Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

ЭЛЕКТР ЭНЕРГИЯСЫНЫН БААСЫ КӨТӨРҮЛДҮ. А ЭМГЕК АКЫЛАРЧЫ?

№368 20-26-ноябрь, 2009-ж.


“Кыргызстанда электр энергиясына 8 түрдүү тариф бар экен. Бул коррупцияны жаратат. Ошондуктан өлкөдө калк үчүн 1,5 сом жалпыга бирдей гана тариф болот”,- деп билдирди өкмөт башчы Данияр Үсөнов парламентте сүйлөгөн сөзүндө.

Анын айтымында, буга чейин калк 71, ишканалар 96 тыйын, эл аралык ишканалар 1 сом 19 тыйын төлөп келишкен. “Ал эми Токтогул районунун эли 4 тыйындан төлөшөт экен. Мындай башаламан тариф паракордукка жол ачууда”,- дейт Данияр мырза. “КМШ мамлекеттеринин дээрлик баарында энергетиканын тарифтери 2-4 сомго чейин. Эң арзаны эле Кыргызстанда. Энергетика тармагы эскирип, тезинен жаңыланууга муктаж. Аны сактап калуу үчүн тарифти өзүн актай турган баага көтөрүү керек”,- дейт эл өкүлдөрүнө кайрылып.
«Маселени кабыргасынан койгон өкмөт башчы ошол эле кошуналардын орточо айлык маяналарына көңүл бурду бекен?» деген суроо туулат. Мисалы, Кыргызстанда орточо айлык акы 100 доллардын тегерегинде болсо, Орусияда 750 доллар, Беларуста 390 доллар, Казакстанда 485, Украинада 356, Арменияда 293 доллар.
Ошентип, өкмөттүн өткөн аптадагы токтомуна ылайык электр энергиясына болгон баа 1,5 сомго кымбаттап, жалпыга бирдей тариф кабыл алынды. Коомчулукта “өкмөт элдин кызыкчылыгын коргобой эле ишканалардын кызыкчылыгын коргоп калды” деген сөздөр айтылууда.


ӨКМӨТ ТОКТОМ ТОКУДУ
Кыргыз өкмөтү 2010-жылдан тартып электр кубатынын баасын эки эсе, ал эми жылуулуктун наркын 5 эсеге көтөрүү тууралуу чечим кабыл алды.

Премьер-министр Данияр Үсөнов отун-сууга тарифтердин жогорулашынын себептери жөнүндө парламент депутаттарынын алдында маалымат берди. Анын айтымында, тарифтерди жогорулатуу чечими 2007-жылы кабыл алынса да бүгүнкү күнгө чейин ишке ашкан эмес. “Кыргызстанда электр энергиясына төлөнгөн баа өзүн актабайт. Анан ким карыздарды төлөйт, “Камбар-Атаны” ким курат? Ошондуктан электр энергиясына бааларды жогорулатуу өтө маанилүү”-, дейт өкмөт башчы. Электр энергиясына болгон баа 2010-жылдын январынан тарта июлга чейин 1,5 сом, андан ары 1,90 сом болмокчу. Ал эми жылуулукка болгон баа боюнча маалымат берген Энергетика министри Ильяс Давыдов: “Бишкек ТЭЦти сатыкка чыгарсак, 1 долларга да эч ким албай койду”,- деп элдин оозун ачырды. Анын айтымында, эскирген жабдыктар жаңыланбаса, жакынкы жылдары ТЭЦ иштен чыгып калышы мүмкүн. Ошондуктан жылуулуктун баасы жаңы жылдан тарта эки эсеге, алты айдан кийин беш эсеге кымбаттамай болду. Эгер буга чейин шаардыктар жылуулуктун бир гигакалорийине 507 сомдон төлөп келген болсо, жаңы жылдан тарта 1050 сомдон, ал эми 1-июлдан баштап 2500 сомдон төлөй башташат. 1-июлдан баштап жылуулуктун бир гигакалорийине 2500 сомдон төлөй баштаганда, 5 айлык жылытуу сезонунда 1 бөлмөлүү квартирага 10 миң 525 сом, эки бөлмөлүү 14 миң 400 сом, үч бөлмөлүү квартирага 18 миң 450 сом төлөнө турган болду.


БАКЫТ БЕШИМОВдон ДУБАЙ САЛАМ
Океандын ары жагында жүргөн КСДПнын төрага орун басары Бакыт Бешимов “Азаттык” радиосуна интервью берип: “Президент Курманбек Бакиев уулу Максимди өзүнүн ордуна даярдоо менен өлкөнү орто кылымга сүйрөй баштады”,- деп билдирген.

Муну менен бирге К.Бакиев Кыргызстанда “Ханзаада” долбоорун ийгиликтүү ишке ашырып жатат. Мамлекет башчынын акыркы бул кадамдарына өлкөдөгү мыйзамдуулукту коргой турган Парламент, Конституциялык Сот жана Жогорку Сот сыяктуу мамлекеттик институттардын бирөө да каршы пикирин билдирген жок. Булардан пайдаланып, «Кыргызстан – укуктук мамлекет» идеясын талкалоону андан ары улантып жатат”,- дейт
Бакыт Бешимов.


«АЛИБИ» ГЕЗИТИ АЙЫБЫНАН КУТУЛДУ
Ж.Бакиевдин уулу Асылбек Салиевдин арызынан улам доого жыгылган «Алиби» гезити жакында кайрадан чыга баштайт.

Мындай маалыматты учурда «Назар» гезитинин башкы редактору Б.Жээнбеков билдирди. Анын айтымында, «Алиби» гезити сот тарабынан салынган айыпты жабырлануучуга толугу менен төлөп берди. Эми укуктук гезит кайрадан жарык көрө баштайт.


КЫРГЫЗСТАН КОРРУПЦИЯ БОЮНЧА ДҮЙНӨДӨ 162-ОРУНДА
“Транспэрэнси Интернэйшнл” эл аралык изилдөө уюму 2009-жылкы иликтөөсүндө Кыргызстан 180 өлкөнүн ичинен коррупциялашкан мамлекет катары 162-орунда турарын аныктады.

Мындай тизмеде коррупциядан арылган өлкөлөрдүн сап башын Жаңы Зеландия жетектеп, Дания, Сингапур, Швеция жана Швейцария алдыңкы бештикте турат. Ал эми коррупция гүлдөп өнүккөн өлкөлөр Судан, Ирак, Ооганстан болуп барып, 180-орун Сомалиге берилген. Жылдык докладда айтылгандай, Кыргызстан Өзбекстан менен Түркмөнстандан алдыга чыккан. 2003-жылы жүргүзүлгөн ушундай эле иликтөөлөрдө Кыргызстан 118-орунда болчу. Ошол жылдан тартып жылдан-жылга начарлаган бул көрсөткүч быйыл гана өзгөрүлдү. Тактап айтсак, былтыркы жылга салыштырмалуу төрт позицияга алга жылган.


“АТА МЕКЕН” ЭЛДИ НААРАЗЫЧЫЛЫК АКЦИЯСЫНА ҮНДӨДҮ
Партия Кыргызстан элине кайрылуусунда: “Электр менен жылуулук кубатына баанын кымбатташы элдин жана экономиканын кызыкчылыктарына каршы келет”,- деп белгилеп, элди өз кызыкчылыктарын коргоого, өкмөттүн баа саясатына каршы массалык каршылык акцияларын өткөрүүгө чакырат.

Азыркы президент К.Бакиев 2002-жылы өкмөт башчы болуп иштеп турган мезгилде эле бардык энерготармактар сатылат жана тарифтер 7 центке чейин көтөрүлөт деген меморандумга кол койгон. Президент жакыр адамдарга бөлүп жаткан 200 сом эл жаңы баага көнгөнгө чейинки алдамай карыз акча. Бул карыз акчаны да эл өзү кайтарууга аргасыз болот”,- деп айтылат кайрылууда.


ЖЫЛ АЯГЫНА ЧЕЙИН КАРЫЗ ТӨЛӨНҮП БҮТӨБҮ?
“Кыргызгаз” ишканасынын акыркы маалыматына караганда, Өзбекстанга жаратылыш газы үчүн кыргыз тарап дагы 3 миллион доллар төлөдү.

Калган 8,5 миллион доллар карыз газ пайдалануучулардан чогулган акчанын эсебинен жыл аягына чейин төлөнмөкчү. Өзбекстан менен Кыргызстан келерки жыл үчүн сатып алына турган газдын көлөмүн, баасын макулдашып чече элек. Өзбек тарап: “Карызыңарды толук төлөп бүткөндөн кийин гана сүйлөшүүлөргө барабыз”,- деп шарт коюп келүүдө.


АСКАР АКАЕВ ӨЛКӨГӨ КАЙТЫП КЕЛЕБИ?
“Экс-президент Аскар Акаев кол тийбестик укугуна ээ. Ал Кыргызстанга келсе эч ким кармап, камабайт. Бирок жакындарынын үстүнөн козголгон кылмыш иштери боюнча күбө катары суралышы мүмкүн”,- деп билдирди журналисттерге Башкы прокурор Элмурза Сатыбалдиев.

18-ноябрда прокуратура кызматынын 85 жылдыгына карата Башкы Прокуратурада ачык эшиктер күнү өткөрүлүп, журналисттер менен прокуратура жетекчилери жолугушту. Анда Башкы прокурор мурдагы президент А.Акаевдин жакындарына каршы козголгон 98 кылмыш ишинин көпчүлүгү кыскарып, учурда 18 кылмыш иши калганын билдирди.


ЖАМУнун МУРДАГЫ РЕКТОРУ СОТ АРКЫЛУУ КЫЗМАТКА КАЙРА КЕЛЕТ
Жалал-Абад мамлекеттик университетинин мурдагы ректору Абдимамат Аширалиев кызмат ордуна кайтып барат.

Мындай чечимди Аширалиевдин арызынын негизинде Биринчи май райондук соту чыгарып, аны Жогорку Сот күчүндө калтырды. Сот чечимине ылайык Билим берүү министрлиги ректордун 169 миң сом өлчөмүндөгү бир жылдык эмгек маянасын төлөп бермей болду.
Эскерте кетсек, былтыр министрликтин коллегиясы А.Аширалиевди “ЖОЖдорго кабыл алуу эрежелерин одоно бузду” деген негиз менен кызматтан бошоткон эле.


КАМБАРАЛЫ КОНГАНТИЕВ КАЙРАДАН ЭЭРГЕ МИНДИ
Мурунку Башкы прокурор Камбаралы Конгантиев Өкмөт башчысынын Жогорку Кеңештеги өкүлү болуп дайындалды.

Камбаралы мырза буга чейин КРнын Башкы прокурору, Президенттин Жогорку Кеңештеги өкүлү жана Президенттин кеңешчиси кызматтарында эмгектенген. Эми ЖКда Данияр мырзанын таламын талашуучу кызматты аркаламакчы болду.

Айбек Кочкоров
politika@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: