрсөтмөй болууда.
Бишкек шаарынын Токтогул көчөсүн оңдоодо 91 ДАРАК КЫЙЫЛДЫ.

Наргиза Бекжанова,
Мирлан Өмүралиев
politika@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (1)

Nuriss

2014-10-23 17:12:24

Мен да бала багып алайын дегем кантип багып алсак болот мен кыргызстандын жараны эмесмин мага сиздердин жардамыздар керек

Комментарий калтыруу үчүн өз ысымыңыз менен кириңиз же каттоодон өтүңүз.

№ 624, 17-октябрь-23-октябрь, 2014-ж