Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Динара Абдыкадырова, актриса: «ЭӉ БИРИНЧИ НУРБЕК ЭГЕНДИН ТАСМАСЫНА ТАРТЫЛГАМ»

№641 13-февраль-19-февраль, 2015-ж


«Боз салкын» тасмасындагы Сагын үйлөнгөндө кыз алган жак кулдук уруп баруу үчүн айылдын кадыр-барктуу адамдары чогулганы эсиӊизде бардыр. Ошондо генералдын сулууча аялына столдун астынан колун сойлотуп тийишкен милицияга ысык кашык басып чочуткан айым Динара Абдыкадырова биздин маек төрдө. Актрисанын искусство айдыӊында алпурушуп жүргөнүнө 20 жылдын жүзү болду.

Туулган жылы, айы, күнү – 1974-жыл, 16-май
Үй-бүлөлүк абалы – Бир кыздын энеси
Кинодо аткарган ролдору – «Жоолукчан», «Саратан», «Кууш жолдо», «Боз салкын», «Апамдын махабаты», «Курманжан датка», «Белгисиз маршрут», «Карт бойдок-2» жана башкалар
Театрда жараткан образдары – «Адам жана азезил», «Махабат жана өлүм», «Сократты эскерүү түнү», «Абай сот», «Байыркы жомок» жана башкалар

– Динара айым, кош келипсиз! Алгачкы суроом, өтүп кеткен жылды «көӊүл толорлук иш кылдым» деп ыраазы боло узаттыӊызбы?
– Өткөн жыл мен үчүн жакшы жылдардан болду. Кыргыздын тарыхы чагылдырылган «Курманжан датка» тасмасында Курманжандын апасынын ролун аткардым. Киного кастинг жүрүп жатканда сиӊдим «эже, кастинг кандай өтөрүн көрүп келбейлиби, мен да катышайын» дегенинен барганбыз. Сиӊдим чыгармачыл чөйрөдөн деле эмес, Америкага окууга кеткени жаткан, бирок өзүн сынагысы келди окшойт. Тартуучу топ «өзүӊ да байкап көрбөйсүӊбү?» деп сунушташканынан сүрөткө түшүп койгом. Жыйынтыгында Курманжандын апасынын ролуна тандап алышты.
– Кинодо жана театрда жараткан алгачкы образдарыӊыз эсиӊиздеби?
– Кинодогу алгачкы ролум тууралуу айтсам, анда Кыргыз драма театрынын алдындагы окуу жайдын студенти элем. Театрдын ичинде ары-бери басып жүрсөм, бир жигит эле мени кечке карай берди. Бир убакта «чоӊ кыз, сиз менен таанышсам болобу?» дейт. Экөөбүз таанышкан соң «кино тартканы жаттым эле, сыртка чыгып сүрөткө түшө аласызбы?» деди.
Көрсө, ал жаш жигит Нурбек Эген экен. Бүткүл Орусиянын мамлекеттик кинематография университетине (ВГИК) тапшыруу үчүн кино тартканы жүгүрүп жүрүптүр. Ошентип, Аян аттуу кыздын ролун ойноп, Бек Борбиев менен чогуу «Жоолукчан» деген тасмага тартылдым. Ал кезде Бек агабыздын жылдызы болушунча жанып турган маал. Сюжетин эске салсам, Бек байке башканы жактырганына карабай мен ага турмушка чыгам да, аягында экөөбүз теӊ кыйналабыз. Ал эми театрда ойногон алгачкы ролум Токтоболот Абдумомуновдун «Жорубайдын жоруктарындагы» башкы каарман Гүлдана болду.
– Актрисалык кесип кичинеӊизден эӊсеп келген кыялыӊызбы же кокустукпу?
– Кичинемден эле улуу актёр, актрисаларыбызды теледен көрүп, ошолордой болсом деген кыял менен жашадым. Бирок мен мектепти аяктаган 1990-жылдардын башы кыйын кезеӊ болду. Союз деген чоӊ держава урап, көр тирилик менен алпурушуп, искусство унутулуп калган убакта Кыргыз драма театрынын алдындагы студияда окуп калдым. Ленинградда, Москвада окуйм деген тилегим орундалбаганы менен, Бообек Ибраев, Советбек Жумадылов сыяктуу залкарлардын көз алдында окудум. Студияны аяктаган соӊ мени театрга алып калышты. Ошол кезде театр чөйрөсү жаштарга суусап турган.
Ошентип иштеп жүрүп Москвадагы театралдык окуу жайга үч жолу тапшырып сынактан өттүм, тилекке каршы, жашоо шартка байланыштуу окуган жокмун. Кийин Темирбек Жургенов атындагы Казак мамлекеттик театр жана кино институтун бүтүрдүм. 2000-жылдан бери Арсен Өмүралиев атындагы шаардык театрда эмгектенип келем.
– Актёрлор театрды таштап кетип жатышканда сиз дагы кесибиӊизди алмаштырууну ойлогон жоксузбу?
– Мен да кеттим, кеткенде деле чыгармачылыктан алыстабай, радиодо иштегем. Сары-Өзөн радиосуна Эгемберди Бекболиев алып барган. Ал жактан жомокторду окуп, ар кандай уктурууларды алып барчумун. Уктуруулар таӊкы жетиде башталчу. Орозбек Кутманалиев агай күнүгө саат алтыда телефон чалып, «кызым, турагой, кечикпе» деп ойготчу.
– Тойлордо, ар кандай иш-чараларда Умай эненин ролун аткарганыӊызды көрүп калабыз. Бул ролду аткаруу идеясы сизге кандайча келген?
– Мен таене, таятамдын колунда чоӊойгом. Табиятымдан ушундай адаммынбы же улуу адамдардын тарбиясын көргөнгөбү, кыргыздын байыртадан келе жаткан каада-салтын, үрп-адатын сыйлайм, кадырлайм. Элибизде илгертен Умай энени ыйык көрүшөт, бала ооруп калса да аны эмдеп жаткан аял «менин колум эмес, Умай эненин колу» дейт эмеспи. Анын кийимин кийгенде башкача бир дүйнөдө жүргөндөй болом. Бул мен үчүн жөн гана сөздү жаттап алып айта турган роль эмес.
Умай эненин образына кирерде өзүмдү адамзатты бүт түйшүктөн арылтканы бараткандай сезем. Ошол учурда башкалардын аурасын тазалап жатып, өзүм да аруулукка сүӊгүгөндөй болом. Умай эненин ролунда турганымда менден улуу аталар, апалар да мага ызаат менен карашат. Кандайча аткарып калгам? Бир жолу бизде иштеген Камчыбек Букалаев театрга келип, «Ишенбай Абдыразаковдун кызы турмушка чыгып жатыптыр. Ресторанда той болот, өзгөчө бир нерсе ойлоп табалы» деди. Ошондо мен Умай эне болуп, балдар «Жар-жар» айтмай болушкан. Ошондон бери Умай эненин образын алып жүрөм.
– Таененин колунда өссөӊүз бышык кыздардан экенсиз да. Балалыгыӊызга кайрыла кетсеӊиз...
– Балалыгым эстен кеткис, өзгөчө мезгил экен. Жети-Өгүздүн Балтабай деген куттуу айылында чоӊойдум. Эс тартканы апамдын колуна келип, мектепти борбордон аяктадым. Кийин ойлосом, таенемдин да, таятамдын да жан дүйнөсү бай, көрөгөч, даанышман, кайраттуу адамдар экен. Ошондой улуу адамдардын коргоосунда жүрсөӊ, телегейиӊ тегиздей жүрөсүӊ.
– Эми кеп учугун жеке жашооӊузга буралы, өмүрлүк жарыӊыз да чыгармачыл чөйрөдөнбү?
– Мен, негизи, жеке жашоомду элге айтып же «тигиним жок, мунум жок» деп наалыганды жаман көрөм. Устатым Бообек агайдын «актёрлор көшөгөнүн артын көрөрманга көргөзбөш керек» деп айтканын эч эсимден чыгарбайм. Ошонун сыӊарындай, жеке жашоом жөнүндө элге айта бербейм. Кыскасы, баары жакшы, Аймана Муратай деген кызым бар. Аймана төрөлгөндө таенем түшүмө кирип, «атын Муратай кой» деген. Ошон үчүн эки аты бар.
– Сизди кандай эне деп билсек болот?
– Эне болгондон кийин мен үчүн дүйнөдөгү бардык баалуулуктар өзгөрдү. Ушуга чейин жасап жаткан иштерим эч нерсеге татыбай калды. Мен кызымды өтө эркелетем, бир да жолу уруп-соккон эмесмин. Аны менен чоӊ кишиче, курбуларымдай эле сүйлөшөм.

"Кызым Аймана Муратай беш жашта".

"Курманжан датка" тасмасына сиӊдим аркылуу барып тартылып калгам".

"Эрнест байке "Боз салкын" тасмасына бардык актёрлорду тартканга аракет кылган. Актёрлор ооруп калып, мен катышкан эпизодду 9 күн тартканбыз".

Cүйүн Кулматова
star@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(8)
16.02.2015. 09:42 
Тайпасы:
Кыймылы жок
Комментарийлердин саны:
48
Катталган:
22-12-2014
Соӊку аракети:
05-11-2016 13:41
Жынысы:
Белгисиз
+1
Абдан сулуу жана таланттуу эжеке , ушундай оор жана бир сындуу экени кинолордо да байкалып турат, чыгармачылдыгынызга ийгилик, уй булонузго бекемдик, жузунон нукура кыргыздын элеси корунуп турат, бар болунуз . Кызы да шипширинго томпош болуп.
16.02.2015. 12:36 
Тайпасы:
Тартип бузгандар
Комментарийлердин саны:
107
Катталган:
21-12-2014
Соӊку аракети:
08-10-2016 20:16
Жынысы:
Белгисиз
+1
талантыныз эч качан очпосун.
17.02.2015. 13:50 
Тайпасы:
Кыймылы жок
Комментарийлердин саны:
177
Катталган:
15-10-2014
Соӊку аракети:
27-03-2015 10:15
Жынысы:
Белгисиз
0
мага да жагат.эже.абдан жакшы аткарат рольдорун
17.02.2015. 13:52 
Тайпасы:
Кыймылы жок
Комментарийлердин саны:
134
Катталган:
08-01-2015
Соӊку аракети:
19-04-2016 18:34
Жынысы:
Белгисиз
+2
Ай иий ай,карагылачы Динара менен Элина чын эле эне баладай окшошуп калыптыр.Азамат режиссер,анык сулууларды кошуп тарткан экен.
19.02.2015. 01:17 
Тайпасы:
Кыймылы жок
Комментарийлердин саны:
19
Катталган:
05-02-2015
Соӊку аракети:
10-06-2015 04:59
Жынысы:
Белгисиз
0
Ошондо эри жок,же ажырашкан да ээ?
19.02.2015. 12:47 
Тайпасы:
Тартип бузгандар
Комментарийлердин саны:
0
Катталган:
21-05-2013
Соӊку аракети:
31-08-2015 10:39
Жынысы:
Белгисиз
0
Ииий кокуй боз салкындагы санын карматкан аялгоо
19.02.2015. 14:35 
Тайпасы:
Жаран
Комментарийлердин саны:
273
Катталган:
16-02-2014
Соӊку аракети:
01-03-2018 13:18
Жынысы:
Белгисиз
Калаасы:
Бишкек
0
аааииииии кызы Айманай помпоська томпоськагооо бетинен иииййй бетинен коз тийбесин
22.02.2015. 06:58 
Тайпасы:
Жаран
Комментарийлердин саны:
12
Катталган:
14-09-2014
Соӊку аракети:
29-09-2017 02:25
Жынысы:
Белгисиз
0
Эжеге чексиз бакыт,бар болунуз негизи ролдорун сонун аткарат кызы да бактылуу болсун!!!
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: