Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

СУМО - СУПЕР ООР САЛМАКТАГЫЛАРДЫН ОЮНУ

№213 1-7-декабрь, 2006-ж.


Япондордун улуттук күрөшү болуп саналган сумо күн өткөн сайын көптөгөн адамдарды кызыктырып, магнит сымал өзүнө тартууда. Илгери бул спорттун түрү менен япон императорунун кол астында тандалган эркектер гана машыгып, өнөрлөрүн элге тартуулап келишкен. Бүгүнкү күнү болсо Япониянын эркектеринен тышкары дүйнөнүн булуң-бурчтарынан чогулган бука моюн, буура сан балбандар 5 чарчы метрди ээлеген төрт бурчтук аянттын ортосундагы мелдешке баш-оту менен кирип, анын популярдуулугун арттыруу үчүн жан үрөшүүдө. Эң кызыгы, алардын катарын акыркы убактарда айымдар толуктап жаткандыгында...

ЯПОНДОРДУН УЛУТТУК ОЮНУ
Япон бийлиги аялзатынын бул спорт менен машыгуусун анчейин деле каалабагандыгын айтып коюубуз керек. Башында белгилегендей, сумого чыккан эркектердин дээрлик бардыгы императордун айланасында чогулуп, мекенинде чек­сиз кадыр-баркка ээ болуп, сый- урматка бөлөнүшкөн. Сумонун же­ңүү­чүлөрүн «улуттук баатыр» деп таанышкан. Ушул күнгө чейин Япониядагы 700гө жакын сумо менен машыккан эркектер мамлекеттин эсе­бинен жашап, күн көрүп келишет. Бекер тамак ичип машыккан атлеттер убакыттын өтүшү менен салмак кошуп, ийгиликтерге жетип келишсе, карьерасы менен коштошкондор көп өтпөй эле 50 килограммга чейин салмактарын жоготушат. Бул спортто буркуйган булчуңдуулар эмес, семиздер гана ийгиликке жетээрин баса белгилеп кеткибиз келет.

СОЙКУКАНАДАГЫ ШОУ
Сумо күрөшүнө чыккан алгачкы айымдар 1700-жылдары сойкулар үйүндө катталган. Себеби, андагы сойкулар бири-биринен көңүлүнө жаккан кардарларды талашып тирешип кетишчү экен. Кийинчерээк сойкуканалардын кожоюндары ал жакка келген эркектердин көңүлүн көтөрүү үчүн андагы кыздарды би­ри-бири менен күрөшүүгө мажбурлашкан. Ал учурда азыркыдай 90-60-90 өлчөмүндөгү ийнеликтей ийилген кымча белдүү айымдар эмес, толугунан келген аялзаты эркектердин купулуна төп келип, чыныгы шоу­ну көрсөтө алышкан. Ошондон улам ыйык деп саналган сумонун аброюна шек келтирет деп япондор аялдардын мелдештерге катышуусуна эле эмес, таймаштарды кө­рүү­­сү­нө да катуу тыюу салган.Доор алмашып, убакыт өткөн сайын аялзатына болгон көз караш өз­гөрүп, мелдештерге алардын кү­йөр­ман катары кирүүсүнө уруксат берилген.

ОЙЛОГОН ОЙДУ КЫСТАГАН ТУРМУШ ЖЕҢЕТ...
Ар бир айыгышкан таймашты коштоп-колдогон аялзаты эркектер сымал мелдештерге катышууга умтулуп жатты.
Алардын ой-тилеги 21-кылымда гана иш жүзүнө ашты десек болот. Себеби, бардык спорттук мелдештердин туу чокусу болгон Олимпиада оюндарына сумо күрөшүн да киргизүүнү Япондор каалашкан. Бирок, Олимпиада оюндарына кирген ар бир спорттун түрүндө аялзатынын катышуусу андагы башкы шарттардын бири экен. Андыктан, Олимпиадага катышуу үчүн сумо күрөшүнө аялзатын чыгаруудан башка жол жок болуп калган. Ошондон улам 2000-жылдан баштап аталган мелдешке аялдар да тартыла баштаган. Алар 3 категорияда: 65 килограммга чейин, 65-80 килограммга чейинки жана 80 килограммдан ашык салмактарда күч сынашат. Эркектер болсо 85 килограммга чейинки жеңил салмактагылар, 115 килограммга чейинки орто салмактагылар жана 115 килограммдан ашкан оор салмактуулар болуп бөлүнөт. Аналитиктердин айтуусунда, 2008-жылы боло турган Олимпиада оюндарына сумонун да кирип калуу мүмкүнчүлүгү бар. Орусияда бүгүнкү күнү аялдар арасындагы сумо өтө тездик менен өнүгүп, көпчүлүктүн көңүлүн бурууда. Ошол эле учурда Орусияда аялдар арасындагы сумо спорт катары эсептелип келсе, чет өлкөлөрдө циркте коюлуп жүргөн эротикалык шоу сыяктуу кабыл алынгандыгын белгилеп кеткибиз келет.
Эске салсак, профессионалдык сумодогу мелдештерде салмак категориясы деген болбойт. Биринен би­ри оор атлеттер чыгып, күч сынаша беришет. Ошонун айынан айрым жеңил салмактагы балбандар оор салмактуу дөөлөр менен сүзүшүп эле тим болбостон, алардын астында калып, оо дүйнөгө сапар алышкан фактылар да бар. Ошол себеп болдубу, айтор, учурда сумо мектептери 75 килограммдан кем эмес гана балдарды машыктырууга макулдук беришкен.
Бүгүнкү күнү эркектер арасындагы сумо балбандарынын ичинен дүйнө­дөгү эң оору болуп 330 килограмм салмакка ээ болгон америкалык Эмануель Ярброу деген эсептелет. Айымдар арасында орусиялык 30 жаштагы Вероника Козловскаянын салмагы 170 килограммга жетет. Аталган дөөлөр дүйнөдөгү эң оор «сумоисттер» болуп гана саналбастан, дүйнө чемпиондору болуп да саналат. Анткени, бул спортто жеңишке жетүүдө салмак менен көлөмдүн мааниси чоң. Бекеринен сумо – супер оор салмактагы адамдардын спорту деп эл оозунда айтылып жүрбөсө керек.

ДӨӨЛӨРДҮН ТИРЕШИ
Сумонун эрежесине ылайык 40 сантиметр калыңдыктагы кездемени аладан өткөрүшүп, белди 5 айлантып байлашат. Күрөшүп жаткан учурда атаандаштар дал ушул курдан алып, бири-бирин ары же бери ыргытышат. Эгер байланган кур чечилип кетсе да анын ээси утулууга дуушар болот. Эми мелдешке чыккан айымдын куру чечилип кеткенин элестете бериңиз. Ага келген катышуучулар алардын күчүн көр­бөй эле башка жактарын да көрүп, эстерин жоготуп коюшу ыктымал. Андыктан, мындай көрү­нүшкө жол бербөө үчүн спорттук кийимдин сыртынан белбоону байлашат. Таймаштагы кийимдердеги башкы айырмачылык, эркектердин жамбашы ачык болсо, айымдардыкы жабык болот. Албетте, ар бир бетте­шүүнүн алдында каада-салтка ылайык өзүнүн ырым-жырымдары да жок эмес. Алгач мөөрөй талашка чыккан атаандаштар эки колун жерге таяп, тизелерин бүгүп, бирин-бири тиктешүүгө өтөт. Балбандар мындай жол менен бири-бирине психологиялык чабуул жасап, моралдык жактан үстөмдүк кы­лууга аракет жасашат. Мелдеш аянтына чыккан адам атаандашын чийиндин ары жагына түртүп чыгарса же денесинин каалаган бөлү­гүн жерге тийгизсе, уткан болуп эсептелет.
Бирок, мында кол менен урууга, бут менен тебүүгө, кыкынтууга жана чачты жулууга тыюу салынат. Атаандашын жеңүү үчүн бул спорттун түрүндө 70тен ашык ыкманы колдонсо болот. Анын баарын мыкты өздөштүргөн «сумоисттер» саналуу гана секунддарда жеңишке жетип, элдин алкышына ээ болоору турган иш.

Даярдаган Улан МАМБЕТОВ



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: