Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

АТАДАН АРТЫК УУЛ – ФЛОЙД МЭЙВЕЗЕР

№638 23-январь-29-январь, 2015-ж


Кээ бирлер бул мушкерди «бокс тарыхындагы эӊ мыкты мушкер» деп атап келишсе, айрымдары ал рингге чыкканда зеригип кетерин белгилешет. Мушкер тууралуу «атаандаштарын кылдат тандап, чыныгы сыноодон али өтө элек» деп айткандар да бар. Бирок алардын баарын бир нерсе бириктирип келет: бул мушкерге эч ким кош көӊүл боло албайт. Ал мушкердин аты – Флойд Мэйвезер.

ФЛОЙД ТУУРАЛУУ

Аты-жөнү – Флойд Мэйвезер (кенжеси)
Каймана аты – «Келишимдүү» (Pretty Boy), «Акчалуу» (The Money)
Туулган жылы, күнү – 1977-жыл, 24-февраль
Туулган жери – Гранд-Рапидс, АКШ
Үй-бүлөсү – Бойдок, эки жарандык никеден экиден баласы бар

ПРОФЕССИОНАЛДЫК КАРЬЕРАСЫ:

Орто салмак категориясы 47 беттеш – 47 жеӊиш, 26сын нокаут менен уткан
Алгачкы беттеши – 1996-жыл, 11-октябрь
«Ring» журналынын версиясы боюнча 6 жолу «Дүйнөнүн мыкты мушкери» аталган
Атланта-96 Олимпиадасынын коло медаль ээси,
WBC жана WBA версиясы боюнча 5 салмак категориясында Дүйнө чемпиону

Мушкерлер Үй-бүлөсү. Мэйвезер мушкердин үй-бүлөсүндө туулган. Анын атасы Флойд Мэйвезер (улуусу) жана анын эки бир тууганы да профессионал мушкерлер эле. Алардын бири Рожер Мэйвезер учурда мушкердин машыктыруучусу.
«Мэйвезер». Флойдго алгач апасынын Синклер фамилиясы берилген. Бирок ата-энеси баласынын аты эрте таанылсын үчүн боксто белгилүү болуп калган «Мэйвезер» фамилиясына которушкан.
Чоӊ апасы. «Жаш кезимде чоӊ апама келечектеги кесибимди тандоо тууралуу ойлонушум керектигин айтып калдым. Анан ал эмне деп жооп берди дебейсизби? Чоӊ апам жөн гана «жок, сен боксту улантышыӊ керек» деп узатып койгон»,- деп эскерет мушкер чоӊ апасынын сөзүн.
Атасы. Флойд кембагал үй-бүлөдө чоӊойгон. Анын атасы баӊгизатын сатканы үчүн түрмөгө бир канча жыл отуруп чыккан.
Окуу эмес, бокс. Атасы түрмөдө жазасын өтөп жатканда Мэйвезер мектепти таштап, өзүн толугу менен бокско арнаган. Ал ошондогу бардык кыйынчылыкты машыгуу залында тер чыгарып жеӊгенин белгилеп келет.
Кайталангыс рекорд. Спорт сүйүүчүлөр арасында Флойд жалпысынан 90 беттеш өткөрүп, анын 84үн жеӊсе, 6сында утулуп калган. Бул көрсөткүчү менен бокс тарыхындагы рекорддун ээси.
Олимпиада. Мэйвезер Атланта-96 Олимпиада оюндарына катышып, коло байгеге илинген.
Профессионалдык ринг. Мэйвезердин профессионалдык рингдеги алгачкы беттеши 1996-жылы октябрь айында болуп өткөн. «Келишимдүү» 2-раундда мексикалык Роберто Аподакты нокаутка учураткан.
Чемпиондук тепкич. Флойд 17 беттештен кийин гана чемпиондук кур үчүн рингге чыгууга мүмкүнчүлүк алган. Алардын көпчүлүгүн нокаут менен жеӊген.
1998-жыл, 3-октябрь. Флойд профессионалдык рингдеги 18-беттешинде 1-жеӊил салмактагы WBC версиясы боюнча чемпион Женаро Эрнандести упай эсебинде утуп, бокс жылдызы болуудагы алгачкы тепкичти аттаган. Кийин Эрнандес каза болгондо, анын сөөк көмүү зыйнатына кеткен каражатты толугу менен Флойд көтөргөн.
Чемпиондук. Бокс карьерасында Флойд 1-жеӊил (1998-жылдан 2001-жылга чейин), жеӊил (2002-2003-жылдар), 1-жарым орто салмак (2005-жыл), жарым орто салмак (2006-2011-жылдар) жана 1-орто салмак категориясында (2007-жылдан азыркы күнгө чейин) Дүйнө чемпиону.
Рингдеги алып жүрүүсү. 12 раунд бою атаандашына үстөмдүк кылуу. Анын атаандаштары соккуга сокку кайтарам дешет, бирок алар жеӊилүүдөн качып кутулбай келет. Анткени Мэйвезер өтө эле ылдам. Рингдеги кыймылын ар бир мүнөтүнө чейин дароо эле баамдап, каршылашын бир заматта капаска түшүрүп коё алат.
Жеӊилбес. Флойд профессионалдык карьерасында жеӊилүү деген эмне экенин биле элек. Нокаутту кой, нокдаундда да болуп көргөн эмес.
Курмандыктары. Флойд өз карьерасында жалпысынан 47 мушкерди жеӊген жана алардын арасында мен-мен деген чемпиондор да бар. Ал миллиондордун кумирлери болгон мушкерлер: Артуро Гатти, Шейн Мосли, Оскар Де Ла Хойя, Мигель Котто, Маркос Майдана жана башкаларды ринг полун жыттаткан.
Жеке жашоосу. Флойд жеке жашоосун ачыкка чыгарууну эп көрбөгөндөрдүн катарында. Ал расмий түрдө бир да жолу никеге турган эмес. Анын эки башка айымдан экиден баласы бар.
Кирешеси. Флойд «Форбс» журналынын маалыматы боюнча, эӊ көп киреше тапкан мушкер. Анын 2014-жылда тапкан акчасы 85 миллион АКШ долларын түзгөн. Мындан тышкары Флойд «ТМТ» аталыштагы өздүк кийимдерин чыгарат жана жеке промоутердик компаниясы бар.
Чырлары. Атактуу чемпион 2012-жылы балдарынын апасы Жози Харристи сабаганы үчүн 90 күнгө камакка алынган. Бирок 2 айдан соӊ мөөнөтүнөн мурда бошотулган.
Кумарпоз. «Акчалуу» атка конгон Флойд кумар оюндарына кызыгат. Тагыраагы, спортко миллиондоп байге саят. Алсак, өткөн жылы бир баскетбол оюнуна 5,9 миллион доллар сайып, жыйынтыгында 12 миллион утуп алган.
Текебер. Өзүн алып жүрүүсү, интернет баракчаларындагы мактанган сүрөттөрү көпчүлүктүн кыжырына тиерин айтып өтпөсөк болбос. Ошондой эле Флойд ар бир беттештин алдында атаандашын беттеш баштала электе утуп алгансып шылдыӊдайт.
Интернет. Флойд интернет баракчаларында да рекорддорду коюп келет. Анын инстаграм баракчасына 4,5 миллион, ал эми твиттерге 2,5 миллиондон ашуун колдонуучу катталган. Ооба, Флойдго интернеттеги атактуулук боюнча да мушкерлерден эч ким жете элек.
ХХI кылымдын беттеши. Май айында көпчүлүктү бир нече жылдан бери күттүргөн Мэйвезер – Пакьяо беттеши орун алышы мүмкүн. Бул беттештин жыйынтыгы кандай болбосун бокс тарыхында Мухаммед Али – Жорж Формен, Тайсон – Льюис сыяктуу беттештеринен кийинки эле дөө-шаалар кагылышы деп бааланары айтылууда.
«Флойд Мэйвезерди жеӊүү үчүн ыкма жок. Бул эч ким таба албас баш катырма сыяктуу, таппайт дагы» деп айтып келет чемпион өзү тууралуу.

Мэйвезер профессионалдык рингде бир да жолу жеӊиле элек.

Мэйвезердин техникалары. Бугатти Вейрондон тарта менчик учагына чейин.

Адилет Керимбеков
sport@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(8)
26.01.2015. 17:01 
Тайпасы:
Жаран
Комментарийлердин саны:
172
Катталган:
24-06-2014
Соӊку аракети:
26-07-2017 10:09
Жынысы:
Белгисиз
0
Текеберлигин есепке албаганда, ер екен. Дагы кумарпоздугу, атайын никеленбей екы катындан балалуу болгону анын чынгы толумдуу капыр екенин далилдегидей.
28.01.2015. 15:10 
Тайпасы:
Тартип бузгандар
Комментарийлердин саны:
16
Катталган:
02-12-2013
Соӊку аракети:
11-04-2015 17:11
Жынысы:
Белгисиз
0
сен тушунбоптурсун,жазган адам да тушунугу аз экен.
никеси бар.болгон мыйзам турундо загстан откон эмес..ошол.
26.01.2015. 17:46 
Тайпасы:
Кыймылы жок
Комментарийлердин саны:
10
Катталган:
19-01-2015
Соӊку аракети:
14-02-2015 02:47
Жынысы:
Белгисиз
Калаасы:
Москва
+1
Флойд-Пакьяо бойун куто берип чарчадык,4жылдан бери суйлошуулор журуп келет.Ортодо суйлошуулор буто элек,акча маселеси.Суйлошуулорго келгенде Флойд коп талап кылат экен.Женилээрин сезип атат го дейм.А Пакьяо бекер болсо да мушташам дейт.Пакьяо Флойду женип карьерасына чекит койом деп ишенем.Я за Мэнни.
27.01.2015. 20:24 
Тайпасы:
Кыймылы жок
Комментарийлердин саны:
113
Катталган:
25-11-2013
Соӊку аракети:
26-06-2016 08:36
Жынысы:
Белгисиз
0
Мэнни утушу ото кыйынго сыягы
28.01.2015. 03:55 
Тайпасы:
Жаран
Комментарийлердин саны:
35
Катталган:
04-07-2014
Соӊку аракети:
22-09-2018 15:41
Жынысы:
Белгисиз
-1
El Pak'iaonu koburook suiot da koldoit.men Paki u4un.
28.01.2015. 18:53 
Тайпасы:
Жаран
Комментарийлердин саны:
53
Катталган:
02-10-2013
Соӊку аракети:
29-08-2018 19:35
Жынысы:
Белгисиз
Калаасы:
Жаран.
0
Текебер болбой мунозу Федер Емелонкодой болгондо мынданда коп рекордторду жаратмак,интернетте да башка жакта да.
13.03.2015. 19:41 
Тайпасы:
Жаран
Комментарийлердин саны:
17
Катталган:
04-09-2014
Соӊку аракети:
05-03-2017 22:58
Жынысы:
Белгисиз
0
Эгер 12 раунд толугу менен болсо Паки утат деп ойлойм...
21.04.2015. 14:08 
Тайпасы:
Жаран
Комментарийлердин саны:
1
Катталган:
16-02-2015
Соӊку аракети:
08-08-2017 14:15
Жынысы:
Белгисиз
0
Айтыш кыйын кимиси утат. Экоо тен жонокой эмес. Бирок менимче Мейвезер утат го.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: