Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

СИРЕНЬ ГҮЛДӨГӨН МААЛДА

№370 4-10-декабрь, 2009-ж.


Жаңы сериал

Бишкек шаарындагы ооруканалардын биринде дарыланып жатканыма эки күн болду. Үч кишиге ылайыкташкан палатада орто жашка барып калган арыкчырай, жароокер аял экөөбүз жатабыз. Анын ачык-айрымдыгынан улам бат эле тил табышып кеттик. Эки күндүн ичинде дартыбыздын себебин да, үй-бүлөбүз жөнүндө да, алтургай азыноолак башыбыздан өткөргөн ар кандай окуяларды сурашканга да жетиштик. Экөөбүз кудум бир нече жылдан бери тааныштай божурашып, ооруканада жатканыбызды унутуп калабыз. Кээде бир топко ырдап да алабыз. Аял жакшы ырдайт экен, үнү да уккулуктуу, мукам.
Үчүнчү күнү жаш кызды бош орунга алып келишти. Кыз түзүк саламдашканга да жараган жок. Өзү каалаган жокпу, айтор, башын суз гана ийкеди да, төшөнчүлөрүн даярдап, унчукпай жатып алды. Шайыр отурган биздин маанайыбыз түшүп, кызык абалда калдык. Артынан кирип аны-муну сураган мээрман айымга да оңдуу жооп бербей, күңк-мыңк этип тим болду. Кийинки күндөрү уколун алып, дарысын ичип, анан дааратканага барганы болбосо, керели кечке сулк жата берди. Башка палата куруп кеткенсип, бул маанайы ачылбаган кызды бизге кошуп койгонуна ачуубуз келгени менен, унчуга алган жокпуз. Же жыргатып тамак жебейт, же бир кепке келбейт. Милдетин алгансып “тамак ичип койчу, чай ууртап койчу, ачка болосуң” дей берип жадагандай эле болдук. Бир ирет эмне болсоң ошол бол дедиби, жанымдагы аял кыңкылдап адатынча ырдай баштады. Кыз башын чүмкөп бир аз жатты да, анан сыртка чыгып кетти. Ошол бойдон күүгүм кирсе да палатага келбеди.
– Эмне ырдайсыз?!- деп эжени күнөөлөй баштадым.
– Ырдасам эмне болуптур, оорулуу бир ошол бекен? Тыржыят да тим эле! Мага десе баш­ка­ палатага которулуп алсын. Ушул келгени бир кере дем алсам өлөйүн,- деп эже жинденип алды.
– Чын эле катуу ооруп жаткандыр,- дедим мен эми бушайман болуп.
– Ошентип, адам жапайыдан бетер бирөөнү жактырбаса, же бирөө менен сүйлөшпөсө, эртеден кечке буулуп жата берсе, анын нерви бузулбай, анан менин нервим бузулмак беле? Жаш эле неме жадырап-жайнап жүрсө эмне?!
Эже ушуларды айтып кейип-кепчип алды. Мен да анын жаштыктын доорун сүрүп, ойноп-күлөр чакта өзүн-өзү капаска камап алганына түшүнө албадым.
– Иий кокуй, жүрү, карап келели, кантсе да бирге жатабыз, - деди эже бир оокумда. Экөөбүз аны оорукананын айланасындагы орундуктардан таба албай көпкө убара болдук. Имараттын артындагы эски орундукта жалгыз отурган экен. Акырын барып биз да үн катпай жанына отурдук. Ал бир топко унчукпай отурду да, анан башын көтөрүп:
– Мени кечирип койгула, силерди да кыйнадым окшойт,- деди.
– Жок, биз... Мен... Ушул кысылып отургандан көрө ырдап, көңүл жазып отурсак дейм да, капа болбо сиңдим,- деп жанатан бери кыйынсынып отурган эже жалооруй сүйлөдү.
– Эже, ырдап отурганга не жетсин,- деп кыз ойлуу үн катты.
– Баса, менин атым Малика.
Кызык, ал келген күндөн бери таанышкан да эмес экенбиз. Биз да өзүбүздү тааныштырдык. Малика күлгөнгө аракет кылды, бирок жүзүндө билинер-билинбес жылмаюу пайда болгону менен, көздөрү мостойгон бойдон калды. Мен эми гана анын ыйлаганын байкадым. Аны жөн жерден жек көрүп жүргөнүмө ичимден өкүнүп кеттим. Анын жаш толгон көздөрү муңдуу да, сырдуу да, сүрдүү да, армандуу да, ызалуу да, жадакалса акылдуу да эле. Кесибим журналист болгондуктан, түркүн адамдар менен маек куруп, алардын тагдыры, бактысы жөнүндө жазып жүргөн мени кыздын муңайыңкы жүзү кайдыгер калтырган жок. Малика жөнүндө көп нерсени билгим келгени менен, суроо бергенге батына албадым. Анткени мындай адамдар менен маектешүү оңой эмес эле. Алар өзү каалап айтып бербесе, сурооң жоопсуз калары анык. Болгону, кыз табиятынан кайдыгер, суз эмес экени, тагдырдан катуу сокку алганы билинип турду.
– Канча жаштасың?
Эже да башка суроо бергенден айбыктыбы, же чындап кыздын жашына кызыктыбы, айтор, ортодогу жымжырттыкты буза суроо берди.
– Жыйырма беш,- деп жооп берген Малика ордунан туруп халатын күбүй калды. Үчөөбүз унчукпай палатага келдик.
Улам көздөрүнө жаш келип, кайра таркап, жүзү бирде мостоюп, бирде кубарып, алда кимди күткөнсүп улутунуп алат.
Арзыбаган нерсени сүйлөшүмүш болгонубуз менен, аны эми жек көрбөй аяп да, кызыгып да калдык. Өзү да жата бергенден тажадыбы, же укол-дарынын пайдасы тийип көңүлү ачыла баштадыбы, биз менен баарлашпаса да, сыртка чыгып жанагы эски орундукка көпкө чейин отуруп келет. Экөөбүздүн керебетибиз жанаша коюлгандыктан, анын күн сайын түн бир оокумда бышактап ыйлаганын байкап калар элем. Бул абалын аяганым менен, бир чети адамга жарылып сүйлөбөгөн кырс мүнөзүнө ачуум келет. Эже экөөбүздүн маегибизден улам менин журналист экенимди байкап калган окшойт, бир күнү минтип сурады:
– Сенин кесибиң журналистпи?
– Чынында кесибим боюнча тарыхчымын, бирок журналист болуп иштеп жүрөм. Кичинекей кезимден ыр жазчумун. Кийин кыска аңгемелерди жаза баштадым. Ушунун таасири менен гезиттерге макалаларды жазып, биротоло бул багытка ооп кеттим окшойт.
– Жүрү, бакка чыгып отурабыз, калганын ошол жактан сүйлөшөлү.
Мен Маликанын адамдарга аралаша баштаганына кубанып, анын сунушуна макул болдум. Орундукка барып көпкө чейин жымжырт отурдук. Эрте жаз болгондуктан, жерден көк чөп баш багып, дарактар бүчүр байлап, жер эненин ойгонгону байкалат.
– Эгер сен жаза алсаң, анда мен сага жүрөгүмдө бугуп, сыр болуп жаткан тагдырымды айтып берейин, бирок келишип алышыбыз керек,- деп ал мага аңгемелешүүдөн мурун шарт койду.
– Менин айтып бергендеримди чыгарма кылып жазасыңбы?
– Албетте,- деп мен шар эле жооп бердим. Ал адатынча көпкө чейин бир чекитке кадалып, ойлуу отурду. Башаламан болуп чиеленишип кеткен тагдырынын кайсы учугунан тартып, кайсы жерден баштап айтууну таппай жаткансыды. Мен да унчукпай күтүп отурдум. Малика жаш толо түшкөн көздөрүн ирмеп сөз баштады:
– Мен аны бала кыял, эрке мүнөз, баёо кезимде жолуктурдум. Ага жолуккан кезде жүрөгүмдө кыпындай кир жок, жан дүйнөм бейпил, тынч, дилим тунук эле. Адамдарга болгон ишеничим, мамилем, көз карашым такыр башкача болчу. Ага деген махабатымды жүрөгүмдүн эң терең, эң таза, тунук жерине бекиттим. Романтикага жакын жан болгондугумдан жомоктордо айтылып, китептерде жазылып жүргөндөй бир башкача сүйүүгө жолугарымды күтүп жүргөм. Акыры ошол күткөн сүйүүмө жолуктум. Болгондо да сирень гүлдөгөн жаздын жагымдуу айларынын биринде кезиктим.
Ал жигитке кантип арбалып калганымды билбейм. Качан анын ар бир кадамын, ар бир сөзүн башкалардан кызганып, өзүмчүл боло баштаганымда чындап сүйүп калганымды түшүндүм. Ал да мени чексиз сүйчү, же мага ушундай сезилдиби, билбейм. Жүзүндө кылчалык митаамдыктын белгиси, сөзүндө кыпындай куулук байкалбаган жөнөкөй жигиттен кантип арамдыкты күтөсүң? Менин жасалмасы жок кирсиз мүнөзүмдү, өтө жөнөкөйлүгүмдү сүйөрүн көп айтчу. Күн өткөн сайын бири-бирибиз үчүн бир тууган да, дос да, сырдаш да, муңдаш да болуп, бир бүтүнгө айланып калдык.

Жумагүл Жолматова

(Уландысы кийинки саныбызда)



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21503;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: