3 ТОННА АЛТЫНДЫН ЧУУСУ КАЙДА АЛЫП БАРАТ?

Жогорку Кеӊештин экс-депутаты Садыр Жапаровдун «Саясаттагы 10 жыл» деген китебинин үзүндүлөрү интернетте жарыяланып, ал учурда кызуу талкууда. Анда 2011-жылы 30-октябрда Кыргызстандан Түркияга жер титирөөдөн жабыркагандар үчүн гуманитардык жүк менен кошо 3 тонна алтын алынып чыгып кеткендиги тууралуу жазылган. Албетте, автор окуяны баяндаганы менен далил катары кароочу фактылар берилген эмес.
Бул боюнча 21-январь күнү башкы прокурордун милдетин убактылуу аткаруучу Темирбек Бекмаматов комментарий берип, башкы прокуратура Садыр Жапаровдун китебиндеги маалыматтарды текшерүү мөөнөтүн узартканын айтты. «Көп сандагы адамдарды сурап чыгуу керек. Текшерүү иштери аягына чыга элек. Бирок алдын ала маалыматтар боюнча, алтын чыгарылып кеткенин тастыктаган материал жок. Жүк үч жолу текшерүүдөн өткөн, анын ичинде алтын болгон эмес»,- деди Бекмаматов.
Түркиянын Кыргызстандагы элчиси Метин Кылыч буга байланыштуу "Азаттыкка": "3 тоннадан ашуун алтын өтө чоӊ жүк. Аны бирөө жарымдын байкабай калуусу мүмкүн эмес. Автор китепте чындыкка дал келбеген жана негизсиз нерселерди билдирип жатат",- деп айткан.

Эльвира Караева,
Наргиза Бекжанова
politika@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (8)

baiazat

2015-01-26 14:57:53

ууру тойгончо жеп олгончо карганат

bahbrat

2015-01-26 15:02:47

Буга далил табуу ото кыйын болсо керек. Гум жардам.хэ хэ

Akabai

2015-01-27 01:07:43

Точно чыгып кеткен учун жазып жататда Жапаров. Бирок бул бийлик турганда табылбайт

Bekzamann

2015-01-27 10:41:14

Шамал болбосо теректин башы кыймылдабайт.. Ишенич жок АШАнын командасына озуно..

Kg.lady

2015-01-27 14:11:44

Озунун элин багалбай жатып, бироого жардам бергенине балээ барбы? Жон жерден жардам жонотушпогонда!

Nurmuxammet

2015-01-27 14:42:56

Кыргызстан Туркияга гум жардам жонотту?! ))

dominic_toretto

2015-01-27 21:04:39

Бийлик ал алтындын табылбай калышын каалабай жатса конешно табышпайт да.Аны тиликтеп табууну каалочулар бир жактын командасы эмес эки жактын командасы болгондо гана дыкат текшерип анан реально жообун беришмек.

jaki_87

2015-01-31 12:13:57

Темирбек Бекмаматов атасындай кучтуу саясатчы болгондо кандай жакшы боломок

Комментарий калтыруу үчүн өз ысымыңыз менен кириңиз же каттоодон өтүңүз.

№ 638, 23-январь-29-январь, 2015-ж