Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Мирбек Иманбеков, ырчы: «АЗЫР ДЕЛЕ БУТ ТОСУУЛАРДЫН АЙЫНАН ЖАКШЫ ЫРЛАРДЫ ЖАРАТА АЛБАЙ ЖҮРӨМ»

№625 24-октябрь-30-октябрь, 2014-ж


Бир кезде Мирбек Иманбеков деген ысым кыргыз сахнасында жарк этип жанган. Ырчы сахнада ырдап жатканда телефонун көтөрө чуркаган кыздар, кол тамга сураган күйөрмандар, дүркүрөгөн кол чабуулар... Бул окуялардын баарын бүгүн тарых катары ырчынын өз оозунан угалы.

«АККОРДЕОН ОЙНОГОНДУ НАМЫСТАНЫП ЖҮРҮП ҮЙРӨНГӨМ»
-Чыгармачылыкка болгон кызыгуум бала бакчадан ойгонгон. 5-6 жашымда барабан кагып, балатыны айланып ырдаганым эсимде. Музыкалык аспаптарды ойногонду билбесем да кармалап көрмөй «оорум» бар болчу. Эң алгачкы үйрөнгөн музыкалык аспабым – бул эки кылдуу комуз, үчүнчү кылын таппай коюп, ошол боюнча чертип жүрө бергем.
Бир жолу аккордеонду эптеп көтөрүп алып, алым жетпесе да кыңкылдатып жатсам атамдын Эралкан деген иниси келип «эй, похорондо ойноп жаткандай болбой жакшылап ойнобойсуңбу» деп намысыма тийгенде «көрөсүңөр, мен чоңоюп, аккордеондо ойногонду үйрөнөм» дегем. 7-классымда аккордеонду үйрөнүп, мектепте өткөн ар түрдүү сынактарга катышып ырдап жүрдүм. 9-классымда классташ балдар улуу агалар менен бирге айылга 10 сомдон концерт коюп, андан түшкөн акчаны мектептин оңдоп-түзөөсүнө бергенбиз.

«ТАЛАСТЫК КЫЗ» БАГЫМДЫ АЧТЫ»
-Мектепти аяктаган соң Бишкекке келип, Б.Бейшеналиева атындагы Искусство институтуна окууга тапшырдым. Жатаканада Султан (ред. Садыралиев) экөөбүз чогуу жашап калдык. Ал домбра чертет, мен аккордеон ойнойм. Кийин Султан Замир Арыкбаев менен «Кудача кызды» ырдап, ал хит болуп кетти. Аны көрүп «мен калып каламбы?» деп өзүмчө аракет кылып, тойлордо ырдай баштадым. Бишкектеги Бакыт үйүнүн, «Жеңиш» аянтында өчпөс оттун жанында, көптөгөн үйлөрдө ырдап калдым. Анан чогулткан акчаларыма барып «Таластык кыздын» биринчи вариантына аранжировка жаздыргам. Ал жакшы болбой калды. Кайра ойлонуп экинчи вариантына көбүрөөк акча жумшап жаздырууну эп көрдүм.
Жаңылап жаздырган соң бир топ ырчыларга «концертиңизде ырдатып коюңузчу» деп жалдырап жүрдүм. Акыры Ынак Осмоналиевдин концертинде биринчи жолу чоң сахнага чыгып, мени эл аябай жакшы кабыл алган. Андан кийин Замир Арыкбаевдин «Кудача кыз» деген концертине катышып калдым. Башында алып баруучу «Мирбек Иманбеков» деп мени чакырганда эч ким кол чаппай койду. Аппак шляпа кийип алып сахнага чыгып «Таластык кызды» ырдап бүткөн соң элдин баары кол чаап, кыйкырып, аябай дем берген. Ал кезде досум Чыңгыз Мырзаев радиодо иштечү, ал ырымды эфирден кетирди. Көп өтпөй эле угармандар кайра-кайра суранып отуруп ырым хит болду.
Негизи «Таластык кызды» кичинекейимде эле улуу агалардан угуп, айылдан ырдап жүрчүмүн. Бирок авторун билчү эмесмин. Радиолорго берип жатканда да авторун издеп таппай койгом. Кийин ырдын автору Максат байке (ред. Токтоналиев) өзү издеп келди. Башында ортодо түшүнбөстүктөр болду. Ал киши «бул ырды мен ырдайт болчумун, ырды радиолордон алып кой» дегенинен мен ага «байке, мен бул ырды кичинемден бери ырдап келатам, ушунча жылдан бери чыкпаган ыр жаңы чыга баштады. Жакында клип тартайын деген жакшы оюм бар эле, андан көрө бата тилеп коюңуз» деп аябай жалдырагам. Акыры Максат байке туура түшүндү окшойт «мейли анда, ырдасаң ырдай бер, бирок клип тарттырба, мен өзүм тарттырам» деди. Ошентип бул ырга клип тартылбай калган. Азыр Максат байке экөөбүз сый мамиледебиз. Ал киши бул ырды чыгарбаса мен ырчы болот белем ким билет, ошондуктан ага рахматымды айтам.

«КҮЙӨРМАН КЫЗДАР ЭШИГИМДИН АЛДЫНА ИЗДЕП КЕЛИШЧҮ»
-Ырлар чыга баштаган соң эфирге чыгарса деген ой менен Султан экөөбүз КТРге бардык. Ал кезде продюсер деген сөздү уккан эмеспиз, ошол жактан уктук. Бул жагы түшүнүктүү эле, биздин ырларыбыз хит болуп жаткандан кийин продюсерлер бизди карашты, кызыгышты. Башында Динара Эсенгулова эже менен иштешмекмин. Анан Асыл Аппасова айылдаш эжем болгондуктан, ырымды угуп «бул инимди өзүм карап, сахнага алып чыгам» дептир. Бир күнү жатаканада жатсам, телефон чалып жумушуна чакырды. КТРге барып көпкө чейин сүйлөшүп отурдук. Ошентип айылдаш эжем болгондуктан ишенип, келишим түздүк. Көп өтпөй Султан «Махабатым» деп концерт койду. Ошондо Асыл эже мага «Бүгүн сени сынап көрөбүз. Концерт койсоң болобу, эл колдойбу, байкап көрүп, ошого жараша чечим чыгарабыз» деди. Ошондо «Таластык кызды» ырдап жатсам микрофон өчүп калды. Коркуп, бир чети толкунданып, эмне кыларымды билбей сахнанын артына кире качсам, залда отурган 2 миңге жакын көрөрмандар тура калып «Мирбек, Мирбек» деп кыйкырып, ышкырып жиберишти. Алардын суранычы менен кайрадан чыгып ырдасам жаштар сахнага жулунушуп, күзөтчүлөрдү тебелеп кете жаздашкан. Арадан 15 күн өткөн соң эле менин алгачкы жеке концертимди бергенбиз. Эки күн тең залга эл батпай, аншлаг менен өттү. Мага атактуулук ушинтип келди. Кол телефонуна тартып, кол тамга сурап, «сүйөм» деп кат жазгандар, таң атпай үйгө чейин издеп келген кыздар көп болгон. Алардын берген белектери, каттары азыркыга чейин сакталып турат.
Бишкекте күзөтчүлөр күйөрмандарды мага жеткирбей кармап калышчу, бирок бир жолку Кара-Балтага концерт бергеним эсимден кетпейт. Концерт бүтүп, биз машинага отурганда толтура эл курчап алып «кол тамга бериңиз» деп өткөрбөй, машинабызды кыймылдата башташты. Анан эринбей терезени ачып алып 1 сааттай бардыгына кол тамга берип чыккам.

«ЭМИ МАГА ПРОДЮСЕРДИН КЕРЕГИ ЖОК»
-Продюсер менен 4 жылга жакын иштештим. Асыл эже өзүнүн ишин жакшы эле аткарды, бирок мен дагы өз ишиме күйүү менен мамиле кылчумун. Акча деген жаман экен да, акыры ортодо уруш-талаш болуп кетти. Популярдуу болуп турган чакта 6-7 жолу жеке концертимди бердим, бирок продюсерим акчанын көп үлүшүн алгандыктан, анын үстүнө өзүм да жаштык кылып кереги жок нерселерге акча коротуп материалдык байлык деле топтой алган жокмун. Бирок ага өкүнбөйм. Азыр деле жашмын, буюрса, бардыгын кайрадан таап алсам болот. Продюсер менен иштешпей калган соң мага бут тосуулар башталды. Акыркы убактарда жаңы ырларды жазбай калганымдын себеби да ошондон. Азыр көптөр «жаңы ырларыңызды күтөбүз, сахнадан алыстап кеттиңиз го» деп айтып калышат. «Сага продюсер болуп берем» деп сунуштагандар да көп, бирок «сүткө оозун күйгүзгөн айранды үйлөп ичет» демекчи, мен чыгармачылыкта жүрүп шоу-бизнестин жол-жобосун билип калдым, мага продюсердин кереги жок... Бирок учурда өкүл ата, өкүл апаларым, Рахат аттуу чыгармачылыгымды сыйлаган эжем жана Баатыр аттуу жездем мага жардам берип келишет.
Кези келгенде кептин ачыгын айтайын. Популярдуу болуп турган чакта келинчегимди элге ачык айтпай жашырып жүргөнүмдүн себеби бар. Анткени келишимде ошондой жазылган. Эгер келишим бузулса, менин да келечегимди бузуп коюшмак. Бирок мен келишимди карап отуруп сүйгөнүмө жетпей калмак белем деп үйлөнүп алгам. Келинчегим Бурул менин чыгармачылыгымды колдоп күндө тынчымды алган күйөрмандарыма, «аялым жок» деген маектериме түшүнүү менен мамиле кылды, ага ыраазымын. Негизи бул жашоо адамды тарбиялайт экен. Мага атам ар дайым акыл айтып келет, мен да анын кеңешине таянып жашап келем.

Кылычбек Алыкан уулу, бир тууган агасы: «ИМАНБЕКОВДОР ТУКУМУБУЗ МЕНЕН ТАЛАНТТУУБУЗ»
-Иним мектептен эле ар кандай сынактарга катышып, алдыңкы орундарды алчу. Негизи эле Иманбековдор тукумубуз менен таланттуубуз. Мен аккордеонго кызыкчу элем, бир күнү сатып алдым. Мирбек анда 6-7-класста окучу. «Мага да үйрөтүңүзчү» дегенинен «апакем кайда, мен кайда?» деген саптарды үйрөтүп койдум. Мен жумушка кеткенде аккордеон менен алпурушуп жатып өзү эле үйрөнүп алыптыр. Айылдан ямаха чертчү, күрөшкө, бокско катышчу, мечитке барып динден сабак алчу, айтор, ар тараптуу болчу.
Мектепти аяктаганда үйгө эже-агайларды, классташтарын ата-энелери менен чакырып, коштошуу кечесин өткөргөнбүз. Ошондо бир туугандар чогулуп «биз музыкалык билим албай калдык, сен профессионал ырчы бол» деп музыкалык аппарат сатып бердик. Биринчи жолу сыналгыдан Динара Акулованын концертинде ямаха чертип турганын көрдүк. Кийин өзү ырдап чыга баштады.

Максат Токтоналиев, «Таластык кыз» ырынын автору: «МИРБЕК ДА, ПРОДЮСЕРИ ДА РАХМАТ АЙТКАНГА ЖАРАШКАН ЭМЕС»
-«Таластык кыз» деген ырым 1997-98-жылдары жаралган. Сөзү да, обону да мага таандык. Өзүм комуз менен ырдап кассетага жаздыргам. Убагында базарда да сатылган. Кассеталардан укса керек, Мирбек мага айтпай эле ырдап чыгыптыр. Чубак Сатаевдин иниси Кушчубек жана Руслан деген жигит «автору өзүңдүн эле агаң, бир ооз сурап кой» дешкен экен. Келген жок.
Бир жолу продюсери Асыл Аппасовага жолуксам «сенин ырыңдан башка ыр жок калыптырбы?» деди. Алардан «ушундай ыр жаратканыңызга рахмат» деген бир ооз жылуу сөз укпагандан кийин радиолордон алдырам деп жиним келди, бирок ага барган жокмун. Бир тууган иним Фархат Кеңешбек уулу Мирбектен кийин чыкты, болбосо ал деле ырдап чыкмак. Азыр ырларымды менин атымды атай жүрчү ырчыларга эле бербесем, бергим да келбей калды.

Султан Садыралиев, ырчы: «КИМИБИЗ ЭРТЕ ТУРСАК КИЙИМДИН ЖАКШЫСЫН КИЙИП КЕТЧҮБҮЗ»
-Мирбек менен 1-курстан, 2003-жылы Б.Бейшеналиева атындагы Искусство институтуна тапшыргандан бери досмун. 1-курстан кимдин үйүндө той болсо ал аккордеонун, мен домбрамды көтөрүп барып калчубуз. Кетерибизде той ээси ыраазычылыгын билдирип бир аз акча карматчу. Жатаканада бир бөлмөдө жашачу элек да, келсек жатакана жабык. Саат кечки 11де жабылат, биз болсо тойдон түнкү 2-3тө келебиз. Анан таңкы алтыга чейин эшиктин алдындагы отургучта сүйлөшүп отурчубуз.
Жатаканада жашап жүргөндө эртең менен кимибиз биринчи ойгонсок кийимдин жакшыраагын кийип кетчүбүз. Ачка болуп отурсак да чачка сүйкөгөнгө гель сатып алчу элек. Андан чачка сүйкөп, ортодогу кийимди кийип жөнөп калчубуз. Чөнтөктөгү болгон акчабызга ыр жаздырган күндөр да өттү. Студияга барып «Таластык кыз» деген ырын жаздырганыбыз да эсимде. Кайра кайтканыбызда жол киреге акча жок, канча бир чакырымды басып жатаканага жөө келгенбиз. Экөөбүздүн ырчылыкка болгон сапарыбыз «Талас таңшыйт» деген аталыштагы концерт менен гастролго чыгып башталган.

Бурул Жакупова, Мирбектин жубайы: «КҮЙӨРМАНДАРЫНА КАРЫНДАШЫМЫН ДЕП КОЙЧУМУН»
-Мирбек менен 2005-жылы курбуларым аркылуу таанышкам. Ал кезде С.Чуйков атындагы Кыргыз мамлекеттик көркөм сүрөт окуу жайында окучумун. Бири-бирибизге дароо жакканыбыз менен, бир ай жакындан тааныша албай убара болгонбуз. Курбуларымдан «бүгүн жолугалы» деп айттырып жиберет, мен ал күнү бошобой калам, же бир жакка кетип калам. Мен таанышалы деген күнү ал бошобойт. Анда «Таластык кыз» деген ыры менен жаңыдан чыгып келе жаткан. Ошентип ортобузда жакындык пайда болуп, кыз-жигит болдук. Мирбек дароо эле «күйөрман кыздардан кызганба, мен жөнүндө көп сөз айтылышы мүмкүн, туура кабыл ал» деп айткан. Сүйүшүп жүрүп 2007-жылы баш коштук.
Мирбек басылмаларга «бойдокмун» деп интервью берип жүрдү, анткени үй-бүлөм бар десе популярдуулугуна доо кетеби деп ойлогон элек. Аны мен дагы, ата-энем дагы туура түшүндүк, колдодук. «Көз тийип кетпесин, ошондой кылганы эле туура» дешти жакындарым. Күйөрман кыздары үйгө чейин издеп келишчү. Бир жолу эшик такылдаганынан ачсам, үч кыз турат. Колдорунда Мирбекке арналган ырлар жазылган дептер, жумшак оюнчуктар бар экен. Аларга сыр билгизбей «карындашы болом» деп үйгө киргизип, чай берип кетиргем. Чектен ашкан күйөрман кыздар да болду. Алардын Мирбек экөөбүздү ажыраштыргысы келдиби же башка максаты барбы, билбейм. Айтор, «Мирбек, жакшы күн болду, рахмат, сонун белек экен, мага жакты» деген сыяктуу СМСтерди кечкисин жөнөтө беришчү. Анда деле капа болуп чыр чыгарган жокмун. Учурда бир кыз, бир уулдун ата-энесибиз.

«Жаңы чыга баштаганда тиктирген формаларымды эстелик катары сактап койгом».

«Бир кезде Султан экөөбүздүн максатыбыз чоң сахнага чыгуу эле».

«Менин байлыгым – үй-бүлөм».

Сүйүн Кулматова, Асхат Субанбеков
Адилет Бектуров
(Айрым сүрөттөр Мирбектин өздүк архивинен алынды)
star@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(29)
27.10.2014. 10:32 
Тайпасы:
Кыймылы жок
Комментарийлердин саны:
394
Катталган:
27-10-2013
Соӊку аракети:
17-10-2016 00:22
Жынысы:
Белгисиз
+3
жакшы маек болуптур аябай токтолуптур уй булосу менен бактылуу болушсун! Ырчы болом деп тузук эле туйшук тартышыптыр бирок узурун да корушкон чыгаар, Булардын жеке жашоосу оздорунон гана маалым ким менен журду кимге уйлонду, бирок азыр уй булолору менен тынып тынчып жакшы жашап атат ошоло чон бакыттары менен туболук болушсун! Мирбектин таланты бар жакшы ырларды жаратат деп кутобуз, шоу дуйнодо аброюн бар ордунду жоготпостон ырлар чыгарып жанырта ырдап журо бер. Ийгилик жана тынчтык тилейм.
27.10.2014. 10:44 
Тайпасы:
Жаран
Комментарийлердин саны:
24
Катталган:
22-01-2014
Соӊку аракети:
13-09-2018 14:44
Жынысы:
Белгисиз
Калаасы:
Ош
0
Жакшы ырдайт убагында жакшы ырларды чыгарган.
27.10.2014. 12:50 
Тайпасы:
Кыймылы жок
Комментарийлердин саны:
9
Катталган:
14-10-2014
Соӊку аракети:
19-05-2015 14:15
Жынысы:
Белгисиз
Калаасы:
Жалал абад
+2
Убагында белгилуу ырчылардан эле. Суйуунун керемети деген ырын тынбай укчу элем. Азыр чынында корунбой кетти ырларын да укпай калдым. Дагы хит ырлардан кутобуз. Уй булонуз менен бактылуу болунуздар!
27.10.2014. 13:47 
Тайпасы:
Кыймылы жок
Комментарийлердин саны:
36
Катталган:
14-08-2014
Соӊку аракети:
11-05-2015 11:30
Жынысы:
Белгисиз
Калаасы:
Ош
+4
аябай жакшы ырдайт.ар бир ырын берилуу мн угам.Мирбеке ийгилик,уй-булоолук бакыт каалайбыз!
27.10.2014. 15:08 
Тайпасы:
Жаран
Комментарийлердин саны:
7
Катталган:
07-09-2014
Соӊку аракети:
04-03-2018 20:27
Жынысы:
Белгисиз
Калаасы:
Кереметтуу Ысык-Кол
+1
Jany yrlardy alyp chyksa Jakwy bolot ele....bir kezde kichinekei bolsomda aiabai Jakwy korchu elem ...
27.10.2014. 17:35 
Тайпасы:
Тартип бузгандар
Комментарийлердин саны:
328
Катталган:
09-10-2013
Соӊку аракети:
20-09-2015 23:18
Жынысы:
Белгисиз
0
Булар аябай жаштык кылып мындайча айтканда сахнада жургонуно эле суйунуп журуштуда. Нурлан насип катар катар машина уйлорду алды. Эми деле кеч эмес келечек алдыда.ийгилик
27.10.2014. 17:35 
Тайпасы:
Кыймылы жок
Комментарийлердин саны:
17
Катталган:
07-10-2014
Соӊку аракети:
14-10-2016 01:22
Жынысы:
Белгисиз
+1
Мирбек Иманбеков сиз Канат Култаев менен иштесениз жакшы болот эле.Бир убакта Султан,Мирбек аябай атактуу болушту эле.Мектепте окуп жургондо«Жаным, бир коруп ашыкк болдум сага »деген ырын аябай жакшы корчу элем.
27.10.2014. 18:51 
Тайпасы:
Кыймылы жок
Комментарийлердин саны:
15
Катталган:
16-02-2013
Соӊку аракети:
03-08-2015 23:50
Жынысы:
Белгисиз
+1
Менин жактырган ырчым.
27.10.2014. 20:48 
Тайпасы:
Кыймылы жок
Комментарийлердин саны:
36
Катталган:
14-08-2014
Соӊку аракети:
11-05-2015 11:30
Жынысы:
Белгисиз
Калаасы:
Ош
0
Озгон районунун Шоро-башат айылына да концерт коюп келуунузду кутобуз
27.10.2014. 21:24 
Тайпасы:
Жаран
Комментарийлердин саны:
134
Катталган:
04-06-2013
Соӊку аракети:
01-11-2017 13:39
Жынысы:
Белгисиз
Калаасы:
Абдан кооз шаарда жашамйм!
+1
сизге чыгармачылгынызга чоон ийгиликтерди каалайм. Уй-блонуз менен бактылууууу болунуз. Жакшы ырларды жараткнасыз. Сагындым жазды деген ырды оло жакшы коромда азыркыга чейин угам. Канча уксамда жадабайм. кайра-кайра уга берем. Дагы бир жолу чооон-чооон ийгилик сизге.
28.10.2014. 00:31 
Тайпасы:
Жаран
Комментарийлердин саны:
155
Катталган:
02-02-2013
Соӊку аракети:
08-11-2017 09:58
Жынысы:
Белгисиз
+2
Кызык...Таланты ашып-ташып жатса,журогунон ырларды жарата берсе аны ким талашып ким кой дей алат?Бут тосуулардан адам чыналат деп калышат го айрыкча чыгармачыл адамдар)))Бирок Мирбек Иманбеков Мирбек Атабековга караганда мыкты ырдайт.
28.10.2014. 00:40 
Тайпасы:
Кыймылы жок
Комментарийлердин саны:
2
Катталган:
02-07-2014
Соӊку аракети:
17-10-2016 11:40
Жынысы:
Белгисиз
+1
мирбек сен таланттуусун ырдаган ырларын аябай уккулуктуу
28.10.2014. 01:21 
Тайпасы:
Кыймылы жок
Комментарийлердин саны:
1
Катталган:
15-10-2014
Соӊку аракети:
29-10-2014 00:57
Жынысы:
Белгисиз
+1
Аябай жакшы маек. Мирбек байке сизге ийгилик талыкпай мээнет кылып жаны ырларды чыгара бериниз куйормандарыныз сиздин ырларынызга суусап калдык. Уй булолук чон бакыт.
28.10.2014. 01:23 
Тайпасы:
Жаран
Комментарийлердин саны:
17
Катталган:
13-05-2014
Соӊку аракети:
08-03-2018 19:07
Жынысы:
Белгисиз
+1
"суйуктуум" аттуу ырынызды азырга чеин тажабай ар дайым угуп келемин, ырларыныз абдан соонун баарысы дагы жаны жаны ырларды кутобуз!!!
28.10.2014. 01:39 
Тайпасы:
Кыймылы жок
Комментарийлердин саны:
1
Катталган:
30-10-2013
Соӊку аракети:
29-04-2015 08:50
Жынысы:
Белгисиз
-5
ХХХ ХХХ ХХХ ХХХ жөн эле силердин доор өттү, кетти, эми мурдакыдай болбойт. элдерге азыр сапат керек, кооз ун керек, силер фанера менен эле элди алдап чыйылдап жургонсунорда, убагында. эми тойго чакырса сүйүн, бираздан кийин ваще эл таанывай калат
Модератор admin_superstan түзөттү 28.10.2014 10:43
28.10.2014. 10:43 
Тайпасы:
Супермодератор
Комментарийлердин саны:
5989
Катталган:
05-09-2011
Соӊку аракети:
15-11-2018 15:42
Жынысы:
Белгисиз
Калаасы:
SUPER.KG
+1
erlan82, кимдир бирөөнү кемсинтүүдөн алыс болуңуз!
28.10.2014. 12:19 
Тайпасы:
Кыймылы жок
Комментарийлердин саны:
394
Катталган:
27-10-2013
Соӊку аракети:
17-10-2016 00:22
Жынысы:
Белгисиз
+2
erlan82, концерт коюп чыкса эл кандай келээр экен коросн ошондо булар элге синимдуу ырларды ырдап журогубуздон орун алган, Мирбек, Султандардын ырын эл тымбай угат мисалы мен азыркы кундо да угам Сагындым жазды деген ыр баардык муунга жаты окшойт ата-энем да жактырат ушул бала эн сонун ырдап чыкты бул ырды ачты деп. Сиз урматтуу Эрлан жогорудагы комменттерди да бир карап коюнуз сизден башканын ою кандай экенин. Баары эле ырын угат, озун жактырат. МИРБЕК АЛГА САГА ИЙГИЛИК жана БАКТЫЛУУЛУК каалайм
28.10.2014. 16:47 
Тайпасы:
Жаран
Комментарийлердин саны:
6
Катталган:
15-10-2014
Соӊку аракети:
12-03-2018 21:34
Жынысы:
Белгисиз
Калаасы:
Джалалабад
-2
Папулярдуулукка уйбулосун алмаштырганы кызык болгон экен. Кандай ырлыры бар экенин эстей албайм чынында, саны бар сапаты жок болсо керекда
28.10.2014. 21:20 
Тайпасы:
Кыймылы жок
Комментарийлердин саны:
50
Катталган:
19-05-2008
Соӊку аракети:
18-11-2015 12:27
Жынысы:
Белгисиз
+1
Азамат иним ,башкы байлыгын баары жайында экен,алтынга алмашкыз балдарын турганда,майда -чуйдого кайгырба!
29.10.2014. 02:05 
Тайпасы:
Жаран
Комментарийлердин саны:
13
Катталган:
14-07-2014
Соӊку аракети:
06-10-2018 14:29
Жынысы:
Белгисиз
Калаасы:
жалал абад
0
Бир ыр папулярду болуп кетселе аркасынан чыгат меники эле неге ырдадын соттотом башка кылам деп. Суйунушпойбу эч ким билбей укпаган ырын бут элге жеткиргенине рахмат айтышса болмок
29.10.2014. 08:38 
Тайпасы:
Жаран
Комментарийлердин саны:
45
Катталган:
17-04-2014
Соӊку аракети:
21-09-2018 22:51
Жынысы:
Белгисиз
+1
Мирбек байке жаны ырларды кутобуз сизден, уй булонуз менен бактылуу болунуз
29.10.2014. 13:16 
Тайпасы:
Кыймылы жок
Комментарийлердин саны:
51
Катталган:
12-02-2014
Соӊку аракети:
22-05-2016 21:54
Жынысы:
Белгисиз
0
Ошондо кандай ким тараптан кысым бут тосуулар болуп жататкен?мен тан калып жатам кыргызстанжада андайлар бар бекен деп
29.10.2014. 17:20 
Тайпасы:
Жаран
Комментарийлердин саны:
13
Катталган:
18-07-2013
Соӊку аракети:
15-11-2018 15:57
Жынысы:
Белгисиз
Калаасы:
Плутон
0
Бут тосуулар болсо сиз да тырышып алышып аракет кылып алдыга умтулун! Талант бар уну бар баалайм ийгилик каалайм жаны ырларды кутобуз. Баардык ырларыныз жакшы!
30.10.2014. 15:18 
Тайпасы:
Жаран
Комментарийлердин саны:
15
Катталган:
28-10-2014
Соӊку аракети:
09-04-2018 12:33
Жынысы:
Белгисиз
Калаасы:
Кыргызстан г.Балыкчы
0
Mirbektin unu jakwy yrlary da ugumduu. Aldyga kadam tawtai ber kybyrap beldi awasyn
30.10.2014. 17:47 
Тайпасы:
Жаран
Комментарийлердин саны:
33
Катталган:
13-10-2014
Соӊку аракети:
28-12-2017 19:07
Жынысы:
Белгисиз
+1
Owol ubakta men da suigom bul yrchy myrzany)))...Kyin emnegedir konulum kaldy. Emnesi bolso da iygilik kaalaim. Ui bulonuz menen baktyluu bolunuz.
31.10.2014. 16:35 
Тайпасы:
Жаран
Комментарийлердин саны:
28
Катталган:
22-02-2012
Соӊку аракети:
09-03-2018 11:49
Жынысы:
Белгисиз
0
Эми азыр миң продюсер менен иштешсең да чыгалбайсың го. Себеби сени эки чайнап бир жута турган ырчылар көөп... Үнүң да жок... Келинчеги Бурул ушунчалык жакшы адам экен...
01.11.2014. 12:12 
Тайпасы:
Жаран
Комментарийлердин саны:
27
Катталган:
18-01-2014
Соӊку аракети:
13-01-2018 17:53
Жынысы:
Белгисиз
0
tokish, мирбектин озунун орду бар.башка ырчылар эки чайнап жутуп койгудай эмне ажыдаар беле.Азыркы заманда ырчынын саны коп,сапаты жок.Эртен сен да ырдап чык.сени ким жутар экен.
03.11.2014. 06:35 
Тайпасы:
Тартип бузгандар
Комментарийлердин саны:
6
Катталган:
06-07-2012
Соӊку аракети:
06-07-2017 02:32
Жынысы:
Белгисиз
Калаасы:
Алай
0
Жаз,Сага гана деген ырларынды көп угам.ишине ийгилик,дагы да жаңы ырларды кутом.
05.11.2014. 18:40 
Тайпасы:
Кыймылы жок
Комментарийлердин саны:
8
Катталган:
29-03-2013
Соӊку аракети:
06-11-2016 10:18
Жынысы:
Белгисиз
0
mirbek menin suiuktuu yrchym. yrlarynyn baary jagat. janym degen yry m.n kyilaga cheyin oorup jurdum ayabai jagat azyrkyga cheyin. chygarmachylyk iygilik sizge. jany yrlardy jarata berin el sizdi koldoit koro albastar ozu m.n ozu jogolot.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: