Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

ИЧ КАТУУ РАК ООРУСУНА ЖЕТКИРЕТ

№368 20-26-ноябрь, 2009-ж.


Ич катуу – негизинен аз кыймылдуулук менен туура эмес тамактануудан чыгат. Ал эми өнөкөт ич катууда түрдүү ооруларга, анын ичинде рак оорусуна чалдыгуу коркунучу бар. Бул тема боюнча кененирээк маалымат.

ИЧ КАТУУДА КАНДАЙ ООРУЛАР КЕЛИП ЧЫГАТ?
Ич катуу дегенде, заңдардын ичегиде узакка туруп калуусун же ичегинин начар иштөөсүн түшүнөбүз. Жоон ичегиде заңдын топтолуп калуусу ичегинин чоюлуп, формасын жана өлчөмүн жоготуусуна жеткирет. Мунун айынан ички органдар кысылып, жакшы иштей албай калат.
Адам тамак жей бергени менен заң сыртка чыкпаса, анда заңдагы уулуу заттар жоон ичегинин капталдары аркылуу канга сиңет. Анан кан аркылуу бүт денеге тарайт. Мындай учурда боор, тери, өпкө да чыңалып иштейт. Оор жүк боорго түшөт. Натыйжада эскирген заң иммунитетти начарлатат. Мындай уулануу организмди оор ахыбалга жеткирип, түрдүү оорулардын келип чыгышын шарттайт. Башкача айтканда, сасык тумоодон баштап, аллергия, жүрөк-кан тамыр, тери ооруларын пайда кылып, ички бездердин иштөөсүнө да терс таасирин тийгизет. Алтургай рак оорусунун келип чыгуусу да толук мүмкүн.
Ич катуунун өтүшүп кетишинин белгилери: Оор дем алуу, тилдин үстүн кебер басуу, бат чарчоо, теринин жана чачтын өңүнүн бузулушу, безеткинин чыгышы, теринин кургак тартышы эсептелет.
Ошондой эле баш оору күчөп, маанай чөгүп, эс-тутум начарлап, жүрөктүн согушу өзгөрүп, ооздо жагымсыз жыт пайда болот. Кээде көңүл айлануу, кусуу, зарына да байкалат. Ич катканда адам ыйына берип геморройго да чалдыгат.

СЕБЕПТЕРИ
Ич катуунун себептери толтура. Антсе да негизги себептери төмөнкүлөр:

  • Нервге байланыштуу факторлор;
  • Аз кыймылдуулук;
  • Туура эмес тамактануу;
  • Ичегилердин сезгениши;
  • Ички бездердин иштөөсүнүн бузулушу ж.б.
  • Тамеки тартуу жана баңгизатын колдонуу;
  • Сууну аз ичүү.

Нервге байланыштуу факторлор. Ички органдардын иштөөсүн жөнгө салып туруучу нерв системасына күч келсе, адамда ич катат. Буга катуу кайгыруу, коркуу, басынып, чүнчүп кетүү, күндөлүк режимдин, эс алуунун бузулушу жана башкалар кирет.
Аз кыймылдуулук. Физикалык активдүүлүктүн аз болушу ичегинин иштөөсүн начарлатып, ич катууну жаратат. Бул өзгөчө кары адамдарда байкалат. Жөө басуунун ордуна дайым унааны колдонуу да ичегинин иштөөсүн начарлатып, ич катууга алып келерин ар бир жаран билиши керек.
Туура эмес тамактануу. Учурда көптөгөн адамдар атайын иштетилүүдөн өткөн тамак-аштарды көп колдонушат. Анткени алар даамдуу жана даярдоого ыңгайлуу. Мисалы, эттин ордуна колбасаны, ботконун ордуна мюслини, жашылча-жемиштердин ордуна ширелерди, кола, фанта сыяктуу суусундуктарды ж.б. Жыйынтыгында күндөлүк тамак-аштын рационунда клетчаткалардын (өсүмдүктүн негизги курамын түзүүчү зат) саны азаят. Клетчаткалар болсо кара нанда, жашылчаларда, күрүчтө жана башка акшактарда (сулу, арпа ж.б.) бар.
Бат даярдалып жана сактоого ыңгайлуу тамак-аштарды чыгарууда түрдүү консерванттар жана даамы менен өңүн жакшыртуу үчүн кошулмалар кошулат. Булардын баары организмде, анын ичинде ичегиде рактын пайда болушуна алып келүүчү уулуу заттардын көбөйүшүнө жеткирет.
Өнөкөт ич катууда андай зыяндуу заттар организмден чыкпай, тескерисинче топтоло берет.
Андыктан тамак-ашта мюслини, колбаса, сосискаларды, ширелерди, жумурткаларды, таттууларды азайтуу керек. Бат даярдалуучу гамбургер, хот-дог, консерва сыяктууларды жана кола, фанта суусундуктары менен кошо этти, малдын майын да азайтуу зарыл. Анткени эт менен малдын майы эң кеч аш болуучу азыктарга кирип, ичегиде көпкө кармалып, ичегинин иштөөсүн акырындап бузуп, ич катууга жана башкага алып келет.
Ич катпоо үчүн убагында туура тамактануу, жашылча-жемиштер менен кошо акшактан (күрүч, таруу, арпа, сулу, гречка, акталган буудай) жасалган ботколорду колдонууну унутпоо керек. Ич катууга бат-бат кездешкендер кофеден, кызыл демделген чайдан, шоколаддан, ак нандан, манна боткосунан жана шараптан баш тартуулары керек.
Ичегилердин сезгениши. Мите курттар, дисбактериоз, көтөн чучуктун жарылып кетиши, ичегиде жаранын болушу ичегини сезгентет. Оорудан улам адам дааратканага баруудан качып, ичтин катуусу жаралат.
Ички бездерди­н иштөөсүнүн бу­­­­­зу­­лу­шу. Богок, уйку, жыныс бези сыяктуу без ооруларына чалдыккандарда да ич катуу күтүлөт. Андыктан эндокринологго кайрылып, дарылануу менен катар ич катуудан да арылуу кажет.
Тамекини көп тартуу жана баңгизатын колдонуу да ичегинин иштөөсүн бузуп, ич катууга алып келет.
Сууну аз ичүү. Адам ич катпоо үчүн күнүгө 2,5 литрге чейин суюктук (чай, минералдык суу ж.б.) ичиши керек.

КАНТИП КУТУЛУУГА БОЛОТ?

  • Мүнөздөп тамактануу. Өнөкөт ич катууга чалдыккандар дарыгерге кайрылып, текшерилип, атайын диета түздүрүп алуулары кажет.
  • Тамактануунун режимин сактоо. Күнүнө 4-5 жолу тамактануу шарт. Жогоруда айткандай, ичегини тазалап туруучу касиетке ээ акшактарды колдонуу зарыл.
  • Кыймылдуу болуу, жөө басуу, велосипед тебүү, кара жумуш кылуу ичегинин жакшы иштөөсүнө жеткирет.
  • Дары-дармектерди, клизманы колдонуу. Бирок өз алдынча эмес, врачтын кеңеши менен гана колдонуу керек. Анткени туура эмес колдонуу организмди ого бетер алсыздандырып, ооруну күчөтүп жиберет.
  • Ичегилерди атайын аппараттын жардамы менен тазалатуу керек (колоногидротерапия).
  • Тамеки тартуудан жана баңгизатын колдонуудан баш тартуу зарыл.

Эскертип кетүүчү нерсе, ич катуу өнүгүп, дары-дармек жардам бербей турган болсо, анда операциялык ыкма колдонулат.


Элдик медицинадан

ИЧ КАТУУДАН АРЫЛУУ ҮЧҮН...

  • Эң жөнөкөй ыкманын бири. Чийки кызылчаны көзү майда сүргүчтөн өткөрүп, ширесин сыгып алуу кажет. 50 грамм ширенин үстүнө 50 грамм айранды кошуп, 3 саат коюп коёбуз. Дары-аралашма ичүүгө даяр.

Дарылануу курсу 1 ай. Муну колдонгон соң ичегилер калыптагыдай иштеп калат. Бул ичегиге гана жардам бербестен, боордун да иштөөсүн жакшыртат.

  • Эртең менен 2 аш кашык таза кебектин үстүнө 200 грамм кайнак суу куюп, демдеп коюу кажет. Анан суусун төгүп салып, кебекти ач карын жеш керек. Муну 10 күн кайталоо кажет.
  • 2 аш кашык сулунун үстүнө 300 грамм ысык суу куюп, кайнатуу керек. Анан аны сүзүп алып, суусун 50 граммдан ичүү кажет. 5 күн кайталаса жетиштүү.
  • Инжир менен алкорунун (кара өрүк) кагынын үстүнө кайнак суу куюп, түнү менен тыныктыруу кажет. Эртеси аз-аздан иче берсе болот. Канча күн ичсе да уруксат.

Канымжан Усупбекова
kenesh@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  2 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: