Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

«МузАрт» тобу: «КЫРГЫЗ ЫРЛАРЫ БИЗДЕ МЕГАПОПУЛЯРДУУ»

№371 11-17-декабрь, 2009-ж.


14-декабрь күнү Бишкекке Казакстандын белгилүү “МузАрт” тобу концерттик программасы менен келери көпчүлүккө маалым. Бул кабарды угарыбыз менен телефон жана интернет аркылуу топтун жигиттери менен байланышып, концерт алдында эксклюзивдүү маек курдук.

“МузАрт” ТОБУ ТУУРАЛУУ КЫСКАЧА:

  • 3 башкы ырчыдан тышкары түрдүү музыкалык аспапта ойногон 6 музыканты бар.
  • Дайыма жандуу ырдашат. Фонограмма эмне экенин билишпейт.
  • Топтун репертуарында ретро ырлар басымдуулук кылат.
  • Мейрамбек үйүндө көгүчкөн багат. Алардын саны 40ка жакындап калды.
  • Бош убакытта чогулуп футбол ойногонду жактырышат.
  • Кенжебек ырдоодон тышкары бокс менен машыгат.
  • «Kenzo» жана «Gucci» үлгүсүндөгү кийимдерди көп кийишет.

Сакен Майгазиев, 34 жашта, үй-бүлөлүү, 1 уулдун атасы.

Кенжебек Жанабилов, 27 жашта, үй-бүлөлүү, 1 уул жана эгиз кыздардын атасы.

Мейрамбек Бесбаев, 33 жашта, үй-бүлөлүү, 1 кыздын атасы.

– Саламатсыңарбы? Келе жаткан Жаңы жылыңар менен!
Кенжебек: – Саламатчылык! Рахмат, бирге болсун.
– Жаңы жыл демекчи, жыл сайын Жаңы жылды кандай тосо­суңар?
Мейрамбек: – Жаңы жыл үй-бүлөлүк майрам эмеспи. Дасторкон жазып, сүйүктүү жубайың, балдарыңдын кашында жакшы тилек айтып, Жаңы жыл тосууга эмне жетсин? Ошондуктан биздин топ жыл сайын майрамга жакын гастролдорду токтотуп, үй-бүлөбүз менен өткөрөбүз.
– Сакен, Жаңы жылда жакын­дарыңа кандай белек берүүнү жак­тырасың?
Сакен: – Белек деген ар кандай болушу мүмкүн. Бирөөгө белек берүүдөн мурда анын эмне күтүп жатканы мен үчүн маанилүү. Мисалы, жубайыма белек берерден мурда курбулары аркылуу билип алып, күткөн белегин билмексен болуп берип коём. Ушундан улам “менин кыялымдагы нерсени кайдан билип алдың?” деп эле таң калып калат.
– Үчөөңөр тең үйлүү-жайлуу экенсиңер. Өнөрүңөргө гана эмес, өзүңөргө ашык болгон күйөрман кыздар болсо керек...
Кенжебек: – Албетте, бар. Бирок биздин күйөрмандарыбыздын көпчүлүгү өзүбүзгө эмес, өнөрүбүзгө ашык. Ал эми аша чапкан күйөрман кыздын окуясы тууралуу Сакен айтып берсин.
Сакен: – Кенжебек бул окуяны дайыма мага айттырат. Мейли эми айтып берейин. Күйөрман кыздар телефонумдун номерин каяктан болбосун билип алышат. Бир жолу жаңы эле номерди алмаштырарым менен СМС келди. Анда “сенден мага эч нерсенин кереги жок. Болгону, мага унутулгус бир түн тартуулачы!” деген делебени козгоо­чу сөздөр жазылган экен. Баарынан да жаңы эле өзгөрткөн номеримди билип алганы кызык болду. Ал кыз менен байланышка чыгып, жакшылап сурасам, жакын эле таанышымдан 50 долларга сатып алганын айтты. Айтор, ушул сыяктуу СМС-каттар көп келет.
– СМСке жооп жаздың беле?
– Албетте, менин сүйүктүү жубайым, уулум бар. Сенин бул жоругуң туура эмес деген сыяктуу сөздөр менен жооп бергем.
– Жубайыңар мындай учурда күйөрман кыздардан кызганабы?
Кенжебек: – Аялдар артистке турмушка чыгардан мурда өмүрүн ким менен байлап жатканын жакшы билиши керек. Аялым күйөрмандардан обу жок кызгана бербейт. Бирок аша чаап кеткени болсо чатак салып деле коёт.
– Сөз нугун чыгармачы­лыгыңар­га бурсак. Мейрамбек, тобуңар жө­нүндө айтсаң...
– Биздин топ 2001-жылы апрель айында уюшулган. Топтун башкы курамында мен, Сакен жана Максат деген жигит бар эле. Үчөөбүз Казакстанда өтүүчү “Жаш канат” деп аталган музыкалык сынак­тан таанышып калганбыз. Жакшы тааныш­тардан болуп жүрүп, чогуу ырдап чыгуу идеясы пайда болду. Анан топтун атын эмне деп атарыбызды билбей көпкө кыйналганбыз. Кызыктуу ат коюш үчүн сынак да жарыялап, сунушталган аттардын бирөөсү да жакпай койгон. Ошол күндөрдүн биринде Казакстандагы белгилүү актёр Сагадильда Усубалы ага “Муз­Арт” деп атабайсыңарбы?” деп сунуш киргизип калды. Чечмеленишин сурасак, “байыркы түрк тилинен “М” тамгасы – музыка, “уз” – жөнөкөй, ал эми “арт” – бийиктик деген маанини билдирет” деди. Аталышы да, түшүндүрмөсү да дароо эле жагып, ушинтип атап алдык.
– Максат Базарбаевдин топтон кетүүсүнө эмне себеп болду?
– Максат менен иштешип жүрүп, анын өзгөрүп кеткени аябай байкалды. Акыркы күндөрү биз менен тил табыша албай, бат эле урушуп кетчү болду. Жаман-жакшы айтышып калбайлы деген ниетте ажырашууну туура көрдүк.
– А Кенжебекти топко кандайча тандап алдыңар?
Сакен: – Максаттын ордун толук­тоочу ырчыны көпкө издедик. Биз менен иштеше алган таланттуу жигитти табуу оңой болбоду. Ушундай күндөрдүн биринде Мейрамбек экөөбүз бир ресторанга барып, Кенжебектин ырдаганын көрүп жактырдык. Топко кирүүгө сунуш кылсак каршы болгон жок.
– Максатка окшоп араңарда дагы бирөө жеке ырчы болом деп чыгышы мүмкүнбү?
Мейрамбек: – Мындай көрүнүштү убакыт көрсөтөт. Жеке өзүм жөнүндө айтсам, азырынча топтон бөлүнүп жеке ырчы болуу тууралуу оюм жок.
– Мейрамбек, мындан бир жыл мурун сизди топтон чыкты деп уктум эле. Бул сөздүн канчалык чындыгы бар?
– Топтон кетти деген маалымат туура эмес. Ден соолугума байланыштуу убактылуу тыныгууга чыккам. Дарыгерлерге көрүнсөм рак деп да диагноз чыгарышты. Германияга барууга туура келди. Текшерилүүдөн өткөн соң богок оорусу деп жыйынтык коюшту. Германиянын Франфкурт шаарында эки ай дарыланып, илдеттен арылып келдим. Учурда ден соолугум чың, Кудайга шүгүр.
– Силер да тойлорго барып ырдайсыңарбы?
Кенжебек: – “Той – казактын казынасы” деп коюшат. Албетте, тойлорго ырдаганы барабыз, тапкан эмгек акыбыз менен жан багабыз.
Сакен: – Биздин жыртыгыбызды жамап жаткан той да, туурабы?
– Тойлордо бир ырды канча акчага баалайсыңар?
Мейрамбек: – Биздин ырлар кымбат да, арзан да эмес. Суммасын айтпай эле коёлу.
– Бир жылда канча ыр чыгара­сыңар?
– Кенжебек: – Биз үчүн көп ыр чыгаруу маанилүү эмес. Эң негизгиси, ыр уккулуктуу, мааниси терең, элге сиңимдүү болушу керек. Ырдын санын көбөйтүп эптеп ырдоо эмес, тескерисинче, майын чыгарып ырдоо басым жасайбыз.
– Кыргыздын кайсы ырларын биле­сиңер жана аткарып жүрөсү­ңөр?
– Сакен: – Казак-кыргыз бир тууган эмеспи. Силердин элдик, эски ырларыңардын баарын жакшы билебиз жана аткарып жүрөбүз. Мисалы, учурда сөзү А.Исаевге, обону С.Жумалиевге таандык “Таң сыры”, Ч.Сатаевдин “Арман ай” аттуу кыргыз ырларын созуп жүрөбүз. Алар Казакстанда мегапопулярдуу ырлардын катарын толуктайт.
– Силердин “Сен келерсиң” деген чыгармаңарды биздин жылдыздар ырдап жүрүшөт. Сурайын дегеним, аткаруучулар бири-бириңерден которуп ырдоого уруксат аласы­ңарбы?
– Мейрамбек: – Жок, уруксат албайбыз деле. Бирок ыр кимдики жана сөзү обону кимге таандык экени айтылышы керек.
– Жылуу маек куруп бер­­­­­­­­­гени­ңерге чоң рахмат. Бишкектеги концертиңер ийгиликтүү өтсүн.

Бактыгүл Сокушова
star@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(1)
15.12.2009. 13:41 
Тайпасы:
Жаран
Комментарийлердин саны:
202
Катталган:
17-03-2008
Соӊку аракети:
29-05-2017 09:11
Жынысы:
Белгисиз
Калаасы:
Бишкек
0
Фонограмма эмес, бул жигиттердин жандуу унун угуу озунчо эле ырахат болду. Аларды угуп отуруп намыстанат экенсин, эмнеге биздин ырчылар булар жасаганды жасай алышпайт, деп.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: