Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

КУМАР АЗАБЫ (сериал)

№649 10-апрель-16-апрель, 2015-ж


(Башталышы өткөн сандарда)

Садыр балалуу болуп, изги тилеги ишке ашканына маашыр. Наристесинин жытына тойбой, катуураак ыйлап калса үстүнө түшө калат. Айланчыктап жанынан чыкпайт.
– Ыйлап калды, доктур чакыртайынбы? Кургактап койгула, уктай албай жатат окшойт. Суук тийип калбасын,- деп кечке безеленип жүрөт. Андайда эже-сиӊдидей болгон жубайлары «Жараткан сени жакшы да эркек кылып жараткан экен. Аял болгондо өлтүрмөк экенсиӊ. Баланын үстүнөн үйрүлүп бүтпөй калмаксыӊ» дешип күлүп калышчу.
Чындыгында, күндөштөр бир туугандардай ынак. Бири улуусунуп, экинчиси сулуусунбайт. Бирок Садыр жаш жубайына төрөп бергенден тарта көбүрөөк көӊүл бөлүп, Жылдызды көӊүл сыртында калтырып койду. Аны өзү деле байкаган жок. Балалуу болуп кубанганынан көктө учуп жүрбөйбү. Чүрпөсүн эркелетип калганда да жаш аялына «апасы, карачы, балабыздын күлүп жатканын, көзү апасыныкы балбылдап, калган жагы атасынын эле өзү» деп айта берчү. Акыркы күндөрү жолдошунун «апасы, биздин балабыз экөөбүзгө теӊ окшош» деген сөздөрү Жылдызды канжарсыз союп жиберчү болду. Өзү кылган ишинин запкысын тартканын эми түшүндү. Ушундай болорун башында ойлогон, бирок күйөөсүнөн мынчалыкка барат деп күткөн эмес. Экөөнүн сүйүүсүнө ишенген эле. Сүйгөнүн, арзып тапкан жолдошун башка аялга тарттырганына ызаланса да, Садыр бир күнү түшүнүп, «Акыл экөөбүздүн уулубуз, төрөп бербесеӊ да тукумум уланып, төшөгүм жаӊыланганы сенин акылыӊ, эмгегиӊ» деп айтарынан үмүтүн үзгөн жок.
Күн өтүп чүрпө чоӊойгон сайын Садыр ого бетер кубанып, Жазгүл менен уулунун жанынан чыкпай, жаш жубайынын кабагын карап, көзү менен теӊ айланып жатты.
– Ичип алсаӊ, сенин курсагыӊ ток болсо балага сүт болот. Жылуу кийинсеӊ, оор жумуш кылбасаӊ,- деп камкордук көрөт. Камкордук кимге жакпасын? Өткөн турмушунан мынчалык жылуулук көрбөгөн Жазгүлгө мындай мамиле жагып жатты. Кечинде өз бөлмөсүнө кирип каткырып күлүп, эркелешкенин угуп Жылдыздын жүрөгү сыгылып кетти. Өмүр бою бир дене, бир жандай жуурулушкан күйөөсүнүн башка бирөө менен жатканын өз көзү менен көрүп жатса кызганбай, кыйналбай коймок беле?! Эрин эмес, жанын берип жаткандай болуп жатты. Кетип калсамбы деп ойлонуп да көрдү. Бирок кете алган жок.
Бир күнү Акыл токтолбой ыйлап, денеси ысып чыкты. Бул үйдө биринчи ирет наристе төрөлүп жатса, анын минтип ыйлаганы аларга коркунучтуу туюлду. Жазгүл «эч нерсе болбойт» десе, Садыр үйдүн ичин үч көтөрүп кыйкырып, тополоӊ боло түштү. Дарыгер келип «бала чоӊойгончо далай ирет ушинтип дене табы көтөрүлөт, ооруйт, ыйлайт, коркунучтуу деле эч нерсе жок, кабатыр болбогула, кичине суук тийип калыптыр» деген кеӊешин берип кетти. Баланы чоӊойтуу да түйшүк эмеспи. Жазгүл Акылды көтөрүп жүрүп тамак да иче алган жок. Жылдыз аял катары түшүнүп, күндөшүнө боору ооруп:
– Баланы мага бер, көтөрүп турам, сен тамак ичип ал,- деди.
– Эже, баланы уктатып коюп ичейин.
– Эртеден бери оозуӊа наар ала элексиӊ, кой, тамактанып ал,- деп күйпөлөктөп баланы колуна алды.
– Менин уулум акылдуу бала болот, ыйлабайт, азыр уктап калат,- деп алдейлеп жатты. Чүрпө токтолбой ыйлай берди. Садыр туталанып ары-бери басып сабыры түтпөй:
– Берчи апасына, бала багып жүргөнсүп сооротосуӊ да!- деп ачуу кыйкырды.
– Азыр, тамактанып алсын. Мен деле...
– Бер дегенде бербейсиӊби!- деп кыйкырып жиберди. Жылдыз уккан кулагына ишенбей, селейип туруп калды. Кулагына жолдошунун сөзү жаӊырык болуп кайра-кайра кайталанып жатты. Тамактанып отурган күндөшү ыргып туруп, баланы колуна ала калды.
– Бериӊиз, эже, эмизейин,- деп баланы алды. Жылдыздын көӊүлүнө катуу тийгенин Жазгүл дароо байкады да, наристени токтотууга ашыкты.
– Алдей-алдей ак бөпөм, ак бешикке жат бөпөм. Азыр Жылдыз апасына барат. Менин балам жакшы бала,- деп кайталап жатты. Аны наристе кайдан түшүнсүн? Таӊ атканча колдон түшпөй ыйлады. Түнү бою эч кимиси кирпик каккан жок. Садырдын болсо сиркеси суу көтөрбөй калган. Бир нерсе деп айтса эле корс этип кагып салат. Эртеӊ менен эрте Жылдыз Садырга минтип айтты.
– Жогорку айылдагы Сайра эжеге алып баралы. Баары жаш балдарын ошол эмчиге көрсөтүшөт.
– Алып барса баралы. Балам тынчтанса эле болду.
– Бала деген бирде ыйлайт, бирде сыркоолоп калат. Ошентип чоӊоёт да. Сен болсо биротоло ачууланып алыптырсыӊ.
– Катуу кетсем кечирип кой,- деди Садыр. Жылдыз баланы ороп чыкты да, Сайра эмчинин үйүн көздөй жөнөштү. Эмчи баланы карап көрүп:
– Далысы жабышып калган турбайбы, чыгарып берейин.
– Ошон үчүн ушунча ыйладыбы?- деди таӊ калган Жылдыз.
– Ыйлабай анан. Эки аял баш болуп бир баланы чоӊойто албасаӊар,- деп наалып койду эмчи.
Бала мемиреп уктап, алар ыраазычылыгын айтып үйгө келишти. Ай алмашып Акыл да көзгө толуп чоӊоё баштады. Жылдыз жолдошунун андан алыстап, Жазгүлгө ынак болуп баратканына ичи тарып, экөө менен ачык сүйлөшпөсөм болбойт, бир чечимге келбесемби деп өзүнө-өзү ант берди. Бир күнү үйдө Садыр жок эле. Экөө чай ичип отурганда Жылдыз сөз баштады.
– Сага чын дилибизден ыраазыбыз. Бала төрөп берип үйүбүзгө кут алып келдиӊ.
– Коюӊузчу, эже, ыраазычылык айткандай эки жакка кетип жаттык беле?
– Сен жашсыӊ, балдарыӊ дагы жаш. Аларды ата-энеӊдин колуна таштап кыйнаба,- деди. Жазгүлдү көӊүлүн суутпай кетирүүнүн ушундай жолун ойлоду.
– Эже, эмне дегени турасыз? Эч нерсени түшүнгөн жокмун
–  Кандай десем? Эми сенин балдарыӊ бар.
– Эже, ичимди бышырбай тезирээк айтыӊызчы?!
– Бир чети сиӊдим, сырдашым болуп калдыӊ. Макул десеӊ Акылды мага ташта.
– Аман болсо баарыбыздын уулубуз болот го, эже.
– Сен жашсыӊ, дагы турмуш күтөсүӊ,- деди улутунган Жылдыз. – Акылды биз багып алабыз, сагынганда көрүп турасыӊ. Сен дагы өз теӊиӊе турмушка чык. Садыр менен
жашап кайран өмүрүӊдү кор кылба,- деди. Мындай сөз угам деп күтпөгөн Жазгүл нес болуп калды. Өӊү кубарып чыкты. Жаӊы эле жүзүнөн албырып турган жылуулук өчүп калды.
– Эже, уккан кулагыма ишенбей турам. Сиз мени баланы таштап кет дегени турасызбы?
– Кетишиӊ керек! Сенин баланы бизге берип кеткениӊ туура.
– Кантип? Кайсы бетим менен кетем, эже?
– Үй сатып берем. Балдарыӊ менен чогуу жашайсыӊ. Катташып турабыз. Эже-сиӊди болобуз.
– Ушундай болорун башында эле айтпайт белеӊиз?! Сизге бала эле керек экен да. Сиздин жолдошуӊуз менин да жолдошум. Мен кетсем артымдан ал дагы кетет. Баламды бербейм. Садыр аке менин артымдан болбосо да, Акыл үчүн барат,- деп ишенимдүү сүйлөдү. Жылдыз эмне деп айтарын билбей апкаарый түштү.
– Же эмне, жолдошуӊузду тартып алат деп жатасызбы?
– Жок, болгону сени...
– Эмне мени? Эже, сизди мынчалыкка барат деген эмес элем,- деп ордунан туруп сыртты көздөй жөнөдү. Үйдөн күү менен чыгып, эшикти тарс эткизе жапкан Жазгүлгө Садыр таӊ кала суроолуу карады. Ал азыр ичиндеги ачууга чыдабай, Садырга баарын айтканы бара жаткан...

(Уландысы кийинки санда)



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  1 
Башка сандарда:
Комментарийлер(5)
13.04.2015. 13:03 
Тайпасы:
Жаран
Комментарийлердин саны:
307
Катталган:
15-04-2014
Соӊку аракети:
13-11-2018 10:22
Жынысы:
Белгисиз
0
Дааа сложно.
13.04.2015. 13:27 
Тайпасы:
Жаран
Комментарийлердин саны:
92
Катталган:
22-01-2014
Соӊку аракети:
11-05-2017 18:55
Жынысы:
Белгисиз
0
Кызык чыгарма экен
13.04.2015. 16:17 
Тайпасы:
Жаран
Комментарийлердин саны:
209
Катталган:
20-10-2013
Соӊку аракети:
12-09-2018 15:33
Жынысы:
Белгисиз
Калаасы:
Ош
0
Өзбектердин изьян аттуу киносунун эле сценарийи го ...
13.04.2015. 20:00 
Тайпасы:
Жаран
Комментарийлердин саны:
139
Катталган:
22-11-2012
Соӊку аракети:
25-09-2018 17:22
Жынысы:
Белгисиз
Калаасы:
КG
0
кызык... не болор экен...((
14.04.2015. 12:36 
Тайпасы:
Жаран
Комментарийлердин саны:
77
Катталган:
05-03-2015
Соӊку аракети:
13-11-2018 12:07
Жынысы:
Белгисиз
+1
Канчалык акылдуу,токтоо болбосун мындайга чыдай албайт турмушта
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21442;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: