Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

МИГРАНТТАРДЫ КАРАЙЛАТКАН “КАРА ТИЗМЕ” ЖАНА АНЫ ПАЙДАЛАНГАН ШЫЛУУНДАР

№633 19-декабрь-25-декабрь, 2014-ж


2014-жылдын 1-январынан тарта Орусияга кирүү-чыгуу тартибине өзгөртүүлөр киргизилген. Ага ылайык, аталган өлкөдө мыйзамсыз жүргөн эмгек мигранттарын «кара тизмеге» киргизип, тизмеде барын депортациялоо иши күч алган. Эмгек мигранттарынын арасында мекенине келип, бирок «кара тизмеге» түшүп калгандыктан кайра Орусияга кете албай жүргөндөрү көп. Мындай учурду колдон чыгарбай “кара тизмеден” чыгарабыз” деп алдаган шылуундар да чыкты.

  • Орусиянын расмий маалыматы боюнча, учурда 1 миллион 200 миӊ эмгек мигранты “кара тизмеге” кирген. Алардын 60 миӊге чукулу Кыргызстандын жарандары.
  • 16-декабрда Орусиянын Мамлекеттик Думасы Орусияда 9 айдан ашык мөөнөттө уруксат кагазы жок жүргөн мигранттарга 10 жыл өлкөгө кирүүгө тыюу салган мыйзам кабыл алды.

ЖҮРҮП БАРАТКАН ПОЕЗДДЕН СЕКИРИШИП...
Үстүбүздөгү жылдын 2-декабрында “кара тизмеге” кирип калган 6 жараныбыз Казакстан менен Орусиянын чек арасына жакын жерде жүрүп бараткан поездден секиришип, алардын биринин колу сынып, башкалары да ар түрдүү жаракат алышкан. Учурда аларды мекенине алып келүү иштери жүрүп жатат. Бул биринчи жолкусу эмес, буга чейин да “кара тизмеге” кирген кыргызстандык 8 жаран Орусиянын аймагына мыйзамсыз өтүүгө аракет кылышкан. Алар Орусиянын чек арасына чейин жетүү үчүн поезддин узатуучулары менен сүйлөшүшүп, узатуучулардын бул “кызматы” 20 миӊ сомдон 1,5 миӊ долларга чейин бааланган. Алар 10-ноябрь күнү Бишкек-Москва багытындагы №17-поезд менен Бишкектен чыгышып, Орусиянын чек арасына жеткенде поездден секирип түшүшкөнү менен, чек арачыларга кармалып калышкан. Поездден секирген бир аял башынан жаракат алган. Ага ооруканадан жардам көрсөтүлүп, андан соӊ кыргызстандыктардын тобу Орусиянын Оренбург облусуна караштуу Беляевск районунун Алабайтал айылындагы чет элдик жарандар кармалуучу жайына киргизилген.

“ЧЕК АРАЧЫЛАР КЕЛБЕСЕ ӨЛҮП КАЛМАК ЭКЕМ”
Секирип, башы жарылган Динара аттуу айым кармалганда төмөнкүдөй көрсөтмө берген:
– Жолдошум менен ажырашып кеткем. 3 баламды багайын деп Москвага барып, дары чөп сатып, андан тышкары эки ишкананын полун жууп жүрдүм. Кыргызстанга келип, кайра кетейин деп Москвага билет алганы темир жол бекетине келип, “кара тизмеде” экендигимди билдим. Бул кабар мага катуу сокку болду. Анткени өзүбүздө жумуш жок, жападан жалгыз акча табуу булагы мен үчүн Москва эле. Шалдайып турсам, Айбек аттуу бир жигит келип “Капаланбаӊыз, менин тааныштарым “кара тизмеге” киргендерди деле чек арадан сүйлөшүп өткөрүп жүрүшөт, кааласаӊыз, азыр эле аларга жолуктурам” деди. Анын таанышы поездде узатуучу болуп иштеген Гапар аттуу жигит экен. “30 миӊ рубль берсеӊиз кепилдиги менен чек арадан өткөрүп коёбуз. Ал жакта тааныштарыбыз бар” деп мени ишендиришти. Мен карызга акча таап, жүгүмдү даярдап алып бекетке келдим. Гапар 10-вагонго алып келип, “узатуучу менин атам, жардамчысы болсо өгөй апам. Мен бүгүнкү рейсте кетпей калдым, сизди ушул экөө чек арадан өткөрүп коюшат” деп алар менен беттештирип, акчамды алып калды.
Ошентип Бишкектен чыгып, экинчи күнү Казакстан менен Орусиянын чек арасына жакындаганда узатуучулар “азыр поезд жайлайт, ошондо поездден секиресиӊер” дешти. Биздин вагондо секире турган 6 адам бар экенбиз. Узатуучу “эми секиргиле” дегенде жүрүп бараткан поездден секире баштадык. Кезегим жетип секиргенде башым менен жерге тийгенимди билем, андан аркысы эсимде жок. Көрсө, башым ташка тийип жарылып, кан токтобой агып жатканда чек арачылар келип, ооруканага жеткиришиптир. Дарыгерлер “жабык баш сөөк-мээ жаракаты” деген диагноз коюшуп, башымды тигип, кан куюшуптур. Эсиме келгенде дарыгерлер “чек арачылар өз убагында алып келишпесе өлүп калмаксыӊ” дешти.

“22 МИӉ СОМДУ АЛДАМЧЫГА БЕРИПТИРМИН”
“Кара тизмеден” чыгам деп капчыгын какшыткандар жогорудагы каармандарыбыз гана эмес, көп. Алардын бири – Бүүайым Жээнбекованын ортомчуларга
кантип алданганын өз оозунан угалы:
– 5 баланын энесимин. Жолдошум экөөбүз Орусияда иштеп үй-бүлөбүздү бакчу элек. Бир жарым жыл иштеген соӊ мен Кыргызстанга келгем. Кайра кетүү үчүн ушул жылдын апрель айында учакка билет алмакчы болуп интернеттен текшертсем, “кара тизмеге” кирип калыптырмын. Автобус менен өтүп көрүүнү чечип, чек арадан өтө албай кайра кайттым. Мага окшоп артка кайткандар көп болду. Келе жатып автобустан Келдибек аттуу бир жигит менен таанышып калдым. Ал “Замандаш” деген ассоциация “кара тизмеден” чыгаруу боюнча жардам берет экен, ал жерде досум иштейт” деп Акылбек аттуу досунун номерин берди. Эртеси Акылбекке жолугуп, экөөбүз бир имараттын алдына келдик. Ошол жерден ал “мага 5 миӊ сом бериӊиз. Сиз күтүп туруӊуз, мен балдарга берип чыгайын, ансыз иш бүтпөйт” деди. Ишиӊ түшсө ишенчээк болуп калат экенсиӊ. “Менде андай акча жок, болгону 2 миӊ сом бар” десем, ал “мейли анда” деп акчаны, документтеримдин көчүрмөсүн алып кирип, бир аздан соӊ “сизди дайындап койдум” деп чыкты.
2 күндөн кийин ал “Жумуштарыӊыз бүтө турган болду, Москвада иштеген тааныштарыма чалсам, алар сизди “кара тизмеден” чыгарабыз дешти. Мага 1000 доллар тезинен таап бере салыӊыз” деп телефон чалды. Менде анча акча жок эле. “Анда эки бөлүп берсеӊиз болот” дегенинен күйөөм 10 миӊ сом банк аркылуу которду. Өзүм да алтын сөйкө-шакектеримди күрөөгө коюп 10 миӊ сом таап, ошол күнү Акылбекке бердим. Ошентип “ана бүтөт, мына бүтөт” деп жүрүп 2 ай өтүп кетти. Акырында мени алдап жүргөнүн сезип “мага акчамды кайтарып бер” дедим. Ошондон кийин ал телефонун албай кача баштады. Ал иштейм деген жерге келип сураштырсам кызматкерлер “андай адам бизде иштебейт” дешти. Көрсө, ал эл аралык издөөдө жүргөн Акылбек Халматов аттуу алдамчы экен. Милицияга арыз жазсам "издеп жатабыз, тапсак эле байланышабыз" деген бойдон дайын жок. Алардан деле түӊүлүп калдым.

“МАМЛЕКЕТ ТАРАБЫНАН МААЛЫМАТ ЖЕТИШСИЗ”
Поездден секирген 8 жаранды мекенине алып келүүгө көмөк кылган “Замандаш” ассоциациясынын аткаруучу директору Майрамбек Жапанов төмөнкүлөргө токтолду:
– “Кара тизме” башталгандан бери кээ бирлери көптөгөн шылуундук жолдорду табышты. Алгач “кара тизмеге” киргениӊизди же кирбегениӊизди билип беребиз” деп 300 сомдон 500 сомго чейин алгандар чыкты. Кийин “кара тизмеден” чыгарып беребиз” деп 20 миӊ сомдон жогору акча алган алдамчылар көбөйдү. Мындай көрүнүш Орусияда да катталууда. Биздин ассоциацияда иштейм деп башкаларды алдап кеткендер да бар.
Алдамчылыкка атайын тиешелүү кызмат өкүлдөрүнүн, тагыраак айтканда, узатуучулардын катышуусу да өкүндүрөт. Бул биринчи көрүнүш эмес. Буга чейин да жарандарыбыздын кулчулукка кабылышына мамлекеттик кызматкерлердин тиешеси бар фактылар катталган.
Мындай көрүнүштүн көбөйүп жаткандыгы мамлекет тарабынан жеткиликтүү маалыматтын жоктугу экендигин биз ачык эле айта алабыз. Эмгек миграциясынын болжолдуу коркунучтарынын алдын ала турган чараларын күчөтүш керек. Мигранттар өлкөдөн чыгарда өзүнүн укуктук милдеттеринен тышкары “эмнеге баратам, кандай коркунучтарга кабылышым мүмкүн?” деген суроону өзүнө берип, тиешелүү кызматтарга же коомдук уюмдарга барып маалыматты кенен алыш керек. Алданган көп жарандарыбыз бизге жардам сурап кайрылышат. Биз аларга арыз жаздыртып, "мыйзам чегинде укук коргоо органдарына кайрылгыла" деп да көрдүк, тилекке каршы, ал аракетибизден майнап чыккан жок, шылуундар табылбай калды. Мигранттарды алдаган шылуундардын бири да мыйзам чегинде жазага тартылганын уга элекмин.
“Кара тизмеден” чыгаруу маселесине келгенде эч кандай иллюзиянын кереги жок. Анткени тизмеге эмнеден улам киргендигин жарандарыбыз өздөрү эле интернеттен тактап алса болот. Бизге келишсе деле тактап беребиз. “Кара тизмеден” чыгуунун мыйзамдуу гана жолдору бар. Ал үчүн Орусия өлкөсүнүн Федералдык миграциялык кызматына кайрылуу кажет.
Ал эми "Кыргыз темир жолу" мамлекеттик ишканасынын басма сөз кызматы жогорудагы окуялар тууралуу төмөнкүлөрдү билдирди:
– Жүргүнчүлөр жүрүп бараткан поездден секирген факт боюнча учурда кызматтык иликтөө жүрүп жатат. Гапар деген адам бизде мурда узатуучу болуп иштеп, кийин иштебей калган экен. Жүргүнчүлөр секирген вагондун узатуучусу учурда ооруканага жатып алыптыр. Иликтөө аяктаган соӊ бул окуяга тиешеси бар кызматкерлерге чара көрүлмөкчү.

Асхат Субанбеков
koom@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(9)
22.12.2014. 12:05 
Тайпасы:
Жаран
Комментарийлердин саны:
282
Катталган:
16-04-2013
Соӊку аракети:
22-10-2018 11:20
Жынысы:
Белгисиз
Калаасы:
Ыйык" Кааба "Медине.
0
Кандай алданып калат, шаар коруп ак караны тааныган эле адамдар.Ушунчалык эле Москвага келгиниз келсе паспортунузду алмаштырса болот ошол акчага.
24.12.2014. 21:43 
Тайпасы:
Жаран
Комментарийлердин саны:
167
Катталган:
13-12-2011
Соӊку аракети:
25-01-2018 11:33
Жынысы:
Белгисиз
Калаасы:
Οω- Μοsκβα
0
Ошону айтам да 20-30 миңге жаңы Ф.И.О сатып алууга болот.
26.12.2014. 11:52 
Тайпасы:
Жаран
Комментарийлердин саны:
250
Катталган:
12-03-2013
Соӊку аракети:
08-10-2018 13:44
Жынысы:
Белгисиз
Калаасы:
Бишкек
0
Begimkyz, колдун отпечаткасын кайда катабыз, текшергенде чыгып калатго)))
25.12.2014. 18:05 
Тайпасы:
Жаран
Комментарийлердин саны:
7
Катталган:
15-12-2014
Соӊку аракети:
07-06-2018 13:08
Жынысы:
Белгисиз
+4
Москвага келгенден кийин тынч эле документ жасатып иштесе болот да кудай деп оздорунун куноолорун билбей дагы келебиз дешет Акча жанынардан артыкпы ушунча вагондон секирип.Эркек кишилер гоо мейли аял кишилер жон эле койбойбу
26.12.2014. 03:10 
Тайпасы:
Жаран
Комментарийлердин саны:
34
Катталган:
01-10-2014
Соӊку аракети:
22-09-2018 08:35
Жынысы:
Белгисиз
0
Аялдар ишенчээк келебизго,байкуш аял ишенип алса керекда.Адамдарды алдаганы кантип кудуретинер жетет?
26.12.2014. 14:57 
Тайпасы:
Жаран
Комментарийлердин саны:
288
Катталган:
05-10-2014
Соӊку аракети:
23-06-2018 19:10
Жынысы:
Белгисиз
Калаасы:
Жалал-Абад
0
Элди ойлогон биро болгондо ушинтип темселенип ар жерде журбойт элек.Мээси бар адам кандай журуп кетип аткан поездден секирет тообо.
26.12.2014. 16:30 
Тайпасы:
Кыймылы жок
Комментарийлердин саны:
3
Катталган:
07-12-2014
Соӊку аракети:
22-04-2015 19:38
Жынысы:
Белгисиз
+1
Админ сиздерден сураныч кара тизмеге тушкон жарандарыбызды ойлогон депутат же министир бар бекен эгер болсо алар менен байланышып элди кыйнап ден-соолугунан айрыбай кара тизме капсаланын чечип коюшсунчу айтып коюуздар рахмат
26.12.2014. 16:36 
Тайпасы:
Кыймылы жок
Комментарийлердин саны:
3
Катталган:
07-12-2014
Соӊку аракети:
22-04-2015 19:38
Жынысы:
Белгисиз
0
тсга да кошулдук мигранттарга женилдик болот деди эле эч болбосо кара тизмеден чыгаруу маселесин карашпадыбы ,ал жараандарыбыз да москвадан нанын таап жегенге аракет кылып баштары жарылып,акчаларын алдатып жатышат да анан не кылсын алар бийликтегилер кайдыгер карап жатса
27.12.2014. 02:47 
Тайпасы:
Жаран
Комментарийлердин саны:
3
Катталган:
22-12-2014
Соӊку аракети:
19-02-2017 02:43
Жынысы:
Белгисиз
+1
жашоо кыйын болуп баратго биз качан журот экенбиз озбуздун олкобуздо жакшына иштеп
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: