Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

АЛЬВЕОКОККОЗ МЕНЕН ЭХИНОКОККОЗ ИТТЕН ЖУГУУЧУ БООРДУН КУРТ ООРУЛАРЫ

№641 13-февраль-19-февраль, 2015-ж


Учурда тоолуу аймактарда альвеококкоз менен эхинококкоз дарты күч алып турган чагы. Андыктан бул оорунун эмнеден, кантип жугарын билгиси келгендер көп.
Биз да бул максатта Бишкектеги №1-клиникалык ооруканасынын хирургия бөлүмүнүн башчысы АКЫЛБЕК МУСАЕВ менен маектештик.

Урматбек уулу Талапкер, 19 жашта. Нарындын Кочкор районунан. Клиникага Ош шаарындагы аскердик бөлүктөрдүн биринде милдетин өтөп жүргөнүнө 9 ай болгондо түшкөн.
Карап, дарылаган врачы Акылбек Мусаевдин айтуусуна караганда, боордун альвеококкоз оорусунун өтүшүп кеткен түрү менен түшүп, операция жасалган. Башкы катачылык жигитти медициналык текшерүүдөн өткөрбөй туруп, аскерге алуудан кеткен. Оорунун башталганына болжол менен 5-6 жыл болгон жана шишик өсүп жүрүп отурган.

АЛЬВЕОКОККОЗ ШИШИК, АЛ ЭМИ ЭХИНОКОККОЗ ЫЙЛААКЧА ТҮРҮНДӨ ӨСӨТ
Альвеококкоз оорусун альвеококк мите курту козгойт. Курттун узундугу 1,2-3 миллиметрге жетет. Оорунун эки кожоюну болот: туруктуу жана алып жүрүүчү. Табигый булагы болуп жапайы чычкандар, суурлар, ондатрлар эсептелет. Буларды түлкү, карышкыр, чөө, иттер жеп алып, туруктуу кожоюндарына айланышат. Мите курттар алардын ичегисинде өсүп, чоӊоюшат. Анан өсүп жетилген курттун арткы ичинде толо жумурткасы бар муунагы (членик) үзүлүп түшөт да, жумурткалар сырткы чөйрөгө тарай баштайт. Муунакта 200дөн 800гө чейин жумуртка болот. Алар көлмөгө, сууга, чөпкө, жашылча-жемиштердин үстүнө, балдар ойногон аянтчага, короо-сарайга түшүшү мүмкүн. Кожоюнунун жүнүнө жабышып алгандары да болот.
Жумурткалар адамга итти сылап-сыйпоодон, булганган жерге оонаган малды кармалагандан, терисин сыйрыгандан жугат. Балдар болсо көбүнчөсү оюн аянтчаларынан жуктуруп алышат. Колду жуубай же чала жууп тамактанганда жумурткалар тамак менен кошо ичке кирет. Чөпкө, жашылча-жемиштерге түшкөндөрүн адам, уй, кой, эчкилер жеп алат. Ошентип, адам менен үй жаныбарлары ооруну алып жүрүүчүлөргө айланышат.
Митенин жумурткалары ичегиге барганда сырткы кабыгынан бошоп, канга өтүп, кан аркылуу жылып жөнөйт. Боор организмдин башкы фильтри болгондуктан, ал өзүнө келген канды чыпкалайт. Уулар менен кошо мителердин жумурткалары да боордо кармалып калат. Эгер боордо кармалып калбаса, анда кан менен дагы жылып, өпкөгө, мээге же жүрөккө, көк боорго, өт баштыкчасына барып кармалып, ошол жерде өсүп, чоӊоё баштайт. Жумурткалар личинкага айланып, шишик түрүндө (рак эмес!) өөрчүйт. Шишикти кесип көргөндө сырга окшошуп кетет.
Эхинококкозго келсек, илдетти эхинококк мите курту жаратат. Узундугу 2-7 миллиметрге жетет. Курттун туруктуу кожоюну болуп ит, ал эми алып жүрүүчүлөр болуп адам, уй, кой жана башкалар эсептелет. Иттин ичегисинен эхинококкоздун жумурткалары бар муунагынын үзүлүп түшүшү, малга жана адамга жугуу жолдору альвеококк митесиникиндей эле. Жумурткалардын адамдын ичегисинен канга кошулуп жүрүп отуруп, боордо же башка органда кармалып калышы да ошондой. Кайсы органды турактап калса, ошол жерде личинкага айланып, ыйлаакча (киста) жаралат. Айта кетчү нерсе, боордун альвеококкозу менен эхинококкозу көп учурайт.

БООРДУН ЧОӉОЮП, САЛАӉДАШЫ ООРУНУН НЕГИЗГИ БЕЛГИЛЕРИ
Алгач оорунун жаралышы байкалбайт. Убакыттын өтүшү менен ыйлаакча, шишик чоӊоёт. 1 жылда болжол менен 3 сантиметрдей чоӊоюшат. Альвеококкоздо боордун клеткалары калыӊдайт, андыктан кармап көргөндө катуу сезилет. Кокус дарт боордо жаралса, эки ооруда теӊ адамдын окууга же ишке болгон жөндөмдүүлүгү төмөндөйт, алсырайт, тамакка болгон табити жоголот. Башы ооруп, бетине безеткилер чыгат. Боордо оорутуу жаралып, салаӊдап, оорлошот. Эгер ыйлаакча же шишикче чоӊоюп өт жолун тосуп калса, анда адамдын денеси саргая баштайт.
Илдет өпкөдө жаралса, анда чоӊойгон сайын өпкөнүн ткандары, кан тамырлары, бронхалары кысыла баштайт. Жөтөл, кан түкүрүү, ооруксунуу келип чыгат. Кокус жарылып кетсе, анда ыйлаакчадагы суюктук бронхаларга толот да, адам катуу жөтөлүп, дем ала албай муунат. Мындайда кечиктирбей операция жасоо керектелет.

ОПЕРАЦИЯ ЖОЛУ МЕНЕН АЙЫГЫШАТ
Эки дартты теӊ дарылоо операциялык жол менен ишке ашат. Ыйлаакча, шишик кесилип алынып салынат. Кээде алар чоӊоюп кеткендиктен, боордун үчтөн экисин кесип салууга туура келет. Айрым учурда кан тамырлардын жанында өсүп калгандары кездешет. Буларды алуу өмүргө коркунуч туудургандыктан алууга болбойт. Адам өмүр бою дары ичүүгө мажбур болуп калат. Оору абдан өтүшүп кетсе, операция жасоо менен да илдеттен толук айыктыруу мүмкүн эмес. Болгону дары-дармек менен өмүрүн узартып кармап турууга гана болот. Ал тургай адам көз жумуп кетиши ыктымал. Андыктан илдет жаралса врачка эрте кайрылуу зарыл. Статистикага кайрылсам, биздин клиникада эле 2015-жылдын 1-январынан бүгүнкү күнгө чейин 21 адамга эхинококкоз, 9 адамга альвеококкоз боюнча операция жасалды. Ал эми 2014-жылы аталган оорулар менен түшүп, операция жасаткандардын саны 400дөн ашкан.
Өткөн жылы бизге 73 жаштагы жалал-абаддык бир адам келип түшкөн. Эхинококк ыйлаакчасы оӊ бөйрөгү менен боорунда бар экен. Операция жасап, бөйрөгүн толугу менен, ал эми боорунун үчтөн экисин алып салдык. Кесилгендердин жалпы салмагы 8,5 килограмм чыккан.

ИТТИН ИЧИНДЕГИ КУРТТАРДЫ ӨЛТҮРҮҮ ҮЧҮН ДАРЫ БЕРГИЛЕ!
Оорунун алдын алуу жөнөкөй. Малды сойгондо, жүнүн кыркканда колду самындап таза жууш керек. Үйдөгү иттерди бош коё бербей байлап, балдардын аларды кармалабоосуна көз салуу кажет. Эхинококкоз жана альвеококкоз илдети күчөп турган аймактын жашоочулары иттеринин ичегисиндеги курттарды өлтүрүү үчүн альбендазол же дронтал плюс дарысын 40-45 күн сайын берип турушу керек. Ал эми дарт тарабаган аймактагылар аталган дарыларды жылына 4 ирет берсе болот. Малдын ыйлаакчалары же шишиктери бар өпкө, боорлорун иттерге бербей, жерге көмүп же өрттөп салууну унутпаӊыз. Жолбун иттерди атып жоготуу да оорунун таралышынын алдын алууга кирет.
Организминде илдет бар же жок экенин аныктоо үчүн адам бир жылда 1-2 ирет боорун УЗИге, өпкөсүн рентгенге тарттыруусу кажет.

Статистика. Республика боюнча эхинококкоз менен 2012-жылы 930 адам, 2013-жылы 1049 адам, 2014-жылдын 8 айында 825 адам ооруп, операция жасалган. Ал эми альвеококкоз менен 2013-жылы 4 адам, 2014-жылы 8 айда 148 адам ооруп, операция жасалган.

Альвеококкоз оорусунун таралуусу.


Канымжан Усупбекова
densooluk@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  2 
Комментарийлер(3)
16.02.2015. 10:57 
Тайпасы:
Кыймылы жок
Комментарийлердин саны:
48
Катталган:
22-12-2014
Соӊку аракети:
05-11-2016 13:41
Жынысы:
Белгисиз
0
Кулак уксун, коз корбосун деп койот эмеспи. Мындай ооруулардан алыс эле бололучу.Кудай сактасын, сактайт деп журо бербей оз эрежелери менен сактаналы.
16.02.2015. 13:46 
Тайпасы:
Тартип бузгандар
Комментарийлердин саны:
252
Катталган:
21-12-2014
Соӊку аракети:
08-10-2016 20:16
Жынысы:
Белгисиз
0
айтпа.
17.02.2015. 01:11 
Тайпасы:
Жаран
Комментарийлердин саны:
64
Катталган:
21-11-2010
Соӊку аракети:
08-05-2018 12:10
Жынысы:
Белгисиз
Калаасы:
kirgizstan
0
Ejem ushul alvokokkoz oorusunan bul duyno mn kosh aitiship kete bergen:'( .
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: