Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

2015-ЖЫЛГА АСТРОТӨЛГӨ

№634 26-декабрь-1-январь, 2015-ж


(Башы өткөн санда)

Өткөн саныбызда Кой, Букачар, Эгиздер, Бөйөн жылдызында төрөлгөндөрдү 2015-жылы эмнелер күтө тургандыгы боюнча астротөлгө жарыяланган. Бул ирет Арстан, Бийкеч, Тараза, Чаянга кезек келип, алардын карьерасы, жеке жашоосу кандай өнүгүп, каржы жааты кандай болору тууралуу сөз кылабыз.

АРСТАН (23.07-23.08)
АРСТАН – ЧЫЧКАН

Жумушта – Кызмат ордуӊузду сактап калуу үчүн акылгөйлүк керектелет. Кокустан жылмаюучу ийгиликке эмес, өзүӊүзгө ишениӊиз.
Үйдө – Жашооӊузда күтүлбөгөн окуяларга кабыласыз. Бирок жыйынтык кубантат. Жылдын чечүүчү окуясы январда болуп, жайында башка жакка көчүүӊүз мүмкүн.
Каржы – Акча сизди сүйүп, капчыгыӊызга түшүп турат.

АРСТАН – УЙ
Жумушта – Баары сиз каалагандай болуусу үчүн керектүү маалыматтарды колдоно билиӊиз. Таанышуулар жана жолугушуулар да сиздин пайдаӊызга иштегендей болсун.
Үйдө – Үй-бүлө очогуӊузда жылуулук жана мээрим орун алат. Бирок карасанатайлардын айынан 1-2 туугандан кол үзөсүз.
Каржы – Жаӊы таанышыӊыз керектүү багытты көрсөтүп, жомоктогудай кирешеге тушугасыз. Бирок кайсы бир ишке салбаӊыз. Өзүн актабай калат.

АРСТАН – ЖОЛБОРС
Жумушта – Ийгилик сиздин иш ордуӊузга баш багат, бирок узакка эмес. Андыктан тартипти сактап, билимди жогорулатыӊыз.
Үйдө – Күздө үйүӊүздө ымыркай үнү жаӊырат. Июлда айрымдардын жүрөктөрүн жаӊы сезимдер кытыгылап, сүйүү романы жаралат.
Каржы – Достордун бири банктан насыя алып, иштетүүгө салымын кошот.

АРСТАН – КОЁН
Жумушта – Лидерликти сактап кала аласыз. Айрымдар жаӊы багытта иштейт же ишкерликтин башка түрүнө өтүшөт.
Үйдө – Үй-бүлөлүүлөр жалпысынан камыр-жумур жашашат. Бойдоктор күздө кол сунган адамынын жашоого көз карашы башкача экендигин билип, андан кол үзүү же үзбөө чечимин
кабыл алышат.
Каржы – Жылдын экинчи жарымы акчанын көп болушуна убада берет.

АРСТАН – БАЛЫК
Жумушта – Иши курулуш тармагына байланышкандарды тоскоолдуктар күтөт. Ал эми моделдик, туристтик бизнесте иштегендердин ити чөп жейт.
Үйдө – Унутулгус жакшы жылдардан болот. Күздө үй-бүлө же достор менен чет жакта эс алып келүүӊүз мүмкүн.
Каржы – Табышкерлик сапатыӊыз өзүн актайт. Үй-бүлөлүк бизнес баштоого аракет кыласыз.

АРСТАН – ЖЫЛАН
Жумушта – Жамаат же шериктер менен чогуу иштеп, кирешени көбөйтүү жолун тапмайынча ийгилик жылмайбайт.
Үйдө – Жемелөө, акыл айтуу үй-бүлөнү сактоодо курал эместигин унутпасаӊыз эле, жашоо жайында. Бойдокторго сүйүктүү адамына көз каранды болуп калуудан абайлоо сунушталат.
Каржы – Акча бир калыпта түшүп, жыл этегинде үй же машина алууӊуз мүмкүн.

АРСТАН – ЖЫЛКЫ
Жумушта – Күчтүү эмоция жана аракетиӊиз сыйга жеткирет.
Үйдө – Үйүӊүздө ырыс-кешик уялашы үчүн жашоо шартты оӊдоп, жан биргеӊиздин көзүнө чөп салуудан оолак болуӊуз.ө
Каржы – Иштеп акча табууда кысым көрсөтүүлөр болот, ага туруштук бериӊиз. Ошондо кой үстүндө торгой жумурткалаган кез келет.

АРСТАН – КОЙ
Жумушта – Көп нерселерди өзгөртүп, жаӊычылдык киргизип, татыктуу кызмат орунуна илине аласыз.
Үйдө – Бири-бириӊиздерге эриш-аркак болуп, жашоонун арабасын кыйынчылыксыз тартасыздар.
Каржы – Жазында жана кеч күздө киреше мол болот. Акчаны иштетүүдө ишенимдүү адамга таянбасаӊыз, куру кол каласыз.

АРСТАН – МАЙМЫЛ
Жумушта – Жаӊылануулар орун алып, пайда алып келет. Тобокелдик да өзүн актайт.
Үйдө – Олуттуу өзгөрүүлөр күтүлөт. Чыдамдуу болсоӊуз, ырыскы-кутту кетирбей кармап каласыз. Жаӊы достордун кереги тиет.
Каржы – Үйдөгүлөрдүн жыргалчылыгын камсыздоочу киреше июндан баштап кире баштайт.

АРСТАН – ТООК
Жумушта – Чыгармачылык жана физикалык жактан жакшы формада болуп, ийгиликтерди багынтасыз.
Үйдө – Жылдын экинчи жарымында үйдөгүлөр же сүйүктүүӊүз менен жер кыдырасыз.Чөйрөдөгүлөр да жакшы мамиледе болуп, ырк бекем сакталат.
Каржы – Акчаны жакшы таап, жашаган үйүӊүздү кеӊейтесиз же алмаштырасыз.

АРСТАН – ИТ
Жумушта – Жоопкерчилик да, душмандар да көбөйөт. Сиздин таламды талашчулардын жардамына таянсаӊыз, карьерадан өсө аласыз.
Үйдө – Жазга чейин орун алган окуя жашоо, сүйүү жаатындагы көз карашыӊызды толук өзгөртөт.Чет өлкөдө иштеген таанышыӊыз конокко же иштөөгө чакырат.
Каржы – Акча кенен жетет. Бирок жумшактыгыӊыздан башкалар пайдаланып алдап кетүүсүнө жол бербеӊиз.

АРСТАН – ДОӉУЗ
Жумушта – Көп нерсе сизден көз каранды. Карьералык өсүштү, адамдар менен мамилени өөрчүтүүнү кааласаӊыз, күчүӊүздү жумшаӊыз.
Үйдө – Кээ бир жаш үй-бүлөлөр мамилелеринин келечеги жок экенин сезип, ажырашууга жетишет. Калгандардын жашоосунда жагымдуу күтүлбөстүктөр да, майда кагылышуулар да орун алат.
Каржы – Каалагандай сумма акырындап жүрүп, октябрда колуӊузга толук чогулат. Тилеген нерсеӊизди сатып алып, тойлойсуз.

БИЙКЕЧ (24.08-23.09)
БИЙКЕЧ – ЧЫЧКАН
Жумушта – Башка ишке күздө өтүүӊүз мүмкүн. Бирок бардыгын акыл калчап жасаганга туура келет.
Үйдө – Жыл ортосунда сүйүктүүӊүздөн алыс жашоого аргасыз болосуз. Бул командировкага же туугандардын маселесине байланыштуу келип чыгат.
Каржы – Иштегениӊизге жараша тиштейсиз.
БИЙКЕЧ – УЙ
Жумушта – Күтүлбөгөн жерден кызмат оруну сунушталат. Макул болуӊуз, колуӊуздан келет.
Үйдө – Үй-бүлө уясын жакшыртуу убаракерчилиги мамилелерди ширетет.
Каржы – Акча артыӊыздан ээрчийт. Ишкердикке аралашсаӊыз, байлык топтойсуз.

БИЙКЕЧ – ЖОЛБОРС
Жумушта – Башка ишке өтсөӊүз да, жаӊы долбоор баштасаӊыз да, сиз жасаган иштер бааланат.
Үйдө – Жаздагы таанышуулар жалгыз бойлордун тагдырын чечип, сүйүктүүсүн табат. Үй-бүлөлүүлөр сентябрга чейин иштеп да, эс алып да жетишишет.
Каржы – Тапканыӊыз жетип, көӊүл ток күн кечиресиз.

БИЙКЕЧ – КОЁН
Жумушта – Күзүндө иштен кете турган кырдаал түзүлүшү мүмкүн. Коркпоӊуз, сизди келечектүү иш өзү издеп келет.
Үйдө – Романтика, үй-бүлө кубанычтары алдыга чыгат. Сүйүү фронтунда күчтүү сезим алоолоп, таттуу түгөйлөр түзүлөт.
Каржы – Каражатты акыл-эстүүлүк менен жумшап, бизнесиӊизди кеӊейтесиз же жаӊы ишти өздөштүрөсүз.

БИЙКЕЧ – БАЛЫК
Жумушта – Айлыгы чөнтөгүӊүздү кубантарлык ишке орношууӊуз ыктымал. Бирөөлөр менен касташпай, ишенимге кириӊиз.
Үйдө – Жайында убадага турбагандыктан чыр чыгат. Кырдаал курчуп, мамилелер үзүлбөшү үчүн абалды оӊ нукка буруӊуз.
Каржы – Жыл бою сиз ишти, иш сизди багып жүрүп отурат.

БИЙКЕЧ – ЖЫЛАН
Жумушта – Маселелерди чечүүдө туура багыт тандасаӊыз, тоскоол болгон тосмолорду жарып өтөсүз.
Үйдө – Очогуӊузда бейпилдик орун алсын үчүн шеригиӊизден ишенимдүүлүктү көп талап кылып, жөнү жок чыр чыгарбаӊыз.
Каржы – Күздүн башы жана кыштын аягы чөнтөгүӊүздү жакшы жылытат.

БИЙКЕЧ – ЖЫЛКЫ
Жумушта – Пландалган иш боюнча маселелерди өз алдыӊызча чечиӊиз, ошондо ийгиликке кепилдик болот.
Үйдө – Көбүндө үй-бүлө түйшүгүн көбүрөөк аркалап жаткандай түшүнүк жаралып, жоопкерчиликтен кача башташат. Кырдаалды теӊ салмактап, сүйүүнү бапестөөнү эске алыӊыз.
Каржы – Чөйрөӊүз кеӊейип, каржылык мүмкүнчүлүгүӊүз өсөт.

БИЙКЕЧ – КОЙ
Жумушта – Мартта жумуш, ал эми августта турак маселеси кыялыӊыздагыдай чечилет.
Үйдө – Жайга жакын сиздин жашооӊузга аралашкысы келген, сезимин арнаган адам чыгат.
Каржы – Азгырган сунуштарга ойлонбой макул болсоӊуз, акчаӊыз көбөйбөй эле бир орунду таптап каласыз.

БИЙКЕЧ – МАЙМЫЛ
Жумушта – Ишиӊиз бир калыпта кылдырттай бермекчи. Башкалар жөндөй албаган долбоорду жетекчилик сизге тапшырып, ал киреше апкелет.
Үйдө – Кам көрүп, жардам көрсөткүсү келген адамга “жок” дегенге шашпаӊыз. Мүмкүн, ал жашооӊузга жаӊылануу тартуулайт.
Каржы – Чөнтөгүӊүздө шамал да ышкырбайт, акча батпай да калбайт.

БИЙКЕЧ – ТООК
Жумушта – Чыгармачылык эргүү коштоп, ийгиликтерди багынтасыз.
Үйдө – Карьера да, акча да жакындарыӊыздан ашык турбасын сездирген окуя чыгат. Сүйүүсүн убагында билдире албагандар сүйүктүүсүн башкага тарттырып жиберерин эске алуулары зарыл.
Каржы – Жаздын аягында баштаган ишиӊиз өзүн актайт.

БИЙКЕЧ – ИТ
Жумушта – Жумушуӊузду таштайм дегениӊиз менен, жаӊы иштен чекеӊиз жылыбайт.
Үйдө – Жакындарыӊызга болгон таарыныч алардан бир топко алыстатат. Бирок жакшы жаӊылык кайрадан табыштырат.
Каржы – Каражат табуу куулукту, абалды байкай билип, чечим кабыл алууну талап кылат. Буларды аткарсаӊыз, ханга салам бербей жашайсыз.

БИЙКЕЧ – ДОӉУЗ
Жумушта – Иште август, сентябрда чоӊ өзгөрүүлөр күтүлөт. Каршылыктарга туруштук берсеӊиз, жеӊиш, жакшы маяна сиздики.
Үйдө – Баары сиз ойлогондой боло бербей, кээде жашоонун аӊ-дөӊүнө кабыласыз. Бирок жыл жалпысынан сүйүү чөйчөгүӊүздү бөксө кылбайт.
Каржы – Кошумча акчага ээ болгуӊуз келип, бай адамдардын ийгилик сырлары менен таанышып, долбоорлорду түзөсүз. Жыйынтык чуркаганга жараша болот.

ТАРАЗА (24.09-23.10)
ТАРАЗА – ЧЫЧКАН
Жумушта – Эгер кесиптештериӊиз менен пикир келишпестиктерге аз барсаӊыз, жумуш жаатында оор жагдайлар туулбайт.
Үйдө – Жакындарыӊыздан кубанычтуу жаӊылыктар көп болот. Тагдырыӊызды чоӊ бурулушка алып келген жаӊы таанышууларга даяр болуӊуз.
Каржы – Каржы маселесинде материалдык анча чоӊ эмес көйгөйлөр күтүп турат. Бул жаатта жакын досторуӊуздун жардамына муктаж болосуз.
ТАРАЗА – УЙ
Жумушта – Карьера түзүүгө же анын өсүшүнө көптөгөн ийгиликтүү жолдор ачылат. Жеке ишкердик менен алектенүүнү пландап жүргөндөргө убакыт келип жетти десек болот.
Үйдө – Жеке жашооӊуз ушул жылы сиз ойлогондон да жакшырат. Агрессивдүүлүктү ичке катсаӊыз, башкалар менен тил табышып, бойдоктор түбөлүк түгөйүн кезиктириши мүмкүн.
Каржы – Ишенчээктигиӊиздин айынан шылуундардын тузагына түшүп калышыӊыз мүмкүн. Андыктан ишеничтүү гана адамдар менен иш алып барыӊыз.

ТАРАЗА – ЖОЛБОРС
Жумушта – Алдыга коркпой эле чоӊ максаттарды коё бериӊиз. Атак-даӊкка жетишем деп жатып, кесиптештериӊизди иренжитип албаӊыз.
Үйдө – Адамды тарткан жагымдуулугуӊуз, сүйкүмдүүлүгүӊүз жеке жашоодо чоӊ бакытка балкытат жана майлуу киреше алып келет. Башкысы, харизманы ылайыктуу жерлерде гана
колдонуу керек.
Каржы – Акчаӊызды пайдалуу нерселерге жумшаӊыз. Жылдын экинчи жарымында жакындарыӊыздын бирине акча керек болот, аябаӊыз.

ТАРАЗА – КОЁН
Жумушта – Кыйчалыш, кыжалат кылган маселелерге туш болгондо өз күчүӊүзгө гана таяныӊыз.
Үйдө – Жакындарыӊыздын арасынан кимдир бирөө сиздин жардамыӊызга катуу муктаж болот. Анын ишеничин акташ үчүн физикалык жактан күчтүүлүк талап кылынат.
Каржы – Жөндөмүӊүздүн арты менен жетиштүү каражат жыйнап алууга жетишесиз.

ТАРАЗА – БАЛЫК
Жумушта – Март айынын башында карьералык өсүүгө алып келчү мүмкүнчүлүктү колдон чыгарып жибербеӊиз.
Үйдө – Эгер түгөй издеп жаткан болсоӊуз, жакындарыӊыз сунуштаган адамдардан баш тартпай карап көрүӊүз. Жыйынтыгы сиз күткөндөй болуп чыгышы ыктымал.
Каржы – Пайдасыз нерселерге алаксуу чоӊ акча алып келүүчү долбоорлорду өткөрүп жиберүүгө түрткү болуп калышы мүмкүн.

ТАРАЗА – ЖЫЛАН
Жумушта – Профессионалдык өсүшкө алып келген, материалдык байлыгыӊызды арттырган жыл болот.
Үйдө – Жакындарыӊыздын же түгөйүӊүздүн пикири менен төп келишпеген маселелериӊизди апрель айына чейин калтырбай чечип алганыӊыз оӊ.
Каржы – Жылдын аягы менен иш ордуӊуздан көтөрүлүү же айлык акынын жогорулашы күтүлүүдө.

ТАРАЗА – ЖЫЛКЫ
Жумушта – Жетекчилик менен талаш-тартышка аз барып, компромисске көбүрөөк келгениӊиз пайдалуу болот.
Үйдө – Душмандын санын азайтуу үчүн адамдардын талаш-тартыш жараткан тобунан оолак жүрүӊүз. Бойдоктор ушул жылы жалгыздыкка чекит коюуга ылайыктуу жыл.
Каржы – Киреше өткөн жылга салыштырмалуу азыраак болот.

ТАРАЗА – КОЙ
Жумушта – Кандай гана иш баштабаӊыз, айланадагылардан жана жетекчиликтен мактоолор көп болуп, жыйынтыгы материалдык жактан өсүшкө алып келет.
Үйдө – Сүйүшкөндөрдүн жана жубайлардын пикир келишпестиги күчөп кетпеш үчүн бири-бирине болгон ишеничин бекемдөөгө туура келет.
Каржы – Майда-чүйдө буюмдарды сатып алууда акчаны үнөмдөӊүз. Антпесе максат кылып жүргөн чоӊ нерсеӊизди алууга каражат жетпей калат.

ТАРАЗА – МАЙМЫЛ
Жумушта – Жыл толугу менен чыгармачылыктын кучагында өтөт. Ишиӊиздин жыйынтыгы мактоого арзымакчы.
Үйдө – Август айындагы маанилүү жолугушууну унутуп калып өткөрүп жибербеӊиз. Жылдыздар сиздин жеке жашооӊузга тиешеси бар адам ушул айда жиберилерин айтат.
Каржы – Чыгармачылык дареметиӊизди эч уялбастан ишиӊизде колдоно бериӊиз. Бул сизди финансы жагынан ийгиликке жеткизери талашсыз.

ТАРАЗА – ТООК
Жумушта – Карьера жаатында чоӊ өзгөрүү деле болбойт. Кесиптештериӊиз менен гана мамилени бузуп албоого аракет жасаӊыз.
Үйдө – Колуӊузда эмне жана кимдер болсо, аларды колдон чыгарбай сактаӊыз. Бирөөнүн мүлкүнө көз артсаӊыз же түгөйүӊүздү алмаштырууну ойлосоӊуз, бул ойдон тезинен кайтыӊыз.
Каржы – Досторуӊуз менен карым-катышта болуп, акча сураган учурда аябаӊыз. Мунун сөзсүз кайтарымы болоруна жылдыздар ишендиришет.

ТАРАЗА – ИТ
Жумушта – Мурда коштошкон, ал тургай унутуп да койгон нерсеӊиз жашооӊузга кайтып келет. Ал нерсе жаӊы иш баштооӊузга түрткү болуп, жемиши сентябрь айында билине
баштайт.
Үйдө – Түгөйүӊүздөн өзүӊүздү төмөн сезүү жана таарынчаактык мүнөзүӊүздү жоюӊуз.
Каржы – Ири акчага ээ болом деп оор жумуштарды аткарбаӊыз. Ден соолугуӊузду жоготуп, аны калыбына келтирүү үчүн тескерисинче капчыгыӊыз солгундай түшүшү мүмкүн.

ТАРАЗА – ДОӉУЗ
Жумушта – Жумушсуз калуу коркунучу сизди кооптондурбайт. Өз ишиӊизде алмаштыргыс кадр болууга аракет кылыӊыз.
Үйдө – Сүйүктүүӊүз менен ажырашууга түрткү болгон кырдаал жаралышы мүмкүн. Бирок буга жол бербөө өзүӊүздүн колуӊузда.
Каржы – Жаӊы жумуш издейм десеӊиз, ойлонбой жөндөмүӊүздү бардык жерде көрсөтө бериӊиз. Айлык акысы жогору жумуш орду күтүп турганын жылдыздар эскертишет.

ЧАЯН (24.10-22.11)
ЧАЯН – ЧЫЧКАН
Жумушта – Жыл башынан тарта күчүӊүзгө күч кошулат. Муну тер чачып иштөөгө жумшасаӊыз, жыйынтыгы кубантат.
Үйдө – Эӊ кымбат адамыӊыз менен мамилеӊиз бузулуу коркунучунда. Оӊ колуӊуздун ачуусун сол колуӊуз менен басыӊыз.
Каржы – Каржы жаатында сарамжалдуулук талап кылынат.

ЧАЯН – УЙ
Жумушта – Иш боюнча түшкөн сунуштардан кесибиӊизге төп келбесе да пайдалуусу кезигип калышы мүмкүн.
Үйдө – Сүйүү сезимдерине деле маани берип коюу шарт. Мунун арты менен жашооӊуз жашыл аралчага айланат.
Каржы – Убактыӊыз менен акчаӊызды сары майдай сактасаӊыз нерв коробой, ден соолугуӊуз сак болот.

ЧАЯН – ЖОЛБОРС
Жумушта – Бул жылы көптөгөн иш сапарларга, анын ичинен чет өлкөлөргө да чыгышыӊыз мүмкүн.
Үйдө – Тандоолордун түрүнө туш болосуз: жаӊы жумуш орду, түгөй тандоо жана башка.
Каржы – Каржы жактан тартыштык жаралбасын десеӊиз, жыл башынан эле жан үрөп иш кылыӊыз.

ЧАЯН – КОЁН
Жумушта – Ички туюмдарыӊыз түз жол көрсөтүп берет. Өнөктөштөрдү гана туура тандоо керек.
Үйдө – Сүйүү жаатындагы бурулуш жаздын башында болмокчу. Жеке жашоодогу өзгөрүүлөр башында жагымсыз болгону менен, кубанычтуу уланат.
Каржы – Күз айларында өзүӊүз үчүн алчу буюмдарга акча тартыш болуп калышы мүмкүн, алдын алыӊыз.

ЧАЯН – БАЛЫК
Жумушта – Ийгиликтүү жыл болот. Бирок ийгиликтүү деп жата берип жалкоо болуп калбаӊыз.
Үйдө – Түгөйүӊүздү чектен ашып кызгануу, башкаруучулук байрагыӊызды дайынсыз булгалай бергениӊиз аны кыжырдантып жиберет. Оор басырыктуу болуӊуз.
Каржы – Сиз күтпөгөн эле бирөөлөр аркылуу капчыгыӊыз кампайышы мүмкүн.

ЧАЯН – ЖЫЛАН
Жумушта – Сентябрь айында карьералык өсүүгө туш болоруӊуз күтүлүүдө.
Үйдө – Июль айында үй-бүлөгө толуктоо кирип, айрымдар махабатка балкышат. Мындан соӊ үлпөт той кубанычы ээрчип келүүсү мүмкүн.
Каржы – Акча топтоп жүргөн болсоӊуз, бекер коротпой батир алып коюӊуз.

ЧАЯН – ЖЫЛКЫ
Жумушта – Бирөөнүн жардамысыз иш кылсаӊыз, ийгиликке жетишесиз.
Үйдө – Туруксуздук колдо турган бакыттан куру-жалак калтырып коюшу мүмкүн.
Каржы – Апрель айы кошумча каражат алып келүүчү иштерди баштоого ылайыктуу ай.

ЧАЯН – КОЙ
Жумушта – Иш билгилигиӊиздин пайдасы тиет. Мүмкүнчүлүктү жалкоолук менен айдап жибербеӊиз.
Үйдө – Түгөйүӊүздүн ишеничин актаӊыз. Жашыруун нерселериӊиз болсо ортого салып чечип алууга ушул жыл ылайыктуу.
Каржы – Эс алууга көп каражат коротуп койсоӊуз, капа болбоӊуз. Ден соолугуӊуздун жакшырышы эс алганыӊыздын жыйынтыгы болмокчу.

ЧАЯН – МАЙМЫЛ
Жумушта – Олуттуу деле көйгөй жаралбайт, андыктан майда-чүйдөгө тынчсыздануунун кажети жок.
Үйдө – Жакындардын нааразычылыгын, “күӊк-мыӊк” мамилесин эске албаганда, үй-бүлөлүк конфликт аз орун алган жыл.
Каржы – Кыймылсыз мүлк же автоунаага ушул жылы ээ болушуӊуз күтүлүүдө.

ЧАЯН – ТООК
Жумушта – Көз карандысыздык менен иш баштоо жакшы натыйжа бермекчи.
Үйдө – Түгөйүӊүздүн ишеничинен чыгып калбаӊыз. Араздашуулардын артында эки айрылыш жолго түшүп калуу коркунучу бар.
Каржы – Билим алуу, бизнес баштоого көптөгөн каражат сарптайсыз.

ЧАЯН – ИТ
Жумушта – Жаӊы идеялар жетекчилик тарабынан колдоого ээ болбой калышы мүмкүн. Бирок моюн сунбай, ишти аягына чыгарыӊыз.
Үйдө – Тынчтыгыӊыз үчүн түгөйүӊүздүн кетирген кемчиликтерине көӊүл бурбай койгонуӊуз бара-бара анын өзгөрүп кетишине алып келет.
Каржы – Сараӊдыктын кереги жок. Антпесе “Иттин доолдай тиктирем дегени” тамсилиндегидей сызга отуруп каласыз.

ЧАЯН – ДОӉУЗ
Жумушта – Кой жылы сиздин бардык тармактагы иш баштооӊузду колдоорун билдирет.
Үйдө – Жетиштүү деӊгээлдеги сюрприздер өтө көп. Анын катарына сиз үчүн кымбат жана жакын адам менен таанышуу да кирет.
Каржы – Айлык акысы көп жумуш ойдо жок жерден табылып калуусу күтүлүүдө.

(Жаачы, Текечер, Суу куяр, Балык жылдыздарына астротөлгө кийинки санда)

Канымжан Усупбекова,
Гүлжан Асанкожоева
kenesh@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  1 
Комментарийлер(20)
29.12.2014. 09:33 
Тайпасы:
Жаран
Комментарийлердин саны:
3
Катталган:
12-11-2011
Соӊку аракети:
27-02-2017 21:55
Жынысы:
Белгисиз
Калаасы:
Жалал-Абад
0
дагы меники жоккооооооооооо ((((( Жаачыга келгенде токтотуп коюпсунар
29.12.2014. 10:06 
Тайпасы:
Супермодератор
Комментарийлердин саны:
36
Катталган:
05-09-2011
Соӊку аракети:
14-11-2018 19:20
Жынысы:
Белгисиз
Калаасы:
SUPER.KG
0
jamalka-2, саламатсызбы! Жаачы кийинки санга чыгат.
30.12.2014. 02:06 
Тайпасы:
Жаран
Комментарийлердин саны:
111
Катталган:
19-03-2013
Соӊку аракети:
06-03-2018 20:43
Жынысы:
Белгисиз
Калаасы:
Бишкек
0
jamalka-2,
Мен да жаачыны аябай кутуп атам,жаачы келгенде мени ойготуп кайчу унутпай
29.12.2014. 11:49 
Тайпасы:
Жаран
Комментарийлердин саны:
19
Катталган:
01-02-2014
Соӊку аракети:
07-12-2016 20:42
Жынысы:
Белгисиз
Калаасы:
ЕКАТЕРИНБУРГ
0
а меникичи ТЕКЕЧЕР
29.12.2014. 14:05 
Тайпасы:
Тартип бузгандар
Комментарийлердин саны:
112
Катталган:
30-10-2014
Соӊку аракети:
05-08-2018 17:43
Жынысы:
Белгисиз
Калаасы:
Шаар.312
0
Меники да жокго... Баарын толук чыгарсанар боло...
29.12.2014. 14:05 
Тайпасы:
Жаран
Комментарийлердин саны:
Катталган:
13-05-2014
Соӊку аракети:
14-11-2018 14:52
Жынысы:
Белгисиз
Калаасы:
МО
0
Баарын бир чыгарсаныздар жакшы болмок
30.12.2014. 11:06 
Тайпасы:
Жаран
Комментарийлердин саны:
24
Катталган:
07-11-2014
Соӊку аракети:
16-03-2018 01:02
Жынысы:
Белгисиз
0
2015 букачар жылдызы кандай болот жазып койсонуздар super.kg сиздерден суранам
30.12.2014. 11:28 
Тайпасы:
Супермодератор
Комментарийлердин саны:
36
Катталган:
05-09-2011
Соӊку аракети:
14-11-2018 19:20
Жынысы:
Белгисиз
Калаасы:
SUPER.KG
0
maksat2016, саламатсызбы! Кийинки санда жазылат.
30.12.2014. 12:32 
Тайпасы:
Жаран
Комментарийлердин саны:
207
Катталган:
14-11-2014
Соӊку аракети:
14-11-2018 16:49
Жынысы:
Белгисиз
0
Текечээрди кутом жана баарыныздарды жаны жылыныздар менен куттуктайм озгочо супер инфо жамаатыны
31.12.2014. 14:23 
Тайпасы:
Кыймылы жок
Комментарийлердин саны:
162
Катталган:
05-12-2012
Соӊку аракети:
13-06-2016 17:56
Жынысы:
Белгисиз
Калаасы:
.
0
Иииич эле ишенбейм ушундайларга болбогон куру сөз!
31.12.2014. 21:40 
Тайпасы:
Жаран
Комментарийлердин саны:
19
Катталган:
01-02-2014
Соӊку аракети:
07-12-2016 20:42
Жынысы:
Белгисиз
Калаасы:
ЕКАТЕРИНБУРГ
0
angelo4ka_96, ии сулуум меники 99% туурв чыкты мындагы сайтта http://www.super.kg/article/?article=30431
01.01.2015. 19:51 
Тайпасы:
Жаран
Комментарийлердин саны:
2
Катталган:
16-09-2014
Соӊку аракети:
24-08-2017 00:55
Жынысы:
Белгисиз
0
Текечечер жылдызын качан айтасыздар?
05.01.2015. 13:12 
Тайпасы:
Супермодератор
Комментарийлердин саны:
36
Катталган:
05-09-2011
Соӊку аракети:
14-11-2018 19:20
Жынысы:
Белгисиз
Калаасы:
SUPER.KG
0
gulzat.gulzat.79, саламатсызбы! Текечер жылдызы: http://www.super.kg/article/?article=30509
01.01.2015. 22:11 
Тайпасы:
Кыймылы жок
Комментарийлердин саны:
7
Катталган:
30-12-2014
Соӊку аракети:
20-06-2015 22:48
Жынысы:
Белгисиз
Калаасы:
кадамжай
0
Тушуно албажым бул толгого бапрынле жазыпсынар
05.01.2015. 13:13 
Тайпасы:
Супермодератор
Комментарийлердин саны:
36
Катталган:
05-09-2011
Соӊку аракети:
14-11-2018 19:20
Жынысы:
Белгисиз
Калаасы:
SUPER.KG
0
adinai13, саламатсызбы! "Жылдыз төлгө" рубрикасынан толугу менен окуй аласыз: http://www.super.kg/article/?theme=241
02.01.2015. 22:33 
Тайпасы:
Кыймылы жок
Комментарийлердин саны:
1
Катталган:
09-08-2014
Соӊку аракети:
02-09-2016 13:04
Жынысы:
Белгисиз
0
Suu kuiar jyldyzy oto elekpi jaza elek bolsonor kachan jazasynar aityp koisonor.
05.01.2015. 12:53 
Тайпасы:
Супермодератор
Комментарийлердин саны:
36
Катталган:
05-09-2011
Соӊку аракети:
14-11-2018 19:20
Жынысы:
Белгисиз
Калаасы:
SUPER.KG
0
kg.adrenalin, саламатсызбы! Жаңы санда: http://www.super.kg/article/?article=30509
04.01.2015. 13:02 
Тайпасы:
Жаран
Комментарийлердин саны:
149
Катталган:
03-07-2012
Соӊку аракети:
01-08-2018 20:08
Жынысы:
Белгисиз
0
Арстан жылдызы менен Арстан жокго? Менин жылдызымда жолдошумун жылдызыда арстан. Же арстан мн жолборс болуп калабы ошондо?
05.01.2015. 12:51 
Тайпасы:
Супермодератор
Комментарийлердин саны:
36
Катталган:
05-09-2011
Соӊку аракети:
14-11-2018 19:20
Жынысы:
Белгисиз
Калаасы:
SUPER.KG
0
eliza_eliza, саламатсызбы! Арстан жылы жок. Жолборс жылы бар. Андыктан, АРСТАН – ЖОЛБОРС абзацын окууну сунуштайбыз.
04.01.2015. 15:06 
Тайпасы:
Жаран
Комментарийлердин саны:
128
Катталган:
11-04-2013
Соӊку аракети:
09-10-2018 19:45
Жынысы:
Белгисиз
0
Толгого эмес АЛЛАХА ишенгиле. Бул ХАРАМ.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: