ТЕКЕБАЕВ ДОКУМЕНТИ ЖОК ҮЙЛӨРДҮ МЫЙЗАМДАШТЫРУУНУН ҮСТҮНДӨ ИШТӨӨДӨ

19-январда Жогорку Кеӊештин депутаты Өмүрбек Текебаев Үй куруучулар коомдук бирикмесинин кезексиз курултайына катышты. Анда «Ата Мекен» фракциясы тарабынан «2012-жылдын 3-августуна чейин өз билемдик менен курулган жеке турак жайлар курулган жер тилкелерин легалдаштыруу жөнүндө» мыйзам долбоору иштелип чыгып, коомдук талкууга коюлганын билдирди. Жыйында акыркы 20-25 жылда Бишкектин чет-жакасында жарым миллионго жакын адам жашаган 47 жаӊы конуш пайда болгону, ар кандай себептерден улам 6 миӊден ашуун турак жайдын ушу кезге чейин документи жоктугу белгилүү болду. «Кыргызстан боюнча 52 миӊден ашуун мыйзамсыз салынды деген турак жай бар. Каттоосу, документи жок жарандар балдарын же мектепте окута албайт, же бала бакчага бере албайт. Алар социалдык жеӊилдиктерден куру калган. Бул көйгөйдү мыйзам жолунда чечип, биротоло чекит койбосок болбойт»,- деди Текебаев.

Эльвира Караева,
Наргиза Бекжанова
politika@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (4)

temirov76

2015-01-26 20:20:28

Текебаев туура маселе которуп чыгыптыр.

ooki8888

2015-01-28 22:03:14

Омурбек Чиркешевичке чон рахмат. Башка улуттун итинин дагы паспорту бар заманда, оз жеринде Кыргызымдын YйYнYн документи жок журушун мен да каалабайм!!!!

MAHAC

2015-01-28 23:11:18

Менимче эн туура маселе

bayas.07

2015-01-29 21:21:46

кандай кылышаар экен? жакшы болоор эле ишке ашып кетсе ушул маселе

Комментарий калтыруу үчүн өз ысымыңыз менен кириңиз же каттоодон өтүңүз.

№ 638, 23-январь-29-январь, 2015-ж