Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Темир Сариев: “АЖО ҮЗӨҢГҮЛӨШҮН УНУТПАШЫ КЕРЕК”

№371 11-17-декабрь, 2009-ж.


“Ак шумкар” партиясынын лидери Темир Сариев экс-Коргоо министри Исмаил Исаков менен кезигип, андан соң коомчулукка генералды колдоо боюнча билдирүү таратты.

Исмаил Исаковду колдоо максатында “Ак шумкар” партиясынын лидери Темир Сариев партиянын атынан коомчулукка билдирүү таратты. Билдирүүдө укук коргоо органдарынан
И.Исаковго кысым көрсөтпөө, жалган жерден айып такпоо, мыйзамдуулуктун сакталышы, соттун адилет чечим чыгаруусу талап кылынган. Темир Сариевдин айтымында, президент ­Курманбек Бакиев март революциясында үзөңгүлөш жүргөн жана азыркы бийликти бекемдөөгө зор салымын кошкон генералды эсинен чыгарбашы керек.
Мамлекеттик айыптоочу аны 8 жылга эркинен ажыратууну, аскердик чинин алып, үй-мүлкүн конфискациялоону суранган. Бул иш боюнча соттун өкүмү 7-декабрда чыгары күтүлгөн. Бирок судьянын сыркоолоп калганына байланыштуу сот отуруму 17-декабрга жылдырылды.


ТОКТОГУЛ ГЭСи ТОЛУК ИШТЕП БАШТАДЫ

8-декабрда “Токтогул” ГЭСинин 4 агрегатынын экөө бузулуп, убактылуу иштебей калган. “Агрегаттар калыбына келтирилди. ГЭСтин иши кадимкидей жүрүп жатат, кооптонууга негиз жок”,- деп билдирди Нарын каскадынын башкы инженери Таалайбек Толубаев.

Анын айтымында, биринчи агрегат 8-декабрда саат 14:30да, экинчиси саат 21:55те толугу менен оңдолуп, ишке кирди. Белгилүү болгондой, 8-декабрь күнү эртең менен “Токтогул” ГЭСиндеги эки агрегат иштен чыккан. Адистер мындай жагдайды тетиктердин иштөө мөөнөтү эбак эле бүтүп, эскилиги жеткендигинен улам деп түшүндүрүшүүдө.
Кошумчалай кетсек, “Токтогул” ГЭСи 1975-жылы курулган. Ага 19 миллиард м3 суу батат. Бул Борбор Азиядагы эң чоң, КМШ аймагында экинчи орундагы суу сактагыч.


ОРУСИЯ 193 МИЛЛИОН ДОЛЛАР КАРЫЗДЫ КЕЧЕ ЭЛЕК

“Кыргызстандын Орусияга болгон жеңилдетилбеген 193 миллион 561 миң доллар карызын кечүү боюнча Москва толук чечим кабыл ала элек”,- деп билдирди Каржы министрлигинин тышкы карыздарды башкаруу боюнча бөлүм башчысы А.Бектеналиева.

Бөлүм башчы А.Бектена­лиеванын айтымында, карызды кечүү маселеси Орусиянын мамлекеттик ички жол-жоболорунан өтө элек. Белгилүү болгондой, Кыргызстан менен Орусиянын 3-февралда Москвада кабыл алган келишими боюнча 193 миллион доллар карыздын ордуна Бишкек Москвага “Дастан” ишканасынын 48 пайыз акциясын жана орус соода үйүнө Бишкектин Раззаков көчөсүнөн 49 жылга ижарага жер берүүгө милдеттенме алган. Учурда кыргыз тарап бардык милдеттенмелерин аткарды. Бирок Орусия тараптан чечимдер аткарыла элек.


“ММКларды КОЛДОО БОРБОРУ” ФОНДУНАН ЖАКШЫ СААМАЛЫК

Кыргызстандагы ММКлардын өнүгүшүнө зор салымын кошуп келе жаткан “ММКларды колдоо борбору” фонду 4-декабрда мезгилдүү басылмалардын, интернет маалымат булактарынын журналисттерин чогултуп кече өткөрдү.

Кечеге башкы редакторлор, кабарчылар, ЖОЖдордогу журналистика факультеттеринин жетекчилери биригип, 100гө жакын кыл калем ээлери катышышты. “ММКларды колдоо борбору” фондунун башкы директору Алмаз Курманкалиев сөз сүйлөп: “Мындай кечени уюштуруудагы негизги максатыбыз – басма сөз тармагында иштеген адамдардын бири-бири менен жакындан таанышышына өбөлгө түзүү, редакциялар ортосунда мамилени күчөтүү”,- деп билдирди. Ошондой эле ал журналистика факультеттеринин декандары менен редакция жетекчилери өз ара пикир алышып, студенттер менен да иштөө мүмкүнчүлүгү түзүлөрүн баса белгиледи. Мындай бейформал жыйындар жыл сайын өткөрүлөрүн кошумчалады Алмаз мырза.


АСКАР АКАЕВ ЧЫҢГЫЗ АЙТМАТОВДУН АШЫНА КЕЛЕБИ?

Таластыктар 12-декабрга белгиленген Чыңгыз Айтматовдун ашына экс-президент Аскар Акаевге чакыруу жолдошту.

Экс-мамкатчы Осмонакун Ибраимовдун айтымында, Таластагы аксакалдар эгер А.Акаев ашка келе турган болсо, аны чек арадан тосуп ала тургандыктарын айтышкан. “Экс-президент ашка келер-келбесин азырынча айта элек”,- деп кошумчалайт О.Ибраимов.


КАРЫЗЫҢ КАНЧА, КЫРГЫЗСТАН?

1-ноябрга карата Кыргызстандын тышкы карызы 2 миллиард 499 миллион долларды түздү.

Алынган кредиттердин 1,5 миллиард долларга жакыны көп тараптуу насыя берүүчүлөр алдындагы милдеттенме болуп саналат. Ал эми өнүккөн өлкөлөрдөн алынган карыздын өлчөмү 1 миллиардга чукул. Кыргызстанга ири өлчөмдө карыз берген көп тараптуу каржы институттар Дүйнөлүк банк, Азия өнүктүрүү банкы, Ислам өнүктүрүү банкы, Эл аралык валюта фонду болуп саналат.


КАМЧЫБЕК ТАШИЕВ КЫЗМАТТАН КЕТҮҮГӨ АРЫЗ БЕРДИ

Өзгөчө кырдаалдар министри Камчыбек Ташиев 10-декабрь күнү кызматтан кетүү боюнча президентке арыз берди.

ӨКМнын басма сөз кызматынын билдирүүсүнө караганда, 10-декабрь күнү арыз президент Курманбек Бакиевдин кабылдамасына жеткирилген.
Ташиевдин отставкага кетүү арызын берүүсүнө ошол эле күнү болуп өткөн өкмөт жыйынында премьер-министр Дания­р Үсөнов менен пикир келишпестик себепчи болгон. Өз дарегине айтылган сын менен макул болбогон К.Ташиев жыйын залын таштап чыгып кеткен.


УТРКнын БАШ ДИРЕКТОРУНА ОРУН БАСАР ДАЙЫНДАЛДЫ

Президент Курманбек Бакиевдин буйругу менен Мамыраим Дубанаев УТРКнын башкы директорунун орун басары болуп дайындалды.

Кайыргүл Орозбай кызы УТРК башчысы болуп дайындалгандан бери бул орун бош турган. Мамыраим Дубанаев буга чейин Ош облустук “Ош жаңырыгы” гезитинде башкы редактор, ЭлТР коомдук телеканалында башкы директор болуп иштеген.


МАЛАЙЗИЯ МЕНЕН БАЙЛАНЫШ ЖАКШЫРАБЫ?

Кыргызстандын Малайзиядагы элчиси Турсунбай Бакир уулу Куала-Лумпурга жөнөп кеткени тууралуу кабар жазганбыз. Элчи мырза жакында иш сапары менен Кыргызстанга келди. Учурдан пайдаланып, Турсунбай Бакир уулун кепке тарттык.

– Турсунбай мырза, “жаңы шыпыргы жаңыча шыпырат” дешет. Сиз Малайзияда ишти кандай баштадыңыз?
– Алгачкы иштер жаман эмес. 7-октябрда президент
Курм­анбек­­­­ Бакиев кабыл алып, жакшы насааттары менен жаңы ишке узаткан эле. Куала-Лумпурга барып жамаат менен таанышып, Малайзиянын ТИМинин кызматкерлери менен тыгыз иш баштадык. Мурдагы элчи падышанын кабыл алуусун 5 ай күткөн экен, мен 25 күндөн кийин эле жолуктум.
– Падыша менен жолугушуу кандай өттү, бизге мамилеси кандай экен?
– Жолугушуудан эки күн мурун элчиликке көп барактан турган көрсөтмө келди. Анан 26-ноябрь күнү эртең менен Лимузин, мотоциклдердин коштоосунда бизди хан сарайга алып келишти. Падышага улуттук чепкен-калпакчан бардым. Улуттук кийимибиз падышага абдан таасир берди көрүнөт, менин кийимиме суктанып, чогуу барган Ооганстан, Украина, Австрия, Гана өлкөлөрүнүн элчилеринен алаксып жатты. Малайзиянын 13-падышасы Аль-Вафику Биллах Туанку Мизан Зайнал Абидин ибни Аль-Махрум Султан Махмуд Аль-Муктари Биллан Шах Янг ди-Пертуан Агонгго жалпы кыргыз журтчулугунан КР президенти Курманбек Бакиевден салам-дубай айттым. Малайзия менен тыгыз байланышта экономика, саясий, руханий, маданий жактан өнүгүүгө үмүтүбүз чоң экенин билдирип, ажонун “инвесторлорго мыкты шарт түзүп беребиз, коррупциячылар менен катуу күрөшөбүз” деген кепилин белгилеп өттүм. Жолугушууда “Халал” индустриясын Кыргызстанга алып келүү маселесине басым жасалды. Билим берүү, туризм, экономика, айыл чарба чөйрөсүндө тыгыз кызматташууну падыша колдоду. Айрыкча Кыргызстанда малайзиялык университетти ачуу идеясын кызуу колдоого алды.
Дагы баса белгилей кетчү нерсе, Феликс Кулов башында турган Кыргызстандын Чакан ГЭСтер боюнча дирекциясы жана Малайзиянын “Селонга инженеринг” компаниясы 300 миллион долларлык келишим түзүп, чакан ГЭСтерди куруу боюнча иш алып бармакчы болушту.
– Мыкты инвестиция менен иш баштаган экенсиз, куттуктайм. Аскар Акаев кезиндегидей малайзиялык инвесторлорду чочутуп алуу коркунучу жокпу?
– Бардык жетекчилер биздин ишти колдоп жатышат. Мисалы, премьер-министр Данияр Үсөнов “Халал” индустриясынан тышкары “Кытай-Кыргызстан-Өзбекстан” темир жол долбооруна малайзиялыктарды кошуу сунушун билдирди. Вице-премьер Акылбек Жапаровдун өз ара кызматташуу боюнча ой-пландары көп экен, Малайзияга иш сапар менен жазында бара турган болду.
Өзгөчө болочок инвестициялар үстүндө иштөөдө Өнүктүрүү инвестиция жана инновациялар агенттигинин башчысы Макси­м Бакиев экономикалык демилге-долбоорлорду колдоого аларын билдирди. Малайзиялыктар биздин паракорлордон чочуп жатат десем, ал “өзүм пара албайм, башка бирөөнү да алдыртпайм!” деп көңүлүмдү тынчытты.
– 10-декабрь Адам укуктарынын күнү катары сиз Кыргызстандын туңгуч Акыйкатчысы болуп иштеген учурда майрамдала баштаган. Азыр бул майрамды кандай маанайда тостуңуз?
– Адам укуктары майрамына арнап “Ормон хан” бильярд клубунда Кыргызстандын Туңгуч Акыйкатчысынын Кубогу деген кайрымдуулук турнирди өткөрдүм. Уюштуруу комитети чогулган акчанын бир бөлүгүн сыйлыктарга жумшап, экинчи бөлүгүн кыз-келиндер жаткан абакка, операция жасатуу үчүн акчалай жардамга муктаж болгондорго жана дүлөйлөр мектебине беребиз деп чечтик.

Айбек Кочкоров
politika@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(3)
14.12.2009. 17:34 
Тайпасы:
Кыймылы жок
Комментарийлердин саны:
57
Катталган:
08-12-2009
Соӊку аракети:
06-04-2010 14:42
Жынысы:
Белгисиз
Калаасы:
KIRGIZSTAN
0
BIZ mekendi kayra bawtan kurabyz!!!Alga jawtar.KIRGIZSTAN gulbakka aylanip,Arbagi koldosun MANASTYN.
14.12.2009. 17:37 
Тайпасы:
Кыймылы жок
Комментарийлердин саны:
57
Катталган:
08-12-2009
Соӊку аракети:
06-04-2010 14:42
Жынысы:
Белгисиз
Калаасы:
KIRGIZSTAN
0
AKAEV,emnesi bolso da KIRGIZSTANGA kayt."bawka jerde sultan bolgon4o,oz elinde ultan bol".Jaman bolso da,jakwy bolso da KIRGIZ taryxynda tungu4 prezident katary ordu bar.Kantse da Bakievden bir kadam aldyda turat.Bakiev saga i4im a4ywat.ket4i senden surany4
14.12.2009. 17:39 
Тайпасы:
Кыймылы жок
Комментарийлердин саны:
57
Катталган:
08-12-2009
Соӊку аракети:
06-04-2010 14:42
Жынысы:
Белгисиз
Калаасы:
KIRGIZSTAN
0
Sovettin kaldyktary biylikten ketip,mekenge kyzmat kyluuga 4ankap turgan JAWTARGA ordunardy bowotkula da,da4anarda 4ayinardi 4aypap jata bergile.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: