БИР БҮРКҮМ

Казакстандын Астана шаарындагы көчөлөрдүн бирине жазуучу ЧЫӉГЫЗ АЙТМАТОВДУН ысымы берилди.
Коргоо кеӊешинин катчысы болуп Бейшенбай Жунусовдун ордуна анын орун басары ТЕМИР ЖУМАКАДЫРОВ дайындалды.
2014-жылы Кыргызстанга РАДИОАКТИВДҮҮ НУРУ жогору болгон 2 контейнер жана 128 автоунаа алынып келинген. Анын баары кайра Корея менен Японияга жөнөтүлөт.
Кыргызстандагы ПРООНдун кеӊешчиси Лусио Валерио Сарандреанын айтымында, өлкөдөгү никелердин теӊ жарымы АЛА КАЧУУНУН НЕГИЗИНДЕ кыйылган.
Орусиялык-кыргыз өнүктүрүү фондунун башкаруусунун төрайымы болуп НУРСУЛУ АХМЕТОВА дайындалды. Ал буга чейин Президенттик аппараттын финансы-экономикалык талдоо жана өнүгүүгө мониторинг жүргүзүү бөлүмүнүн башчысы болуп иштеп келген.
Өлкөдөгү уюлдук байланыштын абоненттеринин саны 9 миллионго жакындады. Анын ичинен АКТИВДҮҮ АБОНЕНТТЕР 7 миллиондон ашкан. Интернет кызматынын колдонуучуларынын саны 4 миллион 136 миӊге жетти.
Европалык союздун маалыматына ылайык, аягы өлүм менен аяктаган ЖОЛ КЫРСЫКТАРЫНЫН саны боюнча Кыргызстан дүйнөдө үчүнчү орунду ээлейт. Биринчи жана экинчи орунда Казакстан менен Орусия турат. Рейтинг калктын санына жараша эсептелет.
Бишкек мэриясынын Билим берүү башкармалыгынын өкүлү Ч.Бактыгулованын айтымында, Орусиянын ЖОЖдорунда 3 миӊден көбүрөөк кыргызстандык СТУДЕНТТЕР билим алышат.
Улуттук статистикалык комитеттин маалыматы боюнча, өлкөдөгү 28 миӊ сомдун тегерегин түзгөн ЭӉ ЖОГОРКУ ОРТОЧО АЙЛЫК МАЯНАНЫ финансылык ортомчулук жана камсыздандыруу тармагынын кызматкерлери алышат.

Премьер-министр Жоомарт Оторбаевге жана анын жакындарына атасы, Улуттук илимдер академиясынын академиги Кайып Оторбаевдин кайтыш болгондугуна байланыштуу тереӊ кайгыруу менен көӊүл айтабыз.

«Супер-Инфо»
гезитинин жамааты

Мирлан Өмүралиев
politika@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (2)

temirov76

2015-03-02 15:47:44

Радиоактивдуу нуру бар машина контейнер дегенге кандай тушунсо болот,муну биринчи жолу угушум?

Compact

2015-03-02 16:08:58

temirov76, Корея менен Японияда ядерный станциялар жарылгандан унаалар дагы радиоактивдуу нурларды чыгарып турушат. Ошол унаалар тууралуу созболуп жатат. Кайра кетиребиз деп жатышыптыр.

Комментарий калтыруу үчүн өз ысымыңыз менен кириңиз же каттоодон өтүңүз.

№ 643, 27-февраль-5-март, 2015-ж