Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

КЫМБАТЧЫЛЫК ЧОҢДОРГО ТААСИРИН ТИЙГИЗЕБИ?

№369 27-ноябрь - 3-декабрь, 2009-ж.


Мезгил үнү

“Жаңы жылдан тарта электр энергиясы менен жылуулук берүүнүн баасы кымбаттайт” деген токтом эл арасында талаш-тартыш жаратты. Андыктан айрым чиновниктер менен саясатчыларга төрт собол узаттык.

  1. Канча айлык аласыз?
  2. Айлыгыңыз коммуналдык төлөмдөрдү төлөөгө, тамак-ашка жетеби?
  3. Энергетика тармагын тарифтерди көтөрүү менен гана сактап,
    өнүктүрүүгө болобу? Же андан башка да жолдору барбы?
  4. Пенсионерлерге, бюджеттик мекемелерде иштегендердин айлыгына жөлөк пул кошулду. Ал эми эч жерде иштебеген жумушсуздардын,
    менчик ишканалардын кызматкерлеринин абалын ким ойлойт?

Улукбек Ормонов, ЖКда “Ак жол” фракциясынын жетекчиси:

  1. Айлык акым 18 000 сом.
  2. Эмгек акым коммуналдык кызматтарды төлөөгө, тамак-ашка кенен эле жетет.
  3. Энергетика тармагы кыргыздын көзгө басар байлыгы. Тариф көтөрүлсө үйүндө эки телевизору, эки муздаткычы барлар көп төлөйт. Ал эми карапайым элге анчалык деле таасирин бербесе керек. Себеби эмгек акыларга өкмөт тарабынан жөлөк пул кошулду. Электр энергиясы үчүн жалпы элден чогулган акчанын 1 миллиард сомдон ашыгы жыл сайын «Бишкек жылуулук борборуна» которулуп келген. Эмне үчүн шаардыктар колдонгон жылуулукту айылдыктар төлөшү керек, туурабы? Ошол себептен жылуулук берүүнүн акысы кымбаттаганы да туура болду.
  4. Жылуулук менен электр энергиясынын кымбатташынан улам жаңы жылдан тарта эмгек акысы 4000-5000 сомду түзгөн кызматкерлерге 200 сом, Улуу Ата Мекендик согуштун катышуучуларына 7000 сомдон, майып балдарга, оорулуу энелерге 2000 сомдон жана башка ушул сыяктуу кошумча акчалар бериле баштайт.


Сапарбек Балкыбеков, Электр станциялар ААКсынын башкы директору:

  1. Айлыгым 19 000 сом. Андан сырткары эмгек стажыма жараша кошумча айлык алам.
  2. Тапкан акчам жашоомо жетет.
  3. Энергетика тармагында уурдоо жана тарифтердин арзандыгы деген маселелер бар. Ошондон улам тарифтерди кымбаттаттык.
  4. Премьер-министр жеке ишканалардын кожоюндарына айлык акыларды көбөйтүү боюнча талап коёбуз дебедиби. Ал эми жумушсуздар “багар-көрөрүм жок, иштебейм” деп өздөрү жашаган райондордогу социалдык уюмдарга барып каттоого турса, пособие берилет. Пособиелердин өлчөмү да жаңы жылдан кийин көбөйтүлөт.


Өмүрбек Текебаев, “Ата Мекен” партиясынын төрагасы:

  1. Мен партияда айлык албай иштейм. Бирок үй-бүлөлүк бизнесибиз бар. Анын кирешеси жашыруун эмес. Анткени салык төлөйбүз. Турмуш-тиричиликке кеткен чыгымдарды жубайым тейлейт.
  2. Кыргызстандын элинин 70-80 пайызы жакыр жашагандыктан, тапканы орто деңгээлдеги жашоого да жетпейт.
  3. Экономиканын өнүгүү деңгээлине, инфляцияга жараша, албетте, тарифтер көтөрүлүп турушу мүмкүн. Бирок биздин өкмөт айтып жаткандай темпте эмес. Өкмөттүн тарифтерди бир канча эсеге көбөйтөбүз дегени бул – чет элдик инвесторлордун келечек кирешесинин камын көрүү. Уурдалган электр энергиясын, начар башкаруунун кесепетин карапайым калкка жүктөп коюу менен өкмөт өзүнө ыңгайлуу жол тапты. Электр энергиясын сактап калуунун, өнүктүрүүнүн тарифтерди көтөрүүдөн башка деле жолдору бар. Өндүрүлгөн электр энергиясынын жарымы жоголуп жатат. Ошону көзөмөлдөөгө, энергияны сарамжалдоочу технологияларды киргизүүгө, электрге альтернативалуу энергия булактарын өздөштүрүүгө, чакан электр станцияларды курууга эмнеге болбосун?
  4. Мен учурда Жалал-Абад аймагын кыдырып жүрөм. Тарифтердин кымбатташына эл нааразы. Кымбатчылык жумушсуздарга, пенсионерлерге, кыскасы, карапайым калкка жаман таасирин берет. Тариф көтөрүлсө да, адилеттүү кымбатташы керек эле. Энергиянын өздүк баасы 5 тыйын болсо өкмөт кырк эсеге көбөйтүп, 2 сомго сатканы жатат. Бул кайсы адамдын жинин келтирбесин?

Сүйүн Кулматова
koom@super.kg


«Супердин» сурак бурчу

ТАПКАНЫҢЫЗ СВЕТКЕ ЖАНА ЖЫЛУУЛУККА ТӨЛӨӨГӨ ЖЕТЕБИ?

Марат, 69 жашта, пенсионер:
– Пенсиям менен уулумдун айлыгынан тышкары кирешебиз жок. Акчанын тартыштыгынан 1,5 тонна эле көмүр алууга туура келди. Учурда үйдү электр жылыткычтар менен жылытып жатабыз. Кыскасы, тиштин кирин соруп, үнөмдөп жашоого туура келип жатат.

Дамира, 33 жашта, жеке ишкер:
– Азырынча жетиштүү. Анткени чакан бизнесим бар. Ал эми бийлик төбөлдөрү карапайым элдин ордуна өздөрүн коюп көрүшсө болмок. Минтип жарытылуу айлык акы албаса, эртең коммуналдык төлөмдөр дагы кымбаттаса, элди тирүүлөй көмгөн менен барабар болот го.

Болот, 55 жашта, электрик:
– Эч нерсеге жетпейт. Жумушумдан тышкары жалданып ар кандай иштерге иштейм. Заманбап тил менен айтканда “шабашка” деп коёбу? Ал да бирде болсо, бирде болбой калат. Жаңы жылдан кийин дагы кымбаттаса, эмне айла кылам деп башым катып жүргөн маал.

Наргиза, 27 жашта, жеке ишкер:
– Кудайга шүгүр, тапканым тиричиликке жетиштүү эле. Жолдошум экөөбүз тең иштейбиз. Коммуналдык төлөмдөрдү, тамак-ашты мен моюнума алсам, жолдошумдун тапкан акчасын үй-бүлөлүк бюджетке чогултабыз. Эмнеси болсо да, заман оңолсо деп тилер элем.

Бакыт, 37 жашта, куруучу:
– 15 миң сом айлык алам. Ал акчаны тиягына тартсаң биягына, биягына тартсаң тиягына жетпейт. Келинчегим эки балам менен үйдө. Минтип кыш да келди, көмүр алуу керек. Өкмөт төлөмдөр кымбаттаганга жараша айлык акыны эки эсе көбөйтүп берсе жакшы болмок.

Асфера, 18 жашта, студент:
– Өзүм акча иштеп таба элекмин. Ата-энем айына 5000 сомдой акча салып турушат. Кыздар менен батирде турам. Бир айлык акысына 3000 сом акча коройт. Андан сырткары баскан-турганым, тамак-ашым дегендей. Айтор, ата-энеме оор келбесин деп үнөмдөп жатам.

Мүзүр, 60 жашта, пенсионер:
– Өзүм айыл жергесинде турам. Бирин-экин малым бар. Жер иштетем. Айыл жергесине караганда шаарда жашоо оорлоп бараткандай. Дагы кымбаттатса, өкмөт үчүн эле иштеп калабыз го.

Шарипа Бекташева



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(1)
04.12.2009. 09:40 
Тайпасы:
Жаран
Комментарийлердин саны:
23
Катталган:
19-03-2008
Соӊку аракети:
12-10-2018 21:33
Жынысы:
Белгисиз
Калаасы:
бишкек
0
okup oltursan baary ele ozun oiloit .senin emgek akyn jetse karapaiym eldi kim oiloit ...o tekebaev gana eldi eske alyp suiloptur..
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: