ИЗДЕЙМ СЕНИ
«АПАМДЫ ИЗДЕЙМ»
– Исмаилова Калыйбүбү Үсөновнаны издейм. Ал 1970-жылы 19-апрелде Ысык-Көл облусунун Каменка айылында төрөлгөн. Мен анын кызы болом. Эгерде апамды тааныгандар болсо байланышып койгулачы.
Жолдошкан Бейшенаалы кызы.
Тел.: 0707 82 91 11
«КУРСТАШ КЫЗДАРЫБЫЗДЫ ИЗДЕЙБИЗ»
– 1982-жылы КМУнун география факультетин аяктаган курсташтарыбызды издейбиз. Алар: Гүлүмкан Кыдырмышова, 1959-жылы Ысык-Көл облусунун Ак-Сай айылында төрөлгөн. Талас облусунун Манас районунун тургуну Макулбек Нучубалиевге турмушка чыккан эле. Зулфия Жумагулова, 1959-жылы Аксы районунда туулган. Болот аттуу жаранга турмушка чыккан. Чолпон Жалилова, 1960-жылы Лейлек районундагы Кулунду айылында туулган. Жогорудагы курсташтарыбызды табууга жардам берүүӊүздөрдү суранабыз.
Калича, Нурия.
Тел.: 0777 34 97 87, 0709 27 04 54
«КУРОРТТО ЖОЛУККАН КЕЛИНДИ САГЫНДЫМ»
– 1988-жылы Орусиянын Нальчик шаарындагы «Водогрязи» курортунан жолуккан келинди сагынып, издеп жүрөм. Атын да, дарегин да сурабаптырмын. «Эльбрус» санаториясында эс алып жатканын, Фрунзе шаарында жашаарын айткан. «Водогрязи» курортунан элдин көптүгүнөн адашып калгам. Бир аз күндөн кийин Нальчик шаарынын автобекетинен жолугуп, Минеральные Воды шаарына узаткам.
Чубак.
Тел.: 0773 820 828
«ГҮЛИНА, КАЙДАСЫӉ?»
– 2006-жылдары Гүлина аттуу токмоктук кыз менен Бишкек шаарында батирде бирге жашагам. Гүлина 1985-жылы туулган. Аны менен акыркы жолу «VEFA» соода борборунда иштеп жатканда жолукканбыз. Ошондо атасы кургак учук дартынан улам каза болуп, апасы менен эжеси Ысык-Көлдүн Бөкөнбаев айылына көчүп кетишкенин айткан эле. 3 эжеси, бир агасы бар. Мен азыр Түркиядамын. Гүлина, окуп калсаӊ байланышып койчу.
Гүлжан.
Тел.: 00905319175887
zamu-za@mail.ru
«ЖЕӉИШБЕК, СЕНИ ИЗДЕП ЖҮРӨМ»
– 2008-жылы Москвада бирге иштеген Дүйшөнбиев Жеӊишбек Маматкаримовичти издейм. Ал 1984-жылы туулган. Жалал-Абад облусунун Ноокен районунун тургуну.
Самара.
Тел.: 0703 09 54 82
Сиз качандыр бир кездеги жакын адамыӊызды издеп, бирок таппай жүргөн болсоӊуз, анда Главпочтамт, а/я 2031 дарегине же koom@super.kg электрондук почтасына кат жазыӊыз.
Эскертүү! Катта маалымат берген адамдын дареги же телефон номери так көрсөтүлүүгө тийиш.
Байланыш телефону: (0312) 32-33-28
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Комментарийлер (7)
Мен москвага жаны келгенде Тунук деген 89жылы май айында торолгон кызды издейм швеяда чогуу сумка тигип иштегенбиз ал Сокулуктан болот кийин депортация болуп срочна кыргызстанга кеткен ошол боюнча дайынын билбейм. Тунук эгерде окуп калсан байланыш. 2010-2011жылдары чогуу жургонбуз мен дос кызын Аня 89663516472
Super ınfo sızderge chon rahmat Gulınanı taptım al da Stanbul shaarında eken
Курорттон жолуккан келин табылып калса экен
оууу курорттогу келинге 27 жыл болуптур алар бирин бири таанышат бекен,табышып калышса?служебный роман болгон окшойт ошол кезде...
alina79, сагындым дегенине караганда эстен кеткис эле болсо керек
Мен Ноокенден болом бирок Жениш акени тааныбайт экенмин, эгер тааныганымда жардам бермекмин
мен киселёвский шаарындагы ALPI магазининин директорун издейм. Морозов Василий. 2007-жылкы айлык акыбызды бербей койгон болчу.
