Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

КУМАР АЗАБЫ (сериал)

№648 3-апрель-9-апрель, 2015-ж


(Башталышы өткөн сандарда)

Жылдар жылып, шурудай тизмектелген мезгил өтүп жатты. Зуура келинин кетирүүнү ойлоп, канча жолу терс жоруктарды жасаганы менен, эч кандай майнап чыккан жок. Жылдыз сабырдуулугу менен баарына түттү, бардык кыйынчылыктарга чыдады. «Жамандын кесепети» демекчи, баласына окуткан тескери дубасынын таасириби, айтор, балалуу боло алышпады. Көрүнбөгөн табып, доктуру калган жок. Жашы өткөнчө болгон аракетин жасады. Садырдын ата-энеси «артыӊда тукум калса жакшы болот эле, көзүбүз тирүүсүндө небере жытын искесек болмок» дешип бул дүйнөдөн өтүп кетишти. Жылдыз жашоодогу эӊ негизги жубайлык милдетин аткарып, жолдошуна туяк төрөп бере албаганына өкүнүп жүрдү. Башка аял ал деп айтууну ойлоп, бирок батынган жок. Күйөөсүнүн «мен башкага үйлөнөйүн, атымды алып жүрөр туяк калтырайын» деп айтышын күтүп жүрдү. Бирок Садыр антип айткан жок.
Бир күнү чай үстүндө отуруп көптөн бери оюнда жүргөн сөздү айтууга бел байлап, кеп учун чыгарды.
– Садыр, мен сага татыктуу жар боло албадым...
Садыр мыйыгынан жылмайып, «татыктуу сапарлаш болдум десеӊ» деп чекесинен сүйүп койду. Аялзатына мындан өткөн бакыт, жылуулук болмок беле? Жан дүйнөсү балкып сөзүн улантты.
– Башкасын айтпаганда да бала төрөп берген жокмун. Жалгыз уулсуӊ, тукумуӊду курут кылдым,- деди безелене.
– Өмүрүмдүн көбүн жашап, азы калды. Эр ортону элүүдөн өтүп калдык. Эми Кудайым канча өмүр берсе, аны сени менен өткөрсөм арманым болбос.
– Кыска ойлуулук кылба. Башка аял ал. Бала төрөп берсе, өз баламдай кылып багып алам.
– Ким эле боор этинен бүткөн баласын кармата коёт сага?
– Анан эмне кыл дейсиӊ? Башка бирөөнүн баласын багып алганда болмок беле? Чоӊойгондо «сени багып алган» деп айтса кетип калып шорубузду кайнатат. Садыр бир нерселерди ойлонуп отуруп суроону жоопсуз калтырды. Анын үн катпаганынан аялы кайра суроо узаткысы келген жок.
Түтүн булаткандарына отуз жылга чукулдап калса дагы сен-мен дегенчелик болуп кайым айтышып, катуу кетишкен жок. Биринин көӊүлүн экинчиси карап, өйдөдө өбөк, ылдыйда жөлөк болгон бактылуу түгөйлөрдүн катарын толукташты. Аялдар Садырдай баркка жетер теӊим болсочу деп самашса, эркектер Жылдыздын акылдуулугун айтып бүтүшчү эмес. Чынында суктанарлык эстүү аял. Ошон үчүн күйөөсүнө акыл-кеӊешин айтып жатпайбы. Болбосо кайсы аял коюнундагы теӊин башкага ыраа көрсүн?
Садыр деле турмуштун оош-кыйышын түшүнгөн айылга сөзү өтүмдүү жан. Ар дайым калыстыгынан тайбай келет. Ага күйүмдүү жакын тууганы деле жок. Атасы тексиз жетим, апасынын уругу түндүктө. Жоро-жолдошторунун түшүнгөндөрү «артыӊда туяк калса болмок, төшөк жаӊыртсаӊчы» деп айтышты. Оозуна алы жетпегени «Жер жүзүндө аялдын акыркы уругу ушул бекен? Куу баш болуп өт» деп күлүп да, күйүп да жүрүштү. Экөөнүн кыз-жигит кезинде тирүү болсок бир үйдө, өлсөк бир көрдө жатабыз деп антташканын алар билмек беле? Же булардай жан дүйнө менен махабат эмне экендигин билип коюшуптурбу? Айтылган сөз атылган ок болуп, антын бузган жок. Эл алардын сүйүүсү менен эсептешмек беле? Элге алардын үстүндөгү заӊгыраган үйү, короосу толо малы көрүнөт. Пенде эмеспизби, бирөөнүн үстүнөн тон бычып, оокат-ашы, үй-бүлөсү тууралуу сөз кылганга машпыз. «Экөөнө эмне жетпейт? Мынча байлыкты көрүнө көтөрүп кетишмек беле? Чымындай жаныӊ чыккан соӊ бул байлыгыӊ деле талаада калат. Айчүрөк болуп кеткенсип аялын бапестегенди ким коюптур?» деп сөз кылып бүтүшчү эмес. Садыр түштөн кийин ойлонуп же элдин сөзүнөн улам эсине келген жок. Акыл калчап, кабыргасы менен кеӊешип төшөк жаӊыртып, балалуу болууну чечти. Бир күнү кечинде чай ичип отуруп Жылдызга:
– Үйлөн эле дейсиӊ, болжоп жүргөнүӊ барбы?- деди уялыӊкы. Тилеги жерден табылгансып жубайы сүйүнүп кетти.
– Эгер сен макул болсоӊ, аял тапканды мага кой. Менин кадырыма жеткен Садыр төрөп берчү аялдын кадырына жетпей коймок беле? Төмөнкү айылда өткөн жылы күйөөсү кырсыктан каза болгон келин бар экен. Балдары жаш, турмуштан кыйналып жүрөт. Сага төрөп берсе үстүнө үй алып берет элек. Чиедей жетимдерге да сооп болмок.
Кудум жолдошу аял алып, эртеӊ эле ыӊаалап чүрпө төрөлчүдөй кудуӊдап жатты. Жүзүнөн кубаныч жанып турган аялына карап мындай деди:
– Сен тапсаӊ жаӊылышпайм дечи. Бирок теӊинен ажырап көкүрөгү канап турса, өлгөндүн үстүнө көмгөн болбосо эле болду,- деп үшкүрүнүп койду.
– Сүйлөшкөндү мага кой. Макул десеӊ эртеӊ эле барып ишти бүтүрүп келейин,- деди ашыгып.
Эртеси жуучу түшмөкчү болуп жесирдин балдарына дүкөндөн таттуу, кийим-кече алып жөнөдү. Чоочун аял үйүнө келип балдарынын бетинен өөп, эски таанышындай мамиле кылганына жесир келин таӊданып калды. Балада эмне күнөө, бергениӊди жеп, кийгизгениӊди киет да. Балдары Жылдыз алып барган кийимдерди кийип, таттууларды талашып жатышканынан уялып кетти. Жөжөдөй ээрчишкен чүрпөлөрү сыртка чыкканда Жылдыздын эмне максат менен келгенин сурады.
– Эже, балдарыма алып келген кийим, таттуулар үчүн рахмат.
– Сиӊдим, чочулаба,- деп мукактанды Жылдыз.
– Мени Жазгүл десеӊиз болот. Келгениӊизди түшүнбөй жатам,- деди суроолуу.
– Мен куда түшүп келдим.
– Үч балам менен мени ким алмак эле?- деп шаӊкылдап күлдү. – Эже, тамашаӊызды коюӊузчу. Жолдошумдун ашын жаӊы эле бербедикпи.
– Жазгүл, турмуш ушунусу менен кызык тура. Бирибиздин көзүбүздөн байлык өтсө, кай бирибиз балалуу болууга зарыгат экенбиз. Менин жолдошум жөнүндө уксаӊ керек, өйдөӊкү айылда турабыз. Аты Садыр.
– Уккам, эже, көрсөм таанысам керек. Айтыӊызчы, максатыӊыз эмне?
– Биз сүйүшүп-күйүшүп, ата-энелерибиздин каршы чыкканына карабай баш кошконбуз. Тагдыр экен, балалуу боло албадык. Жолдошума сенин башыӊды байлап берүүнү ойлоп, алдыӊа келдим. Жаман оюм жок, жакшы кишиден туяк калсын. Анын үстүнө балдарыӊа ата болуп, камкордук кылат элек,- деп айтып алып өзү уяла түштү. Жазгүлдүн өӊү кубара түшүп таӊдана отуруп калды.
– Эже, мен түшүнгөн жокмун.
– Жок дебечи. Сени түшүнүп турам. Солкулдап жайнап турган кезиӊде шеригиӊден ажырап, үч баланы жалгыз асырап жатасыӊ.
– Жылдыз эже, өз киндигимди өзүм кескендей эркин эмесмин. Кайын журт, төркүн-төшүм бар. Эл-журт эмне дейт?
– Сүйлөшүп көрөлү. Алар деле сенин бактыӊды ойлошор. Жалгыздык кимге жарашмак эле?
Жазгүлдүн туугандары макул болушту. Төркүнүнөн бата алган ал Садырга экинчи аял болду. Балдарын багып алабыз дешкенине кайын журту көнгөн жок. Өзү акыл айтып аял алып бергени менен, сүйгөнүн жаш аялдын кучагына алдырып жибергенине Жылдыздын ичи ачышып жүрдү. Күндөшү жыл айланбай эркек төрөп берди. Азан чакырып атын Акыл коюшту... 

(Уландысы кийинки санда)



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  4 
Башка сандарда:
Комментарийлер(17)
06.04.2015. 11:17 
Тайпасы:
Жаран
Комментарийлердин саны:
216
Катталган:
08-12-2014
Соӊку аракети:
05-01-2017 19:43
Жынысы:
Белгисиз
Калаасы:
Успешный леди !
0
Кайнеси окуутуп отуп кетиптирго!
06.04.2015. 11:22 
Тайпасы:
Жаран
Комментарийлердин саны:
195
Катталган:
21-10-2013
Соӊку аракети:
20-06-2017 01:54
Жынысы:
Белгисиз
0
соонун чыгарма экен
06.04.2015. 11:27 
Тайпасы:
Жаран
Комментарийлердин саны:
216
Катталган:
08-12-2014
Соӊку аракети:
05-01-2017 19:43
Жынысы:
Белгисиз
Калаасы:
Успешный леди !
0
Эр бермек ,жан бермек! Кантип чыдады.
06.04.2015. 13:27 
Тайпасы:
Жаран
Комментарийлердин саны:
583
Катталган:
04-09-2014
Соӊку аракети:
14-11-2018 20:40
Жынысы:
Белгисиз
0
Мына сага тагдыр деген,эми не болор экен э,дагы бир жума кутолу.
06.04.2015. 18:26 
Тайпасы:
Жаран
Комментарийлердин саны:
307
Катталган:
11-02-2014
Соӊку аракети:
20-10-2017 17:08
Жынысы:
Белгисиз
0
Мына сага кызыктын баары эми башталат окшойт...
06.04.2015. 18:50 
Тайпасы:
Жаран
Комментарийлердин саны:
18
Катталган:
29-01-2014
Соӊку аракети:
13-02-2018 23:28
Жынысы:
Белгисиз
Калаасы:
j
0
Атасын жылдап куттургон Акыл ушул экенда...?!
06.04.2015. 19:20 
Тайпасы:
Кыймылы жок
Комментарийлердин саны:
13
Катталган:
24-01-2012
Соӊку аракети:
17-08-2015 23:35
Жынысы:
Белгисиз
0
Мындай нерсе жашоодо болбос,кантип эле оз куйоосун башкага ыраа корсун,мин акылман аял болсо да,чындык эмес.
06.04.2015. 19:39 
Тайпасы:
Жаран
Комментарийлердин саны:
40
Катталган:
22-03-2015
Соӊку аракети:
24-10-2018 11:38
Жынысы:
Белгисиз
Калаасы:
Картахена Испания
0
jakshy chigarma eken kytyy jana kytyyy ...
06.04.2015. 20:00 
Тайпасы:
Жаран
Комментарийлердин саны:
8
Катталган:
02-12-2014
Соӊку аракети:
21-01-2018 00:33
Жынысы:
Белгисиз
0
Azyr bilbeim birok bolgon eken myndailar. 1kempir chon apabyz bar bolchu "tokol chon apa" deit elek.Birinchi aialy toroboi kuioosuno aityp "tokol" alyp bergen eken.2 aial mn jawap, tokolu 2 uul torop bergen eken.2-aialy (tokolu) bolgon uchun ozunun aty ochup "tokol chon apa" bolup kalgan eken.Birok 1-suigon aialy nerften ketip kalgan,uzaak jashap kaza bdu. Ishene ber bolgon.
07.04.2015. 01:33 
Тайпасы:
Жаран
Комментарийлердин саны:
113
Катталган:
26-11-2010
Соӊку аракети:
15-11-2018 22:13
Жынысы:
Белгисиз
Калаасы:
Москва
0
Илгери болгон,азыр уч уктасан да тушуно кирбейт))
07.04.2015. 12:34 
Тайпасы:
Жаран
Комментарийлердин саны:
20
Катталган:
10-08-2014
Соӊку аракети:
06-06-2018 03:35
Жынысы:
Белгисиз
Калаасы:
Киндик кан тамган айылым
0
kyzykyltu chygarma eken
07.04.2015. 15:05 
Тайпасы:
Жаран
Комментарийлердин саны:
1142
Катталган:
05-05-2013
Соӊку аракети:
15-11-2018 17:32
Жынысы:
Белгисиз
Калаасы:
Москва
+2
Боорум ооруду Жылдызга. Азыр андай аял жок дебей, азыр андай 30 жыл күткөн эркек жок десек туура болчудай го. Аялынын акыл айтышын күтпөй эле ажырашып башка аял алат.
07.04.2015. 20:11 
Тайпасы:
Жаран
Комментарийлердин саны:
13
Катталган:
02-03-2015
Соӊку аракети:
16-11-2018 00:43
Жынысы:
Белгисиз
0
мыкты чыгарма бир жума кутуш керек.
08.04.2015. 09:03 
Тайпасы:
Жаран
Комментарийлердин саны:
1
Катталган:
09-03-2015
Соӊку аракети:
27-09-2018 22:00
Жынысы:
Белгисиз
Калаасы:
Кыргызстан
0
Каарман Жылдыз эже мынча сабырлуу болбосо , окуганга оной болгон менен ачуу чындыкта .Бирок мындан кийинки болумдору кандай болот билбейм Жылдыз эже оз бейишин куруптур.
09.04.2015. 14:34 
Тайпасы:
Жаран
Комментарийлердин саны:
59
Катталган:
20-07-2013
Соӊку аракети:
30-09-2018 14:45
Жынысы:
Белгисиз
0
Байкуш Жылдыз кантип чыдады экен...
11.04.2015. 21:49 
Тайпасы:
Жаран
Комментарийлердин саны:
36
Катталган:
11-10-2014
Соӊку аракети:
11-09-2018 15:49
Жынысы:
Белгисиз
0
Уч курбу буттубу
акыркы сандарын кайдан тапсам болот
13.04.2015. 09:58 
Тайпасы:
Супермодератор
Комментарийлердин саны:
4717
Катталган:
05-09-2011
Соӊку аракети:
15-11-2018 17:54
Жынысы:
Белгисиз
Калаасы:
SUPER.KG
0
student-95, саламатсызбы!
"Үч курбунун" акыркысы:
http://www.super.kg/article/?article=31381
Төмөн жагынан башка сандарын таба аласыз.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: