Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

КЫРГЫЗСТАНДЫК ЧЕМПИОН КАЗАКСТАНДА СООДА КЫЛЫП ЖҮРӨТ

№648 3-апрель-9-апрель, 2015-ж


Жумушсуздуктун айынан, өлкөдө айлык акынын төмөндүгүнөн дүйнөнүн чар тарабында иштеп жүргөн мекендештердин саны көп. Алар кандай шартта жашап, кантип күн кечиришүүдө? Биз коӊшу Казакстандын Алматы шаарындагы мекендештерге жолугуп кайттык.

«ТОВАРДЫН 70-80 ПАЙЫЗЫН БИШКЕКТЕН ТАШЫЙБЫЗ»
Алматы калаасында жашап, иштегендердин айтымында, ал жактагы мекендештерибиздин басымдуу бөлүгү соода-сатык менен алектенет. Биз барганда мекендештердин Нооруз майрамына карата жолугушуусу болуп жатыптыр. Күндүз кыргыз жигиттери эрежесиз эр уруш, алыш күрөшү боюнча кыргыз-казак спортчулары арасында мелдеш уюштурушту. Кечинде боз үй тигилип, казанда эт кайнап, сүмөлөк бышып, улуттук оюн-зооктор уюштурулуп, мекендештер бала-чакасы менен таӊ атканча шаӊдуу отурушту. Башка элде жүрүшсө да баштарынан ак калпагы түшпөй, «кыргызбыз» деген духу өчпөй, Казакстанда төрөлүп, ошол жакта окуп жаткан балдары кыргыздын салттарын, тилин унутпашы үчүн майрамдарда чогулуп турушарын айтышты. Бул иш-чараны уюштуруучулардын бири Туратбек Аманбаевди кепке тартып, жердештерибиздин жашоосу тууралуу уктук:
– Алматы шаарында болжол менен 10 миӊден ашуун кыргыз бар. Алардын көпчүлүгү «Барахолка» жана жаӊы ачылган «Кенжекан» деген базарларда иштешет. Ошондой эле «Самал» деген жаӊы базар ачылып, анын жетекчилиги биздин атуулдарды «жеӊилдик кылып беребиз, бизге келип иштегиле» деп чакырып, кээ бир соодагерлер ал базарда соода кылып жатышат. Азырынча жашообуз жакшы. Бирок жакында Кыргызстан Бажы биримдигине кошулат, эми бизге кыйын болот го деп ойлоп турабыз. Себеби биздин мекендештерибиздин 70-80 пайызы Бишкектен товар ташышат. Бажы биримдигине киргенден кийин бажы алымы бирдей болуп, Кыргызстан менен Казакстанда баа бирдей болуп калат. Анда кантип иш кылабыз билбейм.

ДҮЙНӨ ЧЕМПИОНУ АЗЫР СООДАГЕР
Базардан баар тапкандардын арасында бел боо күрөшү боюнча дүйнөнүн жана Кыргызстандын чемпиону Замирбек Акыев да бар:
– Мен 1981-жылы Ош облусунун Өзгөн районуна караштуу Ийри-Суу айылында төрөлгөм. Атам Жээнбек Акыев алыш күрөшү боюнча машыктыруучу болгондуктан кичинемден тарта мен да спортко ыктап, көптөгөн ийгиликтерге жетиштим. Мисалга, 9-класста окуп жүргөндө алыш күрөшү боюнча Орто Азиянын, 2001-жылы Ирандын Тегеран шаарында 100 килограммдан жогору салмакта дүйнөнүн чемпиону болгом. Көр тириликтин айынан, анын үстүнө Кыргызстанда спортко жакшы көӊүл бурулбагандыктан Алматы шаарына келип эл катары соода кылып жүргөнүмө 4 жыл болду. Мындан 2-3 жыл мурун кыргыздар бул жакта көп болчу. Азыр көбүнчө Казакстандын атуулдугун алгандар гана иштеп жатышат.

«КОНСУЛДУН ЖАРДАМЫ ДЕЛЕ ТИЙБЕЙТ»
Алтынбек Сыдыков аттуу мекендешибиз болсо Алматыдагы Кыргызстандын консулдугуна нааразы экендигин айтты:
– Үй-бүлөм менен бул жакта жашап жатканыма 19 жыл болду. Жакшылык-жамандыктарда кыргыздар чогулуп турабыз. Бирөө кыйналса же каза болсо, базарда иштегендер өзүбүз каражат чогултуп беребиз. Алматыдагы башкы консулдун биз менен иши деле жок. Ар кандай маараке өткөрсөк келбейт же жогорудагыдай жамандыктарда документ жагынан жардам кылбайт. Мисалы, былтыр 5 мекендешибиз каза болду. Баарында теӊ консулдукка кайрылдык. Ал жердеги кызматкерлер өлгөн адамдардын аты-жөнүн, ал жөнүндө маалыматтарды жазып алат да, «барабыз» деп коюшуп келишпейт. Кечке телефон чалабыз, кечке жуук «иш күнүбүз аяктады» деп коюшканда айла жок өзүбүз өлүккана менен сүйлөшүп, документтерди жасатып, маркумдун сөөгүн мекенине жиберип жүрөбүз. Мындан тышкары биз башка өлкөдө иштеп жаткандыктан документ жагынан көп көйгөйлөр жаралат. «Бардыгыбыздын барууга убактыбыз тар, бир-эки баланы өкүл кылып консулдукка жиберели, мөөр басып бергиле» деп сурансак көнбөйт. Өзү базарга келсе да бирде мөөрүн унутуп коёт же башка себептери чыгып, айтор, бир кичинекей кагазга мөөр бастыруу үчүн биздин 2 күндүк убактыбызды алат.
Бул жакта спорт менен машыккан, спорт клуб ачкан жигиттерибиз көп. Былтыр эгемендүүлүк күнүнө карата «спорттук мелдеш уюштуралы, акчаны өзүбүз чогултабыз, сиз барып башына туруп берип коюӊуз» деп башкы консулга барсак, «силер биринчи акчаӊарды чогултуп столдун үстүнө койгула, анан ишке киришем» деп койгон. Ошондуктан биз Нооруз майрамында консулсуз эле спорттук мелдеш уюштурдук.

«КҮЙӨӨМДҮ ЖАЛАА МЕНЕН КАМАП КОЮШТУ»
Чет элде жүргөндөрдүн баары кой үстүндө торгой жумурткалаган жашоодо эмес, өгөйсүнткөн мамилеге кабылып, кыйналгандары да четтен чыгат. Алардын бири Майрам Чодонова менен маек курдук:
– Казакстанда 10 жылдан бери жашайм. Өзүм базарда сатуучумун, ал эми жолдошум Токтогул Муратов «Альянс» аттуу кыргыздар ачкан фирмада алыскы райондорго товар жеткирип бергич болуп иштечү. Бир жума мурун күйөөм менен жүк түшүргүч казак бала товар жеткирип баратканда жолдон алардын унаасына кол салуу болуптур. Белгисиз адамдар келип ок атып, жолдошумдун колуна бычак сайып кетишиптир.
Полицияга арыз жазышкан. Бирок аз өтпөй эле жанындагы казак улутундагы жүк түшүргүч бала «Токтогул байке кол салган балдарды тааныйт, өзү уюштурган» деп жалган көрсөтмө берип коюптур. Аны актап, жолдошумду болсо «карактоону өзү уюштурган» деген жалаа менен камап коюшту. Мен күйөөмдү көргөн жокмун. Бирок камалган жерине барсак, унаасынын терезесинде ок тешип өткөн жерлер бар экен. Эгер өзү уюштурса өзүнө ок аттырып, бычак сайдыртмак беле? Жолдошум башында «бул ишти мен жасаган эмесмин» дептир, бирок 1 күндөн кийин эле моюнуна алып коюптур. Кандай жол менен моюнуна алдыртышканы белгисиз. Ага жолугушууга барсак, «өзгөчө кылмышкерлерге жолугууга болбойт» деп бизди киргизбей коюшту. Ал жаракат алган экен, ооруканага жаткырган да жок. Фирманын жетекчиси бизге келип, «3 миллион теӊге уурдалган. Үйүӊөрдү сатып төлөп бергиле, болбосо арыз жазам, күйөөӊүз 7 жылга камалат» деп кетти. Мурда фирма күйөөмдүн жанына күзөтчү кошуп берчү. Ошого карабай 1 жарым жылдын ичинде 3 жолу кол салуу болгон. Кийин күзөтчү бербей калышкан. Буга чейин бир да жолу акчасын катып алып же ушундай жаман жоруктарын көрбөгөндөрүн фирманын кызматкерлери өздөрү айтып жатышат. Эми эмне кыларыбызды билбей башыбыз катып турган убак, күйөөм карактоону уюштурушу мүмкүн эмес. (Гезит басууга кетерде каарманыбыздын кызы телефон чалып атасы акталып, бошотулганын билдирди).

«КЫРГЫЗСТАНДА ЖУМУШ БОЛСО КАЙТМАКПЫЗ»
Руслан Акматов аттуу каарманыбыз болсо көпчүлүктөн айырмаланып Казакстандагы банктардын биринде иштейт. Ал да өз жашоосу тууралуу учкай айтып өттү:
– Кыргызстандан жогорку окуу жайды аяктаган соӊ Алматыга келип өзүмдүн кесибим боюнча банк кызматкери болуп ишке орношком. Үй-бүлөм менен бул жакта жашап жатканыма 9 жыл болду. Өзүм чакан бизнестерге насыя берүү тармагында иштегендиктен Алматыдагы мекендештерим менен жакшы мамиледемин. Алардын көбү соода кылгандыктан «кантип насыя алам, бизнести кантип баштайм?» деп кеӊеш сурап калышат. «Мындай кылсаӊыз болот, бул документтер керек» деп кеӊештеримди айтып, жардам берем. Мындан тышкары бош убактымда Казакстандагы калктар арасындагы ассамблеясында «Мурас» деген кыргыздын этно-маданий борборунун мүчөсү жана жаштар саясатынын жетекчиси болуп иштейм. Жаштарды «жүргүлө киного, театрга баралы, футбол ойнойлу, улуттук майрамдарда чогулалы» деп эле чапкылап жүрөм. Бул жактагы кыргыздардын жашоосу жакшы, ынтымактуубуз. Мекениме кайтуу ниетим бар. Мекендештерибиздин бардыгы эле жыргаганынан чет өлкөдө жүргөн жок, жумушсуздуктун айынан айла жок иштеп жүрүшөт. Эгер Кыргызстанда мүмкүнчүлүктөр болуп жумуш орундары табылса, өз өлкөӊдө иштегенге эмне жетсин?
Ошентип мекендештердин турмушу менен таанышкан соӊ артка кайттык. Жолдо келе жатып кыргыздардын жашоосун, мекенге болгон сагынычын, жетишкен ийгиликтерин көрүп төмөнкү ыр саптары жаралды:

«Кайгырбагын, бөксөрбөгүн кыргызым,
Кайда болбо жанып турсун жылдызыӊ.
Караанына зар болушкан мекендин,
Кайтып келер, акыр бир күн уул-кызыӊ».

Алматыда машыгуучу залдарды ачкан кыргыз жигиттери да бар.

Казакстанда төрөлүп, ошол жакта окуп жаткан кыргыз балдары.

Соода кызуусунда. Нурсултан базарда иштеген ата-энесине жардам берүүдө.

Асхат Субанбеков
koom@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(7)
06.04.2015. 11:05 
Тайпасы:
Кыймылы жок
Комментарийлердин саны:
339
Катталган:
20-03-2013
Соӊку аракети:
11-08-2016 16:25
Жынысы:
Белгисиз
+2
Оз жумушун билбеген, сабатсыз чиновниктердин айынан, кыргызым кор болуп кеттин. Чемпиондорду эптеп карай албай жатышса, башкасын айтуу кыйын го.
06.04.2015. 14:55 
Тайпасы:
Кыймылы жок
Комментарийлердин саны:
43
Катталган:
27-10-2013
Соӊку аракети:
17-10-2016 00:22
Жынысы:
Белгисиз
0
Альянс фирмасы эмне продукты боюнча экен тааныштарым иштечуу эле. Акталып бошотулганы жакшы болуптур. Калгандарынын иштерине ийгилик!
07.04.2015. 12:26 
Тайпасы:
Жаран
Комментарийлердин саны:
22
Катталган:
31-05-2012
Соӊку аракети:
20-02-2018 10:08
Жынысы:
Белгисиз
0
Super info oshoncho bargandan kiin konsuldun emne ish kylyp jatyshkanyn dele surap intervu alyp kelsener bolmok!
08.04.2015. 12:13 
Тайпасы:
Жаран
Комментарийлердин саны:
5
Катталган:
04-10-2013
Соӊку аракети:
24-08-2018 23:17
Жынысы:
Белгисиз
0
Аллахым туулган жеринен алыс жургондордун баарына сабыр берсин!!!
08.04.2015. 14:32 
Тайпасы:
Кыймылы жок
Комментарийлердин саны:
1
Катталган:
01-01-2015
Соӊку аракети:
21-05-2016 13:06
Жынысы:
Белгисиз
0
консул эч жерде жардам бербейт. дийаспаралар да жардам бербейт озубузго куч берсин
24.04.2015. 14:46 
Тайпасы:
Жаран
Комментарийлердин саны:
4
Катталган:
30-11-2012
Соӊку аракети:
21-08-2018 22:54
Жынысы:
Белгисиз
0
Өзү ар бир эле улут 10 000 жылдын тегерегинде жашайт экен,андан кийин башка улуттардын курамын толуктап жоголуп кетет кыргыз да 200 жылда жоголуп кетет го мындайда
25.06.2016. 00:46 
Тайпасы:
Жаран
Комментарийлердин саны:
58
Катталган:
08-06-2016
Соӊку аракети:
31-01-2018 07:06
Жынысы:
Белгисиз
0
Kg_mir.96,хм
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: