Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

НИКОЛАЙ ВАЛУЕВ. Өлчөм чоң мааниге ээ.

№370 4-10-декабрь, 2009-ж.


Спорт жылдызы

Орусиялык алп мушкер Николай Валуев бокс тарыхында эң узун жана эң оор мушкер болуп саналат. Анын бою 213 сантиметр, ал эми салмагы 146 килограммды түзөт. Албетте, булардын баары “Гиннестин рекорддор китебинде” катталуу.

Николай Сергеевич Валуев 1973-жылы 21-августта Ленинградда төрөлгөн.
Профессионалдык рингде 52 беттеш өткөрүп, экөөндө гана жеңилүү ызасын тарткан, супер оор салмакта WBA версиясы боюнча Дүйнөнүн экс-чемпиону.
Лакап аты – Орус гиганты
П.Лесгафт атындагы дене тарбия, спорт жана ден соолук мамлекеттик университетин бүтүргөн.
Үй-бүлөлүү. 1 уул жана 1 кыздын атасы.
Учурда Санкт-Петербургда жашайт.

КЫЗЫКТУУ ФАКТЫЛАР

  • Николай 2006-жылы январда Санкт-Петербургдагы унаа токтотуучу жайлардын биринде аялына болуша кетип, 61 жаштагы кароолчуну сабап койгон. Натыйжада Николай 41 миң рубль айып төлөп кутулган. Бирок учурда жабырлануучу тарап мушкерди камакка отургузууну талап кылууда.
  • Германиядагы чоң сосискаларды чыгаруучу компания менен 5 жылдык жарнамалык келишими бар.
  • WBAнын чемпиондук куру кичине келип, Николайдын өтүнүчү менен атайын жаңы кур даярдалган.
  • 2007-жылы журналист Константин Осипов менен бирге “Менин 12 раундум” аттуу китебин чыгарган.
  • Николай мушкер эле эмес, киножылдыз катары да таанымал. Азырынча ал 4 тасмада роль жараткан. Алар –­  “Эрежесиз оюн”, “7 гном: бир чоң токой тар болгондо”, “Сапар” жана “Таш баш” тасмалары. Николай өзгөчө акыркы тасмада мушкердин образын жараткан башкы каармандын ролун катыра ойногон. Учурда ага Голливуддан чакыруулар түшүүдө.

БОКС МЕНЕН МАШЫГУУНУ 20 ЖАШЫНДА БАШТАГАН
Николай Ленинград шаарында орус-татар үй-бүлөсүндө өсүп чоңойгон. Анын тулку боюнун табиятынан чоңдугу бакчада жүргөндө эле байкалган. Кызыгы, ал бокско чейин спорттун башка 2 түрү менен машыгып, баскетбол боюнча өспүрүмдөр арасында СССРдин чемпиону аталса, дискти бура ыргытуу боюнча спорттун чеберинин нормативин толтурган. Ал эми бокс мээлейин биринчи жолу 20 жашында кийип көргөн. Мушкердин өзү балалык күндөрүн мындайча эскерет: “Мектепте тарых, география, жана адабият сабактарын сүйүп окучумун. Досторума болушкан күндөрүм көп эле болгон. Бирок башка балдардан айырмаланып бир да жолу таяк жеген эмесмин. Боюм узун, башым чоң болгондуктан балдар мага чоң баш деп тийишишчү”.

ОРУС БОКСУНУН ЖҮЗҮ
2005-жылдын 17-декабрында Николай чемпиондук беттеште Жон Руизди жеңип, супер оор салмакта чемпион аталган биринчи орус мушкерине айланган. Бокс күйөрмандарына 2007-жылы Орус гигантынын өзбек мушкери Руслан Чагаевден жеңилип калгандыгы маалым. Бирок ошондо ал мыкты экендигин далилдеп, чемпиондук наамга кайрадан ээ боло алган эле. Бирок быйыл 7-ноябрда Дэвид Хэйге жеңилгенден кийин Валуевге көптөгөн сындар айтылып, “эми спорттон кете берсе болот” дегендер көбөйдү. Алсак, Николайдын германиялык дарыгери Вальтер Вагнер: “Оор күч келүүлөрдөн Валуевдин буттары иштебей калышы мүмкүн. Ал карьерасын аяктаса максатка ылайык болмок”,- деп билдирди. Ал эми мушкердин өзү спорттон кетүү оюнда да жок экендигин баса белгиледи.

БАЛАСЫ ШРЕКТИ АТА ДЕП...
Жубайы Галина экөөнүн 7 жаштагы Григорий аттуу уулу жана 2 жаштагы Ирина аттуу кызы бар. Кызыгы, Галинанын айтымында, уулу кичине кезинде Шректи көрсө ата деп айтчу экен. Көпчүлүктү кайдыгер калтырбаган сырткы келбети тууралуу: “Тааныбаган адамдар менен сүйлөшсөм аларда коркуу, чочуркоо сезими болуп жаткандыгы байкалат. Бирок мени менен сүйлөшүп көргөндөн кийин андай абал 10 мүнөткө жетпей жоголот”,- дейт ал. Мындан тышкары мушкер үчүн жашоодо башка ыңгайсыздыктар жок эмес. Алсак, ал кийим-кечени эл катары дүкөндөрдөн эмес, атайын заказ менен кийинет. Эшиктерден киргенде автоматтык түрдө эңкейүүгө көнүп калган. Мейманканаларда жашап калганда жуунучу ваннасы жана уктоочу керебеттери кичине болуп калган учурлар көп эле болот.


ЖЫЛМАЙЫП КОЮҢУЗ!

Америкалыктар Валуевди көрүшүп, "баары бир тасмадагы Кинг конг менен "блондинка" соо эмес, ал экөөнүн ортосунда бирдеме болгон" деген пикирге келишкен.


Эл аралык кабарлардан

ТЕННИС

ДАВЫДЕНКО ӨЗҮН-ӨЗҮ ТАҢ КАЛТЫРДЫ
29-ноябрда орусиялык Николай Давыденко Лондондо өткөн ATP World Tour Finals жылдын жыйынтыктоочу мелдешин жеңип алды. Мелдештин алдында жеңишке 7-талапкер болгон Николай финалга чейин Надаль, Федерер, Жоковичтерди баш ийдирип сенсация жаратты. Ал эми чечүүчү оюнда аргентиналык Хуан Мартин Дель Потрону курмандыктарынын катарына кошуп койду. “Сыйлыкка алган 1,5 миллион долларды кандай максатта коротосуз?” деген суроого теннисчи: “Бир бөлүгүн Мальдив аралдарында эс алууга иштетем. Калганын болсо Москвадан үй сатып алам деп чогултуп жүргөн акчама кошом”,- деп жооп берди.

ФУТБОЛ

МЕССИ МАРАДОНАДАН АШЫП ТҮШТҮ
Испаниялык "Барселонанын" аргентиналык чабуулчусу Лионель Месси франциялык “France Football” журналынын версиясы боюнча Европанын мыкты футболчусу деп табылды. Эми Месси салттуу түрдө алтын топ менен сыйланат. Добуш берүүдө ал мүмкүн болгон 480 упайдан 473 упайга ээ болгон. Тизмеде 2-орунду португалиялык Роналду (233 упай менен) ээлесе, 3-орунга “Барселонанын” дагы бир оюнчусу Хави (170) илинди. Айта кетсек, Месси аталган сыйлык негизделген 1956-жылдан бери жеңүүчү аталган 1-аргентиналык оюнчу болду.

РУБИН ЭМЕС, АЛТЫН
29-ноябрда Орусиянын чемпиондугу жыйынтыкталып, казандык “Рубин” (63 упай топтогон) экинчи ирет катары менен чемпиондукту жеңип алды. Татарлардын бул жеңиши “былтыркы жеңиш кокустук эле” деген пикирге жооп болду. Алар сезондун жүрүшүндө менмин деген москвалык жана питерлик командалар – “Спартак” (2-орунду ээледи, 55 упай), “Зенит” (3-орун, 54 упай) “Локомотив” (4-орун, 54 упай), ЦСКАны (5-орун, 52 упай) алтын медалдан куру калтырышты.
Бирок “Рубин” үчүн быйылкы сезон бүтө элек. Орусиянын 2 жолку чемпиону 9-декабрда Миланда УЕФАнын ЧЛсынын жарым чейрек финалына чыгуу үчүн “Интер” менен күч сынашат.

ЭСТЕН КЕТКИС УИК-ЭНД
Өткөн дем алыш күндөрү футбол сүйүүчү­лөрүнүн эсинде көпкө чейин сакталып калат десек жаңылышпайбыз. Анткени анда Эль-классико аталган Испания чемпиондугунун “Барселона-Реал” жана лондондук дерби (бир шаардын командаларынын өз ара айыгышкан беттеши) болгон Англия чемпиондугунун “Арсенал-Челси” беттешүүсү орун алды. Камп ноу стадионунда өткөн футболдук спектаклге 90 миң адам күбө болуп, оюн Барселонанын 1:0 эсебиндеги жеңиши менен аяктады. Кечедеги жалгыз голду Златан Ибрагимович киргизген. Ал эми Лондондогу “Эмирэйтс” стадионунда жаан астында өткөн оюнда Абрамовичтин командасы атаандаштарынын үстүнөн 0:3 эсебинде ишенимдүү жеңишке жетишишти. Аталган эки команда тең өз өлкөсүнүн чемпиондугунда көч башында баратат.

Базарбек Абдураимов
sport@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: