БИР БҮРКҮМ

«Электрондук жана почта байланышы жөнүндө» мыйзамга ылайык, 2015-жылдын март айына чейин мобилдик кызматты колдонуучулар SIM-КАРТАЛАРЫН каттоодон өткөрүшү керек. 2014-жылдын аягына чейин 4 миллион 17 миӊ 638 абонент SIM-карталарын каттаткан.
Балыкчы шаарынын экс-мэри Мирлан Бообеков Чолпон-Ата шаарындагы мамлекеттик резиденциянын директору болуп дайындалды. Эске салсак, МИРЛАН БООБЕКОВГО «кызмат абалынан кыянаттык менен пайдаланган» деп айып тагылып, кылмыш иши козголгон болчу.
ПАРЛАМЕНТТИК ШАЙЛОО 2015-жылдын ноябрь айынын биринчи жекшембисинде өтүшү мүмкүн. Бул тууралуу «Ата Мекен» фракциясынын лидери Өмүрбек Текебаев билдирди.
Эмгек, миграция жана жаштар министрлиги 2015-жылы суроо талап жогору боло турган ОН КЕСИПТИ атады. Алардын катарына тигүүчү, соода менеджери, авто унааны оӊдоочу, агроном, ветеринар жана башкалар кирген.
Кыргызстанда жалпысынан 278 КҮРӨӨКАНА бар. Эӊ көп күрөөкана Бишкекте катталган, алардын саны 104. Ошондой эле Жалал-Абад облусунда 74, Чүй облусунда 33 күрөөкана бар.
Бишкекте акыркы 2,5 ай ичинде көп кабаттуу үйлөрдөгү БАТИРЛЕРДИН АРЗАНДАГАНЫ байкалууда. Маалыматтарга караганда, күз айларында 2 бөлмөлүү батир 50-53 миӊ доллар турса, учурда 43-44 миӊ долларга чейин түшкөн.
Өлкөдө МУГАЛИМДЕРДИН айлыгы 2015-жылдын экинчи жарымынан кийин жогорулашы мүмкүн. Бул тууралуу каржы министри Ольга Лаврова билдирди.
14-январга карата 2 миллион 25 миӊ 305 адам БИОМЕТРИКАЛЫК МААЛЫМАТТАРЫН тапшырды.
Бишкек шаарынын жашоочусу № 2-төрөт үйүндө 12-январь күнү 6 килограмм 620 грамм салмакта УУЛ төрөдү.
КАМИЛА ДҮЙШӨБАЕВАНЫН өлүмү боюнча иликтөө иштерине Малайзиядан келген адис жардам бере алган жок. Аталган адис маркумдун уюлдук телефонундагы WhatsApp байланыш колдонмосундагы өчүрүлүп кеткен кат жазышууларын кайра калыбына келтире албай, тергөө иштери туӊгуюкка кептелди.

Мирлан Өмүралиев
politika@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (0)

Комментарий калтыруу үчүн өз ысымыңыз менен кириңиз же каттоодон өтүңүз.

№ 637, 16-январь-22-январь, 2015-ж