Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

СИРЕНЬ ГҮЛДӨГӨН МААЛДА

№372 18-24-декабрь, 2009-ж.


(Башы өткөн сандарыбызда)

Дарыгер Маликаны караган бойдон сөзүн улантты.
– Малика, дагы айтам, өзүңдү колго алууң керек. Болбосо биздин дарылаганыбыз бир тыйынга турбай калат. Кыздар менен сүйлөшүп алаксы. Нерв тамырларың катуу жабыркагандыктан ичкерип, кандын мээге жетиши оорлоп кеткен. Жүрөгүңө да күч келип, иштөөсү бузулган. Бул жүрүшүңдө айыга албайсың.
– Мен баары бир айыкпаймын да. Мен ооруган илдеттен эч ким айыккан эмес экенин билем.
Маликанын жообу кайдыгер чыкты. Анын бул сөзү мени кыжалатка салды. Анткени буга чейин анын кандай оорунун азабын тартып жатканын билчү эмес элем.
– Үмүт бар, айыгасың. Диаг­ноз толук чыга элек. Анализдериңдин жыйынтыгын күтүп жатабыз. Мен буга чейинки дарыгерлердин койгон диагнозуна ишенбеймин. Адам эч качан жакшылыктан үмүт үзбөшү керек. Жашсың, жакшынакайсың, сага эмне жетишпейт? Эгер өзгөрүүгө убада берсең, мен сени айыктырууга убада берем,- деди дарыгер ишенимдүү.
– Сөз берем, бирок айыгар бекем?- деп Малика үмүтсүз унчукту.
Дарыгер анын колун ишеним­дүү кысып чыгып кетти.
– Эгер айыксам, жашоону башкача жашаймын. Жасай турган иштерим көп. Айрыкча апамдын алдында аткара элек милдеттерим турат.
Биз бүгүнкү маегибизди палатада уладык.
– Кайсы жерге келдим эле?- деди ал эстей албай.
– Балмуздакка?
– Апей, кайсы балмуздак?- деди эже биздин сөзүбүзгө түшүнө албай.
– Кечээ сизден жашырып балмуздак жегенбиз, тамаша. Сизсиз тамагыбыздан кантип өтсүн?- деп Малика бизди таң калтырып күлө сүйлөдү.
– Ошондой дейм да.
Малика аңгемесин улантты.
– Бактияр экөөбүз бир жатаканада кошуна жашаганыбызга карабай, бири-бирибизди сагынып калчубуз. Жолугушканда сөзүбүз түгөнбөйт.
Мен бул убакта Бактиярдын куулук-шумдуксуз, пейили кенен, колу ачык, кишиге арамдыгы жок, жүрөгү таза жигит экенин билдим. Бирөө акчага муктаж болсо, өзүнө керек экенине карабай акыркы акчасын карматып койчу.
Биздин максаттарыбыз аруу, бийик эле. Ал максаттарды бирге ишке ашырабыз деп ниет кылар элек. Эрке өскөндүктөн кээде кылыгым ашып, аны таарынтып алам же жөнү жок жерден өзүм таарынам. Мындай учурда экөөбүз эки жакка басып кетебиз. Бирок араздашуубуз жарым саатка жетпейт. Анткени же ал чуркап келет же мен чуркап барам. Көбүнчө таарынычыбыздын себеби кызгануудан чыгат. Мен аны жадакалса жакын курбумдан, деги эле кыздардын баарынан кызгана берчүмүн.

ХХХ

Күндөр өтүп, жайкы каникул башталды. Ошентип, ар жакка таркай турган болдук. Туулган айылыма, апама барарымды ойлоп бир кубансам, Бактиярдан кете албай кыйналам. Баары бир эки жакка кетер күн келди. Мени айылга узатып, ал шаарда калды. Ошондо жигит үчүн биринчи жолу ыйладым.
– Сени сагынам, жаным.
– Телефон менен байланышып турабыз. Апаңа жакшылап жардам бер. Эки күндөн кийин иштеримди бүтүрүп мен да айылга кетем. Болду эми ыйлаба, сүйгөнүм менин. Бул менде болсун,- деп ал көзүмдүн жашын аарчып, жүз аарчымды чөнтөгүнө салды. Кыйылып жатып коштоштук.
Айылыбыз борбордон өтө узак, түштүк тарапта. Оюм бирде сагынып күтүп отурган апама кетсе, бирде Бактиярга байланат. Жол карап курут-майын белендеп күтүп отурган апамды ойлосом, эт-жүрөгүм элжирейт. “Эркем менин, тентек кызым келди” деп чачымдан жыттап тосуп аларын эстесем, учуп жетким келет.
Ошентип ойлонуп жүрүп отуруп, кечке маал айылга жеттим. Апамды көрөрүм менен кыялдарыма суу сепкендей болуп томсоро түштүм.
Анткени апам өңүнөн кетип, чачы ого бетер агарып, бырыш баскан жүзү нурсуз эле. Тамагым буулуп, дилим сыздап, жүрөгүм сайгылашып кетти. Бир топ кыйналганы, оорунун запкысын тартканы байкалып турду.
– Келдиңби каралдым?!
Апам дагы да болсо өзүн кайраттуу кармап, чачымдан өптү.
– Апа...
Көзүмө жаш толуп, сагынып да, аяп да, эркелеп да турдум.
– Эмне болду сизге?
– Карылык да, балам.
Апамды кучактап, көкүрөгүнө башымды жөлөп ыйлап жибердим. Апам ай, канчалык сыркоолоп, оорунун азабын тартса да билгизген эмес экен.
– Ыйлаба шириним, мен куруюн. Аман-эсен келдиң, ушунун өзү кубаныч,- деп жүзүмдөн өптү.
– Апа, сизди сагындым!
Үй-жай, короо, бак-дарак, бүт баары томсоргондой көрүндү. Өсүп кеткен чөптөн арыктын боюна отургузулган роза гүлдөрү жакшы көрүнбөй, арыктын жазында казылбаганы байкалып турат. Биртке жерге эгилген пиязды чөп басып, отолбогон. Короодон чыккан уйдун кыгы үйүлүп кетиптир.
Демек, апамдын ооруп жүргөнү чын. Болбосо, минтип баары каралбай калбайт эле да. Чын эле карылыкка алдырып, ал-күчтөн тайдыбы?..
Апам экөөбүз түн бир оокумга чейин кобурашып жаттык.
Эртеси түш ченде өрүк сорттоп отурганбыз. Жеңем жасанып алып баласын жетелеп чыкты да:
– Кыз, сенин келгениң жакшы болду. Эки жакка чыкпай буулугуп кеттим. Сен кеткичекти бара турган жерлериме барып алайын,- деди. Муну угуп, мен келерим менен төркүнүнө жөнөп калган жеңеме таарынып да, ызаланып да калдым. Күн сайын келип тажатып жаткан болсом мейли эле...
– Апаңа салам айт. Жөнөп калыпсың, барып кел,- деп апам уруксат берди.
Жеңем кеткен соң апам:
– Келин деген кайненеден алгач уруксат алып, анан даярданчу эле, азыркыларга түшүнбөйм,- деди башын чайкап. Бул сөзүнөн нараазы болуп, көңүлү ооруп турганы байкалды.
Ансыз деле жеңемдин кылыгына жиним келип турган мага Кудай берди.
– Катуураак айтпайт белеңиз, кадырыңызды азыртадан тепсетип! Кайсы жерде кандай сөз айтышты билбейсиз, көңүлүңүз бош,- деп апама акыл айта баштадым.
– Койчу кызым, ал кетсе мен бармын го,- деп апам мени жактыра бербей тыйып койду.
– Сен аралашпа, унчукпай келип-кет, ызатыңды бил! Келиним акылдуу, колунан баары келет. Мүнөз баарында эле бар. Азырынча жаш. Боорума басып, дилиме тартып алыш менден. Баса, сен окуу деп жүрө бербей турмуш күт. Канча жакшы жерлерди кайтардың. Сага эле карап калышыптырбы?! Ана, үйлөнүп, балалуу да болуп алышты.
– Турмуш кургандардын баары жыргап жатыптырбы?- деп бурк эттим.
– Баарынын бешенеси бир беле, сенин тагдырың башка. Кудай буюрса, сенден үмүтүм чоң. Эч кимден көрбөгөн сыйды көрүп, кийиттин алдын кием деп жүрөм. Каралдым, кийит курусун, сен эле бирөө менен тил табышсаң, сый-урмат качып кетмек беле. Башкысы, сени түшүнүп, колдоп турса болду. Сенден кабатыр болбойм. Тыңсың, колуңдан да, тилиңден да келет. Барган жериңди эптеп кетесиң,- деди. Апамдан кылдай сыр жашырган эмесмин, андыктан мен ага:
– Эгер бирөө менен тил табышып алган болсомчу?- дедим табышмактатып. Анткени Бактияр экөөбүз ата-энебизге билдиребиз деп чечкен элек. Апам жүзүмө үңүлүп, таң кала карап калды.
– Каяктан таптың?
– Алыстан,- дедим да, Бактиярды ойлоп жүрөгүм зырп эте түштү. Каякта, эмне кылып жатат болду экен деп бушайман боло калдым.
– Кандай жигит, билсем болобу?
– Ммм... Кыскасы, сөз жок. Апа, сизге сөзсүз жагат.

Жумагүл Жолматова

(Уландысы кийинки саныбызда )


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(3)
21.12.2009. 20:12 
Тайпасы:
Жаран
Комментарийлердин саны:
17
Катталган:
12-09-2008
Соӊку аракети:
03-03-2018 21:56
Жынысы:
Белгисиз
Калаасы:
KG CITY
0
eexx kutup atup taska aivai.........baarunle bir chugarup koisonor jakshu bolot eleda!!!!!!!!
22.12.2009. 01:01 
Тайпасы:
Кыймылы жок
Комментарийлердин саны:
24
Катталган:
11-11-2009
Соӊку аракети:
26-06-2012 18:14
Жынысы:
Белгисиз
Калаасы:
Бишкек
0
oo apamdy sagynyp aran jurgondo :(
aman bolushsunchu altyn eneler!!!
26.12.2009. 14:02 
Тайпасы:
Кыймылы жок
Комментарийлердин саны:
3
Катталган:
25-07-2008
Соӊку аракети:
26-06-2015 19:09
Жынысы:
Белгисиз
0
Мен дагы апамды сагындым... башыман сылап, бетимен опкон кундорду...((((
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: