Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Султан Ибраимовдун кызы Айнура Ибраимова: «ПРЕМЬЕР-МИНИСТРДИ ИТ АТКАНДАЙ АТУУ – ЧЫККЫНЧЫЛЫК»

№371 11-17-декабрь, 2009-ж.


Тагдыр

Кээде “адамды адам кантип өлтүрсүн?” деген ойго жетеленебиз. Бирок бул ачуу чындык. Канчалаган буйрутма киши өлтүрүүлөр болуп келет. Алардын дээрлик көбүнүн бети ачылбай калууда. Бүгүн биз Кыргыз ССРинин Министрлер советинин төрагасы Султан Ибраимовдун өлүмү туурасында кызы Айнура Ибраимова менен баарлаштык.

КӨЗҮ ӨТСӨ ДА, ТАРЫХТА АТЫ КАЛДЫ
Султан Ибраимов 1927-жылы Чүй районундагы Алчалуу айылында туулган.
Үч бир туугандын экинчиси.
8-классты аяктагандан кийин Фрунзедеги Гидромелиоративдик техникумуна тапшырган.
Эмгек жолу:
Аламүдүн райондук комитеттин 2-катчысы;
Суу чарба министри;
Ош облустук партия кеңешинин биринчи катчысы;
Жогорку Кеңештин төрагасы;
Кыргыз ССРнин Министрлер советинин төрагасы.

«ЭС АЛЫҢЫЗ ДЕГЕНДЕР КӨБӨЙГӨН»
– Айнура айым, атаңыздын акыркы күнүн эскерүү, албетте, кыйын. Ошентсе да маекти ошол күндөн баштайлы деп турам.
– Эсимде, атам көп командировкага чыкканынан көрбөй да калчубуз. 1980-жылдын акыркы айларында анын ден соолугуна кам көргөндөр аябай көбөйгөн. Жанында жүргөндөр “жумуш кайда качмак эле, эс алып келиңиз” дей башташкан. Бир жума мурун эле эс алып келген атамды 3-декабрда кайрадан Ысык-Көлгө жиберишкен. Ал жакка барышарын айтканда апам “эс алганга жараша Крымга баралы” дептир. Атам бул жагын тиешелүү адамдарга кыйытса “жок, Ысык-Көлгө эле барыңыз. Балким, сиз бизге керек болуп каласыз” деп болбой коюшкан. Ошентип 3-декабрь күнү атам Чолпон-Атага жөнөгөн.

«БИР ГАНА ЖАШ КЕЛИН ТОСКОН»
– Эс алууга экөө эле кетишти беле?
– Улуу балам Айбекти кошо ала кетишкен. Анда Айбек үч жашта болчу. Ошентип, ата-энебиз кечинде Чолпон-Атадагы мамлекеттик резиденцияга барышкан. Эмнегедир кайтаруу күзөтүндө тургандардын бири да жок экен. Апам «ошондо айлана башкача бейпил эле» деп көп айтчу. Үчөөнү резиденциянын кире беришинен бир жаш келин тосуп алат. Экинчи кабатка көтөрүлүп, тамактанышат. Атам чарчадым деп уктоочу бөлмөлөрдүн бирине кирип кыйшая кеткен. Апам менен Айбектин да аябай уйкулары келиптир. Ошондон улам тамакка уктатуучу дары кошуп коюшканбы деп ойлойм.
Түн бир оокумда апам кандайдыр бир дабыштан ойгонуп кетет. Атамбы десе, анын басыгына окшошпойт. Коркуп кетип “Султан, сенсиңби?” деп калтыраган үн менен кыйкырат. Аңгыча коридордо басып жүргөн адам эшик алдына жакындап “сизге мүмкүнбү?” деп сурайт. Үстүнө халатын иле калып каалганы ачса, диванда мылтык таянып бейтааныш бирөө отуруптур. Ал “уруксат берсеңиз Юра экөөбүз Фрунзеге барып келсекпи дедик эле” дептир. Юра атамдын шоопуру болчу. Жүрөгү алда немени сезген байкуш апам “барсаңар баргыла” деп калчылдаган боюнча каалгасын жапканча шашкан.

«КЫЗМАТКЕРЛЕРДИ АТАЙЫН КЕТИРИП ЖИБЕРИШКЕН»
– Ошол учурда шоопуру каякта экен?
– Юра биринчи кабатта уктап жатыптыр. Түрү суук мылтыкчанды айт­макчы болуп апам атам жаткан бөлмөгө чуркап барып ойготсо ойгонбойт. Башынан кан сыяктуу илээшкек колуна урунат. Жүрөгү оозуна тыгылган апам “Юра!” деп кыйкырган боюнча биринчи кабатка чуркайт. Барса, бөлмөнүн баары чачык. Юра болсо бөлмөнүн ортосунда көмкөрөсүнөн өлүп жатыптыр. Апам Айбекти кийинтип алып элди жардамга чакырып, резиденцияны аралап чуркадым дечү. Мамлекеттик резиденцияга өлкөнүн экинчи адамы барып жатса бир да күзөтчү жок. Анан да жөнөкөй адам кире албаган жерге кайдагы бир мылтыкчан кирип барып, ит аткандай атып салуу эмне деген шумдук! Такай ошол жерде жүрүүчү жумушчуларды, сакчыларды атайлап кетирип жиберишкен. Жан сакчылар окуя болгон түндүн эртеси араң келишкен.

«АТАМДЫ ЖИНДИ ӨЛТҮРДҮ КЫЛЫШТЫ»
– Мамлекет башында отургандар эмне дешти?
– Республиканын Ички иштер ми­­нистри Габидулин коопсуздукту көзөмөлдөбөгөнүнө жооп бермек тургай, жумушунан көтөрүлүп кеткен. Апам “уюштуруу иштерин туу­ралап берген мына ошол Габидулин” деп какшачу.
Атамды «чолпон-аталык психикалык жактан оорукчан Смагин атты» деп чыгышты. Апам тиги канкордун бетин көрүп калгандыктан, Смагиндин сүрөтүн көрсөтүшкөндө ал эмес деп жанталашкан. Бирок эч ким уккан жок.
Өлүмдү кылдат уюштуруп, өлтү­рүүгө буйрук бергендер башка. Мамлекеттин премьер-министринин өлүмү ачылбай, жаап-жашырылып жаткандан кийин биз божомолубузду элге кантип ачык айтабыз? Ошол мезгилде атамдан башка дагы көрүнүктүү жетекчилер капысынан эле кырсыкка кабылып, каза таап жатышты. Мындай шумдуктуу көрүнүш бир канча мезгилге чейин уланды.
Атамдын өлүмүнөн кийин эле “Смагин поездде милиция кызматкеринин моюн орогучуна муунуп өлүптүр” деген маалымат тарады. Тиешелүү кызматтагылар анын жазып жүргөн күндөлүгүн табышкан имиш. Анда кыргыздарды аябай жек көрөрү, бир күнү көзүнө көрүнгөн адамды атып салары жазылыптыр. Смагин өзү жинди болсо, анан мылтыкты кайдан алат? Юранын атын кайдан билет?
– Кырсык болгондо сиз каякта элеңиз?
– Мен жаңы эле институтту бүтүп, Москвада ординатурада окуп жаткам. Декабрдын башында үйгө баргым келди. Атамдан телефон аркылуу үйгө барайынчы деп сурансам, “ушунчалык каалап жатсаң кел” деди. Сезгендей эле 3-декабрь күнү эртең менен Фрунзеге келип, атам менен көрүшүп калгам. Анда Элмира Москвада МГУда, Гүлмира Мамлекеттик университеттин филология факультетинде, кенжебиз Эрмек 8-класста окучу.

«БААРЫБЫЗДЫ АҢДЫШКАН»
– Акыркы сапарга узатарда мамлекеттик жетекчилердин баары келиштиби?
– Турдакун Усубалиевич баш болуп баары келишти. Анын жубайы кыркылыгына чейин апамдын жанынан чыккан жок. Бирок Турдакун Усубалиевич атамдын ысымын бардык жерден өчүрүүгө укмуш кам урду. Өлгөндөн кийин өлкөнүн экинчи адамы болгон атамдын ысымы бир да гезитте, сыналгыда эскерилген жок. Бизди Мамлекеттик коопсуздук комитетиндегилер аябай аңдышты. 1981-жылы Москвада жашап жаткан үйүбүзгө бир адам келген. Ысык-Көлдүн балыгы деп бир чоң балык көтөрүп келип, атам жөнүндө айтып, бизди кепке тарткан. Көрсө, ал биздин сүйлөгөн сөздөрдү колундагы саатына жаздырып алган экен. Дагы жакшы, ашыкча сөз сүйлөгөн эмеспиз. Апамды жашап турган үйүнөн да чыгарууга аракет кылышкан. Мындай кысым бийлик алмашкандан кийин гана токтоду.

«КҮНӨӨЛӨЙ АЛБАЙБЫЗ»
– Бийлик алмашкандан кийин өлүмдүн бетин ачууга аракет кылдыңарбы?
– Апам Аскар Акаевдин атайын кабыл алуусунда болгон. Иш боюнча тергөө документтерди текшерип, илинчек таап берүүсүн өтүнгөн. Бирок бул изилдөөдөн да эч жыйынтык чыккан эмес. Документтин баарын өрттөп жок кылышкан же башка жолдорун ойлоп табышкан көрүнөт. Ошондуктан биз өзүбүз шек алып жүргөн адамга түз айып тагып, күнөөлөй албайбыз. Бирок азыр анын көзү өтүп кетти.
– Айнура эже, өткөндү эскерип, оор болсо да артка кыл­чай­га­ныңызга рахмат. Султан Ибраимов­дой залкар инсандардын ысымын эл унутта калтырбайт.

Сүйүн Кулматова
koom@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(2)
26.12.2009. 14:10 
Тайпасы:
Кыймылы жок
Комментарийлердин саны:
82
Катталган:
04-06-2009
Соӊку аракети:
21-10-2013 09:37
Жынысы:
Белгисиз
0
Демек, Султан Ибраимовду олтургон тируу болсо, анда жакында эле токсонго чыктым деп жар салып мамлекет тарабынан сыйлыктарды алып жаткан ак чач адам окшойт деп калдым.
22.05.2018. 19:12 
Тайпасы:
Жаран
Комментарийлердин саны:
15
Катталган:
12-02-2016
Соӊку аракети:
21-11-2018 10:50
Жынысы:
Белгисиз
0
Ошол ак чач адам жаман трайбалист болгон дешет го.Менимче дал чондордун тубуно жеткен окшойт.Т.Балтагуловду да ошол киши тынчыткан экен.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21503;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: