ӨЗБЕК ЧЕК АРАЧЫЛАРЫ КЫРГЫЗ ЖАРАНЫНА ОК ЧЫГАРЫП, АЛ КАЙТЫШ БОЛДУ

13-ноябрь күнү Өзбекстандын чек арачылары Жалал-Абад облусунун Ала-Бука районуна караштуу Өзөк жергесинде кыргыз-өзбек чек арасынын макулдашылып бүтө элек тилкесинде Кыргызстандын жаранына ок чыгарды. Ал кийинчерээк Өзбекстандын аймагындагы ооруканада кайтыш болду. Чек ара кызматынын маалыматы боюнча, окуя кыргыз жаранынын Кыргызстандан Өзбекстанга контрабандалык жүк алып өтүү аракетине байланыштуу болушу мүмкүн. 
10-ноябрь күнү да өзбек чек арачылары Кыргызстандын жаранын атып, аны жарадар кылышкан. Өзбекстан тараптын билдирүүсүнө ылайык, Кыргызстандын эки жараны Кызыл-Кыя – Кадамжай жолунун четине токтоп, кыргыз-өзбек чек арасынан контрабандалык азык-түлүк (тоок жана өрдөк этин) өткөрүүгө аракет жасашкан. Өзбек чек арачылары мыйзамсыз ишти токтотууну талап кылышкан, бирок кыргызстандыктар баш ийбегендиктен ок чыгарышкан. Натыйжада бир жаран жарадар болуп, ал Өзбекстандын Вуадиль айылынын ооруканасына жеткирилген. Азыркы тапта дарыгерлердин айтуусу боюнча анын акыбалы туруктуу. Ал эми экинчи кыргызстандыкты кыргыз чек арачылары Кадамжай районуна, УКМКнын кызматкерлерине өткөрүп беришти.

Наргиза Бекжанова
politika@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Комментарийлер (7)
Begim8678
2014-11-17 14:16:40
Чек ара мамилеси качан чечилет? :/
0
Dasmond
2014-11-17 17:09:11
Begim8678, Чечилет дээ, бул кетиште чечибей калды го
0
admin_media
2014-11-17 17:35:28
4ok4oloi,
Улуттар арасында талаш-тартышты жаратуучу пикирлерди калтырууга тыюу салынат! 10 күн банга!
0
al-abu-kinesz
2014-11-19 00:09:03
Оо кокуй, мыйзамсыз ишти токтотууну талап кылып отурбайт биздикилерге окшоп, эскертуусуз эле атат! Коруп эле журобуз го, мен да ок жээриме аз калгам, автоматты тууралаганда байкуш машинам 180 градуска кантип моментально бурулуп кеткенин озу да тушунбой калган.
0
egemberdievagulbara
2014-11-20 14:48:38
al-abu-kinesz, сизди Кудайым сактаптыра сак болунуз екинчи баса корбон алар тарапка.
Тынч бололучу кыргыз елим.
0
talant87
2014-11-23 14:18:54
алабуканын озок деген жери жок узбекстанга карайт. падек деген жеринде болгон алабуканын маркумдун башына аткан
0
aza.bek
2014-11-27 07:01:32
bizdin atambaev karimov olso anan suylowobuz dep jurso anan. karimov olgu4ekti ozunun taktan keteri mn iwi jok
0
№ 628, 14-ноябрь-20-ноябрь, 2014-ж
БАШКЫ БЕТ
СОҢКУ КАБАР
СУПЕР-ИНФО
SUPER.KG ВИДЕО
МЕДИА-ПОРТАЛ
Кинозал
ЖЫЛНААМА