Гүлнур Асанова, «2011-жылдын супер дебюту» наамынын ээси: «КАТУУ ИШЕНИП АЛГАН ДОСТОРУМ МЕНИ СЫНДЫРЫП КЕТИШТИ»

«Мен ашык», «Ак кептер» өңдүү ырларды комуздун коштоосунда созуп, «Ак Мөөрдүн арманын» сөөккө жеткире ырдаган Гүлнур Асанованы эл актриса катары да тааныйт. «Туңгуюк», «Мезгил жана Алыкул», «Курманжан датка» өңдүү тасмаларда роль жараткан, токтоо, ойлонуп сүйлөгөн, шапар тээп ашыкча көңүл ачканды жактырбаган маектешимдин кызыктуу баарлашуусуна назарыңыздарды бурабыз.

– Кандайсың, Гүлнур? Жакында Казакстанга бир жылдык турнеге кетем деп жаттың эле. Сен дагы коңшу туугандардын суусун ичип, абасы менен дем алайын дедиңби?
– Жакшы, рахмат. Буга чейин Казакстандын президентинин туулган күнүнө карата барып, Астана шаарында ырдаган элем, ошондо телефон номеримди алып калышкан. Октябрь айынын ортосунда телефон чалып чакырышты, ал учурда Бишкекке концерт бере турган күнүм белгилүү болуп, алгачкы даярдыктар көрүлө баштаган. Президенттин партиясынын атынан өткөрүлчү турнеге чыгып келсем деле болмок, акча да дурус төлөнмөк. Бирок бир тууган эжем илгертен кыялданып, көптөн бери көксөп келе жаткан концертимди колдойм деп калды. Мүмкүнчүлүктү колдон чыгарбайын деп турнеден баш тартып, концертиме чуркай баштадым.

– Шоу-бизнестегилер өзүнчө топ-топ болуп жүрүшөт го, сен кайсы топтосуң?
– Эч бир тобунда эмесмин. Кошулууга да аракет кылбайм. Акыркы учурда улуу эжекелерибиз Гүлзат Байзакова, Сайра Момунбаева менен баарлашууну жактырып, көңүлүм ошолорго тартып калды. Эжелер менен ой бөлүшүүдө алардын көз карашы жагып калдыбы же мүнөзүм өзгөрдүбү, билбейм.

– Мүнөзүм өзгөрдүбү деп эмнеден улам айтып жатасың?
– Адам өзүн-өзү тарбиялайт деп ойлочумун. Бирок көп учурда турмуш өзү тарбиялап коёт экен. Мен абдан ишенчээк адаммын. Кыйналсам да, жыргасам да дайыма жанымда жүрөт деп катуу ишенип алган досторум мени сындырышты, мен күтпөгөн жоруктарды жасашты. Мурун өтө тамашакөй, ачык-айрым элем, азыр жоошуп, түнт, токтоо болуп калдым.

– Сүйүү темасына өтсөк. Махабаттын азабына малындыңбы?
– Сүйүүдөн көңүлүм калган. Сүйүү – бул керемет нерсе, ошондуктан көңүлүм калса деле дагы таза, ыйык сүйүү келсе керек деп күтө берем. Сүйүүгө өтө туруктуумун, берилсем баш-отумду жоготуп сүйөм. Бир учурларда бир мырзага катуу ишенип алган экем, кийин көңүлүмдү калтырды. Күтүлбөгөн жерден ал «мен сага татыктуу эмесмин, биз бир боло албайбыз» деп салды. Мен тамак ичпей, өзүмдү жоготуп, ыйлап, чыгармачылыгым да алаксыта албай депрессияга кабылдым. Ушундай сезимдерге кабылам деп эч ойлогон эмес элем. Бир ай дегенде араң өзүмө келгем. Ал жигит да кыйналса керек, бир айдан кийин кайрылып келип «баарын кайрадан баштайлы» дейт. Макул болгон жокмун, анткени өткөн иш өттү-кетти, аны кайрып алуу, калыбына келтирүү мүмкүн эмес.

– Бектемир Мамаюсупов экөөңдү чогуу бир тасмадан деле көргөн жокпуз. Бирок силерди көптөн бери кыз-жигит деп угабыз. Көлдө да чогуу эс алыптырсыңар. Мунун чындыгы барбы?
– Бектемир менен сүйлөшө элегиме бир ай болду окшойт. Ортобузда сүйүү болсо азыр жанымда жүрмөк да (күлүп). Негизи эс алуучу жайларга көп барбайм, кээде эле бир жактарга чогуу барып калабыз. Мисалы, сиз айткандай жайында көлгө чогуу барып эс алып келдик. «Эмне кылып жатасың?» деп телефон чалсам ал дагы зеригип отуруптур, анан жүрү-жүрү деп жөнөп кеттик. Эгерде ортобузда сезим болсо мен ошондо курбу кызымды жаныма алмак эмесмин. Чынында, жакшы доспуз. Достуктан сүйүү жаралышы мүмкүн дешиңер ыктымал, бул албетте, убакыттан көз каранды. Анын кыздары көп да.

– Чыгармачылыгыңды кандайдыр бир себептен таштоо керек болсо, бул кадамга барганга күчүң жетеби?
– Күчүм жетет, анткени сүйүүдөн жабыркап жүргөнүмдө «Мезгил жана Алыкул» тасмасына тартылып жаткам. Андан сырткары да бир нече иш-чаралар бар болчу, ошонун баарына кайыл болуп, телефонумду өчүрүп жок болуп кеткем.

– Жакында Президенттин алдындагы башкаруу академиясынын дипломун алдым дедиң...
– Ал жерге сырттан окуюн деп барып экзамен тапшыргам. Анан эле «окууга келбейсиңби?» деп чалышты, мен «кандайча, биздики бир айдан кийин башталат да» десем, «сырттан окуу бир айдан кийин башталат, сеники күндүзгү да» деп жатышпайбы. Бул да буйруктан го, сырттан окуу дегенди белгилейм деп күндүзгү бөлүмдү белгилеп алып, эки жыл күн сайын барып окуп, экономика тармагы боюнча магистр болуп чыктым.

– Келбетиңе ыраазысыңбы?
– Кудай жараткан келбетиме ыраазымын, болгону боюм мындан бир аз узун болсо деп кыялданып кетем. Менден улуу эжем аппак, бою да узун. Апама «мени кара кылып төрөгөнүңүз аз келгенсип, боюмду да кыска кылып салгансыз» дей берем.

– Чачыңды ар түрдүү өргөндү үйрөнүү үчүн атайын убакыт бөлөсүңбү? Кыскартып, стилиңди өзгөртүүнү ойлонуп көрдүң беле?
– Өзүм кооздоп, ар түрдүү өрө албайм. Бир жакка барарда салондо тааныш эже бар, дайыма ошол өрүп берет. Ооба, мен деле тармалдатып, коё берип башкача стилге өткүм келет, бирок 7-класстан бери өстүрүп келе жаткан чачымды кырктырганга көз кыйбайт.

– Айыл жытын сагынып, кеткиң келген учурлар болобу?
– Кичинемден эле шаарда турам. Таш-Көмүрдө да кабаттуу үйдө жашачумун. Ошол себептенби, же жумушумдун көптүгүнөнбү, чоңойгон жериме көп барбайм. Жердештерим «сенин келгиң келбей эле убактым жок деп жатасың» деп таарынышат. Бирок таята-таенемдикине айылга барып турам. Кичи мекениме көп барбаганым менен, апам бул жакка тез-тез келип турат.

– Атаң келип турабы?
– Атам келбейт деле. Апам экөө ажырашып кетишкен. Атамдын башка үй-бүлөсү бар, кийинки турмушундагы бир туугандарым менен катташып турам. Мурун атам менен көп сүйлөшчү эмесмин. Эмнеге бизди атасыз кылды деген балалык сезим менен таарынсам керек. Турмушта кагылдым, согулдум, көп нерсени түшүндүм дегендей, акыркы учурда атамды жакын сезип, ата катары ал-акыбалын сурап калдым.

– Кийин жолдошуң менен айылда жашаш керек болсо кетесиңби?
– Өмүр бою шаарда өскөн кыз болсом, айылга көчсөм кыйын эле болот го. Бирок шартка баш ийбегенге айла жок.

– Ак жоолук салынчу кез жакындап калдыбы?
– Негизи эле колумду сурап жыл сайын бир адам пайда болот. Менин көңүлүмө төп келгени жок болуп жатат. Ошондуктан атайлап эле жаман кыялымды көрсөтүп, сөз айткан мырзалардын көңүлүн калтырып салам. Ошентип менден баш тартып кетишет. Ушул жылдын эсебинен да колумду сураган адам бар, жообун бере элекмин.

– Рахмат маегиңе.


«Бир тууган эжем менин стилистим, кеңешчим, колдоочум».

«Бектемир экөөбүз жүрү-жүрү деп отуруп эле көлгө барып эс алып келгенбиз».

Сүйүн Кулматова
star@super.kg

 Кыстарылган видео 
Гүлнур Асанова: "Ал жигит менен коштоштум"
"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Комментарийлер (36)
Emil.87
2014-11-19 03:02:26
Супер кызсын элдер ар демке деп айтта берет комузунду кармасан эле менин журогум сыздайт таланты АЛЛА ТАЛААДАН СУРАЙ БЕР максаттарына жетесин жеткендеда Аллага шугур келтирип бир сажда кылып кой
0
yakut190
2014-11-19 09:23:50
Кыргыз туугандарыма тан калам астында жаткан ташты алып коюшпайтта анан башка адамды сындаганга кыйынбыз!
0
namys
2014-11-19 09:51:06
Тууугандар бир нерсе айтайын!Гулнур боюнча билбейм го бирок...Эжеси Айнурада иш бар! Ишенбесенер текшерип коргуло!
0
zolotiwka
2014-11-19 10:26:36
азамат айым, токтоо жакшы адам экени корунуп турбайбы
0
zolotiwka
2014-11-19 10:34:54
сыртка конкурстарга катышаарлык уну бар баракелде
0
Apsi
2014-11-19 11:35:53
кара кыздын агынан эмес багынан деп койчу беле,бактысы тоонун тотонундойкен ушинтип ырдап журот)))))))))))))))))))))))))))))
0
Ayperi94
2014-11-19 12:34:56
Уну сонун, акылдуу эн негизгиси дайыма бир сырдуу жонокой кыргыз кызы...
0
Eliza761024
2014-11-20 00:56:40
Кыргыз элинен чыккан талант! бар бол! Биз сени жакшы коробуз!
0
tynara1983
2014-11-20 07:20:17
Ит уро берет, кербен журо берет дечу беле. Азаматсын Гулнур !!!!! Комментарий жазгандарга конул болбо,ийгилик сана.
0
Nurgul92
2014-11-20 11:04:55
Ийгилик сага!
0
Marta
2014-11-20 11:53:59
Турсунбай Бакир уулу менен эжем экообуз бильярд ойнойбуз деген интервьюсу эсимде калган эле, ощондон улам ой келет жогору жактагы чинушкалардан колдогону бар го деген, болбосо бир айда ойдо жок жерден концерт коюуу бардык ырчылардын колунан келе бербейт го. Ырдайт бирок журокко жетпейт.сулуулугу таш жара тургандай деле эмес. Кимге кандай, мага жага бербейт,бирок аракети жакшы...
+1
tentewka88
2014-11-20 13:06:19
Kyrgyzdar nege uwundaibyz!Achyk kiiseda jakpait,jabyk kiiseda jakpait!!!Alakandai elbiz,biri_biribizdi koldosok kana!!!Bawka obu joktorgo karaganda,olso olugu artyk!Kinogo tartylganyna kelsek,bil degen anyn talanty.Bul kyzga obu Jok kyzdyn rolu jarawpait.Ylaiym baktyluu bol,chygarmachylygyndy tuwungon insan tuw bolso Eken!
+1
egemberdievagulbara
2014-11-20 14:37:45
Бары топ келишкен сулуу талантту кыргыздын кызы ушундай болуш керек деп ойлоймун
0
elya1984
2014-11-21 18:49:05
Суйуудон конул калуу оной экен бирок,кайтарып алуу сынган буюмду чаптап колдонгонго барабар.
0
Elnuram090
2014-11-22 14:51:45
кийинуу стили ото начар сага атаарым
жакшы стилист менен кенешип жарашыктуу кийин деп озун кара торусун анан копкок койнок сенин онуно такыр туура келбейт мисалы
0
№ 628, 14-ноябрь-20-ноябрь, 2014-ж
БАШКЫ БЕТ
СОҢКУ КАБАР
СУПЕР-ИНФО
SUPER.KG ВИДЕО
МЕДИА-ПОРТАЛ
Кинозал
ЖЫЛНААМА