САЛЯНОВА КҮЙӨРМАН ЧОГУЛТУУДА

Күйөөсүнө каршы кылмыш иши козголгонунан улам президентке таарынып, оппозицияны көздөй ыктаган Аида Салянова күтүлүп жаткан кадамды жасады. Башкача айтканда, 19-февралда «Күчтүү Кыргызстан» деген партиянын төрайымы болуп дайындалганы тууралуу маалыматтар пайда болду. Аталган партия Юстиция министрлигинде адегенде 2005-жылы «Жарык Кыргызстан» деп катталган. Кайрадан каттоодон өткөн партия «Күчтүү Кыргызстан» деп аталышын өзгөрттү. Ага төрагалык кылып келген энергетика маселелери боюнча эксперт Расул
Умбеталиев Аида Саляновага орунун бошотуп берип, эми экөөлөп шайлоонун камын көрө башташты. Кызматтан кетип, саясатка аралашкан адамдардын эми таштай турган кадамын Кыргызстанда оӊой гана жоромолдоого болот. Салянова да бул жагынан таӊ калтыра албады. Ал дагы мурункулардын изи менен кетип, күйөрмандарды чогултуу аракетин кичи мекени Нарын өрөөнүнөн баштады.
Журналисттерге берген маалымат жыйынында ал «Мага «Манас» орденин ал деп эч ким кайрылган жок, беришсе алмакмын» деген эле. 20-февраль күнү II даражадагы «Манас» орденин ал Президенттик администрация башчысы Данияр Нарымбаевдин колунан алды.
26-февралда Улуттук коопсуздук кызматы Аида Салянованын күйөөсү Бакыт
Абдыкапаровго "кызмат абалынан кыянаттык менен пайдалануу", «алдамчылык» беренелери боюнча айып тагылганын жарыялады. Аида Салянова жолдошунун бул иште күбө катары гана өтүп жатканын айткан болчу. Буга чейин жарыяланган маалыматтарга караганда, "Тазалык" муниципалдык ишканасынын жетекчилигине козголгон кылмыш ишин токтотууга жардам берүү үчүн 50 миӊ доллар алгандардын арасынан күбөлөр Бакыт Абдыкапаровдун бул ишке тиешеси бардыгын айтышкан.

Мирлан Өмүралиев
politika@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (19)

EdikoKG

2015-03-02 09:41:30

Озу,бийлике кандай иштеген адамдар жагат? Таза иштесен да,начар иштесен да баары бир белге "тээп" кетишет. Сасык саясаттын ыплас оюндары ушундай болот окшойт го.

uulay

2015-03-02 09:54:09

Булар цепочка сыяктуу бири-бирине коз каранды да. Карга карганын козун оймок беле. Бириникин бири жаап отуруп ушул акыбалга келдик да. Ошол учун сасык саясат да. Окунучтуу,бычака сап болору жок

Aygul

2015-03-02 10:18:53

Бир бийликтин даамын татып калгандан кийин кетиш кыйын болтабы....? Тынч эле аялга окшоп уйдо отурбайбы?

-1

Tariell

2015-03-02 10:55:28

Салянова ХХХ!

admin_superstan

2015-03-02 12:00:45

Tariell, этика нормаларын сактаңыз! Эскертүү!

bakyt_2015

2015-03-02 11:10:07

Эл алдына Ата Мекен алып чыгып тааныткан сон, Текебаевтин эле этегин кармаганы он болмок менин оюмча. Таасирдуу да, таанымал да партия. Оз алдынча болом деп кашыктып чогулткан кадыр-баркын чомучтоп чачып албас бекен каап.

Letty

2015-03-04 09:08:53

bakyt_2015, Текебаевге кошулганда баарибир бир кун согушуп экоо мушташып кетмек))

jasayana

2015-03-02 11:48:23

Атамбаев мактаган кыз Шайлоодо озуно каршы чыгат окшойт.

al79mi

2015-03-02 12:00:46

Темир айым!!!!!!

paula.90

2015-03-02 19:06:14

al79mi, темир деп кайдагыны айтпагылачы,,, откондо интервьюсун кордум тоону бээни суйлоп эле, озунун кылган иштерин жомоктогудай айтып берген, наборот ушул келгенден бери коррупция куч алды, президент мактаса эле мактай бербей,.

Bakulya79

2015-03-02 15:34:03

Бийликтен кеткенден кийин жыргап жайлоого барып эс албайсынбы.аны кыла коем буну кыла коем деп эки жака чуркай бербей.аял затсынго же уйундо бала-бакыранды карап отура бербейсинби.

beka1207

2015-03-02 21:38:08

Bakulya79, ошону айтсан...бийлиги жок эле таттуу ачл затынын бактысын татып жашай бербейби

tolik

2015-03-03 23:56:55

Bakulya79,куйоосунун абалы жакшы болгондо тынч эле уйундо отурмак.

daniel87

2015-03-02 18:54:01

Туура мен дагы ойлогом Ата мекенге кошулат болуш керек деп.Текебаев менен кетсе жакшы болмок

-1

chyngyz-KG

2015-03-03 00:07:13

Коптогон эркек депутаттарды оордуна коюп салат аял болсода

-1

Nuranna_93_kg

2015-03-03 12:24:52

Койгулачы Салянованарды! Созун таап норм суйлой албайт дагы,дудаланып...тим эле "темирге" тенеп жибергенинерге жол болсун.

al79mi

2015-03-04 09:27:58

ТЕМИР АЙЫМ!!!!! Жакшыны жакшы деш керек! Каныбызга синип калган коро албастыктын айынан эле суйлой бербей! Эки кишинин башы кошулган жерде тост берсе жондоп суйлой албайбыз! 120 депутаттын алдында тыкылдап кана жооп берип олтурганын коргон эмес беленер?! АШАнын приказын аткарды коп болсо дегендер болууда. Бирок ошол приказды аткарганга дагы эрк, журок керек да озунун омурун,келечегин тобокелге салып! Кайсыл прокурор депутаттарды камака алды эле!? Жузуно карап суйлой албагандары да болгон!

ayaza

2015-03-06 19:32:17

Шайлоого катышыныз,биз колдойбуз,сиз татыктуусуз,буга чейин эч ким чооон коррупционерлерди камай элек болчу,пландарыныз ишке ашсын,ийгилик!!!

-1

zhykyo

2015-03-08 15:26:29

Мени кайтар десе кайтармакмын

Комментарий калтыруу үчүн өз ысымыңыз менен кириңиз же каттоодон өтүңүз.

№ 643, 27-февраль-5-март, 2015-ж