Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

ДООРОНБЕК САДЫРБАЕВ УЛУУНУН ДА, КИЧҮҮНҮН ДА ДОКЕси эле...

№642 20-февраль-26-февраль, 2015-ж


Дооронбек Садырбаев... Нукура кыргыз жыттанган инсан. Чебер режиссёр, көрөгөч саясатчы, курч калемгер. Калтырган өнөрү, баскан өмүрү менен келечекке өрнөк боло турган улуу инсан. Улуу-кичүүнүн Докеси. Жыл өтүп эскиргени менен, Докенин жаркын элеси элинин эсинен эскире элек. Анын кыргыз деп күйгөнүн, курч сөздөрүн, чынчыл, калыстыгын, тамашакөйлүгүн али да замандаштары тамшанып эскеришет.

• Садырбаев Дооронбек Садырбаевич
• Туулган жылы, күнү
– 1939-жыл, 13-февраль
• Туулган жери – Жалал-Абад облусу, Ноокен району, Апыртан айылы
• 1957-жылы – Орто мектепти аяктап, Фрунзе (азыркы Бишкек) шаарындагы Медициналык институтка окууга тапшырган. 4-курсту аяктап жатып бул окуусун таштап, «Кыргызтелефильмге» жумушка орношкон.
• 1969-жылы – Ленинград шаарындагы Театр, музыка жана кинематография институтун бүтүрүп келген.
• Тарткан тасмалары – «Топчу», «Арман», «Кайран эл», «Акбаранын көз жашы», «Махабат дастаны» жана башка бир нече көркөм фильмдерди тарткан.
• 1992-1995-жылдарга чейин Түркияда "Ихлас фильм продакшн" киностудиясында иштеп, үйрөнчүктөргө кино өнөрү боюнча сабак берген.
• 1995-2007-жылдары Кыргызстандын Жогорку Кеӊешинин депутаты болгон. 1999-жылы "Кайран Эл" партиясын түзгөн.
• 2004-жылы ноябрда «Ата Журт» деген оппозициялык кыймыл түзгөн. (Анын уюштуруучуларынын бири – мурдагы элчи, мурдагы тышкы иштер министри жана өткөөл мезгилдеги президент Роза Отунбаева болгон).
• 2008-жылы 28-майда оорунун айынан Бишкек шаарында каза тапкан. Сөөгү Бишкектеги Ала-Арча көрүстөнүнө коюлган.
Алган наамдары
• Кыргыз Республикасынын Эл артисти, "Манас" орденинин ээси.
• 2010-жылы ага (каза болгондон кийин) Кыргыз Эл Баатыры наамы ыйгарылган жана Д.Садырбаевдин ысымы Бишкектин мурдагы Бах көчөсүнө берилген.

Сонунбүбү Көлбаева, жубайы: «БАЛАЛУУ БОЛО АЛБАСАК БАШКАГА ҮЙЛӨНСҮН ДЕП УРУКСАТ БЕРГЕМ»
Доорош экөөбүз байлык жыйнаган жокпуз, бирок бактылуу өмүр кечирдик. Кыз-жигит болуп жүргөнүбүздө Дооронбек жатаканага келер убакта кийинип, даярданып турчумун. «Чакырып жатат» дегенде жөн баспай чуркап барчумун. Экөөбүз студент кезибизде баш коштук. Айылына алып барганда жакындары жакшы кабыл алышканы менен, айылдаштары «жалгыз бала болсо чүйлүк аял алабы?» деп сөз кылышты. Кайненем «балам өзү сүйгөн кызга үйлөнсүн, мен каршы эмесмин» деп бизге батасын берип, туш кийизди көшөгө кылып тарткан. Түштүктүктөр жуурканды аябай чоӊ жасашаарын ошондо билдим. Улам жыйсам эле кайра кулап калат. Кайненем «түбүн кенен жыйсаӊ кулабайт» деп үйрөттү. «Эмне үчүн үч эле жуурканыӊыз бар?» деп сурасам, кайненем «Дооронбек окуп жүргөндө бар дүйнөмдү сатып бербедимби» деп жооп берген. Көрсө, кайнатам каза болордо «балам, апаӊ сага «Жыпарканды алып берип тракторист кылам» десе макул болбо, шаарга барып окуу жайын бүтүрмөйүн келбе. Өзүӊ сүйгөн кызга үйлөн» дептир. Жыпаркан Доорошума кудалап койгон кыз болгон экен.
Ошентип, үйлөнүп шаарга келгенден кийин чогуу жашообуз башталды. Ал 4-курсунда окуусун таштап, «Кыргызтелефильмге» ишке орношту. «Мен дагы академиялык өргүү алайын» десем, «экөөбүз теӊ окуубузду таштаганыбыз туура эмес, мен сенин атаӊа окутам деп сөз бергем» деп болбой койду. Анда эшек араба жакшы транспорт эле. Мен батирден көчөрдө эшек арабаны таап, ээси менен сүйлөшүп, жүгүбүздү жүктөп, койкоюп отуруп алчумун. Доорош эшек арабага жүктү жүктөп баруудан тартынчу.
Сабактан чыккандан кийин жумушуна келип күтүп турчумун. Бир күнү режиссёр Балташ аке (ред. Кайыпов) «Сонун, Дооронбек жакшы жигит, эч кимдин көзүн карабайт, кызганбай эле кой» деди. «Балташ аке, биз бакыт күнүн өткөрөлү деп күтүп жатам» десем, «азаматтар, бактылуу болгула!» деген эле. Ал жумуштан чыгары менен кинотеатрга барып кино көрүп, чогуу тамактанып алып үйгө кетчү элек. Троллейбуста баратканда орустар кыргыздарды «баран» десе, атырылып барып жакадан алып мушташа кетчү. Жашаганыбызга беш жыл болгондон кийин кайын журтума барып, «Доороштун артында туяк калышы керек. «Төрөп бербедиӊ» деп карыганда мага күнөө койбогула, дарыланганымдан жыйынтык болбой жатат» дедим. Дооронбек ажырашып кетишибизге макул болгон жок. Кийин Кудайга үнүбүз жеттиби, кыздуу болдук. Тилекке каршы, ал 11 жашында чарчап калды. Андан кийин уулдуу болдук. Мен «карыганда уулдуу болдук, атын Картаӊбек коёлу» десем, Доорош «Чоӊойгондо кыздар менен кантип таанышат? Зарыгып жүрүп көрдүк, атын Зарылбек коёлу» деди. Балабыз көп сүйлөгөндү жактырбайт. Уулубуздун экинчи баласы Шерболотту өзүбүзгө жаздырып алганбыз. Доорошум «сен Шерболотту окутуп, үйлөндүрүп, анан менин жаныма кел» деп айткан. Шерболотубуз азыр түрк лицейинде 7-класста окуп жатат.

Гүласал Садырбаева, Жогорку Кеӊештин депутаты, карындашы: «КЫРГЫЗДЫ БАСЫНТКАН АДАМ МЕНЕН МУШТАШЫП КЕТЧҮ»
-Биздин атабыз аябай эрте каза болгон. Алты бир тууганбыз. Атам өтүп кеткенде Дооронбек агам 14тө, мен 2 жарым жашта экенбиз. Атабыз башкарма, башкы эсепчи болуп жүргөн, төбөсү көрүнгөн адам болчу деп айтып калышат. Ал рак илдетинин айынан оо дүйнөгө кетиптир. Агама атамдын оорудан каза болгону ушунчалык таасир эткен экен, «мен ошол айыкпайт деген дартты айыктырган дарыгер болом» деп медициналык окуу жайга тапшырган. Бирок 4-курска чейин окуп, кийин кино тармагына өтүп кетти.
Агам кайыр сурап турган кишинин жанынан жөн өткөнүн көргөн эмесмин. Сөзсүз акча берчү. Шайлоочулары менен жолукканда кимдир бирөөнүн уну жок экенин же азык-түлүгү калбай калганын укса, акчасын берип каралашып кетчү. Алган айлыгын элге таратып берип койгон күндөрү да болгон. Дүнүйө-мүлк деле топтогон жок. Кыргыз дегенде ичкен ашын жерге коюп, элин басынткан адам менен мушташып жатып калчу. Аябай кызуу кандуу, тайманбаган киши эле. Анан аябай келишимдүү болчу. Чачы коюу, капкара болуп тармалданып, көркүнө көрк кошуп турчу. Жаш кезинде эмес, кийин деле «байкеӊ менен тааныштырчы» деп ага ашык болгон кыздар мага кайрылышар эле. Андайда тамаша менен кутулчумун. Агам ушунчалык принципиалдуу адам болгондуктан, өмүр бою жеӊемди сүйүп өттү. Жеӊемди биз «азыркынын Каныкейи» деп коёбуз. Абдан мыкты адам.

Жамал Сейдакматова, Кыргыз Республикасынын Эл артисти: «ЖОК, КЕЧ БОЛУП КАЛДЫ ДЕП КОЙДУ»
Дооронбек чыгармачыл чөйрөнүн алпы болчу. Алгач кино тармагына аралашканда артында арабасы бар мотоциклине аппаратурасын жүктөп алып, күнү-түнү тынбай иштеп жүрчү.
«Акбаранын көз жашы» киносун тартып жатканда мен Базарбайдын аялынын ролун жараткам. Базарбай жинденип келип аялын ыргытып ийген жери бар эмеспи. Ошол эпизодду «улуу кишиге кантип кол көтөрөм?» деп Дүйшөн такыр аткарбай, жер карайт. Дооронбек Дүйшөндү ары жакка алып барып сүйлөшүп, ызалантып келди окшойт, келип мени желкеден алып тезектин арасына ыргытып жиберди. Башым менен катуу тийсем да эч кимге билгизген жокмун. Дооронбек «азамат, катуу тийсе да билгизген жоксуӊ» деп айтты. Кечкисин тартуу иши бүткөндө баарыбызды чогултуп алып коӊур үнү менен ырдап берчү. Саясатка аралашкандан кийин көп байланышпай калдым.
Бир ирет аянтта митингден Докемди жолуктуруп, «Сенин кесибиӊ, колуӊда камераӊ бар, артка кайт. Сенден башка саясатчылар толтура» десем, «жок, кеч болуп калды» деп койду.

Айбек Жангазиев, Д.Садырбаев атындагы «Кыргызтелефильм» студиясынын жетекчиси: «ЭРКЕКТЕРДИН ТАМЕКИСИН ЧЕГЕ АЛБАЙСЫӉ ДЕП ТАМАШАЛАГАН»
Дооронбек агайды көзү өткөндөн кийин «залкар эле, укмуш эле» деп айтып жатышпайбы. Мен үчүн ал жөнөкөй инсан болчу. Ал мейли депутат болсун, селсаяк болсун, баарына бирдей мамиле жасачу. Өзүнөн кичүүлөргө да «сиз» деп ызаат менен мамиле кылчу. «Акбаранын көз жашы» киносун тартып жатканда Базарбайды карышкыр кууган жерин тарткан учурубуз дале көз алдымдан кетпейт. Трактор менен эки тоонун ортосуна тросту тарттырып, ортосуна оператор отура турган орун жасадык. Биринчи оператор бир кадр алгандан кийин Дооронбек байке «ушул жагы жетишет, трос үзүлүп же ат мүдүрүлүп Дүйшөн кулап түшсө, карышкыр талап таштайт, болду, токтот» десе, мен «дагы бир кадр алып коёюн» деп тургам. Айткандай эле трос үзүлүп кетсе болобу. «Мен айтпадым беле» деп кейип калды. Ушундай баамчыл киши болчу.
Түркияда Дооронбек байке тамеки тартып отурса, бир түрк мырза «бул эмне деген тамеки?» деп калды. Дооронбек байке «эркектин тамекиси» деп күлүп койду. Чегип көрүп бир жолу тартып эле какап-чакап жатып калды. «Мен сага айткам, бул чыныгы эркектердин тамекиси, сенде эркектик даремет аз турбайбы» деп тамашалаган эле.

Азимбек Бекназаров, коомдук ишмер: «МАГА ДОКЕМДИН ЖОКТУГУ СЕЗИЛИП ТУРАТ»
Дооронбек Садырбаев, Апсамат Масалиевдер саясатта менин жол көрсөтүүчүлөрүм, кумирлерим десем болот. Алар менен парламентте отуруп, ак менен караны ылгаганды үйрөнгөм.
Кезинде Докем Ноокенден, мен Аксыдан депутаттыкка талапкер болдук. Ошондо «Садырбаев Шамалды-Сайдын эли менен жолугат экен» дегенди угуп, атайын өзүмдүн боло турган жолугушуумду жыйыштырып, Докем эл менен кандай сүйлөшөт болду экен деп бардым. Шамалды-Сайдын базарында элдин алдында сүйлөп бүткөндөн кийин барып кол алышып тааныштым. Өтө жөнөкөй адам экен, ээрчиткен жардамчылары деле жок, жалгыз. Анан элдин баарын күлдүрүп сүйлөдү. Барып колун кысып учурашсам, «сен кимсиӊ, балам?» деди. «Дооронбек Садырбаевич, мен дагы Аксыдан депутаттыкка ат салышып жатам» десем, «аа, «Аксыда бир арстан жүрөт, барган атаандаштарынын баарын желкеден алып жатат» деп жатышпады беле, ошол сенсиӊби?» деп тамашалады.
Бир ирет «Доке, «Махабат дастанындагы» сүйүшкөндөрдү бир түнөтпөй жайлап салдыӊыз. Бир түнөткөндөн кийин анан өрттөшсө болбойт беле?» деп тамашалап калсам, ал «кыргыздар эч убакта түнөгөнгө шашкан эмес» деген. Анын ушул сөзүнөн эле кандай бийик адам болгонун билсе болот. Акыркы жолу Каркыранын бир бөлүгү казактарга кетерде Ысык-Көлгө бардык. Бийлик адамдарын даярдап коюптур, тажаалданып тосуп алышты. Ошондо Докемдин бутуна таш тийди. Кайра артка кайттык. Келе жатып Караколдон шам-шум этип алалы деп бир жерге токтодук. Ашкана иштеткен уйгур аял экен. Ашлямфу эле калыптыр, баарыбыз отурганда Докем «бул лагманыӊар муздак го» деп баарыбызды күлдүргөн. Көрсө, чындап эле ашлямфу жеп көрө элек тура. «Мунуӊар менин ашказаныма болбойт» деп жебей койду. Биз тамактангыча тигил келинден «Каркыра, Кырчын деген жайлоолорду билесиӊби? Каркыраӊар казактарга учуп кетип жатыптыр го?» деп сурап жатты. Тигил келин «эми бош жаткан жерлер Ысык-Көлдө толтура да» дей салды. Муну укканда Докемдин чындап жини келди, «Баскыла кеттик, бул көлдүктөргө жээктен эле жер болсо, соодасы жүрсө болду турбайбы. Биз болсо бул жакта таш бараӊга калып жүрөбүз» деп кейиди.
Келгенден кийин элге таарынганын айтып гезиттерге маек берип, аз өтпөй дүйнө салды. Өлүм алдында жатып жеӊебизге «Азимбекти чакырт, керээзимди айтам» деген экен. Бирок жетишпей калдым.
Ооруканага келсем жеӊем ыйлап отуруптур. «Эмне керээз айтты?» деп сурадым. Көрсө, жарыктык киши «Мен өлгөндөн кийин бакиевчилер «мамлекеттик ишмер болчу» деп өлүгүмө ээ болуп албасын. Менин зыйнатымды Азике өзү башкарсын» деп анан жеӊеме «сен экөөбүз бир жерде жаткыдай бололу. Байболов «Байтиктен жер алып берем» деген. Ошол Байтикке койгула. Болбосо мени Ала-Арчага коюп сени башка жакка коюшса, ажырап калабыз. Азимбек Байболовго айтып чечип берет» дептир. Анан жеӊеме «Ала-Арчадан эки кишилик орун алып берели. Жанаша жатпай калабыз деген тура, жанаша жаткыдай болосуӊар» десем макул болду. Ошентип ал жактан эки кишилик орун алдырганбыз. Мага бүгүн да Докемдин жоктугу сезилип турат.

Асылбек Өзүбеков, Кыргыз Республикасынын Эмгек сиӊирген артисти: «МЕНИ «ЧЫЧЫМ» ДЕП ЭРКЕЛЕТИП КОЙЧУ»
-Мен Докемден көп нерсе үйрөнсөм деп далалат кылчумун. Чыгармачылыкта кандай ынак болсок, саясатка аралашкандан кийин андан дагы жакын болуп калдык. Жогорку Кеӊеште иш бөлмөсү биринчи кабатта эле. Барып эле терезесин тыкылдатчумун, айнегин ачып, «ии, чычым, келдиӊби?» деп жардамчысын чыгарып киргизип алчу. Иш бөлмөсүнө кирсеӊ сүрөт галереясына киргендей болчусуӊ. Дубалга бардык замандаштарынын, бирге иштешкендеринин сүрөттөрүн илип, аларга тамашалуу ырларды, куйкум сөздөрдү кошуп жазып койчу.
«Менденби же сенденби, кимибизден?
Сезимдер өчүп барат дилибизден.
Адашып, атаганат, баратабыз,
Арзышып араӊ тапкан сүйүүбүздөн»,- деген «Таӊ шоолам» аттуу ырына биринчи обонду мен чыгаргам. Ушул ырды жолуккан сайын «ырдап койчу» дей берчү. Мен «Бул кимге болгон арзууӊуз? Айтып койсоӊуз, кайсы бактылуу аялга чыгарылган чыгарма экенин билип алалы» деп тамашалай берчүмүн. Анда «ээ, кайсы бирин айтайын, кайдагынын баарын эске саласыӊ» деп күлүп кутулчу.
1998-жылы филармонияда концертимди берип жаткам. Ырдап бүтсөм эле Дооронбек байке сахнага гүл көтөрүп келе жатат. Алдынан тосуп чыгайын десем, колу менен «токто» деп ишарат кылды. Менин жаныма келип гүл берет го деп күтүп турсам, гүлдү бутума таштап жиберди. Сүрдөп, эмне кыларымды билбей туруп калдым. Микрофонду алып, «Асылбек, дайыма ушундай болуп таманыӊа гүл төшөлүп турсун. Зал толо элди бир чогултса сен, анан Аскар Акаев чогултат» деп айтып, сахнадан чыгып кетти. Эл туруп алып кол чаап жатат, ал учурда Акаев президент болчу, мен болсо мукактанып туруп калдым.

Каныбек Иманалиев, Жогорку Кеӊештин депутаты: «МЕН БУЛАРДЫ КӨРҮМӨ АЛА КЕТЕМБИ ДЕП ЖИПТИН АЧКЫЧЫН АЛБАЙ КОЙГОН»
-Бул окуяны Дооронбек аганын өз оозунан уккан элем. 2005-жылдын июль айында ошондогу Президенттик администрациянын жетекчиси байбичеси менен бир койду сойдуруп, жапжаӊы Жип машинасын айдатып алып Дооронбек аганын Чоӊ-Арыктагы үйүнө келишиптир. Ал кызматка келгени беш-алты айдан бери сүйлөшө элек экен. Ага өздөрү ала келген койдун этин салып бериптир. Анан тамак үстүндө администрация жетекчиси жыландын башын кылтыйтып, «Жаш балдарга, Текебаевге кошулуп оппозицияда кыйкырып эмне кереги бар? Насип экен, бийлик бизге келди. Эми ажого «мешайт» этпеӊиз. Инаугурация бүтсө, эӊ биринчи указы менен сизге Кыргыз Эл Баатырын берет, ишенбесеӊиз азыр сүйлөштүрөм» деп чөнтөк телефонун сууруп чыгып, анан чөнтөгүнөн кошо чыккан Жиптин ачкычын сунуптур. Антсе Докем «Мен буларды көрүмө ала кетемби, эл эмне дейт?» деп баш тартып, узатып койгон экен. Баары бир Кудай бар экен, көзү өткөндөн кийин Дооронбек Садырбаев Кыргыз Эл Баатыры болду. Аруу жашап, аруу кетти.

"Дооронбек менен бир күн болсо да жашоо бакыт деп турмушка чыккам".

"Атасы "кызым чоӊойгондо далай жигиттер Алымкан деп ырдашат" дечү. Тилекке каршы, тун кызыбыз Алымкан11жашында эле чарчап калды".

"Түркиядан иштеп келген акчага ушул Волганы сатып алганбыз".

"Зарыгып көргөн уулубуз Зарылбек неберем менен".

Докем классикалык фильмдерди тартуу учурунда.

"Токтогул сүйгөн Алымкан" фильминде Токтогулдун жаш кезин ойногон.

Султан Төрөбеков,
Мирлан Өмүралиев
politika@super.kg



Дооронбек Садырбаевдин сүйүүсү жана өлүмү

Автор: Айзат Болотбек кызы
Оператор: Кайрат Сарбагышов

"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  6 
Комментарийлер(31)
Super TV
21.02.2015. 12:36 
Тайпасы:
Жаран
Комментарийлердин саны:
39
Катталган:
13-03-2011
Соӊку аракети:
17-11-2018 15:48
Жынысы:
Белгисиз
Калаасы:
Катар Доха
+1
Жаткан жери жайлуу болсун !!!Аялынын суйуусу аябай жагымдуу суйлогонун уккан сайын уккун келе турган создорду айтыптыр.Аялынын омуру узун ден соолугу чын болсун!!!Чоон рахмат супер инфо ушундай адамдарды эскерип интервью алганынарга!!!
Super TV
21.02.2015. 14:39 
Тайпасы:
Жаран
Комментарийлердин саны:
12
Катталган:
04-12-2014
Соӊку аракети:
11-01-2017 15:05
Жынысы:
Белгисиз
+1
кандай сонун. чындыгында мыкты инсан болгон тура. суйуусу, чыгармачылыгы, саясаттагы жолу...
Super TV
21.02.2015. 16:47 
Тайпасы:
Тартип бузгандар
Комментарийлердин саны:
105
Катталган:
09-10-2013
Соӊку аракети:
20-09-2015 23:18
Жынысы:
Белгисиз
+3
биздин Ноокен элинин аска зоосу эле Докем дешип эли суйуп урматтап журот элек. Ач ажал арабыздан жулуп кеткенде жердештери артында калган эли кан жутуп кала берди. Акаевдин убагында опазицияда журуп канча деген азап кундорду башынан откоргон жок. Кыргыз элине мурас кылып "Махабат дастаны", "Акбаранын коз жашы" ушул сыяктуу коонорбос онорлорду таштап кетти. Жаткан жериниз жайлуу топурагыныз торкоо болсун. Сиз дайым Кыргыз элинин журогундо Ноокен элиин журогундо туболуко сакталасыз.
Super TV
21.02.2015. 23:16 
Тайпасы:
Тартип бузгандар
Комментарийлердин саны:
16
Катталган:
02-12-2013
Соӊку аракети:
11-04-2015 17:11
Жынысы:
Белгисиз
+2
Мен дооронбек садырбаевди алгач депутат катары билчум..кийин чонойгон сайын кино режисер экенин да билдим..анан бир куну китеби колума тийип калды..аябай тан калдым бул кишиге..кандай деген талант..ырлары баары маанилуу экен..Алыкулду аябай сыйлайм бирок САДЫРБАЕВДЫН ырлары анданда кучтуу сезилди мага..Менин оюму туура корбосондор китебин алып окуп корсонор..Аябай укмуш создор менен жазган..ЭХ кандай гана генийлер жаралбайт адамдан..Жаткан жериниз жайлуу болсун..Сиз дайыма кыргыздын журогундосуз
Super TV
22.02.2015. 12:56 
Тайпасы:
Жаран
Комментарийлердин саны:
620
Катталган:
05-11-2011
Соӊку аракети:
19-06-2018 18:27
Жынысы:
Белгисиз
+1
жарым саатка жакын корсом да беш минут убакыттай сезилди,ушунчалык жомок сыяктуу болуп откондой жашоосу болгон экен.элиниздин эсинде ар дайым боло бересиз агай.
Super TV
22.02.2015. 20:40 
Тайпасы:
Кыймылы жок
Комментарийлердин саны:
55
Катталган:
26-01-2015
Соӊку аракети:
22-10-2015 15:11
Жынысы:
Белгисиз
+1
Супер инфого рахмат, мындай атактуу кишилерди дайым эскерип туруу зарыл деп ойлойм, козу отсо эл эмгектен эскерет дегендей.
Super TV
23.02.2015. 00:02 
Тайпасы:
Кыймылы жок
Комментарийлердин саны:
16
Катталган:
22-06-2013
Соӊку аракети:
10-03-2015 18:15
Жынысы:
Белгисиз
Калаасы:
Ноокен району. ТАШТАК айылы.
0
Таазим сизге Дооронбек аке!!!
Super TV
23.02.2015. 00:12 
Тайпасы:
Кыймылы жок
Комментарийлердин саны:
1
Катталган:
04-02-2015
Соӊку аракети:
27-03-2015 00:09
Жынысы:
Белгисиз
0
мен бул агайдын кинодо корком окуганын баалайм суйом. адамдын журогун дирилдетет
Super TV
23.02.2015. 09:24 
Тайпасы:
Жаран
Комментарийлердин саны:
196
Катталган:
10-12-2011
Соӊку аракети:
26-07-2017 09:43
Жынысы:
Белгисиз
0
Ичинде кири жок,кал айтпаган, келинчегин башка жанга алмаштырбаган адам экенине ынандым. Чыныгы инсандар ызыр жок. Болсо да алар жашап откон. Аялынын айтып бергени мага аянычтыы болду. Омур бою жоктоп ден-соолук деле калбай калды да. Дооронбек агайдын жаткан жери жайлуу болсун. Эл сизди унутпайт.Рахмат Super.kg!!!
23.02.2015. 12:41 
Тайпасы:
Жаран
Комментарийлердин саны:
215
Катталган:
03-09-2010
Соӊку аракети:
01-02-2017 15:02
Жынысы:
Белгисиз
+1
Эх залкар инсан . суроттогудой кылып жасаган эстелигин ала арчада мен коюп Берген элем кран менен. Ошондо жанында бош жер турган кызыгып бул жерге Ким коюлат десем аялы дешкен эле жогорудагы айткан керээзи чын экен корсо.
23.02.2015. 18:56 
Тайпасы:
Тартип бузгандар
Комментарийлердин саны:
71
Катталган:
21-12-2014
Соӊку аракети:
08-10-2016 20:16
Жынысы:
Белгисиз
+1
Азыркы депутаттар Дооронбек агабыздай суйлой албайт.Бул киши эч бир нерседен тайманбай,бетке айтчу.мындай адамдар азыр жокко эсе.жаткан жери жайлуу топурагыныз торко болсун.
23.02.2015. 23:47 
Тайпасы:
Кыймылы жок
Комментарийлердин саны:
8
Катталган:
16-11-2014
Соӊку аракети:
20-03-2015 02:35
Жынысы:
Белгисиз
0
Залкар инсан эле.аз жашаса саз жашады.Кылган ишин эли эч качан унутпайт.Мыкты саясатчы оз заманынын алпы эле.
24.02.2015. 11:57 
Тайпасы:
Жаран
Комментарийлердин саны:
23
Катталган:
16-09-2010
Соӊку аракети:
06-12-2016 15:39
Жынысы:
Белгисиз
Калаасы:
bishkek
0
Докемдей адамдар кыргыз чанда болот!
24.02.2015. 14:02 
Тайпасы:
Тартип бузгандар
Комментарийлердин саны:
6
Катталган:
11-01-2015
Соӊку аракети:
31-10-2015 20:21
Жынысы:
Белгисиз
+1
Ошто Дооронбек Садырбаев көчөсү дале Ашкабадская деп айтылып жүргөнүнө ичим ачышты.
26.02.2015. 22:06 
Тайпасы:
Жаран
Комментарийлердин саны:
326
Катталган:
06-12-2014
Соӊку аракети:
23-05-2018 19:36
Жынысы:
Белгисиз
Калаасы:
Бишкек
0
Sheke-brat,Бишкектин деле бир көчөсүнө атын берип койсо болмок. Жөн эле дайны жок коюлган аттар бар, мисалы: ул. 9-января, Оренбург-ская, Лесная, Коммунаров, Гражданская ж.у.с, жазып бүтпөйсүң. Ал эми Ибраимов көчөсү дагы эле Правда, Көлбаев - Ворошилов, буларды да санап бүтпөйсүң. Кыргыздын жакшы-жакшы атуулдарынын атын коюп, борборубуздун көчөлөрүн жаркыратып тазалап оңдоп койсо болот эле биздин мэрибиз
27.02.2015. 13:03 
Тайпасы:
Жаран
Комментарийлердин саны:
32
Катталган:
01-08-2007
Соӊку аракети:
21-05-2017 02:18
Жынысы:
Белгисиз
0
jypar.i,Аты Бишкектеги Бах кочосуно ыйгарылган, тилекке каршы такталары алмашылбай эле турат "Баха" боюнча.
24.02.2015. 19:56 
Тайпасы:
Жаран
Комментарийлердин саны:
100
Катталган:
03-06-2010
Соӊку аракети:
08-09-2018 12:20
Жынысы:
Белгисиз
Калаасы:
Бишкек
+7
Бул инсандын бир гана созумо эсимде калыптыр. Ал колдо каркыра жайлоосун казактарга бербейбиз деп барганда,элдер аларды кубалашкан(Албетте Бакиевдин 100грамына алдангандар). Ошондо ал кыргыз жерине куйуп,ошол элге "КЫРГЫЗ БОЛБОЙ КАЛ,КЫРГЫЗ БОЛБОЙ КАЛ!" деп кыйкырганы эсимде калыптыр. Кыргызымдын жери учун куйгон бул инсанда кетти арабыздан. Ал эми куйбогондор 100граммга ошол убакта раазы болуп,эми окунуп жаткандыр. Жер учун куйбогондор ылайым КЫРГЫЗ БОЛБОЙ КАЛГЫЛА!
25.02.2015. 00:17 
Тайпасы:
Тартип бузгандар
Комментарийлердин саны:
16
Катталган:
02-12-2013
Соӊку аракети:
11-04-2015 17:11
Жынысы:
Белгисиз
+1
супер инфо Дооробек Садырбаевдин,ырларын киргизгилечи же китебин..
25.02.2015. 11:01 
Тайпасы:
Жаран
Комментарийлердин саны:
15
Катталган:
12-02-2013
Соӊку аракети:
22-03-2017 10:01
Жынысы:
Белгисиз
0
makwell, ырлары бар бекен? Миасалы кандай ыры бар экен? Ырдачу бекен? Мен жазуучу, режиссер, политик деп билчумун.
25.02.2015. 08:47 
Тайпасы:
Кыймылы жок
Комментарийлердин саны:
166
Катталган:
03-12-2014
Соӊку аракети:
07-07-2016 10:18
Жынысы:
Белгисиз
+1
Кыргыздын улуу инсаны, Кыргызга жаны кууйгон, Кыргыз деп кызмат кылгандардын бири. Кудайым куноолорун кечирген болсун.
25.02.2015. 21:39 
Тайпасы:
Кыймылы жок
Комментарийлердин саны:
7
Катталган:
26-04-2014
Соӊку аракети:
05-06-2015 12:04
Жынысы:
Белгисиз
Калаасы:
Өрүкзар
+1
жаш кезинде аябай келишимдуу болгон экен. тарткан кинолору жагат мага.
26.02.2015. 11:07 
Тайпасы:
Жаран
Комментарийлердин саны:
149
Катталган:
05-01-2015
Соӊку аракети:
18-09-2018 13:54
Жынысы:
Белгисиз
+1
Токтогулдун ролунда ойногон учуру, жаш кези келишимдуу жигит экен.
26.02.2015. 11:53 
Тайпасы:
Жаран
Комментарийлердин саны:
149
Катталган:
05-01-2015
Соӊку аракети:
18-09-2018 13:54
Жынысы:
Белгисиз
+1
Ушунчалык сонун укмуш видеотасма тартыпсынар. Рахмат. Жубайынын эргип суйлогону, Дуйшон Байдоботовдун, Асылбек Озубековдун айтып бергендери тим эле укмуш , ырдаганы. Аябай жогорку дэнгеелде.
26.02.2015. 11:55 
Тайпасы:
Жаран
Комментарийлердин саны:
149
Катталган:
05-01-2015
Соӊку аракети:
18-09-2018 13:54
Жынысы:
Белгисиз
0
денгээлде деп тузотулуп окулсун.
26.02.2015. 15:35 
Тайпасы:
Тартип бузгандар
Комментарийлердин саны:
16
Катталган:
02-12-2013
Соӊку аракети:
11-04-2015 17:11
Жынысы:
Белгисиз
0
Колундагы тамекиси полет трубкага кийгизип алган..жонокой киши анан неге бул киши бай эмес дагы калган депутатар бай...мен бул кишии бир мечит ачылганда коргонмун...
26.02.2015. 22:12 
Тайпасы:
Жаран
Комментарийлердин саны:
326
Катталган:
06-12-2014
Соӊку аракети:
23-05-2018 19:36
Жынысы:
Белгисиз
Калаасы:
Бишкек
0
Жубайы ушунчалык жаш баладай,ичинде кири жок адам экен. Азыркы жаштар ушулардан үлгү алса. Болбосо эмне - үйлөнө элек жатышып, ойлогондору байлык, мансап. Мына чыныгы сүйүү деген ушу, материалдык байлык топтобосо да, бири-бирине, мекенге болгон сүйүүсү чыныгы "Махабат дастаны" болуптур. Сонун эжеге узун өмүр, бакыт, балдарынын маңдайында аман болсун.
01.03.2015. 14:41 
Тайпасы:
Кыймылы жок
Комментарийлердин саны:
12
Катталган:
18-12-2014
Соӊку аракети:
06-10-2015 11:54
Жынысы:
Белгисиз
0
Аябай келишимдуу жигит болгон екен жубайына узун омур каалайм.Суйуулору чыныгы "Махабат дастаны"екен.
Super TV
02.03.2015. 04:50 
Тайпасы:
Кыймылы жок
Комментарийлердин саны:
19
Катталган:
05-02-2015
Соӊку аракети:
10-06-2015 04:59
Жынысы:
Белгисиз
+1
Аиии ушунчалык таасирлендим,аялын коруп козумо жаш келип,экоонун суйуусуно тан берип суктанып отурам.кино кылып тартса соннун болсо кк эле.азыр кыргыз деп куйгон ушундай адам бар болду бекен.?
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: