Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Күмөндөр Абылов: «МИТИНГДЕРДИН АЙЫНАН БАНКРОТ БОЛГОМ»

№369 27-ноябрь - 3-декабрь, 2009-ж.


Мүнөзү чорт, бук болгондо көздөрүнөн мончок-мончок жаш агат. Жөн салды сүйлөсө эле күлкүң келет...
Бул сапаттардын ээси, КРнын Эмгек сиңирген артисти Күмөндөр Абылов биздин төрдө конокто.

– Ден соолугуңуз жакшыбы, Кү­мөн­дөр байке, жакында бир аз кырсыктап калды деп уктум эле...
– Инимдин кайнатасы каза болуп Нарынга барган элек. Ошол жактан кайтып келатып, Токмоктон кырсыкка кабылдык, мен рулда болчумун. Кудайга шүгүр, азыр баары жакшы. Ооруканага жатып бир аз дарыланып чыктым.
– Көптөн бери көрүнбөй кет­тиңиз. Кайда, эмне иштер менен алексиз?
– Такыр концерт бербей калганымдын себеби эки жолку концертим митингге туш келип, оозум күйгөн. 2006-жылы 3-ноябрдан 7-ноябрга чейин концерт бермек элем. Ошондо 2-ноябрда башталган митинг мени менен кошо жарышып, 7-ноябрга чейин болду. Казактардан да куудул чакырып койгом. Алар “ой-бай бул жерде атышып жатышат го” деп чочушту. Ошондо залдын жарымы араң толгон. Билет алгандар кайра өткөрүшкөн. Мындай окуядан кийин концерт коюудан коркуп калган жайым бар. Азыр эл ыр-күлкүнү сагынып калды окшойт. Анын үстүнө, мен өзүм да сахнаны сагындым.
– Концертиңизге ырчылар да катышабы? Афишага аттарын жазбаптырсыз.
– Азыр ырчылардын көбү той ме­нен жашап калышкан. Концертке чакырсаң бири “мени алып салыңыз, тойго барышым керек эле” десе, экинчиси кечигип келет. Анан колго тийген артистти эле чыгарууга туура келет. Ошентип, көшөгөнүн артында маанайың бузулат. Ушундай жагдайларды эске алып, концертке кайсы ырчы катышарын жазган жокмун.
– Мурун ар жылы “Мыскыл жана тамаша” аттуу ыр-күлкү концерти болор эле. Ал да тынчып калды. Буга эмне себеп?
– “Мыскыл жана тамашанын” болбой калышы – телевидениенин күнөөсү. Режиссёр отуруп алып сатираларды талкуулап, бир жума даярданып, камерага тартып, анан көрөрмандарга алып чыкчу. Азыр “50 000­ сом берсең анан концертиңди тартып берем” дешет экен. Акча берип чыкчудай мен эмне жаңыдан чыгып келе жаткан жаш бала белем? Андан көрө эл менен жүзмө-жүз көрүшүп, айыл аралап концерт бергеним жакшы да.
– Артисттердин көбү эле азыр той-топур менен жан багышат эмеспи. Кантип жан багып жатасыз?
– Негизи, мен кыргыз драма театрында иштеймин. Андан сырткары тойлорго тамадалык кылам. Айрымдар “бир-эки чыгып элди күлдүрүп коюңуз” деп суранышат.
– Жеке бизнесиңиз барбы?
– Бизнес менен алектенейин деген оюм да жок. Бир ишти баштайын десем, ал мындан 10-15 жыл мурун эле ачылып, эл андан кайтып калган болот. Бир жолу үйдүн жанындагы базарга күркө коёюн деп атайын жасаттым. Жаңы эле орун алып жайгаштырганы жатсам, базарды бирөө сатып алып меникинен таптакыр башкача, бири-бирине окшош күркөлөрдү тизип салыптыр. Дагы бир жолу Прибалтикадан бир вагон машина алып келип, араң бир жылда сатып бүткөм. Башкалар бир жумада эле сатып жиберип кайра жөнөшөт. Арзан да кылып көрдүм. “Эмнеге арзан, бир балээси бар го” деп жинге тийишти. Ошондон кийин бизнес деген немеден алыс болоюн дегем.
– Келиндүү бол­го­нуңузга жарым жыл болуп калды. Кандай кайната болуп жатасыз? Келиниңизге канча калың бердиңиз?
– Башка кайнаталарды көрүп ушундай кайната болоюн деген деле оюм жок. Кайынды алып салып, келиним Гүлзатка өз атасындай болгонго аракет кылып жатам. Калың болсо сыр.
– Бакыт Мукул деген иниңиз да куудул катары элге таанылып калды эле, көрүнбөй кетти го...
– Ал тамадалык борбор ачып алган. Үч эркек баланын атасы. Келинчеги да актриса эмеспи. Экөө тең эле той-топур менен иштешүүдө.
– Сахна­лаш­та­ры­ңыз­дын кимиси менен жакшы катышасыз?
– Абдылда, Рахман менен. Андан сырткары, кыргыз драма театрынын директору Кыргызбай Осмонов менен үй-бүлөлүк катышыбыз бар.
– Мү­нө­зү­ңүздү жу­байыңыз Жамила эжеден жакшы билген эч ким болбосо керек. Эже, куудул десе эле үй-бүлө­сүн эртеден-кечке күл­дү­рө берген адамды элестетет экенбиз. Күмөндөр байке ошондойбу?
– Күмөндөр экөөбүздүн чогуу түтүн булатканыбызга жыйырма жети жыл болду. Маанайы жакшы болгондо эле күлдүрүп койбосо, үйдө түнт. Бирок ак көңүл, колунда бар болсо аянбай чача берет. Ал эми жини келсе үйдө чымын да учпай калат.
– Анда кээде какыс-кукус кылып жибериши мүмкүн экен да...
– Какыс-кукус кылган учурлар ар бир үй-бүлөдө эле болсо керек. Анын баарын сабырдуулук менен жеңип келе жатабыз.
– Балдарына кандай ата? Бал­дарыңыз жөнүндө айтып берсе­ңиз?
– Өтө мээримдүү, камкор, баласаак ата. Үйгө менин төркүнүм келеби, өзүнүкүбү баарын чекесинен өөп, бирдей мамиле кылат.
Улуу кызыбыз Чүрөкгүл музыкалык мектепте мугалим. Андан кийинкибиз эгиздин түгөйү Аваз 6-класстан бери сүйлөшүп жүргөн кызы Гүлзатка үйлөндү. Ал Эл аралык университетте, келиним Улуттук университетте окуйт. Нават кызыбыз болсо Финансы техникумун аяктаган. Кичүүбүз Намаз Улуттук университеттин 1-курсунун студенти.
– Күмөндөр байке кайын журтуна сыйлуу күйөө бала болсо керек...
– Эрке, сыйлуу жалгыз күйөө бала. Эки бажасы бар эле өтүп кетишти. Кээде аларды жоктоп муңканып калат.
– Күмөндөр байке, Жамила эже, жылуу маегиңерге рахмат. Бириңер элди күлдүрүп, экинчиңер күлкүдөн түшкөн акчаны капчыкка батыра албай эле жүрө бергиле.

"ӨЗҮМ ЖӨНҮНДӨ"
Арманым – анча деле чоң эмес. Адам тагдырына топук кылып жашаш керек.
Эки аял алуу оюмда жок. Экини эмес, бирин эле эптеп алайынчы.
Хоббим – бильярд ойноо, мергенчиликке чыгуу, балык уулоо, жыгачтан шахматтын фигураларын жасоо. Бирок ушуга чейин бир да фигураны аягына чыгара элекмин.
Ала жипти бирөө таштап койгон болсо, байкабай аттап кеткендирмин.
Жакшы көргөн ырчым – Салима Балтаева, кином – "Бакайдын жайыты", куудулум – Рахман, Абдылда.
Чачымды жыйырма күндө бир боёйм. Бир айга жакындаса агарып кетет.
Аялымды катуу деле кармабайм. Же ал мени кармап жүрөбү, билбейм.
Сахна мен үчүн – ыйык супара.
Максатым – тарыхый чоң чыгарма баштадым. Ошону аягына чыгаруу. Учурда жер-суунун аттарын, жылдарды тактап жатам. Андан сырткары неберелериме татыктуу тарбия берүү, чыгармаларымды китеп кылып чыгаруу жана дискке жаздырып, кийинки муунга калтыруу.
Ыйлоо жагынан алдыма эч кимди чыгарбайм. Индия кинолорун көрсөм деле ыйлай берем.


Жылмайып коюңуз!

Күмөндөрдөн “живой” анекдот
Жеңеңерге ким жакшы сүйлөп, күлүп койсо эле жабыштырып жинине тие берем. Бир жолу машинада баратсак, үргүлөп кирди. Эмне болду десем, “сокур молдо жетелеп баратат” дейт. Жабыштырганга эч кимди таппай калган жаным ошол сокур молдо экөөң да соо эмессиң деп опузаладым.

Сүйүн Кулматова
star@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(6)
01.12.2009. 05:21 
Тайпасы:
Кыймылы жок
Комментарийлердин саны:
6
Катталган:
25-11-2009
Соӊку аракети:
09-02-2010 17:38
Жынысы:
Белгисиз
0
ээ Гумондор байке, ардайым кыргыздын жузуно бар болун.
01.12.2009. 15:36 
Тайпасы:
Комментарийлердин саны:
0
Катталган:
01-01-1970
Соӊку аракети:
01-01-1970 00:00
Жынысы:
Белгисиз
0
Супер куудул
02.12.2009. 01:19 
Тайпасы:
Жаран
Комментарийлердин саны:
226
Катталган:
03-07-2009
Соӊку аракети:
27-08-2018 21:45
Жынысы:
Белгисиз
Калаасы:
Улуу Кыргыз Дөөлөтү Ордо Балык шаары
0
Кичуу кызыныз мага аябай жагат.....................................................................
02.12.2009. 02:47 
Тайпасы:
Кыймылы жок
Комментарийлердин саны:
48
Катталган:
22-06-2008
Соӊку аракети:
12-08-2015 13:58
Жынысы:
Белгисиз
Калаасы:
Kyrgyzstan
0
Kymondor bayke temyrdey bekem den-sooluk kaalaim.Oilogon oiynyz yshke ashsyn.Byz syzdyn talanttynyzga taazim etebyz.Jubaiynyz kyzdarynyz aman bolup yi-byloolyk bakyt kaalaim.
03.12.2009. 05:03 
Тайпасы:
Кыймылы жок
Комментарийлердин саны:
28
Катталган:
13-04-2008
Соӊку аракети:
24-08-2014 23:20
Жынысы:
Белгисиз
0
Аман болунуз!!!
28.07.2010. 19:18 
Тайпасы:
Кыймылы жок
Комментарийлердин саны:
3
Катталган:
28-07-2010
Соӊку аракети:
05-10-2013 17:57
Жынысы:
Белгисиз
0
Кумондор тайке!ден соолугун чын болуп, омурун узун болсун
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: