Малайзиянын падышасы: «КЫРГЫЗСТАН МЕНЕН АЛАКА КУРУУГА ӨЗГӨЧӨ КӨӉҮЛ БУРАМ»

18-март күнү Кыргызстандын Малайзиядагы толук ыйгарым укуктуу элчиси Кылычбек Султанов аталган өлкөнүн падышасы Янг ди-Пертуан Агонгу Туанку Аль-Хаж Халим Муадзам Шах ибни Альмурхум Султан Бадлишах XIV менен жолугушуп, ишеним грамоталарын тапшыруу аземи болуп өттү. Жолугушуу учурунда эки тараптуу мамилелерди өнүктүрүү жана саясий, экономикалык, маданий-гуманитардык тармактарда кызматташтыкты кеӊейтүү ниети айтылды.
Кылычбек Султанов эки өлкөнүн мамилеси тууралуу сөз кылып жатып, Кыргызстан менен Малайзиянын ортосунда көп окшоштуктар бардыгын жана бүт тармактарда кызматташтыкты кеӊейтүүгө чоӊ потенциал бар экендигин белгиледи.
Өз кезегинде Малайзия падышасы элчиге: «Кыргыз элине жана өлкө башчысына эӊ жакшы тилектерим менен катар чын дилден салам айтууӊузду өтүнөм»,- деди. Ошондой эле ал Малайзиянын Кыргызстан менен кызматташуусун өнүктүрүүгө дайыма өзгөчө көӊүл бурарын, эки тараптуу мамиленин чыӊдалышына жана өнүгүшүнө аракеттер көрүлөрүн айтып өттү.

Эльвира Караева,
Мирлан Өмүралиев
politika@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (6)

aslan_akjol89

2015-03-23 23:11:45

Падышанын аты эле оуууууу го:-)))

Sharipa-asia

2015-03-24 00:50:33

Вай аты ошончо узунбу не, 7 атасынын атын кошконбу дейм

kanat4ik

2015-03-26 00:43:26

Кылыч байке да коптогон ийгиликтерди жаратып жатат. Акылдуу, ишмер инсан деп ойлоп калдым. Ийгилик!

ZANIA-92

2015-03-26 13:02:13

Баардыгынанда падышанын аты конулду бурдуратго...

jypar.i

2015-03-29 21:37:05

Бул сүрөттө эмне ритуал болуп жатканын жазып койсоңор болмок

admin_superstan

2015-04-06 11:13:34

jypar.i, саламатсызбы!
Ишеним грамоталарын тапшыруу аземинен тартылган сүрөт.

Комментарий калтыруу үчүн өз ысымыңыз менен кириңиз же каттоодон өтүңүз.

№ 646, 20-март-26-март, 2015-ж