КЫРГЫЗСТАНДЫК ЫРЧЫЛАР СЫНАКТАРДЫ ДАЛЕ БАГЫНТЫШУУДА

Кыргыз эли таланттарга бай десек жаңылышпайбыз. Акыркы кезде жаш таланттардын чет өлкөлүк музыкалык сынактарга барып, ийгиликтерди багындырып жаткандары сүйүнтөт. Буга чейин ырчы Аяна Касымова орусиялык «Артист» теледолбооруна катышып, жарым финалга жолдомо алганын жазган элек. Таланттуу кызыбызга долбоордун финалына да ийгилик буюруп, финалга өттү. Кызынын жеңишине кубанган атасы Айзар мырза: «Башында Аяна финалга өтпөй калган эле. Негизи эреже боюнча катышуучулар белгилүү бир упайды топтосо гана финалга өтөт экен. Жетиштүү упай топтогон 9 киши дароо эле финалга жолдомо алышты. Ал эми 10-финалистти упайы нормага жетпей калгандардын арасынан тандашып, кызыбызга ийгилик кушу буюрду. Биз өтпөй калдык деп Бишкекке келе бергенде уюштуруучулар телефон чалып, сүйүнчүлөшкөнүнөн кайра Орусияга жол тарттык. Азыр 24-октябрда болчу финалга чоң оркестрдин коштоосунда даярдык көрүп жатабыз»,- деп билдирди.
Андан сырткары эсиңиздерде болсо, бир кезде кыргыз шоу-бизнесинде «МКД» деген эки жигиттен турган топ бар эле. Кийинчерээк алар таркап, өз алдынча ырдап кетишкен. Алардын бири айтылуу Эстебес Турсуналиевдин небереси Төлөн Турсуналиев былтыр Вьетнамдын Ханой шаарында өткөн «АБУ-2013» эл аралык фестивалына катышып келсе, бири ырчылык карьерасын Казакстанда улантып келе жаткан Анатолий Цой. Мына ошол Анатолий жакында гана Казакстандын атынан украиналык «Меладзеге баргым келет» музыкалык реалити шоуго катышып, 3-туруна жолдомо алып келди. Боордош өлкөнүн атынан чыгып жатса да карьерасын Кыргызстандан баштаган мекендешибиздин ийгилиги кубандырбай койбойт.

star@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (6)

guest

2014-10-27 15:36:07

Анатолий Цой,тортунчу турга отту.Григорий Юрченко и Димитрий Корякин менен биргеликте.Бул группа ото кучтуу талапкер азыркы учурда.Мага эн кызыгы Цой кайсы олконун жарандыгында экен?Кыргызстандык экенин угуб бир чети кубансам,бир жагынан тан калдым :-)♥

mr.juma

2014-10-27 20:15:07

голос долбооруна барат деген бала чыкпадыго же мен корбой калдымбы

Askar9889

2014-10-27 22:14:26

kyrgyzdyn atynan ele chyksa bolmok eken meili emi iigilik

Tahminam

2014-10-29 08:42:26

Айымачы х фактор

snegurochka11

2014-10-30 09:05:58

mr.juma мен да корбодум,чыкпады го.Суперден окуп аябай кутуп кордук эле уй-булобуз менен

azia9393

2014-10-30 22:07:18

Мен да бир да калтырбай кордум эмнеге катышпай калды экен?

Комментарий калтыруу үчүн өз ысымыңыз менен кириңиз же каттоодон өтүңүз.

№ 625, 24-октябрь-30-октябрь, 2014-ж