ИШКЕРДИ АЯЛЫ МЕНЕН БЫЧАКТАП КЕТИШТИ
Баткен шаарындагы үйлөрдүн биринен 16-ноябрда шаардык ИИБинин нөөмөт бөлүмүнө жардам суроо иретинде коңгуроо келип түшкөн. Окуя болгон жерге барган милиция кызматкерлери бычакталып, кансыраган 61 жаштагы үй ээсин, ошондой эле жаракат алган үй ээсинин 56 жаштагы аялын көрүшкөн.
«КАРАКЧЫЛАР ТАБЫЛА ЭЛЕК»
Бул боюнча ИИМдин маалымат кызматы төмөнкүчө маалымдады:
– Окуя 16-ноябрда таңга маал саат 05:30 чамасында болгон. Бет капчан, бычак менен куралданган белгисиз адамдар Баткен шаарындагы үйлөрдүн бирине кирип барышкан. Алар үй ээсин коркутуп, алгач эсин оодара уруп, андан соң аялына кол салышкан. Эсине келген үй ээси тоноочулар 3 киши экенин көргөн. Аны байкап калган шылуундар жабырлануучуга бир нече ирет бычак сайган. Ал учурда жабырлануучунун аялы уктап жаткан 8 жашар небересин жууркан менен жашырып жаба койгонго жетишкен. Ошол себептен балага зыян келтиришкен эмес. Үйдөн алчусун алып, кылмышка шектүүлөр из жашырып кетишкен. Жаракат алган үй ээлери саат 07:00 чамасында ооруканага жеткирилген.
Учурда бул иш боюнча Кылмыш-жаза кодексинин 28-97-беренеси (адам өлтүрүүгө аракет жасоо) жана 168-беренеси (каракчылык) боюнча кылмыш иши козголуп, Шаардык жана облустук ички иштер башкармалыгы шектүүлөрдү издөө амалдарын жүргүзүп жатышат. Жабырлануучу жеке ишкер болгон. Болжол боюнча анын үйүндө акчалай каражат бар экенин билген адамдар киришкен. Үйдөн канча суммадагы акча уурдалгандыгы азырынча белгисиз. Сумманы аныкташ үчүн үй ээси суроолорго жооп бергидей абалга келип, ден соолугу турукташуусун күтүү керек болууда.
«БЕЙТАПТАР ООР АБАЛДА КЕЛДИ»
Жабырланган ишкердин абалын билүү үчүн Баткен облустук бириктирилген ооруканасынын жетекчиси ТУРГУНБАЙ АЙЖИГИТОВГО байланышканыбызда, бейтаптын абалы турукташып калганын билдирди:
– Бейтап Адыкутус Шүкүров 16-ноябрда таңкы саат 07:40та облустук оорукананын травматология бөлүмүнө оор жаракат менен келип түштү. Ал эми жубайы Асылкан Шүкүрова да бир нече жеринен учтуу нерседен жаракат алган, моюнуна бычак сайылган. А.Шүкүровго шашылыш операция жасалып, жарааттары тигилди. Анын көкүрөгүнө, баш сөөгүнө бычак урулуп, мурдун да тилип кеткен. Денесинде уруп-сабоонун дагы издери бар, мээси чайкалган. Учурда комадан чыгып, абалы турукташа баштады. Жубайынын жарааты жеңилирээк, ошондуктан палатага которулду. Эми А.Шүкүровду да жубайынын жанына которолу деп турабыз.
Гүлжан Асанкожоева
koom@super.kg
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Комментарийлер (20)
Билген адамдар эле кылат да мындай кыянатчылык менен. Суткорлук менен алектенген дешет же ошол карыз алып толойалбай калгандар кылган.
Акчаны уйго сактаьай банкта сакташ керек,акчасы бар экенин билген адам жасаган да
Кудайдан коркпогондор,акмактар!!
Уурулардын жазасын кудайым озу деле берет . Акмактар бекер оокатка уйронгондор. Эми табылып жазаларын алышса экен
акча болсо дагы бале жок болсо дагы бале
Кудайым озу жазасын берсин ошо каракчылардын.Асылкан эже коз жумду адамдын жаны акча алдында эч нерсе эмес болуп калды.Жаткан жайы бейиш болсун.
Anyta2202, жаман иш болуптур, аялы жакшы палатага котордук деп жазган экенго,кылмышкерлер табылып калсын
toboo adamdar ne bolup baratat jazany ku4otuu kerek
Булар оздорун жакшы билген, тааныган адамдары эле жасады.
супер инфо!томондо биро асылкан Эже коз жумду деп жазыптыр го тактап бериниздерчи?
alenka,
Саламатсызбы! Сунушуңузга рахмат, тиешелүү бөлүмгө кабарлап коебуз. Соңку кабар
http://www.super.kg/kabar/ бөлүмүнө баш багып туруңуз.
Жаман болду аябай Абдукутус аке да коз жумду. Балдары чыркырап сыздап кала беришти.Жаткан жери жайлуу болсун. Балдарына сабыр берсин аллахым.
Ээ кудайым биз кайда бара жатабыз? Адамдарга ыйман, сабыр, акыл бере кор!
ошол адамдарды таап жазалаш кере
Карыларга ыйман,жаштарга ынсап берегор Аллахым,биздин Кыргыстанда да оор кылмыш жасагандарга атууга окум чыгарса мындай журок ушун алган окуялар азаймак.
