БАШ ПРОКУРОРЛУККА ЖАШ ЖАНА БОЙДОК ИНДИРА ЖОЛДУБАЕВА КЕЛДИ

28-январь күнү Жогорку Кеӊеш башкы прокурорлук кызматка Индира Жолдубаеванын талапкерлигин 104 депутаттын макулдугу менен жактырды. 29-январда президенттин жарлыгы менен ал башкы прокурор болуп дайындалды. Жолдубаеванын талапкерлиги каралып жаткан учурда Аида Салянова кызматка оор мезгилде келгенин жана чоӊ жумуш жасаганын билдирди. «Бирок менин өз жолум бар. Коррупцияга каршы күрөш улантылат, күчөтүлөт. Мен буга сөз бере алам»,- деди.
Аида Салянованын кызматтан кетүүсүнө жолдошуна карата козголгон кылмыш иши себеп болгондугу айтылганына байланыштуу Индира Жолдубаеванын билими, иш тажрыйбасынан да анын үй-бүлөлүк абалы эӊ көп талкууларды жаратып, депутаттар тарабынан да ушундай суроолор берилип жатты. Жаӊы башкы прокурор турмушка чыга электигин, балдары да жок экендигин айтты. «Күйөөсү жок, балдары жок, демек, үй-бүлө мүчөлөрү аркылуу тузакка да илинбейт» деген маанидеги пикирлер абдан көп айтылды.
Эл өкүлдөрү тарабынан узатылган соболдорго орус тилинде жооп берип жаткандыгы үчүн Индира Жолдубаевага кыргыз тилин өздөштүрүү керектиги эскертилди. Буга чейин Президенттик аппаратта Соттук реформа жана мыйзамдуулук бөлүмүнүн башчылыгын аркалап келген жаӊы башкы прокурор 35 жашта. 2002-жылдан тартып юрист катары эмгек жолун баштап, 2008-жылы Президенттик администрациянын укук бөлүмүнүн эксперти болуп жумушка орношкон. Соӊку үч жыл бою соттук систем, прокуратура, тергөө органдарына реформа жүргүзүү маселелери боюнча алектенип келген. Аида Салянова сыяктуу эле Жолдубаева дагы прокуратурада бир да күн иштеген эмес.
Индира Жолдубаева менен катар эле кызматтан бошогон Аида Салянованын азыр кайда экендиги, кайсы партиянын катарында парламенттик шайлоого катышып калышы мүмкүндүгү же ага кандай кызмат сунушталып жаткандыгы бир жума бою талкууланды. «Күйөөсүнүн кайсы бир иши үчүн өзүн күнөөлүү сезип, акыйкаттыкты туу туткан, коррупция менен аёосуз күрөшкөн адам болуп көрүнүп, кызматтан кетүүгө арыз жазды. Муну менен Саляновага абдан жакшы, жеӊиштүү имидж түзүлдү. Эми бул адамды акырындап дайындап президенттикке алып чыгышат». Анан да «Чет өлкөгө качып кетиптир» деген сөздөр айтылып жатты. «Качып кетти» деген маалыматтарды жокко чыгарып, 28-январь күнү Аида Салянова: «Эмгек өргүүсүнө чыккандан бери Кыргызстанда элемин. Жаӊы жылда гана Ат-Башыга 3 күнгө барып келип, калган күндөрү Бишкекте болдум. Мен мажбур түрүндө тыныгуу алдым. Кызматта калуу үчүн көп ишти аткарууну сунушташты, алардан баш тарттым. Белгилүү бир окуяларды айтпоо үчүн өзүмдү күчтөп болсо да кармайм. Жакын арада болуп өткөн окуяларга байланыштуу баамды жана келечектеги пландарымды айтып чыгам»,- деп «Акипресс» маалымат агенттигине билдирди.
Күйөөсүнө карата кылмыш иши козголгондугуна байланыштуу жубайынын жооптуу кызматтан кетиши Кыргызстанда чанда жолуга турган окуя. Түздөн-түз күнөөсү болбосо да моралдык жактан айыбын сезүү чиновниктерди жакшы жолго салмак. Бирок Салянованын «акыры бир күнү айтам» дегенине караганда аны кызматтан кетүүгө аргасыз кылышты.

Эльвира Караева,
Наргиза Бекжанова
politika@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Комментарийлер (59)
admin_superstan
2015-02-04 15:03:48
Stervochka, cайттын же гезиттин ЖАЛПЫ ИШМЕРДҮҮЛҮГҮНӨ байланыштуу сын-комментарий же талкуу иретинде жазылган учурларда сайттын жетекчилиги андай билдирүүлөрдү өчүрүү менен кошо колдонуучуну сайттан четтетиши мүмкүн. Сын-пикирлер info@super.kg же admin@super.kg электрондук даректерине жазылып жөнөтүлүшү керек. Эскертүү!
0
Sherkul
2015-02-04 19:53:35
ХХХ чиновниктерди турмого тыксын
0
admin_superstan
2015-02-05 10:54:19
Sherkul, аймактык бөлүнүүгө тыюу салынган! 10 күн БАН!
0
erikkarakulja
2015-02-04 22:27:28
Бойдок болсо анда мен ыраазымын,итак оштон болсо жээрдеш экенбиз.
0
kokboru
2015-02-05 06:48:39
карупстя эч качан жоголбой калдыго кыргызстанда.Күчөшү күчөйт жоголбойт.
0
martaprelmay2015
2015-02-05 17:03:57
жакшыы эми коробуз да кандай иштээрин,35ке чыкса да неге турмушка чыкпады экен а?
0
alailyk-kyz
2015-02-06 16:33:20
эмнеси болсо да ийгилик.ээрге туз отуруп ,тизгинди жакшы кармасын да
0
tapkych85
2015-02-06 16:50:00
жаш тайманбай иштейт деп ойлойм ийгилик
0
Pazyl
2015-02-07 15:35:03
Бардык чондор ушундай кылып Эле жаштарга ордун бошотсо жакшы болор еле урушуп талашып журобербей
0
kubatbek_kv
2015-02-07 17:06:21
негизи сын айтыш женил, только ошлол сынды да туура жагын айтышса негизи, кызматка келе элек адамдга сын айтуу эрте.
эжеке мага жакты:)
0
bakyt_2015
2015-02-07 22:23:29
Кыргызча билбегени жакпады. 25 жылда тилге конул бурган бир жетекчи чыкпады го, азыр кочодо кыргыздын итинен ойдо орусча суйлой баштады. Тилди билбесе улутту сыйлабагандык, кыргызга кыйратып деле кызмат кылбайт
+1
dominic_toretto
2015-02-07 23:47:07
Кое турсаңар боло Толубай сынчылар! "Апрельде келип кыргыз тилинде отчет берем" дептир го.Дээринде болсо эки ай ичинде кыргызчаны үйрөнүп алат.
0
sultan89
2015-02-08 10:45:00
БАШ ПРОКУРОРЛУККА деген жерин Баш Паракорлукка деп окуп алыпмын
+1
dani2014
2015-02-08 12:25:21
Аша га ушундай баш прокурорлука прокуратурада иштебеген,стаж жок, жаш адам керек.коп жыл прокуратурада иштеп келгендер толупатат, алар корупцияга малынып калган.
0
dani2014
2015-02-08 12:29:02
Жана да бул жаш башпрокурорлор аша нын айтканын так аткарат,болбосо башкасы келет
0
Kesh.26
2015-02-09 03:45:34
Билимдуу, оз ишин так аткарган, татынакай айым экен... Келечекте чыныгы жузун коробуз да эми. Мага кызыктуу жери, не себептен ушул жашка чейин турмушка чыкпады экен?...
0
№ 639, 30-январь-5-февраль, 2015-ж
БАШКЫ БЕТ
СОҢКУ КАБАР
СУПЕР-ИНФО
SUPER.KG ВИДЕО
МЕДИА-ПОРТАЛ
Кинозал
ЖЫЛНААМА