Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

2015-ЖЫЛГА АСТРОТӨЛГӨ

№633 19-декабрь-25-декабрь, 2014-ж


Жан дүйнөгө үмүт, тазалык тартуулаган жаӊы жыл жакындады. Бардык нерсенин жаӊысы жанга жагымдуу болгон сыяктуу, жыл тогошкондо ар бирибиз орундалбай келген тилектерибиз жаӊы жылда ишке ашсын деп тиленебиз. Жаӊырган Кой жылында сизди кандай кызыктар күтөт, эмнеси менен эсте калат? Анда эмесе көӊүл борборуӊуздарда 2015-жылга астротөлгө.

КОЙ (21.03-20.04)
КОЙ – ЧЫЧКАН
Жумушта – Тырышчаактык сапатыӊыз сизди камырдан кыл сууругандай оор абалдан алып чыгат.
Үйдө – Бардыгы калыпка салынгандай болбой турганы жадыӊызда болсун. Кемчиликсиз адам болбойт, оӊдоп, калыпка салып алуу өз колуӊузда. Эгер буга баш ийбесеӊиз, жалгыз калуу коркунучу бар.
Каржы – Бул жылы акча топтоо жагынан алдыда болосуз.

КОЙ – УЙ
Жумушта – 2015-жыл оор башталат. Иш жаатында атаандашуу, бут тосуулар орун алат.
Үйдө – Жыл башынан түгөй табууга активдүү киришесиз. Асманды самай берсеӊиз, издөө "лимитиӊиз" чексиз убакытка уланат.
Каржы – Сарамжал сапатыӊызды жокко чыгарып, бул жылы берешендигиӊиз менен эсте каласыз.

КОЙ – ЖОЛБОРС
Жумушта – Тобокелге баруу менен ийгиликтерди багынта аласыз.
Үйдө – 2015-жыл таӊ каларлык тынч өтөт. Такыр чечилбейт деген маселелер оӊой чечилип, бүтпөй келген үй жумуштары да өз нугуна түшөт. Жаз, жай мезгилдеринде араздашкан түгөйлөрдө тил табышууга мүмкүнчүлүк чоӊ.
Каржы – Каржылык жактан өсүш болуп, жүрөк өйүткөн карыздардан кутуласыз.

КОЙ – КОЁН
Жумушта – Жөжөнү күздө санагандай, эмгегиӊиздин үзүрүн күздө көрөсүз.
Үйдө – Кой жылы сиз үчүн сюрприздерди камдоодо. Сүйүшкөндөр бул жылы тынчтык эмне экенин унутушат. Кээде баш айланткан романтикага кабылышса, кээде бири-бирин түшүнбөй жер муштаган учурлар да кездешет. Келе жаткан жылы көзүӊүз ооруп бейпайга салат.
Каржы – Профессионалдык жаатта жетишкен ийгилигиӊиздин арты менен чөнтөгүӊүз кыйла эле томпоёт.

КОЙ – БАЛЫК
Жумушта – Эмоцияӊызды көзөмөлдөй билсеӊиз эле жасаган ишиӊиздин майын чыгарасыз.
Үйдө – Июль айы мамилелерди бекемдөөгө ыӊгайлуу убакыт. «Сүйүктүүмдүн колун сурасамбы же?..» деп арсар болуп жүрсөӊүз, сизге караганда чечкиндүү адам пайда болорун эсиӊизге салабыз. Ашказан, ичеги оорулары менен жабыркагандардын дарты жаз, күз айларында козголот.
Каржы – 2015-жылы көзгө басарлык чоӊ киреше күтүлбөйт.

КОЙ – ЖЫЛАН
Жумушта – Башкаруучу адамы жок, өз алдынча иштешсе, көзгө көрүнө турган ийгиликтерге жетишет.
Үйдө – Кой жылы сизге түрдүү сыноолорду уюштурмакчы. Үй-бүлөлүк чыр-чатакка, көз жашка алдырбаӊыз, бул нерселер убактылуу гана. ө
Каржы – 2015-жылы каржылык жактан бир топ өсүштөр болот.

КОЙ – ЖЫЛКЫ
Жумушта – Жаӊырган жылда кайда болбосун лидерликти багындырасыз.
Үйдө – Үй-бүлөӊүз менен чогуу саякатка чыгып, эс алуудан энергия топтойсуз. Бойдоктор арзыган адамына жылдын экинчи жарымында кезигүүсү күтүлөт.
Каржы – Каржы булагыӊыз туруктуу бойдон калат.

КОЙ – КОЙ
Жумушта – Талыкпай эмгектенсеӊиз, ийгилик сизди көп күттүрбөй эшигиӊизди кагат.
Үйдө – Сүйүктүүӊүздүн майда-чүйдө кемчиликтерине көз жумсаӊыз, мамилеӊиздердин келечеги кеӊ болмокчу. Жылдын биринчи жарымында баш кошкондордун үй-бүлө очогу бекем болору күтүлөт.
Каржы – 2015-жылы каржы жаатында жолуӊуз болот.

КОЙ – МАЙМЫЛ
Жумушта – Жаӊы иш баштайт элем дегендер үчүн жылдын биринчи жарымы ылайык келет.
Үйдө – Үйүӊүздө тынчтык өкүм сүрүп, жакындарыӊыздын жүзүндө жылмаюу өчпөсүн десеӊиз, аларга көбүрөөк убакыт бөлүӊүз. Сүйүүдөн көӊүлү калып, «койчу ошо махабатты!» деген ойдо жүргөн бойдоктордо жай, күз мезгилдеринде күтүүсүз жерден сүйүү оту тутанат.
Каржы – 2015-жылы көзүӊүз жетпеген иштерге акча жумшагандан сак болуӊуз.

КОЙ – ТООК
Жумушта – Жаӊырган жылы тоону томкором десеӊиз да жеткидей энергияӊыз ашып-ташат.
Үйдө – Жакындардын кеӊешине кулак сала жүрүӊүз. «Жалгыз терек бак болбойт» дегендей, өзүм билем дей берсеӊиз, жалгыздыктын кучагында каласыз.
Каржы – Акча, байлык деген ушул экен деп эле бапыраӊдай берсеӊиз, бат эле сызга отуруп каласыз.

КОЙ – ИТ
Жумушта – 2015-жылы бардык тармактан өзүӊүздү ийгиликтүү көрсөтө аласыз.
Үйдө – Карьера, жоро-жолдош деп жүрүп үй-бүлөӊүздү унутта калтырбаӊыз. Айрым бойдоктордо өзү менен акча же башка кызыкчылык үчүн жүргөн адамдарга сезими ойгонот. Иммунитетти көтөрүүгө бел байлаӊыз. Антпесе үлп эткен желге да туруштук бере албай, түркүн ооруларга кабылууӊуз ыктымал.
Каржы – Кой жылында каржылык жактан тартыштык жаралат. Сиздин боорукерлигиӊизден пайдаланып акчаӊызды кымырып кеткендер чыгат.

КОЙ – ДОӉУЗ
Жумушта – Жумуш жаатында маселе жаралбайт.
Үйдө – Жеке жашоодо олуттуу өзгөрүүлөр күтүлөт. Досум жок деп кайгырбаӊыз, таяныч боло турган адамга жолугасыз.
Каржы – Каржы жаатында иштерди ишенимдүү адамга тапшырбасаӊыз кашыктап чогулткан байлыгыӊызды чакалап чачып жибериши мүмкүн.

БУКАЧАР (21.04-20.05)
БУКАЧАР – ЧЫЧКАН
Жумушта – Чымырканып иштей турган жыл.
Үйдө – Мурда кетирген каталарыӊыз калкып чыга келет. Депрессияга түшүп кетүү коркунучу бар. Көптөн бери кабары жок кеткен жакын адамыӊыз менен табышасыз.
Каржы – Тапкан каражатыӊызды карыздарды төлөөгө жумшайсыз.

БУКАЧАР – УЙ
Жумушта – Чечкиндүүлүгүӊүздүн арты менен көп ийгиликтерге жетесиз.
Үйдө – Алдоолорго, эки жүздүүлүккө тушугасыз. Жылдыздар бейтааныш адамдарга сырыӊызды ачпоону сунушташат.
Каржы – 2015-жылы каржылык маселелерди толугу менен чече аласыз.

БУКАЧАР – ЖОЛБОРС
Жумушта – Жылдын экинчи жарымында жумушта өзгөрүүлөр болот.
Үйдө – Өзүӊүздүн эреже, шарттарыӊызды коё берип жакындарыӊызды алыстатып алышыӊыз мүмкүн. Бирок ошол эле учурда адилеттүүлүгүӊүз менен аброй таба аласыз.
Каржы – Каржы жаатында өсүү гана болбосо, муктаждык жаралбайт.

БУКАЧАР – КОЁН
Жумушта – Кармаган иштин майын чыгарасыз.
Үйдө – Мыйзамды бузуу сунушталбайт, темир тор артына түшүп калуу коркунучу жогору. Шаан-шөкөткө караганда үй-бүлө менен убакыт өткөрүү алда канча баалуу экенин түшүнөсүз.
Каржы – Пайда алып келе турган булактын көзүн табасыз.

БУКАЧАР – БАЛЫК
Жумушта – Ушак сөздөрдү териштирүүгө күч жумшабай, эмгектене бериӊиз.
Үйдө – Болбогон шылтоолордун айынан үй-бүлөдө казан-аяк кагышы күчөйт. Достордун арасында башка, кесиптештерге башка, үйдө башка «бет кап» кие берип өзүӊүздү жоготуп албаӊыз.
Каржы – 2015-жылы капчыгыӊыз кампаят.

БУКАЧАР – ЖЫЛАН
Жумушта – Эгер тоскоолдуктар болбосо, бир эмес, бир нече тармакта иш алып барууга күчүӊүз жетет.
Үйдө – Жеке жашоодо көптөн бери зарыгып күткөн адамыӊызга жолугасыз. Үй-бүлөлүүлөр түгөйүнө сюрприздерди тартуулап, мамиленин «тоӊуп» калуусунун алдын алуусу абзел.
Каржы – Чөнтөгүӊүз жукарбай турчу жыл.

БУКАЧАР – ЖЫЛКЫ
Жумушта – Кесиптештер менен келишпестиктерге баруунун ордуна тил табышыӊыз.
Үйдө – Бир нече сүйүү романдарына кабыласыз, бирок айрылуу да бат болот. Дос-туугандар сиздин колдооӊузга муктаж болушат.
Каржы – Бул жылы чектен ашыкча коромжу болосуз.

БУКАЧАР – КОЙ
Жумушта – Жаӊы багытта иш баштаӊыз, жемиштүү болот.
Үйдө – Үй-бүлөӊүз менен да, дос-курбулар менен да түшүнбөстүктүн айынан көп чыр-чатакка барасыз. Жазында бойдоктор сүйүү отуна кабылып, анын таасири менен көптөгөн ийгиликтерди багынта алышат.
Каржы – Карыз берип-алуудан качыӊыз. Бир туура эмес кадамга барсаӊыз, каржылык каатчылыкка учурайсыз.ө

БУКАЧАР – МАЙМЫЛ
Жумушта – Көп жылдык эмгектин акыбети кайтып, мактоого арзыйсыз.
Үйдө – Убакыттын жетишсиздиги түгөйлөрдүн ортосундагы тирешүүгө алып келет. Жаӊы жылда баш кошуу менен катар ажырашуулар теӊме-теӊ жүрмөкчү.
Каржы – Акча жаатында маселе жаралып, жакындарыӊыз ал абалдан сууруп чыгышат.

БУКАЧАР – ТООК
Жумушта – Кызуу кандуулукка алдырам деп пайдалуу көп сунуштардан куру калбаӊыз.
Үйдө – Өзүн баарынан бийик коюу сапаты бактыӊызга балта чаппасын десеӊиз, ийкемдүү болуӊуз. Сулуулук менен бирге ден соолукка да көӊүл бурчу мезгил.
Каржы – Каржы жааты бул жылы сиз үчүн туруктуу бойдон калат.

БУКАЧАР – ИТ
Жумушта – Чыгармачылык чөйрөдө иштегендердин жумушу илгерилейт.
Үйдө – 2015-жыл тынч жана ийгиликтүү болмокчу. Жакындарыӊыздын жакшылыктарына күбө болуп, көӊүлүӊүз ток, чай ичип отурчу мезгил.
Каржы – Акча тапчу булагыӊыз кеӊейет.

БУКАЧАР – ДОӉУЗ
Жумушта – Жылдын биринчи бөлүгүндө баш көтөрбөй иштеп, анан эмгектин жемишин татасыз.
Үйдө – Үй-бүлөӊүз менен башка шаарга же айылга көчүшүӊүз ыктымал. Жакындарыӊыз сиздин колдоого кандай муктаж болсо, сиз да алардын жардамысыз ийгиликке жетише албасыӊызды түшүнөсүз.
Каржы – Жалкоолукту таштап, иш баштасаӊыз, туруктуу каржы булагы ачылат.

ЭГИЗДЕР (21.05-21.06)
ЭГИЗДЕР – ЧЫЧКАН
Жумушта – Жыл башында эле иште талантыӊызды көрсөтүп, керектүү адамдардын көзүнө көрүнө аласыз.
Үйдө – Маанилүү кадамга барарыӊызда жетинчи туюмуӊузга ишениӊиз. Калпты-чынды ажырата билсеӊиз, айланаӊызга керектүү адамдарды чогулта аласыз. Кандай кырдаал болбосун үй-бүлөӊүз жардамга келет.
Каржы – Акча мына колго тийди дегенде кайда кеткени белгисиз учур көп болот.

ЭГИЗДЕР – УЙ
Жумушта – Шашмалыгыӊыз жакшы бүтчү иштердин таш-талканын чыгарат. Андыктан чечим чыгарардан мурун жакшылап ойлонуӊуз.
Үйдө – Жылдын башында өзүӊүздү жалгыз сезесиз, бирок жаӊылышканыӊызды сүйүктүү адамыӊыз далилдейт. Май айында жан дүйнөӊүз гармонияга келип, сизден өткөн шайыр адам жок болуп чыга келет. Бул, албетте, үй-бүлөнүн аба ырайына жакшы таасир берет.
Каржы – Киреше менен чогуу чыгашаӊыз да көбөйөт.

ЭГИЗДЕР – ЖОЛБОРС
Жумушта – Ишиӊиздеги жетишкендиктердин арты менен көптөгөн күйөрман топтойсуз.
Үйдө – Февраль жана март айларында өзүӊүз каалаган мүлк сатып алып, же болбосо сүйүктүү адамыӊызга жолугуп кубанасыз. Үй-бүлөӊүздө той-мааракелер бул жылы көп болот.
Каржы – Мурда чогулткан каражатыӊыз бул жылкы муктаждыктарды жабууга жардам берет.

ЭГИЗДЕР – КОЁН
Жумушта – Сиз менен иштешкиси келгендердин саны көбөйөт. Бул, албетте, сиздин иш билгилигиӊизден.
Үйдө – Өзүӊүздү чарчаӊкы сезесиз. Башкаларга көз жумуп, эс алууга убакыт табыӊыз. Үй-бүлө мүчөлөрүнүн маселелерине жоопкерчилик алгыӊыз келбей, анын айынан жакындарыӊыз
сизден алыстай түшүшөт.
Каржы – Көбүрөөк акча тапчу мезгил күз мезгилине туура келет.

ЭГИЗДЕР – БАЛЫК
Жумушта – Керектүү адамдар сизге магнит сыяктуу тартылышат, бул иште оор маселелерди оӊой чечүүгө жардам берет. Кызматтык тепкичтен көтөрүлүү күтүлөт.
Үйдө – Күз – махабат майданында жеӊишке жетчү мезгил. Балдарыӊыздын, сүйүктүүӊүздүн жанында тынч эс алууну биринчи планга коёсуз.
Каржы – Жаӊырган жылы акча ашыкча эмес, жетиштүү болот.

ЭГИЗДЕР – ЖЫЛАН
Жумушта – Жумушта эргүү берүүчү муза издейсиз. Эгер табылбай калса, жаӊычылдык киргизбей, жетекчиӊиздин сынына каласыз.
Үйдө – Капыстан жолуккан адамдарды тааныбай туруп эле кагып сала бербеӊиз, ал сизге дос же өмүрлүк жар болушу толук мүмкүн. «Алыскы туугандан жакынкы кошуна артык» демекчи, кысталыш учурда кошуналарыӊыз жардамга келет.
Каржы – Акчаны туура пайдаланууну үйрөнөсүз, бул муктаждыктарды учурунда жаба билесиз дегенди билдирет.

ЭГИЗДЕР – ЖЫЛКЫ
Жумушта – Жаӊы жылда активдүү иштейсиз, бут тосуу, атаандаштык да сизди токтото албайт.
Үйдө – Жүрөгүӊүздүн ээси колуӊузду сурайт. Шылтоо издеп баш тартпаӊыз, мындай сунуш күндө эле айтыла бербейт. Дагы деле жумуш деп жүрүп ден соолугуӊузду экинчи планга калтырсаӊыз, кесепети оор болот.
Каржы – Бюджетиӊизде жетиштүү акча топтолот.

ЭГИЗДЕР – КОЙ
Жумушта – Жасаган ишиӊизден майнап чыкпай кыйналасыз.
Үйдө – Мээӊизди, организмиӊизди эс алдырбасаӊыз, сиркеӊиз суу көтөрбөй жакындарыӊызды таарынтып алышыӊыз мүмкүн. Июль айында сүйүү «аялдамасына токтоо» мүмкүнчүлүгү жогору.
Каржы – Каржы жагы сүйүнүчтүү кабар алып келбейт.

ЭГИЗДЕР – МАЙМЫЛ
Жумушта – 2015-жылы жараткан ийгиликтериӊизге өзүӊүз ыраазы болосуз.
Үйдө – Бул жылы баш кошуулар көп болот. Үй-бүлө менен карьеранын ортосунда чайналууӊуз мүмкүн. Бойдоктор көп күч жумшабай эле жүрөгүнө жакын адамын таба алышат.
Каржы – Каржы тармагы сиздин ишиӊизге байланыштуу. Канчалык көп эмгектенсеӊиз, ошончолук кирешеге ээ болосуз.

ЭГИЗДЕР – ТООК
Жумушта – Сизге көптөн күткөн эркиндик берилет, идеяларыӊызды, максаттарыӊызды ишке ашырууга бардык мүмкүнчүлүктөр бар.
Үйдө – Жыл башында таанышкан адамыӊыз «түгөйүм момундай болушу керек» деген сиздин талаптарга жооп берет. Ыркы кеткен үй-бүлөлөр жай жана күз мезгилдеринде элдешишет. Үй-бүлөӊүз менен чогуу эс алып турууну унутпаӊыз.
Каржы – Айлыгы жогору жумушка орношуп, үй-бүлөлүк бюджетти толтурасыз.

ЭГИЗДЕР – ИТ
Жумушта – Жай мезгилинде башкалар көл жээгинде эс алууга ашыгышса, жылдыздар ушул мезгил сизге иште көп жетишкендиктерди алып келерин эскертишет.
Үйдө – Күтүлбөгөн жерден досторуӊуздун бири сизди сатып кетет. «Эки адам билген сыр – сыр эмес» дегендей, ойлоруӊузду туш келди айтуудан абайлаӊыз. Бирөөнүн оюна бат
берилүүӊүз сизди баӊгизатына жана алкоголдук көз карандылыкка алып келиши мүмкүн.
Каржы – Бирде капчыгыӊыз толо акча болуп сүйүнсөӊүз, кээде бир тыйын таппай карайлаган учур болот. Акчаны оӊго-солго чача бербей, үнөмдүү пайдаланыӊыз.

ЭГИЗДЕР – ДОӉУЗ
Жумушта – Башкаларга теӊелем деп алдамчылык жолуна барбаӊыз. Жумушсуздар көӊүлүндөгүдөй болбосо да, керектөөсүнө жеткидей айлык төлөнүүчү жумушка орношушат.
Үйдө – Бирөөгө жагам деп койгон максатыӊыз сизди имидж өзгөртүүгө алып келет. Аракетиӊиз текке кетпей, керектүү адамды кылтакка илесиз. Ден соолугуӊуз башкага керектен бетер кол шилтебей, өзүӊүзгө кам көрүӊүз.
Каржы – Акча көп тапсам деген кыялдарыӊыз бул жылы акырындап ишке ашат.

БӨЙӨН (22.06-22.07)
БӨЙӨН – ЧЫЧКАН
Жумушта – 2015-жыл изденүүнү талап кылат.
Үйдө – Чарба иштерине көӊүл бөлөсүз. Балдарыӊыз жаӊылыктары, окууда болгон жетишкендиктери менен кубантат.
Каржы – 2015-жылы каржы булагыӊыз бекемделет.

БӨЙӨН – УЙ
Жумушта – Жаӊы иш баштоо, орун алмаштыруу күтүлбөйт.
Үйдө – Сүйүүгө кабылып, өзүӊүзгө белгисиз сапаттарыӊыз ачылат. Чорт кыялыӊыз алмашып, назик, күйүмдүү адам болуп чыга келесиз.
Каржы – Баштаган ишиӊиз жакшы пайда алып келет.

БӨЙӨН – ЖОЛБОРС
Жумушта – Жалкоолук алгылыктуу иш жасоого тоскоол болот.
Үйдө – Түнкү клуб, кечелер деп жүрүп өзүӊүз тууралуу жаман ойду калыптандырып алышыӊыз мүмкүн. Андыктан өзүӊүзгө чек коё билиӊиз.
Каржы – Күзүндө акча тартыштыгы кыйнайт.

БӨЙӨН – КОЁН
Жумушта – 2015-жылы көп сыноолорго кабыласыз. Чыдамкайлык сынагынан өтсөӊүз, ийгиликке жетишесиз.
Үйдө – Тагдырга таарынгандан пайда жок. Андан көрө демилгени өз колуӊузга алып, келечекти туура пландаӊыз.
Каржы – Акчаны банкка сактасаӊыз, кошумча киреше алып келет.

БӨЙӨН – БАЛЫК
Жумушта – Сиз кас санап жүргөн адамдан колдоо табасыз. Бул тандем иште ийгилик жаратат.
Үйдө – Көп убактыӊызды жакындарыӊызга жумшайсыз. Дартка чалдыккан бейтапты кароо, багуу түйшүгү башыӊызга түшүшү мүмкүн.
Каржы – Көп суммада чыгым болосуз, бирок сатып алган буюмуӊуз өзүн актайт.

БӨЙӨН – ЖЫЛАН
Жумушта – Ишиӊиздин жыйынтыгы сиз күткөндөй болот.
Үйдө – Жеке жашоодо популярдуулукка жетишесиз. Көӊүл буруулардан көөп кетпей, теӊ салмактуулукту сактаӊыз.
Каржы – Акчаны көбүрөөк табууга жана топтоого мүмкүнчүлүктөр табылат. Колдонуп калыӊыз.

БӨЙӨН – ЖЫЛКЫ
Жумушта – «Баары жакшы болуп кетет» деп өзүӊүздү алдабай, жумушуӊуз жакпаса башкага алмаштырыӊыз.
Үйдө – Окууда ийгиликтерге жетишесиз. Үй-бүлөнүн бакубат турмуш курушу сиз үчүн биринчи планга чыгат.
Каржы – Топтогон акчаӊыздын көп бөлүгү ден соолугуӊузду чыӊдоого жумшалат.

БӨЙӨН – КОЙ
Жумушта – Көйгөй жараткан иштер бул жылы оӊой чечилет.
Үйдө – Досторуӊуз болочок түгөйүӊүздү табууда жардамга келишет. Жаӊы жылда эс алуунун планын толтурасыз.
Каржы – Оӊой акча сиз тарапка агылмакчы, мелдештен же лотереядан утуп аласыз.

БӨЙӨН – МАЙМЫЛ
Жумушта – Атаандаштык күчүӊүздү алып, ишиӊиз солгундайт.
Үйдө – Жомоктогудай жашоону элестетпей, реалдуулукка келиӊиз. Идеалдуу адамды издей берип жалгыз калбаӊыз.
Каржы – Жай, күз мезгилдеринде бюджетиӊизди толтурууга шарт түзүлөт.

БӨЙӨН – ТООК
Жумушта – Башкаруучу орунга барам дегендердин ойлогону ишке ашат.
Үйдө – Бир калыпка салынган жумуш көӊүлүӊүздү шай кылып, дос-тууганга көӊүл бөлө баштайсыз.
Каржы – Башка жылдарга салыштырмалуу кирешеӊиз көбөйөт.

БӨЙӨН – ИТ
Жумушта – Соода тармагында иштегендер коркпой бизнесин кеӊейте беришсе болот.
Үйдө – Арзыган адамыӊыз үчүн асмандан айды алып берүүгө даяр болосуз. Негизгиси, ал адамды тандоодон жаӊылбаӊыз.
Каржы – Жылдын башы киреше менен кубантпайт. Жайында күнүмдүк керектөөӊүздөн арта турган пайда табасыз.

БӨЙӨН – ДОӉУЗ
Жумушта – Иш ордуӊузда сизге карата басым көрсөтүлөт.
Үйдө – Туугандарыӊыз колуӊуздан келбеген нерсени талап кылып, досторуӊуз жардамга келишет.
Каржы – Жумушуӊузда абал туруксуз болсо да, жетишерлик акча табасыз.

(Арстан, Бийкеч, Тараза, Чаян, Жаачы, Текечер, Суу куяр, Балык жылдыздарына астротөлгө кийинки сандарда)

Асыл Орозбекова
kenesh@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  1 
Комментарийлер(19)
22.12.2014. 11:07 
Тайпасы:
Жаран
Комментарийлердин саны:
108
Катталган:
28-10-2014
Соӊку аракети:
09-04-2018 12:33
Жынысы:
Белгисиз
Калаасы:
Кыргызстан г.Балыкчы
0
Ишене албайм бирок кантип окууга болбойт?
22.12.2014. 11:15 
Тайпасы:
Жаран
Комментарийлердин саны:
23
Катталган:
14-05-2012
Соӊку аракети:
22-10-2018 12:38
Жынысы:
Белгисиз
+1
"Мысли материальны" деп коет го. Жакшы божомолго ишенсек сөзсүз орундалат. Жаман божомолго "койчу ай" деп кол шилтесек, ал да бизге кол шилтеп өтүп кетет.)))
22.12.2014. 11:34 
Тайпасы:
Кыймылы жок
Комментарийлердин саны:
29
Катталган:
14-08-2014
Соӊку аракети:
11-05-2015 11:30
Жынысы:
Белгисиз
Калаасы:
Ош
0
Биздин чаян гороскобу жокко админ.
22.12.2014. 12:24 
Тайпасы:
Супермодератор
Комментарийлердин саны:
5989
Катталган:
05-09-2011
Соӊку аракети:
15-11-2018 15:42
Жынысы:
Белгисиз
Калаасы:
SUPER.KG
0
gulperi92, саламатсызбы!
Эмки сандарда чыгат.
22.12.2014. 14:05 
Тайпасы:
Жаран
Комментарийлердин саны:
15
Катталган:
12-11-2011
Соӊку аракети:
27-02-2017 21:55
Жынысы:
Белгисиз
Калаасы:
Жалал-Абад
0
калганы каякта?
22.12.2014. 14:21 
Тайпасы:
Супермодератор
Комментарийлердин саны:
5989
Катталган:
05-09-2011
Соӊку аракети:
15-11-2018 15:42
Жынысы:
Белгисиз
Калаасы:
SUPER.KG
0
jamalka-2, саламатсызбы!
Эмки сандарда чыгат.
22.12.2014. 16:23 
Тайпасы:
Кыймылы жок
Комментарийлердин саны:
394
Катталган:
27-10-2013
Соӊку аракети:
17-10-2016 00:22
Жынысы:
Белгисиз
0
мен эч тушунбодум
23.12.2014. 13:03 
Тайпасы:
Тартип бузгандар
Комментарийлердин саны:
21
Катталган:
04-07-2014
Соӊку аракети:
31-03-2018 16:16
Жынысы:
Белгисиз
Калаасы:
Ванкувер
0
Менин жылдызым жоккоооо?
24.12.2014. 22:14 
Тайпасы:
Жаран
Комментарийлердин саны:
33
Катталган:
11-02-2014
Соӊку аракети:
14-11-2018 11:32
Жынысы:
Белгисиз
Калаасы:
Бишкек
0
мен да эч тушунбой койдум. менин жылым маймыл. жылдызым букачар. ошондо эмне дегенин окуймун
25.12.2014. 11:02 
Тайпасы:
Супермодератор
Комментарийлердин саны:
5989
Катталган:
05-09-2011
Соӊку аракети:
15-11-2018 15:42
Жынысы:
Белгисиз
Калаасы:
SUPER.KG
0
Mononoke, саламатсызбы!
Биринчи турганы-жылдыз төлгө боюнча белгиңиз, экинчиси-жыл төлгө боюнча.
Мисалы, "ЭГИЗДЕР – ИТ" жылдыз төлгө боюнча Эгиз белгисинде, жыл төлгө боюнча Ит белгисинде төрөлгөндөр үчүн.
24.12.2014. 23:44 
Тайпасы:
Жаран
Комментарийлердин саны:
9
Катталган:
22-08-2014
Соӊку аракети:
28-10-2017 14:15
Жынысы:
Белгисиз
Калаасы:
NARYN
0
Тушунуксуз болуп калыптыр.
25.12.2014. 00:01 
Тайпасы:
Жаран
Комментарийлердин саны:
8
Катталган:
26-12-2013
Соӊку аракети:
21-01-2017 11:11
Жынысы:
Белгисиз
0
Түшүнүктүү эле болуп турат мисалы зодиак белгиң букачаар болсо жылың маймыл болсо ( букачаар маймыл) дегенди окуйсуң))))
26.12.2014. 11:58 
Тайпасы:
Жаран
Комментарийлердин саны:
7
Катталган:
17-11-2014
Соӊку аракети:
29-05-2018 18:03
Жынысы:
Белгисиз
0
Текечер гана текечер?
26.12.2014. 12:39 
Тайпасы:
Супермодератор
Комментарийлердин саны:
5989
Катталган:
05-09-2011
Соӊку аракети:
15-11-2018 15:42
Жынысы:
Белгисиз
Калаасы:
SUPER.KG
0
Patrik2, саламатсызбы!
Кийинки сандарда чыгат.
28.12.2014. 21:37 
Тайпасы:
Тартип бузгандар
Комментарийлердин саны:
160
Катталган:
25-02-2014
Соӊку аракети:
08-03-2015 13:46
Жынысы:
Белгисиз
0
такыр тушунгон жокмун.
29.12.2014. 09:00 
Тайпасы:
Жаран
Комментарийлердин саны:
12
Катталган:
12-07-2013
Соӊку аракети:
21-09-2018 20:04
Жынысы:
Белгисиз
Калаасы:
Ош област
0
Жаачы кана туугандар
29.12.2014. 10:05 
Тайпасы:
Супермодератор
Комментарийлердин саны:
5989
Катталган:
05-09-2011
Соӊку аракети:
15-11-2018 15:42
Жынысы:
Белгисиз
Калаасы:
SUPER.KG
0
yylkan,саламатсызбы! Жаачы кийинки санга чыгат.
06.01.2015. 05:32 
Тайпасы:
Кыймылы жок
Комментарийлердин саны:
118
Катталган:
31-01-2014
Соӊку аракети:
23-10-2015 05:16
Жынысы:
Белгисиз
0
Ooi toobo admin da charchap ketti okshoit, ar birinerge birden tyshyndyryp, kylkym keldi okup alyp baary ele tyshynyktyy bolup turatko vrodi
06.01.2015. 11:09 
Тайпасы:
Кыймылы жок
Комментарийлердин саны:
6
Катталган:
22-12-2014
Соӊку аракети:
08-03-2015 09:54
Жынысы:
Белгисиз
0
Wirk kechirilgiz kunoo iwenbegile
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: