Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

АНГИНА чүчкүрүк, жөтөл аркылуу жугат

№369 27-ноябрь - 3-декабрь, 2009-ж.


Ангина – латын сөзү. Бизче которгондо “кысуу, муунтуу” деген түшүнүктү берет. Аталган ооруга көбүнчө 30 жашка чейинкилер чалдыгат. Оору жазында, күзүндө жана кышында күч алат.

Ооруну стрептококк бактериялары козгойт
Ангина сасык тумоо сымал эле жугуштуу оору. Ооруну стрептококк бактериялары козгойт. Аталган бактерияларды кир идиш-аяктар жана жуулбаган жемиштерди колдонгондо, ангинага чалдыккан адам менен байланышканда жуктуруп алууга болот. Кир аба менен дем алуу, күн суукта катуу үшүү ооруну күчөтүп жиберет.
Бактерия соо адамга оорулуунун жөтөлү, чүчкүрүгү, колдонгон сүлгүсү, идиши аркылуу жугат. Ошондой эле өбүшүү, кол менен учурашуудан да жугары маалым.

Бүт организмди жабыркатат
Ооз көңдөйүндө алкым бездери (миндалиналар) жайгашкан. Алар коргоочу кызматты аткарышат. Кабыл алган тамак-аш жана дем алган аба аркылуу организмге микробдордун кирип кетпөөсүн көзөмөлдөйт. Эгер ал бездер болбосо, организмибизге түркүн бактериялар түз эле өтүп кетмек. Алкым бездери кан жана зат алмашуу процессине да катышат. Андыктан тамак ооруганда батыраак айыгууга шашылуу кажет. Болбосо, сезгенген жердеги ириңдер канга өтүп, организмди ууландырат.

Оору тереңдеп кетсе...
Оору тереңдеп кетсе (тонзиллит), башкача айтканда, жылына 3-4 жолу кармаса, анда ангина жүрөктүн жана муундардын оорусуна, бөйрөктүн пиелонефрит оорусуна, аллергиялык оорулардын курчуп кетишине, өпкөнүн сезгенүүсүнө жеткирет. Буга кошо кулак да сезгенип, угуунун начарлайт.

Ангина 3 түргө бөлүнөт:

  • Катаралдык ангина. Мында сезгенүүгө алкым бездеринин үстүңкү бөлүгү гана учурайт.
  • Фолликулярдык ангина. Сезгенүүгө алкым бездери бүтүн учурайт.
  • Грибоктук ангина

Иммунитет төмөндөп кеткенде майда козу карын сымал организмдер ангинаны козгойт.

Оорунун белгилери

  • Тамактын оорушу (сүйлөгөндө, тамак жутканда). Оору кулакка да өтөт.
  • Алкым бездерин жана тилди саргыч өңдөгү кебер каптайт.
  • Дене табы 40 градуска көтөрүлүп, чыйрыгуу, шалдыроо келип чыгат. Муундар оорутат.
  • Жүрөк бат-баттан кагып, баш ооруйт.
  • Фолликулярдык ангинада алкым бездеринде ак чекиттер (ириңдер) байкалат.
  • Моюн жана кулак артындагы лимфа бездер чоңоюп, кармаганда оорутат.
  • Ооздон жаман жыт чыгат.

Диагноз жана дарылоо
Диагноз үчүн оорулуунун алкым бездеринин үстүнөн акырындык менен кырынды (мазок) алынып, текшерүүдөн өткөрүлөт. Текшерүүнүн жыйынтыгына карап дарылоо сунушталат. Ангинаны антибиотиксиз дарылоо мүмкүн эмес. Буга кошумча, өз алдынча дарыланууга болбойт. Анткени кээ бир антибиотиктер ангинаны козгоочу бактерияларга таасир этпейт. Андыктан врач-отоларинголог жазып берген дары-дармекти гана колдонуу кажет. Айыккан соң 1-2 айдан кийин кайра анализ тапшыруу кажет. Анткени оору кабылдап, кайра кармашы мүмкүн.
Эгерде ангина менен ооругандан кийин муундар ооруй баштаса, анда сөзсүз түрдө ревматологго кайрылуу зарыл.
Негизи, адам жылына 1-2 жолу ангина менен ооруса, бул норма катары кабыл алынат. Эгер оору жылына 4 же андан да көп жолу кармаса, анда оору өтүшүп баратат деп түшүнсөк болот. Андыктан мындай учурда операция жасатып, алкым бездерин алдырып салууга туура келет.

Спирт менен компресс жасоого болбойт!
Спирттен жасалган компресс алкым бездерин ысып чыгууга жеткирет. Натыйжада алкым бездерге кан көп келип, инфекциянын канга өтүп, бүт организмге тарап кетишин шарттайт. Андыктан компрессти колдонбоо керек.
Дарыланууда моюнду жылуу жоолук же шарф менен ороп, төшөктө жатуу зарыл. Эгер үйдө дарыланууга туура келсе, анда оору жугуштуу экенин эске алып, оорулуунун идиш-аягын, сүлгүсүн бөлүп коюу керек.

Тамакты чайкоо үчүн...
1 күндө тамакты 3-4 жолу чайкоо кажет. Чайкоо үчүн аш тузу (1 стакан жылуу сууга 1 чай кашык), аш содасы (1 стакан жылуу сууга 1-2 чай кашык), шалфейдин же ромашканын кайнатмасы (1 чай кашык чөптү 1стакан сууга салып кайнатуу) керектелет.
Суусундукту көп ичүү кажет. Мисалы, лимон кошулган чай, сүт, компот, ширелер, чөп чай, газдалбаган минералдык суу. Булар тамактагы оорутууну басаңдатып, организмден уулуу заттардын чыгышына жардам берет. Ал эми туздалган жана кычкыл тамак-аштарды колдонууга болбойт. Булар тамакты дүүлүктүрөт.


Силер билесиңерби?

КУЛАКТЫН КУЛКУСУ ТУУРАЛУУ
Кулку – жабышкак зат экени баарыбызга маалым. Ага кулак аркылуу кирген чаң, ылай, бактериялар, козу карын сымал майда организмдер (грибок) жабышып, кулактын тереңине кирбей калат. Кулкуда өзгөчө фермент-лизозималар бар. Аталган клеткалар чоочун бактерияларды өзүнө жабыштырып алып, анан аларды эритет.
Кулакты тазалаганда чеги менен тазалоо керек. Анткени кулкуну канчалык чукуп алып чыга берсе, организм “кулкуну аз чыгарып жатыптырмын” деп ойлоп, көп иштеп чыгарууга аргасыз болот.

АДАМ ЭМНЕ ҮЧҮН КӨЗҮН ИРМЕЙТ?
Орточо эсеп менен адам 2-10 секунд аралыгында 1 жолу көзүн ирмейт. Көздүн сурмалары көрүү органын сырткы чөйрөнүн терс таасирлеринен сактай тургандыктан, адам автоматтык түрдө көз ирмейт.
Көз ары-бери кыймылдап турушу үчүн сурманын ич жагын жана дегеле көздү каптап турган түссүз мембрана (коньюктив) атайын суюктук бөлүп чыгарып турат. Көзүбүздү ирмегенде, сурма ошол суюктукту көздүн кычыктарына чейин таратат.

ТЫРМАК КАНТИП ӨСӨТ?
Чач сымал эле тырмактар да өлгөн ткандардан жаралат. Андыктан тырмак алганда оорубайт. Колдогу тырмактар буттукуна караганда 3 эсе бат өсөт. Ошондо бир жылда тырмак 4 сантиметрге чейин өсө алат. Негизи, тырмак күн жылуу мезгилде, демек, жайкысын жакшы өсөт. Анткени ысыкта зат алмашуу бат жүрөт.


Элдик медицинадан

АНГИНА КАРМАСА...

  • Орточо лимонду алып, анын үстүнө кайнак суу куюп туруп жеш керектелет. Бул ысытманы түшүрүп, ооруну басаңдатат.
  • Анардын кургатылган кабыгынан 20 грамм алып, үстүнө 200 грамм ысык суу куюп, 30 мүнөт кайнатуу керектелет. Даяр кайнатма менен тамакты чайкай берүүгө болот.
  • Ангинада аары желими (прополис) эң жакшы каражат. Чоңдугу тырмактай болгон аары желимин оозго салып, шашпай шимүү керек. Бир күндө 5 грамм жеш кажет.
  • 0,5 литр кайнатылган жылуу сууга марганцовканын бир канча бүртүкчөлөрүн эритип (суу ачык кызгылт түстө болушу шарт), ага жарым чай кашыктан сода менен туз, анан йоддон 5-6 тамчы кошуп аралаштыруу керек. Даяр аралашма менен тамакты 5-7 мүнөт чайкоо зарыл.
  • Бир стакан жаңы даярдалган сабиздин ширесине майдаланган 2-3 тиш сарымсакты кошуп, тамактануудан 40 мүнөт мурда ичүү керек. Муну 2-3 күн ичүү сунушталат.

Жогоруда берилген ыкмаларды колдонуудан мурда дарыгерге кайрылып, анын кеңеши менен гана пайдалануу кажет.

Канымжан Усупбекова
kenesh@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(1)
13.02.2017. 21:40 
Тайпасы:
Жаран
Комментарийлердин саны:
33
Катталган:
07-09-2016
Соӊку аракети:
14-09-2018 21:10
Жынысы:
Белгисиз
0
Кенешинизге рахмат. Бирок балдардагы ангина оорусун кантип дарылаш керектигин жазбаптырсыздар го.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: