Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Кубат Болотканов, Бишкек шаардык кеңешинин депутаты: «БИР КЕЛГЕН ӨМҮРДӨ БЫКШЫБАЙ, ЖАЛЫНДАП ӨТҮШ КЕРЕК»

№626 31-октябрь-6-ноябрь, 2014-ж


Адатта жетекчилик кызматтагы адамдар менен маектешкенибизде алар салабаттуулугун, олуттуулугун көрсөтүшөт. Бул ирет КТРКнын башкы директорунун орун басары Кубат Болотканов менен баарлашып, анын тамашакөй, сөзмөр, өзгөчө көз караштагы адам экендигин байкадым.

– Кубат мырза, кырктын кырына чукулдап баратасыз. Жыл өткөн сайын адам артка кылчайып эмнени кааладым эле, эмнесине жетиштим, эмне иш бүтүрдүм дейт эмеспи. Өкүнүчтөр көппү же канааттануу басымдуулук кылабы?
– Канааттануу болгон кишиде өсүү болбойт. Азыр мектепте окуп жүргөндө көп убакытты текке кетирип койгонума өкүнүп калмайым бар. Жаш кезде тил үйрөнүп койсом болмок экен деп калам. Себеби «Учкун» басмаканасында жетекчи болуп жүргөндө, бүгүнкү ишим менен чет мамлекеттерге чыгып калганда тил жагынан аксап калам. Мектепте немис тилинде окугандыктан немисче бир аз сүйлөй алам. Англис тилин да үйрөнүп койсом болмок экен.

– Бала кезде өзүңүздү ушинтип журналистикадан, коомдук ишмердүүлүктөн, саясаттан көрчү белеңиз? Ал кезде азыркыдай койчусу да, айдоочусу да саясатчы беле?
– Мамлекетте кризис болгондо койчусу да, уйчусу да саясатчыга айланып кетет экен. Эгер стабилдүүлүк орун алып элдин жашоосу жакшы болсо, карапайым калктын президенти ким, депутаты ким экени менен иши да болбойт болчу. Ачыгын айтканда, жеке президент эмес, жалпы эле мурунку муундагы саясатчыларыбыз элибиздин бүгүнкү оор абалына толугу менен күнөөлүү. КМШ өлкөлөрүнүн ичинен айрыкча кыргыз элин аябай кыйнап коюшту. Биздин өткөөл мезгил бүтпөгөн өткөөл мезгил болду. Ошондуктан айласы кеткен элдин басымдуу бөлүгү талаалап бири Орусияга, бири АКШга кетпедиби. Бул жүрөк ооруткан кырдаал. Баары бир өзгө жер деген өзгө жер да.
Ал эми бала кезде оюң бир жерге токтобой, чоңойсом бул болом, тиги болом дей бересиң. Кийин окууну бүтүп келип өзүм эле чечип, юридикалык факультетке тапшырып окуп калдым. Ошол жерде 3 жылдай мугалим болуп иштедим. Андан ары Каныбек Иманалиевдин депутаттык жардамчысы болдум, Президенттик администрацияда, «Учкунда» кызмат кылдым. Эми азыр колумдан кандайдыр бир иш келип жатса, ошонун көбүн Каныбек Капашевичтен үйрөнгөм десем болот.

– Үй-бүлөңүз тууралуу сурай кетпесем болбос. Кыялыңыздагы бийкечтин колун кармадыңызбы же нике кайыптын буйругу деп эле баш ийгенсизби?
– Биринчи жолу Бишкекке абитуриент болуп келгенде бир кыз менен таанышкам. Азыр келинчегимди «биринчи эле таанышкан кызыма үйлөнүп алыптырмын» деп тамашалап калам. Келинчегимдин аты Элвира, кесиби экономист. Окууга тапшырып жүрсөм ал дагы абитуриент болуп келген экен да, таанышып калганбыз. Кийин окуу жайды бүткөндөн кийин үйлөндүк. Ортобузда Эмирбек деген уулубуз бар.

– Баса, обон чыгара коймой өнөрүңүз бар экенин жазганбыз. Юридикалык билим алган, бир караганда чыгармачыл адамдарга окшобогон Кубат мырзаны ыр жаздырып, обон жараттырган эмне болду?
– Бала кезде ой токтобой турганда ар кайсыны кыялданып комуз, аккордеон үйрөнүп, мектептин жакшылыктарына ырдай коймоюм бар эле. 9-классымда «Кыргызфильмдин» Чыңгыз Айтматовдун «Бетме-бет» чыгармасынын негизинде тарткан тасмасында эпизоддук Жумабай деген адамдын ролун жараткам. Тасмада Жумабай согушка кетип бара жатып комузу менен ырдайт. Менимче, бул талант эмес шык, жөндөм го дейм. Ушу кезге чейин нота тааныбайм. Студенттик кезде убакыт боло калганда обон жаратып, «шайтандап» койчумун. Бара-бара мунум да калып бараткандай. Жаш кезде чыгарган ырларым бар. Алгачкы «Жар болдуң кимге сен жаңылып» деген ырымды Роза Аманова аткарып жүрөт, андан соң Элмирбек Иманалиев «Армандашым» аттуу ырымды аткарып, радиого жаздыртып коюптур. Ынак Осмоналиев «Аппак кар», «Ал күндөр шаң эле» деген ырларымды ырдап келе жатат. Ошондой эле Аскат Мусабеков да «Кара кыз», «Лейли» деген ырларымды аткарып жүрөт. Бирок ырчылардын бирөөсүнө да «ушуну ырдап койчу» деп бара элекмин.

– Мамлекеттик мекемелерде, саясий партияларда («Учкун» мамлекеттик концернинин жетекчиси, Бишкек шаардык кеңештин депутаты) тажрыйба топтоп калдыңыз. Айтсаңыз, мындай ийгиликтүү карьера жасаш үчүн тааныш-билиштик маанилүү бекен?
– Азыркы учурда билбейм. Эмгек жолубуздун башталышында кызылдай эле иштедик. «Учкунда» жөнөкөй кызматкер болуп жүргөндө деле, Президенттик аппаратта иштеп жүргөндө да түн ортосуна чейин иштеп калчубуз. Азыркы жумушумдан деле кечки саат 9-10дон эрте кетпейм. Басып өткөн чакан эмгек жолумду карап көрсөм, эң биринчи эле талап эмгек болгон экен. Таанышың деле өмүр бою сүйрөп жүрбөйт да сени.

– Сиз үчүн жетекчилик кызматта отуруу мамлекетке кызмат кылуубу же байлык, аброй топтоонун жолубу?
– Мен калпычы болгум келбейт. Жөнөкөй кызматкерсиңби, жетекчисиңби, биринчиден үй-бүлөнү багыш керек. Бирок иштеп жаткан жериңде мамлекетчил да болушуң кажет. Бардык иштерди мамлекеттик көз караш менен алып баруу зарыл. Бул өтө маанилүү. Анан бир келген өмүрдө быкшыбай, жалындап-жанып өтүш керек деген ойдомун.

– Убакыт тартыш, маанай жогуна карабай өзүңүз үчүн эмне ишке көңүл, убакыт бөлөсүз?
– Колум бошой калганда үй-бүлөмө убакыт бөлүүгө аракет кылам. Кээде аккордеонумду алып, черим жазылганча ырдап алам. Анан шаардын ызы-чуусунан тумчугуп баштаганда тоого чыгып кетем.

– Жакында КТРКга башкы директор шайланат. Талапкерлердин аты да белгилүү болуп калды. Арасында сиздин ысымыңызды учурата албай койдум. Эмнеге?
– Анын бир топ себептери бар. Убагы келгенде угасыңар.

– Сиздин Бишкек шаардык кеңешинде депутат экениңизди билебиз. Кандайча барып калдыңыз? Анан кандай иштерди аткардыңыз?
– Негизи, андай максатым деле жок болчу. Ошол жылы октябрь айында «Учкунда» кызматымды таштоого туура келди. Анан «Республика» партиясынын лидери Өмүрбек Бабанов шайлоого катышууну сунуштады. Аталган партиянын мүчөсү болгондон кийин өзүмдүн күчүмдү сынап, шайлоого катышып көрөйүн дедим. Кудайдын буйругу экен, «Республика» партиясынан 11 депутат өткөнбүз. Шаардык кеңеште оппозициялык тарап болуп, экс-мэр Иса Өмүркуловду ачыктан-ачык сындап, кемчилигин айтып турдук. Бишкек шаарындагы жол курулушу, социалдык тамактандыруу багыттарында бир кыйла алгылыктуу иштерди аткардык деп айтсам болот.
Жеке өзүм Ала-Тоо, Ак-Өргөө, Ак-Ордо жана Кызыл-Аскердин бир бөлүгү тараптан шайлангам, азыр ушул аймактарга колдон келген кызматыбызды көрсөтүп келе жатабыз. 2013-жылы депутаттык фондумдан 500 миң сомдук жардамымды бердим. Быйыл 800 миң сомду жардам катары бөлдүм. Көбүнчө жаңы конуштардагы жолдорго шагыл төктүрдүк. Азырынча жолду асфальттоого менин эле эмес, шаардын да кудурети жетпей жатат.

– Маегиңизге рахмат!

  • 1975-жылы 22-сентябрда Талас облусунун Талас районунда туулган.
  • 1997-жылы Кыргыз улуттук университетинин юридикалык факультетин аяктаган.
  • 2010-2012-жылдары «Учкун» ААКсынын башкы директору болуп эмгектенген.
  • 2012-жылы Бишкек шаардык кеңешине «Республика» партиясынан депутат болуп шайланган.
  • 2013-жылдан тарта КТРКнын башкы директорунун орун басарлык кызматында иштейт.
  • Үй-бүлөлүү, 1 уулдун атасы.

ТАБИТИҢИЗ КАНДАЙ?
Автоунаа
– Бузулбаган унаанын баары эле жакшы. Бирок Мерседес сонун машине. Өзүм Лексус автоунаасын айдайм.
Телефон – «Айфон» көтөрүп жүрөм.
Кийинүү стили – Ыңгайлуу, спорттук кийимди эле жакшы көрөм. Бирок жумуштун талабына ылайык көбүнчө классикалык кийим кием.
Тасма – «Крёстный отец» тасмасы.
Китеп – П.Коэльо, Ч.Айтматов, анан Кубатбек Жусубалиевдин «Муздак дубалдар» китебинин «Амбарная книга» деген бөлүгүн тажабай окуйм.
Ырчы – Хулио Иглесиас, Тото Кутуньо деген ырчыларды баалайм.
Актёр – Сүймөнкул Чокморов, Советбек Жумадылов.

Мирлан Өмүралиев
politika@super.kg


"Саясатчылардын айынан эл талаалап кетти" дейт Кубат Болотканов

Автор: Мирлан Өмүралиев
Оператор: Кайрат Сарбагышов

"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(6)
03.11.2014. 12:16 
Тайпасы:
Жаран
Комментарийлердин саны:
14
Катталган:
05-08-2011
Соӊку аракети:
20-02-2018 15:59
Жынысы:
Белгисиз
Калаасы:
Бишкек
-1
Кубат, чын ден-соолук, чыгармачыл ийгилик каалайм. Уй-булон менен бактылуу бол. Сен КТРга барганда коп озгоруулор болот го дегем. Бирок сезилбеди.Ала-Тоо маалымат программасында "Азаттык" радиосунун стилине салышып, кыргыз тилин бузуп суйлогондор кобойду. козомол жок.Сага иштегенге мумкунчулук беришпеди окшойт. Эсен бол.
05.11.2014. 09:18 
Тайпасы:
Жаран
Комментарийлердин саны:
126
Катталган:
06-03-2007
Соӊку аракети:
04-07-2018 02:36
Жынысы:
Белгисиз
Калаасы:
Бишкек
0
Чын эле ктркны коруп отуруп чалкандан кетесин.башкача кыргыз тилинде суйлошот
06.11.2014. 00:06 
Тайпасы:
Жаран
Комментарийлердин саны:
2
Катталган:
24-10-2013
Соӊку аракети:
19-09-2018 10:34
Жынысы:
Белгисиз
+1
Ушул Кубат аман эле болсун. Эмнени озгортмок эле ХХХ ХХХ ХХХ...
Модератор admin_portal түзөттү 06.11.2014 09:35
06.11.2014. 09:38 
Тайпасы:
Супермодератор
Комментарийлердин саны:
8170
Катталган:
19-11-2013
Соӊку аракети:
19-09-2018 23:19
Жынысы:
Белгисиз
0
Brokovich - 10 күнгө БАН!
1. Кимдир бирөөнүн кадыр-баркына шек келтирген билдирүүлөдү жазууга тыюу салынат.
2. Сайттын же гезиттин ЖАЛПЫ ИШМЕРДҮҮЛҮГҮНӨ байланыштуу сын-пикирлер info@super.kg же admin@super.kg электрондук даректерге жазылып жөнөтүлүшү керек.
Super TV
08.11.2014. 00:29 
Тайпасы:
Кыймылы жок
Комментарийлердин саны:
49
Катталган:
03-06-2012
Соӊку аракети:
14-01-2015 10:28
Жынысы:
Белгисиз
0
жонокойлугунуздон жазбаныз байке .кыргызда сиздей уулдун бар экени бизди кубандырат.омурлуу болунуз!
Super TV
19.11.2014. 23:42 
Тайпасы:
Жаран
Комментарийлердин саны:
4
Катталган:
10-02-2014
Соӊку аракети:
12-01-2018 15:57
Жынысы:
Белгисиз
0
Бар болунунуз байке онорунуз оркундой берсин
.Мамлекеттик кызматтагы жумуштарынызды да талыкпай аркалай бериниз.Ийгиликтер болсун.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: