Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

ЛАГМАНДЫ СҮЙГӨН ЧЫКЕ, ЛАЗАНЫ СҮЙГӨН КАМЧЫКЕ

№371 11-17-декабрь, 2009-ж.


Күн сайын таң куланөөк атканда сайрай баштачу эки булбул бар. Бирин-бири сүрөөнгө алып, ары тамашалуу, ары ширин сөздөрү менен элдин көңүл кушун көтөрүшөт. Абдан табышмактатып жибердим окшойт. Алар ди-джейлер Камчы Сарыбаев менен Чыңгыз Мырзаев. Жайдары жигиттер сиздерге бири-биринин сырларын ачып беришмекчи.

Камчы Сарыбаев:

«ЭКӨӨБҮЗ»
– Чыңгыз мен жөнүндө эмне деди, айтсаң? Айтып коёюн, мени шыбаса мен бир эле сөз айтам ага. Тамаша. Чыңгыз экөөбүз бир күндө 5-6 жолу телефон чалышабыз. Чалганда эле мени көп сүйлөп жибербесин дейби же экөөбүз тең шайырбызбы, айтор, “ий, Камчыке, баары жакшы, үйдөгүлөр, мал-жан, иттер тынч. Менин ден соолугум жакшы...” деп быдылдап таштайт. Андайда эмнеге чалганым да эсимден чыгып кетет.

«МҮНӨЗҮ ШАЙЫР, БИРОК БАТ ЫЗАЛАНАТ»
– Бул жигиттин мүнөзү жакшы. Абдан кичипейил, ичинде кири жок адам. Бирок “ранимый”. Кээ бир сөздү жүрөгүнө бат кабыл алат да, ызаланып кетет. Ата-энем, бир туугандарым дегенде үзүлүп түшөт. Аларды абдан сыйлайт.

«ДАЙЫМА КОФЕ МЕНЕН КУРУТ ЧӨНТӨГҮНДӨ»
– Чыңгыздын сүйүктүү тамагы – лагман. Анткени чогуу тамактанып калсак, лагмандын түрүн жей берет. Биз жумушка эрте келет эмеспизби. Дайыма баштыкчадагы кофеден экини көтөрө келет. Негизи эле биздин жумушта тамак үзүлбөйт. Үйүнөн же барган жеринен даамдарды ала келет. Анан да курутту абдан жакшы көрөт.

"БЛИН!" ДЕП СТОЛДУ БИР МУШТАЙТ»
– Чыңгыз дайыма эле “куйрук жейсиңби, буйрук жейсиңби, маңдайга жазганды көрөбүз” деп көп айтат. Силер деле билсеңер керек, концерттерди алпарганда “ий, дадагаң кетейин” деп шумдук эркелетет го элди. Аябай эле ачууланып баратса “блин!” деп столду бир муштап калат.

«ЧЫГАРМАЧЫЛЫККА СУУСАП ТУРАТ»
– Ачыгын айтыш керек, таланты күчтүү. Ырдайт, ди-джейлик, тамадалык кылат. “Кандуу сүйүү” деген тасмада роль жаратты, бирок мен ал кинону көрө элекмин. Көрсөм кандай ойногонун айтмакмын. Байкап жүрөм, талант деген жөн турбайт да, чыгармачылыкта бир чоң эмгек жаратсам деп суусап турат. Көксөгөнүнө жетет деп ишенем.

«ЭМИ ЭМНЕ ДЕСЕМ?..»
– Чыкенин учурда сүйлөшкөн кызы бар экенин билем, бирок көрө элекмин. Сүйлөшкөн кызы телефон чалып “курсагың токпу, жылуу кийиндиңби? Иштериң кандай?” деп сурагандан чарчабайт. Ошондон улам келин баланы катуу сүйөт го деп ойлоп калам. Эми Чыңгыз үйлөнсө анан семирет го. Же мен мобулдан (курсагын көрсөтүп) кесип берсемби, ыя? Эгер ошондой кыла алсам, анда мен бир кесимин Мирбек Атабековго, бир кесимин Чыңгызга, кыскасы, арыктарга бермекмин (күлүп). Эми эмне десем, Чыңгыз эртерээк үйлөнүп ата-энесин келиндүү кылып сүйүнтүп, таланты менен кыргызды тамшандырып жүрө берсин.


Чыңгыз Мырзаев:

«ЭКӨӨБҮЗ»
– Камчы байке экөөбүз “Кыргызстан Обондорунда” “Таңкы тополоң” шоу-программаны алпарганыбызга бир жылга чукулдап калды. Башында үйдөн чыкканда эле бири-бирибизге телефон чалышып, кайсы жерде келатканыбызды сурап турчубуз. Бирибиз кечиксек, экинчибиз жогун билдирбей дегендей. Таң атпай элди музыка менен ойготуп, жылуу сөздөрүбүздү арнап калабыз. Маанайыбыз жок болсо да шаңдуу сүйлөп, уйкусураган угармандарды ойготобуз. Бул мүнөзүбүз аталган шоуго жарашып калса керек.

«БОЛПОЙГОНУ МЕНЕН, БАЛА КЫЯЛ»
– Камчыке мүнөзү абдан шайыр, болпойгону менен, бала кыял. Эч качан жок дебейт. Ак көңүлдүгүнөн улам көп убада берип, анан аларды толук аткара албай капаланат. Көлөмүнө жараша ичи кең, колу ачык. Анан да кээ бир сөздү жүрөгүнө жакын кабыл алмай адаты бар. Өзүнүн маселесине гана эмес, башка бирөөгө да кайгырып “ай ата, каап” деп кейип-кепчип калганын көрөм. Эфирде бизге карата ар кандай маанидеги СМСтер келет эмеспи. Анда эфир маданиятын сактап же тамашага салып окуйт. Курсактуу болсо эле айрым угармандар тамаксоо деп ойлошот окшойт. Ушундай маанидеги СМСтер көп келет, бирок көңүл деле бурбайт.

«БИР СҮЙГӨНҮ – ЛАЗА»
– Камчыке лазаны көргөндө кыя өтпөйт. Муну мен эле эмес, достору да билишет. Кайсы жерге тамактанганы барбайлы, анын лаза сурап кайрылганына күбө болом. Тамак келгичекти лаза менен нан жеп да тоюп алат. Тамада эмеспи, той-ашка барып калганда казы-карта, чучук-майлардан бери ала келет. Кыскасы, Камчыке берекелүү жан.

«КУРСАК БИЙИН ТЫТАТ»
– Адаты “яхоу” деп ичтерин кыймылдатып курсак бийин бийлемей. Тим эле укмуш бийлеп, бүтүн жамааттын көңүлүн көтөрөт дейсиң. Анан да “бодро-бодро” деген сөздү көп кайталайт. Эфирде МАИчилер менен жеңелерге көп тийишпесе башы ооруйт. Айрыкча тойдогу жеңелердин, чоң энелердин сүйлөгөнүн образдуу сүрөттөп жатканда каткырып калабыз.

«МАКТАНБАЙТ, БИРОК МАКТАЙТ»
– Эмнегедир “мен ди-джей эмесмин, мен актёрмун” деп көп айтат. Чынында эле актёр да. Көп эле жолу тасмадан көрүп жүрбөйбүзбү. Жарнамаларда, клиптерде да Камчы байкенин тартылганы бар. Бирок эч качан өзүн мактабайт. Тескерисинче, бирөөнү мактайт. Бирөөнүн кубанычына жаш баладай сүйүнүп алат.

«КЫЗДАРГА КӨЗ КЫСКАНДА...»
– Баары бир эркекпиз да. Камчы байке да кара каштарды көргөндө “вау, оме-ей” деп кыздарга угуза да, угузбай да айтып жиберет. Бир жолу “кыздар – шайтан деген чын эй. Азыр келатсам, эки жигит кыска юбка кийген кыздарга тийишем деп машинасын уруп алды. Ай, кыздар, кыздар” деп каткыра санын чаап келди. Эми ким эле болбосун сулууну бир карабай өтмөк беле?.. Бирок жеңебизге болгон сүйүүсү чоң. Мен Камчыкени чөмүч, ал эми уулун кашык деп тамашалап калам. Себеби Барсбек атасынын көчүрмөсү. Уулу Барсбек эл керегине жараган азаматтардан болуп чоңойсун. Байкебиз жеңем менен бактылуу болуп, элге кызмат кылып жүрө берсин демекчимин.

Бурул Исмаилова
star@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(3)
15.12.2009. 15:23 
Тайпасы:
Кыймылы жок
Комментарийлердин саны:
57
Катталган:
08-12-2009
Соӊку аракети:
06-04-2010 14:42
Жынысы:
Белгисиз
Калаасы:
KIRGIZSTAN
0
biri-birinerge 4an juguzbay maktaptyrsynar go
18.12.2009. 03:47 
Тайпасы:
Кыймылы жок
Комментарийлердин саны:
28
Катталган:
13-04-2008
Соӊку аракети:
24-08-2014 23:20
Жынысы:
Белгисиз
0
Ай азаматтар!!!Ийгилик силерге!!!
19.12.2009. 20:45 
Тайпасы:
Кыймылы жок
Комментарийлердин саны:
28
Катталган:
19-12-2009
Соӊку аракети:
23-07-2013 02:47
Жынысы:
Белгисиз
0
alysta bolgonduktan silerdin beruunordu uga elekmin, birok sezip turam abdan jakshy, tamashaluu otkorup turganynardy, internet arkyluu beruunordu uksa bolobu?
Ishinerge iigilik kaalaim jana ALGA!
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: