ЭРКЕК МЕНЕН АЯЛДЫ ЭСТЕН ТАНДЫРГАН ЖЫТТАР

“Эркек көзү, аял кулагы менен сүйөт” дегенди билсеңиз да, эми ал кепти унутууга туура келет. Анткени илим адам мурду менен сүйөт деген ойду алда качан тастыктаган. Буга далилдер төмөндө.

СӨЗ БАШЫНДА
Жаныбарлар менен курт-кумурскалардын жыт сезүүсү жакшы өнүккөн жана каршы жыныстагылар менен мамиле курууда активдүү роль ойнойт. Мисалы, ит же мышыкты секстеги өнөктөшүнүн жыты жүздөгөн метр аралыктан да дүүлүктүрө турганы анык. Сатурний көпөлөгүнүн эркеги ургаачысынын жытын бир нече чакырымдан сезип, аны көздөй учат.

ДҮҮЛҮКТҮРҮП, ТӨШӨККӨ ТАРТКАН ДЕНЕ ЖЫТТАРЫ

• Илимдеги маалыматтарга таянсак, эркектерди биринчи иретте аялдарда кездешүүчү “копулин” аттуу жыт өзүнө тартат. Бул жыт аялдардын жыныс кынынан чыгат.
• Аялдарды эркектердеги 2 жыт дүүлүктүрөт. Алардын бири – аммиактын жытын элестеткен “андростерон” жыты. Экинчиси – “андростерол” деп аталып, мускустун жытын элестетет. Бул эки жыт эркектердин заарасында жана тер жытында кездешет.

Бул эки жытты химиктер тер менен заарадан бөлүп алууга жетишишкен. Жүздөгөн фирмалар ал жыттарды одеколонго, шампунга, кремге кошуп башташкан. Башкача айтканда, адамдардын сексуалдуулугун күчөтүүгө салым кошушкан.

ЭРОТИКАЛЫК ЖЫТТАР
Физиологиялык жыттардан башка жаныбарлардан алынып даярдалган заттар да эротикалык касиетке ээ. Алардын ичинде биринчи кезекте мускус жана амбра турат.
Мускус – бул балды элестеткен жабышкак күрөң суюктук. Мускус Сибирди, Кытайды, Түндүк Монголияны байырлап, салмагы 10 килограммдай келген кабарганын (элик түрү) эркегинин киндигинен алынат. Кыргыздарда бул жаныбар “жыпар киндик” деп аталат. Мускустун жардамы менен кабарга өз аймагын белгилеп, ургаачысынын көңүлүн бурат.
Тарыхта аты калган Александр Македонскийдин табигый жыты мускустай болгону үчүн ага аялдар аарыдай жабышышканы айтылат. Император Генрих III мускусту абдан баалагандыктан, сарайында кызмат кылгандардын баарына колдонтчу деп айтылат. Арабдар мускусту мечитти курууга керектелген курулуш материалына кошушкандыктан, бул жыт кылымдарга турчу экен.
Мускус бүгүнкү күнгө чейин алтындан да кымбат зат катары бааланат жана атырларга кошулат.
Мисалы, «Guerlain» фирмасы Shalimar атырына, «Yves Saint-Laurant» фирмасы Opium атырына, «Elisabeth Arden» фирмасы Sunflowers атырына кошушат.
Амбра – бул зат киттин бир түрү болгон кашалоттун тезеги. Балыктарды, балырларды тонналап жеген кит жумшак кара массаны – амбраны бөлүп чыгарат. Аны балыкчылар Инд мухитинен чогултушат. Жаңы тезек ушунчалык сасык болгону менен, убакыт өткөн сайын катууланып, өңү агарып, жыты адамды дүүлүктүргөндөй жагымдуу жытка айланат. Марокко амбраны экспорттоочу негизги өлкө болуп эсептелет. Аталган өлкөдө кумарды күчөтүү максатында тырмактын агындай амбраны чайга кошуп ичишет. Казанова да бул затты өзү даярдаган шоколадга кошуп, анан аялдарга берген делет.
Амбранын жыты кургак, бир аз тамекинин жытына окшоп кетет. Ошол эле учурда таттуу жыты бар.
Амбраны «Guerlain» фирмасы Samsara атырына, «Calvin Klein» фирмасы Obsession атырына, «Laura Biagiotti» фирмасы Roma атырына кошушат.

---

Силер билесиңерби?

АЛТЫН ӨРӨӨНДӨ СҮЗҮҮ
(Кытайдын секс сырларынан)
Кытай ыкмаларында түрдүүчө кошулууга болот. Алар нефриттүү тамырдын (эркектин жыныстык мүчөсү) алтын өрөөн (аялдын “алигиси”) боюнча 8 түрдүү сүзүүсүн ойлоп табышкан.

• Нефриттүү тамырды алтын өрөөнгө жылан кышкы уйку үчүн ийинине кирип бараткандай акырын жана шамдайгайлык менен киргиз.
• Киргизген соң аны оңго, солго калча. Бул кыймылың шер жоокер душмандардын катарын бузуп кирген сымал болсун.
• Нефриттүү тамырды өйдө-төмөн кыймылдат. Мунуң аң-дөңдөрдү аралаган жапайы аттын чуркаганын элестетсин.
• Анан дароо токтой кал да, асмандан коёнго шукшурулуп түшкөн бүркүт сымал сокку ур.
• Нефриттүү тамырды алтын өрөөнгө таш көл түбүнө чөккөн сымал терең чумкут.
• Ылдам кыймылда. Мунуң чоң мышыктан ийинин көздөй качкан келемиштин чуркаганын элестетсин.
• Эми бир калыпта кыймылда. Өрдөк көлдө сүзүп бараткан сымал болсун.
• Нефриттүү тамыр менен сокку уруп, кайра заматта токто. Кайра сокку уруп, кайра токто. Кудум кемени дароо алдыга түртүп, кайра заматта шамалды күтүп токтоп калган парус сыңары.

СЕКСКЕ КАРАГАНДА ХОККЕЙДИН АРТЫКЧЫЛЫГЫ

• Коргоочу куралды көп ирет колдонууга болот. Жада калса аны жууп да кереги жок.
• Шайба шөлбүрөбөй дайыма катуу.
• Оюн 1 саатка созулат.
• Сиренанын үнү угулганда бүткөндүгүңүздү билесиз.
• Гол киргизгениңизде ата-энеңиз сизге тартып турушат.
• Жетишкендигиңизди досторуңузга уялбай айта аласыз.
• Оюн менен аптасына аз дегенде 2 ирет алектене аласыз.
• Экөө же үчөө биригип гол киргизүү кадимки көрүнүш.

КӨЗҮ АЧЫКТЫН КЫЗМАТЫ

• Эркектердин башына шатысыз чыгып алуу жолдорун үйрөтөм.
• Кыздыкты дубалоо жолу менен кайтарам.
• Эркектин төшөктөгү күчүн калыпка келтирем. Бул үчүн анын үстүндө иштейм.
• Мурдун чукуган эркектердин адатын калтырып, “алиги” жагын чукулай тургандай кылып берем.
• Бел кубатты жөнгө салып, кыйшык жана сынган “алигилерди” түздөйм.
• Сүйүктүүңүздү көз жашы жана кучагы менен кайтарып берем.
• “Алигинин” аурасын тазалап, ага тийген дубаларды жоготом.

Астра Айдарова
koom@super.kg